إعـــــــلان

تقليص
لا يوجد إعلان حتى الآن.

واحد شكييل ديال حلوة اللوز بالصور طبعا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • واحد شكييل ديال حلوة اللوز بالصور طبعا

    تبث في 13/11/2010
    bent bladi


    المقاديرو الطريقة ديال العجينة .. كيلو ديال الفورص النوع الممتاز انا كنستعمل تريا –كاس اتاي مشرط من لتحت ديال زبدة مدوبة ومصفية كنستعمل زبدة صفراء ديال العبار –نفس الكاس ديال زيت –كاس ديال ماء زهر –شوية مسكة حرة –شوية ملح –وكنجمعوها بالما دافي وندلكوها مزيان تقريبا شي نصف ساعة او اكثر وكنخليوها ترتاح عاد نستعملولها

    المقاديرو الطريقة ديال عجينة اللوز.. كيلو ديا ل اللوز البلدي لي كنخويو عليه ماء غليان ونخليواه واد 5دقائق ونصفيواه ونقشروه ونخليواه ينشف من الماء ونديواه نطحنوه انا كنديه عند واحد مختص في طحن اللوزكيوزنوا وكيشوف شحال خاصو ديال سنيدة لي معندوش هاد الامكانية يطحنو فالدار 2مرات نزيدو عليه كاس ديال زبدة مدوبة ومصفية –مسكة حرة – قطرات روح ديال زهر ولا 2معالق كبار ماء زهروحتى هو خصو يتدلك مزيان شي 15 دقيقة
    هاد الطريقة مضمونة وناجحة وراتها ليا واحد سيدة الله يجازيها بخير كتصايب الحلويات
    هاد شكييل سميتو الوردة كيتشل باليد وكنقشوه بالمنقاش راني صورت ليكم المراحل على الله تكون مفهومة كندوزو العجينة فالمكينة ديال سباكتي اولا فالنمرة 5 ثم نمرة7 عاد نمرة 9 كتخروج رقيقة خصها تكون العجينة لاصقة على اللوز كندوروها فيدينا مزيان ونبسطوها شوية ونقشوها كنديرو نقشة الفوق ونقشة لتحت كنخليوها تبات وندهنوها بالزبدة مدوبة وندخلوها للفران وندهنوها بالنباج
    نخليكم مع الصور

























    اضغط على الصورة لعرض أكبر. 

الإسم:	Photo0700.jpg 
مشاهدات:	1 
الحجم:	96.7 كيلوبايت 
الهوية:	17424887
    الملفات المرفقة

  • #2
    احسن تقييم من عندي
    الله يعطيك الصحة اختي وتبارك الله عليك

    تعليق


    • #3
      مممممممم الله يعطيك صحة شكل غزال عجبني بزاف دوق ختك فالعيد متنسيني ههههه عواشر مبروكة

      تعليق


      • #4
        الله يعطيك الصحة اختي

        تعليق


        • #5
          شكرا لكن تستاهلو كل خير كنتمنى من شي اخت مشرفة تقاد ليا تصاور سمحو ليا واحد جوج تصاور مبغواش يتهزو ليا راني مزالة مكنعرفش نقدهم مزيان

          تعليق


          • #6
            الله يعطيك الصحة اختي وتبارك الله عليك

            تعليق


            • #7
              تبارك الله عليك شكل رائع وحلوة شيك
              الله يعطيك الصحة ومبريك عيدك

              تعليق


              • #8
                شكرا لكن على الردود الطيبة والمشجعة

                تعليق


                • #9
                  الله يعطيك الصحة اختي وتبارك الله عليك


                  يارب اجعلنا من الذاكرين لك والذاكرات يارب اعنا على ذكرك وشكرك وحسن عبادتك يارب صلي على محمد عدد ماذكره الذاكرين وغفل عنه المعرضين

                  تعليق


                  • #10
                    lah ye3etike seha
                    sigpic




                    تعليق

                    يعمل...
                    X