ArabicEnglishFrenchSpanish

.

دخلووو بسرعة تشوفو حليواتييييييييييي الا قبلتو عليا

X
 
  • -
    • WhatsApp

    دخلووو بسرعة تشوفو حليواتييييييييييي الا قبلتو عليا

    السلام عليكم ورحمة الله تعالى و بركاته

    عواشركم مبروكة الانيقات كيف ديرين مع سيدنا رمضان ايوا دابا مكين غا جري عليا نجري عليك مع توجاد العيد نخليكم مع الصور الحلويات ديالي ولي بغات شي حاجة راه نزل ليها المقادير
    بسم الله












    انا في خدمة انيقاتي دعواتكم لي بتفريج همي






    بسم الله الرحمان الرحيم
    غريبة المسوسة
    المقادير
    250جرام زبدة مركارين +نصف كاس عنبرة سكر كلاصي +زلافة صغيرة زيت+زلافة صغيرة لوز محمر ومقطع قطع صغيرة +زلافة الزبيب صغيرة مغسول ومقطع +زلافة صغيرة زنجلان مكلي (بدون طحن) +شويش الملح+نصف كاس زهر(العنبة)+1 خميرة حمراء+ + الفورص حسب الخليط
    للتزيين
    (
    زلافة كبيرة سكر كلاصي)
    الطريقة
    نمزج الزبدة والسكر وملح ولوز وزنجلان والزبيب وماء ززهر و الزيت تم الفورص نجمع العجين تكون لينة ماقاسحة مارخوة نملوها كويرات من نطبعها بالطابع لي عاملة انا الى ماكانش نقشوها بالمنقاش تم ندخلها الفرن بعدما تخرج نمرمدوها في السكر الكلاصي و من الاحسن وقت مابغيتي تقدميها عاد ديريها في سكر كلاصي
    بلاطو الاول
    هليلات بالشكلاط
    المقادير
    125 غ زبدة لينة قليلا
    60 غ من سنيدة
    ملغقة كبير حليب مركز المحلى
    ملعقة صغيرة من نكهة اللوز
    180غ من الدقيق
    ملعقة صغيرة خميرة الحلوى
    60غ من الشكلاطة قطع صغيرة
    للتزيين
    سكر كلاصي
    الطريقة
    في اناء نمزج الزبدة و السكر والحليب المركز المحلى و نكهة اللوز تم نضيف الدقيق و الخميرة و الشكلاطة الى حصول على عجينة لينه و رطبه
    نضع ورق الزبدة على الطاوة تم نعمل حريبلات لي غنكون منهم هليلات صغار ندخلها الفرن متوسط حرارة غير تخرج نفندها في سكر الصقيل .
    حلوة المطبع
    المقادير
    250غ زبدة
    4فرماجات بقرة ضاحكة
    كاس سكر كلاصي ( العنبة)
    فنيلا
    دقيق حسب الخليط
    الحشوة
    انا استعملت عقدة اللوز و انتي ممكن تستعملي لي بغيتي
    الطريقة
    كناخد كويرة من العجين كنعمل وسطها شوية عقدة اللوز كنغلق عليها من بعد كنستعمل اطابع ديال المعمول و كنخرج بها الحلوة على الشكل لي كتشوفو في الصور اعلاه و كنعمل فوقها عقيق فضية ترسل الفرن وتقدم
    البلاطو التاني
    كورني
    مقادير العجين
    500ج دقيق
    قبسة ملح
    50غ زبدة لينة
    ماء الزهر
    2كيسان سكر صقيل
    الحشو
    عقدة اللوز
    للتزيين
    شكلاط اسود دائب
    فرميسيل (شكلاط شعرية) او فنيد صغير ملون
    الطريقة
    تعجني االزبدة و السكر و قبسة الملح و اللدقيق وتجمع بالماء الزهر تكون لينة
    نترك العجين تستريح في التلاجة من بعد نورقوها جيدا و نقطعها بمكينة سباكيتي بحيت كيخرجو شرائط طوال كنخدو قوالب كورني كنلفو الشريط علىقالب ندهنهم بالبيض تم ندخلهم الفرن باش ولي لونهم دهبي بعد خروجهم نخلوهم يبردو تم نزولوهم من قوالب و ناخدو عقدة اللوز نعمروهم تم نعطسهم في شكلاط دايب تم في الفيرميسيل .

    اصابع اللوز
    مقادير
    500غ دقيق +125غ زبذة + شوية ملح +قليل من الماء + شوية ديال مزهر
    الحشو
    عقدة اللوز
    شوية الزبدة
    شوية ماء الزهر
    شوية المسكة حرة مدقوقة
    الطريقة
    نخلط الدقيق والملح والزبدةو ماء زهر جيدا ثم نضيف الماء الدافئ حتی نحصل علی عجينة لينة
    نمزج اللوز الزبدة و شوية ماء الزهر و مسكة الحرة نعملها حرابل تم
    نطلق العجين مستطيلات تم نضع اصبع من الحشوة و نلفها و نعطس جنابها في بياض البيض و الزنجلان تم ندهن الفوق كدلك ببياض البيض تنقش بالمنقاش و تدخل الفرن ليتدهب لونها
    حلوة الدودة
    العجين
    500غ دقيق +125غ زبذة + شوية ملح +قليل من الماء + شوية ديال مزهر
    الحشوة
    عجين التمر
    الطريقة
    نخلط الدقيق والملح والزبدةو ماء زهر جيدا ثم نضيف الماء الدافئ حتی نحصل علی عجينة لينة
    نسرحو العجين نقطعها دوائر و نحاول اننشرط الوسط الدائرة بدون منشرقو العجين ناخد اصبع من التمر نضعها فوق العجين تم نلفها ناخد 2 صانوجات و نعمل بيهم لعوينات ههههه باش تولي كي دودة
    او ممكن تسرحي العجين و تعملي شرائط رقاق بحال ديال كورني و تلفيهم على اصبع التمر باش تعطيك متل الشكل اعلاه تدهن بابيض البيض و تدخل الفرن
    حلوة الكموسة
    عجين
    500غ دقيق +125غ زبذة + شوية ملح +قليل من الماء + شوية ديال مزهر

    الحشو
    عقدة اللوز النسمة بالمسكة حرة و شوية الزبدة و شوية الزهر
    الطريقة
    نخلط الدقيق والملح والزبدةو ماء زهر جيدا ثم نضيف الماء الدافئ حتی نحصل علی عجينة لينة
    نعمل العجين دائرة نضع كويرة من العقدة تم نجمعها متل الكموسة ممكن تلوني العجين انا نتفادا نستعمل ملونات ندخلها الفرن بعدما تخرج دهنيها بالنباج

    كويرات الشكلاط
    المقادير
    250غ بسكويت بكوك
    80غ زبيب مقطع
    80غ كركاع مقطع
    علبة الحليب المركز المحلى
    80غ اللوز منقي و مطحون
    350غ شكلاط
    ملعقة زبدة (صغيرة)
    الطريقة
    يطحن البسكويت جدا يضاف اليه الزبيب و كركاع الحليب المركز
    نعمل منهم كويرات صغيرة نديب الشكلاط اسود نضع الكويرات في الشكلاط تم في اللوز المطحون تم نعمله في ويغطات الحلوة

    صابلي

    المقادير:
    250غ من زبدة
    1 بيضة
    1 كيس خميرة الحلوى
    2 كؤوس من سكر مسحوق
    2 كؤوس زيت
    الدقيق حسب الخليط
    لتزين:
    شكلاط ابيض و كرركاعات
    الطريقة
    تمزج الزبدة مع السكر+الزيت+ البيضة+ الخميرة مع الدقيق تخلط العجين حتى تتماسك العجين تورق قليلا على مائدة وتقطع على شكل دوائر و شكل الاخر درتو معينات تدخل الفرن
    من بعد ما تبرد لاصقت المعينات بالشكلاط ابيض و الدوائر عملت شوية الشكلاط فوقهم تم و ضعت كركاعة


    اتمني انيقاتي يعجبوكم و لي بغات شي حاجة انا موجودة مع دعائكم لي
    • WhatsApp

    #2
    zwenin bsaha wraha
    [frame="7 80"]

    اللهم اغفر لوالدتي وارحمها واعف عنها
    واكرم نزلها ووسَع مُدخلهاا واغسلها بالماء والثلجِ والبْردِ
    ونَقّهِا من الذنوب كما ينقى الثوب الابيض من الدنس،
    وارحمنا إذا صرنا إلى ما صارت إليه وجازها بالحسنات إحسانا
    وبالسيئات عفوا وغفرانا وافتح أبواب السماء لروحها برحمتك
    يا أرحم الراحمين.

    [/frame]

      • WhatsApp

      #3
      فنيونين الله يعطيك الصحة الحبيبة
      اوا ما كرهتش تنزلي كلشي المقادير الا جات على خاطرك






        • WhatsApp

        #4
        الله يعطيكم الصحة اختي gizelle انشالله نزل ليك المقادير في قريب

          • WhatsApp

          #5
          tbaRkallah 3lik akhti ila kan momkin 3tina lma9adiR ana 3andi dak chakl lawal maRcham walakin kan9alab 3la lma9adiR katkon hchicha kante 3andi twadRate li merci hbiba

            • WhatsApp

            #6
            ما شاء الله عليك اختى:82::82::82:
            Sartrouville78500sigpic

              • WhatsApp

              #7
              ما شاء الله عليك



              l]

                • WhatsApp

                #8
                تبارك الله عليك

                والله يفرج همك

                  • WhatsApp

                  #9
                  السلام عليكم طبسيل منوع دايزو الكلام الله يعطيك الصحة وتبارك الله عليك الله يجزيك بالخيرنزلي لينا المقادير عافاك

                    • WhatsApp

                    #10
                    السلام عليكم ورحمة الله تعالى وبركاته
                    تبارك الله عليك ولكن نزلي كلشي في مرة لان الموضوع بلا مقادير يحذف والله اعلم
                    اللهُمَّ إِنِّي أَسْأَلُكَ بِأَنَّ لَكَ الْحَمْدَ لَا إِلَهَ إِلَّا أَنْتَ الْمَنَّانُ يَا بَدِيعَ السَّمَوَاتِ وَالْأَرْضِ يَا ذَا الْجَلَالِ وَالْإِكْرَامِ يَا حَيُّ يَا قَيُّومُ إِنِّي أَسْأَلُكَ،ان تكتب لي حجة في بيتك الحرام.

                    ...
                    X