ArabicEnglishFrenchSpanish

.

طريقة تفصيل الصاية

X
 
  • -
    • WhatsApp

    طريقة تفصيل الصاية

    السلام عليكم و رحمة الله و بركاته


    نبداو على بركة الله نفصلو الصاية العادية و نحتاجو القياس

    ديال دورة الحزام و القياس ديال الدورة ديال لهونش و الطول

    اول حاجة نطوي الثوب على اربعة كيفما موضح بالصورة

    و ديك النقطة الفوقانية تنزل فيها العبار ديال دورة الحزام

    مقسوم على اربعة زائد 4 سنتيم

    2 سنتيم ديال الخياطة و 2 سنتيم ديال البانس من بعد غادي
    نرسمها ليكم

    ومن بعد نعبر 22 سنتيم اللي تتساوي الارتفاع اللي بين الحزام و لهونش

    و عند ديك النقطة الثانية نزل العبار ديال دورة لهونش مقسوم على اربعة زائد 3 سنتيم

    فيها 2 سنتيم ديال الخياطة و 1 سنتيم ديال الاتساع باش نصيبو راحتنا في الصاية








    من بعد نطراسي بين النقطة الاولى و الثانية بالبيسطولي كيفما موضح بالصورة





    من بعد نعبر من الجهة المسدودة ديال الثوب 9 سنتيم

    و نخرج ب 1 سنتيم من الجهتين و ننزل ب 10 سنتيم

    و نجمعهم و هادي هي البانس





    و من بعد تنعبر الطول الي باغا ندير في الصاية و نزيد عليه

    4سنتيم ديال لغولي

    ومن بعد نجمع بين النقطة ديال لهونش والعرض اللي درت

    في الصاية لتحت انا خديت العرض اللي عندي في الثوب كله


    و ها احنا سالينا الفصالة ديال الصاية و تنتمنى تجيكم ساهلة و بالتوفيق للجميع





    الايفازي في الصاية
    الى بغيتو الايفازي في الصاية بزاف و باغين تلبسوها تحت
    من شي لبسة هادي هي الطريقة و تنتمنى تكون واضحة بالنسبة ليكم

    اول شي نعبرو 9 سنتيم من الجهة اللي حدا البانس
    و نفتحوها حتى الفوق الا البانسة نخليوها مسدودة
    كيفما في الصورة





    من بعد ناخد ورقة اخرى نوضعها تحت من الورقة اللي تطراسيت فيها الصاية الاولى و نسد البانسة و غادي تفتح
    و تعطينا الايفازي بزاف كيفما موضح في الصورة









    تنطلب من اختي حنان الى دخلات تنزل هاد المشاركة مع الدرس الي عطيت باش يكمل الشرح ديال الصاية و شكرا
    ربي اني لما انزلت الي من خير فقير
    • WhatsApp

    #2
    السلام عليكم ورحمة الله وبركاته
    اللهم صل على محمد وعلى آله وصحبه أجمعين

    تبارك الله عليك اختي ليلاس وايجازيك بخير على هاد الموضوع
    طريقة ساهلة وخفيفة وظريفة
    :71:





    الحمد لله

      • WhatsApp

      #3
      جزاك الله خير الجزاء اختي على شرحك المبسط وتبارك الله عليك

      اللهم اجعل آخر كلامنا اشهد أن لا اله الا الله و أشهد أن محمداً رسول الله

        • WhatsApp

        #4
        تبارك الله عليك طريقة مبسطة بزاف الله يجعلها فميزان حسناتك

          • WhatsApp

          #5
          السلام عليكم و رحمة الله تعالى و بركاته.تبارك الله عليك طريقة مفهومة.واحد السؤال اختي الى جات على خاطرك واش ديك الصاية افازي او شحال من متر ديال التوب خديتي بغيت حتا انا نفصل صاية افازي او ماعرفتش شحال ديال التوب خاصني.

            • WhatsApp

            #6
            تبارك الله عليك اختي بغيت نسولك واش هاد الفصالة ديال الصاية بحا الصاية لي نقدرو نخيط بالسفيفة ولا لا
            وشكرا
            (اللهم يسر ولا تعسر)





            * فهرس وصفاتي * متجدد
            http://www.anaqamaghribia.com/vb/showthread.php?t=247578&
            p=4985486#post4985486

              • WhatsApp

              #7
              السلام اختي ليلاس شكرا بزاف على الشرح الواضح و السهل. عاد شفت الموضوع ديالك نفس الطريقة اللي صايبت بها لبنتي الصاية اللي قلت لك غي انا معملتلهاش البانس. و القدام فصلته على الجهة المفتوحة ديال الثوب على ود نعملها السفيفة..

                • WhatsApp

                #8
                وعليكم السلام ورحمة الله وبركاته
                تبارك اللهو ما شاء الله عليك اختي ليلاس
                الله يخليك واش هاد الطريقة ممكن نفصل بها صاية المعروفة او هادي لي كاتكون مه التكاشط
                sigpic

                  • WhatsApp

                  #9
                  تبارك الله عليك

                    • WhatsApp

                    #10
                    الله يجازيك بالخير ...طريقة واضحة
                    ​​​​​​





                    ربي ارحم أبا لم يحرمني شيئا و لا تذقني حياة دون أمي ! triste

                    ...
                    X