ArabicEnglishFrenchSpanish

.

تتمة حلوياتي لعيد الأضحى

X
 
  • -
    • WhatsApp

    تتمة حلوياتي لعيد الأضحى

    السلام عليكم ورحمة الله وبركاته
    أولا مبروك العيد لكل الأخوات ولكل المشرفات ولكل الغائبات وللحاجات نتمنى أن يكون حجهن مبرور وسعيهن مشكور وذنبهن مغفور ان شاء الله

    ودبا ندوزو للحلويات


    هذا رابط الجزء الأول

    http://www.anaqamaghribia.com/vb/sho...%C9&highlight=

    وبالنسبة للجزء الثاني
    المقادير

    نصف كيلو فورص
    كاس دالعنبة زبدة
    نصف كأس ماء الزهر
    ملح
    ملعقة صغيرة سكر كلاصي
    صفر بيضة
    ويلاما تجمعاتش لينا العجينة كنزيدو ماء الزهر

    الحشوة
    كيلو لوز مسلوق ومقشر ومطحون
    300 g سكر كلاسي
    ملعقة صغيرة عصير الحامض
    بيضة
    قشرة الحامض حسب الذوق(الاما كنتيش غادي ديري منكهات)
    ماء الزهر باش نجمعو الحشوة

    قسمت العجينة على تلاتة لي كثيرة خليتها بيضة ووحدة زدت ليها الملون الأخضر ونكهة التفاح والثانية الملون الأحمرونكهة الفريز

    بالنسبة للشكل الأول ديال الحلوة
    طلقت العجينة وقطعتها بقطاعة على شكل ورقة دالشجرة وكذلك عقدة اللوز
    والعجينة الخضراء طلقتها حتى هي وقطعتها على شكل طولي بالماكينة ديال سباكيتي
    من هاد المرحلة عاد بديت كنصور أستسمح


    درت ظفيرة طويييييييييييلة عاد بديت نخدم بيها ومنين كيسالي ليا شريط ديال العجينة كنلصق ليه شريط آخر





    كندهنو العجينة بابيض البيض عاد كنديرو عليها عقدة اللوز وكنلوي عليها الظفيرة


    درت على العقدة وريدات صغار بالعجينة الحمراء وكندير على كل وردة عقيقة ثم درتها طيب




    منين كتخرج من الفرن دهنتها بالناباج وهذا الشكل النهائي






    الحلوة الثانية
    كنطلق العجينة البيضاء وقطعتها بقطاعة دائرية
    دهنتها بابيض البيض ودرت عليها 3 كوارات من عقدة اللوز



    حاولت نجمع الجناب لي حدا الكوارات ومابين كل 2 كوارات كندخلو العجينة بعود الأسنان




    على كل كوارة درت وريقة خضراء (من الأحسن يكونو كبار شوية على كويرات اللوز أنا عندي غي هادي صغيرة )



    ثم من الفوق درت وردة بالعجينة الحمراء


    ثم وريدةباللون الأصفر وعقيقة


    كنديروها طيب


    ثم كندهنها بالناباج وهذا الشكل النهائي



    بالنسبة للفواكه استعملت نفس عقدة اللوز غير زدت عليها الملونات الأحمر الأخضر والبرتقالي بمزج الأحمر والأصفر


    المشماش
    كنديرو كويرة من عقدة اللوز باللون البرتقالي وكنديرو الوسط لوزة





    وكنفلحوها على شكل طولي باش تبان اللوزة العظومة زعما هههههه




    الدلاح
    كنديرو شكل اسطواني بعقدة اللوز حمراء



    كندورو عليها عقدة اللوز بيضاء


    ثم خضراء


    كنقطعوها بالطول على 4 ودرت عليها نقيطات بالشكلاط


    الفريز
    كنحاولو نشكلو عقدة اللوز الحمراء على شكل الفريزة ودرت ليها الفوق نجمة عقدة اللوز الخضراء وتقبت الحمراء



    الكيوي

    بعقدة اللوز بيضاء كنديرو شكل أسطواني



    كنديرو عليها عقدة اللوز خضراء وتكون أكثر من البيضاء


    كنقطعوها على 2



    كنديرو عليها نقيطات بالشكلاط ودهنتها من التحت بالشكلاط باش تجي بحال القشرة( ممكن ديرو ليها شكلاط غبرة)


    وهاهي الفواكه واجدة



    لا تنسوني من صالح دعائكن عزيزاتي
    • WhatsApp

    #2
    ماشاء الله عليك عزيزتي فنانة كما عهدناك دائما بما اني الاولى اللي دخلت فين حقي من دوك الفواكه الشهية

      • WhatsApp

      #3
      tayouret
      ماشاء الله عليك عزيزتي فنانة كما عهدناك دائما بما اني الاولى اللي دخلت فين حقي من دوك الفواكه الشهية
      الله يبارك فيك أختي .غير مدي يديك أختي لي عجباتك خوديها .ما تغلاش عليك عزيزتي

        • WhatsApp

        #4
        ما شاء الله ولا قوة إلا بالله
        حليوات أكثر من رائعةعنداك ما تخليش لي حقي
        الله يخلي ليك صحيحتك



          • WhatsApp

          #5
          تبارك الله وماشاء الله عليك شهيتيني فيهم

            • WhatsApp

            #6
            أماني3
            ما شاء الله ولا قوة إلا بالله
            حليوات أكثر من رائعةعنداك ما تخليش لي حقي
            الله يخلي ليك صحيحتك
            الله يبارك فيك أختي . الله ياودي.حقك ديما كنخبيه ليك كما العادة.راه حتى حلوة ديال عيد الفطر كتساينك فالفريكو هههههه

              • WhatsApp

              #7
              تبارك الله عليك اختي حليوات رائعة الله يجعلهوم فميزان حسناتك
              sigpic

                • WhatsApp

                #8
                اللة يعطيك الصحة حلويات رائعة فالشكل و باينة عليها بنينة حتى فالمداق
                sigpic

                  • WhatsApp

                  #9
                  nadra
                  تبارك الله وماشاء الله عليك شهيتيني فيهم
                  الله يبارك فيك أختي تسلمي عزيزتي

                    • WhatsApp

                    #10
                    ام وص
                    تبارك الله عليك اختي حليوات رائعة الله يجعلهوم فميزان حسناتك
                    الله يبارك فيك أختي ام وص. بارك الله فيك عزيزتي

                    بسمة الربيع
                    اللة يعطيك الصحة حلويات رائعة فالشكل و باينة عليها بنينة حتى فالمداق
                    الله يبارك فيك أختي بسمة الربيع.تسلمي عزيزتي

                    ...
                    X