ArabicEnglishFrenchSpanish

.

اكتئاب الولادة

X
 
  • -
    • WhatsApp

    اكتئاب الولادة

    شاركونا بتجاربكم حول اكتئاب الولادة لمن عانت منه وكيف تعلجتي:s4596:
    • WhatsApp

    #2
    انا معندى منقولك على اكتئاب الولادة رانى مريضة مند 6سنوات جريت فى كل مكان مانفعنى لاطالب ولا طبيب رانى ........
    ننصحك الا راكى فى مرحلة اولى متستهزئيش روحى عند طبيب يعطيك دواء مديريش كيفى حتى فات حال و تخلطت عليا.

      • WhatsApp

      #3
      انا كان جاني اكتئاب بعد الوﻻدة وتشافيت منو تماما بﻻ منعرف في اول مالي بداتني الضيقة بعد سبوع مباشرة مبقيت حملت الدنيا مبقيت حملت داري تنقول لراجلي انا غير ضيفة عندك كرفستوا مسكين مفهم والوا قلت ليه عطيني لفلوس عطاهم لي ولحتهم قلت لوا بغيت لحوايج شريتهم وماعندهم مداق تاحة متعمر عيني ونغوت ومنعازلة حتى فاش يخرجني لنزهة تنبرك بوحدي ونقول لو برك مع وﻻدك وليت تندور في واحد الحلقة سوداء حزينة مضلومة مقهورة تنقلب على شي حاجة تريحني واخيرا وجدت انها الموت ملي وصل تفكيري لهد المرحلة فقت وعقت انني حقا مريضة وطبيبي الله التجات الى اﻻستغفار وتجديد حفظ قصار السور
      الحزب اﻻخير واضبت يوميا وفرج الرحمان من واسع ابوابو وفرحت بزاف وكانني مسجونة وطلق الله سراحي والحمد لله ﻻكن حلفت منبقى نولد بلي جرالي

        • WhatsApp

        #4
        باقة وروود
        انا كان جاني اكتئاب بعد الوﻻدة وتشافيت منو تماما بﻻ منعرف في اول مالي بداتني الضيقة بعد سبوع مباشرة مبقيت حملت الدنيا مبقيت حملت داري تنقول لراجلي انا غير ضيفة عندك كرفستوا مسكين مفهم والوا قلت ليه عطيني لفلوس عطاهم لي ولحتهم قلت لوا بغيت لحوايج شريتهم وماعندهم مداق تاحة متعمر عيني ونغوت ومنعازلة حتى فاش يخرجني لنزهة تنبرك بوحدي ونقول لو برك مع وﻻدك وليت تندور في واحد الحلقة سوداء حزينة مضلومة مقهورة تنقلب على شي حاجة تريحني واخيرا وجدت انها الموت ملي وصل تفكيري لهد المرحلة فقت وعقت انني حقا مريضة وطبيبي الله التجات الى اﻻستغفار وتجديد حفظ قصار السور
        الحزب اﻻخير واضبت يوميا وفرج الرحمان من واسع ابوابو وفرحت بزاف وكانني مسجونة وطلق الله سراحي والحمد لله ﻻكن حلفت منبقى نولد بلي جرالي
        الحمد لله على سلامتك اختي شحال عندك من وليد ؟












        ​​​​​

          • WhatsApp

          #5
          نعاود ليك على راسي .. ملي ولدت دخلت حال صدمة وبقيت عايشة فيها اكتر من شهرايت كنت غير كانضحك بحال الى ماوقعلي والو مع اني شفت اكفس فترة حمل فحياتي كنت حامل بتوام وقاصيت بسباب المشيمة نازلة و مشيمة كاتحرك و تقل و ولدت فالاسبوع 28 .. المهم مالي واحد و تاني دخلوه عناية مركزة للخدج وقالو موحال يعيش .. شوية قالو غايعيش معاق ..
          ماتصوريش نفسية ديالي كيف كانت .. لاول مرة نسمح فراسي لهاد الدرجة لدرة ايام كانشوف راسي فلمرايا ماكانعرفش راسي .. حسي بالضعف و الانكسار و القهر .. كان عقلي كايعوم فبحر تايه حتى وصلت للاكتاب .. حتى حاجا ماضحكني حتى حاجا ماتريحني حى راجلي مابقيتش نحس بيها بحال الاول كايجيني الحب للي بيناتنا برد .. ولدي كنت كانشوفو حجرة فطريق حياتي و استقلاليتي و حريتي .. حتيت براسي كبرت بزااااااااااااااف و هملت راسي بزاف ايام بلا كحل بلا مشطة ايام ماكانشوفش راسي فلمرايا .. ولليت كانسا بزاف.. وصلنا مرحلة كانتخاصمو كل يوماين .. كايقولي تغيرتي حتى ولا كايعرض عليا نمشي لطبيب نفساني ..
          نهار فقت و عرفت راسي مريضة ربي طيحني فواحد الكوتش كويتية سميتها دلال الجناعي غالقايها فاليوتوب كلامها كان بنسبالي دوا بلسم جا على الجرح برا .. الحمد لله بديت كانسمع لفييوات ديالها و حسيت براحة فهمت حالتي و تصالحت مع راسي و مع الظروف للي عشتها .. لاول مرة من سنتين كنحس راحة و كانحس بالحرية ..
          اكتاب ما بعد الولادة كاين و عانيت منو بزاف .. ونصيحتي ليك حاولي ترتاحي و حاولي تلقاي للي يعاونك فشغال دار اش يبقالك وقت لراحة . وخرجي و دوري المشي الشمس مفيدين ليك .. حاولي تاخدي فيتامين D مهم بزااااااااف انا عطاهلي طبيب شهراين نقصات بزاف اعراض الاكتاب عندي فديك الفترة ..
          وحاولي تهضري ماتحبسيش فخاطرك لكلام وربي يعينك ويشافيك




          دعواتكم حبيباتي لصغيري بالشفاء

          ...
          X