03/05/07
489
Tweet
oum hedayah
ثبت بتاريخه
اهلا وسهلا غالياتي تنمنى تكونوا بخير وفي تمام الصحة و السلامة ان شاء الله
اليوم ان شاء الله بحول الله غادي نوريكم حرشة ديال الزنقة وخصوصا الي فالمحلابات نتمنى تعجبكم و هدا اهداء خاص للاخت
ام وص
ام وص
لانها طلبات مني طريقة الحرشة
بالنسبة لطريقة الحرشة مكيصوبوهاش يوميا فحالنا من الاول لا كياخدو خنشة كبيرة ديال الحرشة 25 كيلو كيضيفو ليها الملح و سنيدة و الزيت الكافي و يخلطوها مزيان فبانيو كبير و يخليوها ممكن تبقى هكدا حتى لشهر و ميوقع ليها والو و ملي كيبغيو يطيبو الحرشة كياخدو بانيو صغير و كياخدو من السميدة المخلطة و كيضيفو ليها خميرة معجونة مع شويييية من خميرة الحلوى و يخلطوها بماء عادي و يخليوها تشرب مزيان ثم كيغبرو عليها السميدة عادية على وجه الحرشة عاد كتقلبها فلجريا الكبيرة و تمسلها مزيان و تتقبها فالوسط باش يخرج الهوا و تخليها تتحمر وهاهي واجدة والحرشة الوحدة كتوزن مابين 2,5 حتى 3 كيلو فالوحدة
نخليكوم مع الصور الي كتوضح كلشي و اي تساؤل انا رهن الاشارة
هنا ضفنا الماء
و من بعد مشربات الماء رشتها بالسميدة
ثم كتقلب البانيو على الجريا
هنا مسلاتها
و هاهي محمرة و مقرمشة
وهاهي منزلة للبيع مع كاس ديال الرايب يا سلام
نتمنى الموضوع ينال اعجابكم و تدعيو معايا
في امان الله و حفظه
ملاحظة
{ بالنسبة لكيلو ديال السميدة زيدو ليه كاس عنبة زيت رومية و 2 معالق كبار سنيدة و معلقة صغيرة ملحة و يتخلط كلشي ثم زيدو نص معلقة خميرة ديال الحلوى و معلقة كبيرة خميرة معجونة و زيدو الما دافي و يتخلط كلشي و خليه تشرب شوية وملي توجد كوروها فالسميدة و مسلوها على مقلة سخونة شوية باش متلصقش و خليهاطيب حتى تحمر }
تعليق