اخواتي الغاليات فكرت نفتح هاد الموضوع اللي غيكون ان شاء الله شاااامل للمكياج


سواء انواع المكياج
ادوات المكياج
كل نوع بشرة ومايناسبها
وكل لون بشرة وما يناسبها
واي سؤال بخصوص المكياج
يعني اللي كتعمل الكحل ومكيجيهاش او اللي كريم الاساس مكيناسبهاش ...الخ تحط اسم المنتج اللي كتستعمل وان امكن صورة له من الانترنت وتقولي المشكل ولون بشرتها ونوعها ان كان المنتج يتعلق بالبشرة وان كان مثلا يتعلق بالعين فتقولي لون عينها...راكم فهمتوني.


المهم اخواتي الغاليات قبل ما ابدأ الموضوع
انا اخلي مسؤوليتي امام الله من اي اخت استعملت اي معلومة عن المكياج لكي تتبرج خارج بيتها .



نتمنى الموضوع ينال اعجابكن



غنبدا ببعض ادوات المكياج

الفراشي



اول فرشاة وهي فرشاة كريم الاساس


منها احجام وانواع ثمنها كيختلف حسب نوعية الشعيرات ومدى نعومتها وايضا حسب نوع يدها يعني واش مصنوعة من الخشب او الالومينيوم او البلاستك

طريقة استعمالها كتوضعي كريم الاساس على ظهر يدك وتاخديه بالفرشاة وتمدديه على وجهك من الداخل نوع الخارج


فرشـــاة البودرة(البودر)

منها نوعين
كاين اللي للبودرة الحرة(poudre libre)
كاين اللي للبودرة المضغوطة

هادي للمضغوطة

كتكون اكبر من اللي للبودرة الحرة
فيها نوعين
كاين اللي نفس شكل فرشاة البودرة المضغوطة لكن حجمها اصغر
وكاين اللي ايدها صغيرة




فرشاة احمر الخدود
كتكون منفوخة شوية




فرشاة البودرة البرونزية(بودرة رسم ملامح الوجه وتمويه العيوب)

فيها بزاف الاشكال كل وحدة واشنو كتفضل تستعمل





وكاين مناطق اللي كنستعلو فيها برونزر بفرشاة صغييييرة باش نتحكمو فيها(مثل الانف)



فرشاة ازالة البودرة الحرة
هي رقم 40 و 41 في اول صورة




1 للبودرة المضغوطة
2 للبودرة الحرة
3لاحمر الخدود
3S للبودرة البرونزية
4 لتكبيس البودرة في مناطق معينة
5 لكريم الاساس
6و7 و31و32 للبودرة البرونزية فالمناطق الصغيرة
رقم 40 و 41 لازالة البودرة الحرة
رقم 23 لاحمر الشفاه
38و39و42و45 للحواجب
46 لكريم الاساس
47و48 للمصحح او الكونسيلر
49 و 50 و 51 لكريم الاساس والبودرة المضغوطة واحمر الخدود يعني ممكن تستعمل ليهم كلهم
والباقي كلهم للعينين سواء ظل الجفون او رسم العين.....الخ





المهم ماشي ضرووووووووووووري يكونو كل هاد الفراشي
المهم كاين مجموعة صغيرة اللي بغات تاخد الفراشي





كملنا مع الفراشي غندوزو للمكياج


قبل منعملو مكياج خاص البشرة تكون نظيفة او على الاقل نمسحوها بحليب منظف
انا كنستعمل هذا

اسمه byphasse lait démaquillant
الحجم 500 مل
الثمن 30 درهم عند بائعي المكياج

بعد التظيف
الى كنا غنعملو مكياج بالنهار ضروووري واقي الشمس وميكونش تانتي لان لونه غادي ياثر على كريم الاساس.

واقي الشمس انا كنستعمل هذا وهو صالح لجميع انواع البشرة
nivea sun eclaircissant

الثمن بين 100 و 120 درهم عند بائعي المكياج فمرجان دايرين له 109 درهم
الى كنا كيف قلت غنستعملو المكياج بالنهار غنعملو واقي الشمس هو الاول وممكن ايضا نخلطو شوية منه مع كريم الاساس لكن ضروووري نعملوه اولا على البشرة ثم الى بغينا نزيدو شوية مع وكريم الاساس يعني متقولوش نخلطوه مع كريم الاساس فقط.

اما الى كنا غنستعملوه بالليل ماكاينش مشكل ولكن الى كنا بغناه يبقى مدة طوييييلة خصنا نستعملو base de maquillage

انا كنستعمل هذا من اوريفلام(الثمن ديال جميع منتجات اوريفلام منقدرش نقولو لانني كنشريها كيكون تخفيض عليها يعني ماشي هو الثمن الحقيقي)
perfecting face primer




كــــريــــم الاســـــاس
ضرووووري نختارو الدرجة المناسبة للبشرة ديالنا
هذه بعض الدرجات


انواع كريم الاساس
كاين عدة انواع
السائل(تغطية متوسطة)

كيناسب جميع انواع البشرة (الا اذا كان مكتوب عليه انه مخصص لنوع بشرة معينة)


كريم الاساس الكريمي(تغطية متوسطة الى قوية)

كيناسب البشرة الجافة او العادية بالخصوص
وممكن نضيفو عليه واقي الشمس ايضا ويولي صالح لجميع انواع البشرة يعني نحوله من كريمي لسائل ولكن البشرة الدهنية من الافضل متستعملوش.


كريم الاساس المضغوط
كيناسب البشرة الدهنية خاصة(تغطية متوسطة )
وكاين فرق بين كريم اساس مضغوط وبين بودرة مضغوطة

هذا طريقة استعماله كنرطبو الاسفنجة اللي معاه بشوية الماء ونستعملوه

هادو الانواع المعروفة
لكن كاين اشكال اخرى
مثلا كريم الاسا على شكل رشاشة(بخاخ)


كاين اللي كيكون بهاد الشكل



وكاين اللي ستيك
كتكون تغطيته سميكة شوية(تغطية سميكة للافراح مثلا)



المهم كريم الاساس السائل والكريمي ممكن نعملوهم بيدينا او باسفنجة خاصة كتباع


انا كنستعمل وحدين رخاص وكيبقاو عندي مدة 2 ب 5 دراهم وحدة مربعة ووحدة دائرية.



البودرة

لتثبيت كريم الاساس كنستعملو البودرة الشفافة او بودرة مضغوطة من نفس درجة كريم الاساس او تناسب درجة لون بشرتنا
البودرة الشفافة كيكون لونها محايد وتستعملها البيضاء والسمراء
وغالبا كتكون بودرة حرة


بودرة شفافة


بودرة مضغوطة


المفروض الاولى تستعمل باسفنجة سميكة شوية لكن من الافضل استعمالها بفرشاة اسهل




خافي العيوب او الكونسيلر او المصحح كلها اسماء لنفس الشيء

كيتستعمل لاخفاء وتغطية العيوب
سواء حبوب او هالات سوداء او بقع..

الى بغينا نتكلمو عليه بشكل احترافي
فيه عدة الوان وكل لون عنده دور
مثلا الاخضر لاخفاء البقع الحمراء او الحبوب الحمراء
الاصفر والبيج ودرجاته لاخفاء الهالات السوداء وغيرها
..الخ

وفيه عدة اشكال
كاين على شكل قلم(او على شكل احمر شفاه)

والسائل

والمضغوط او الكريمي

هذا مثلا فيه 3 الوان



المهم الكونسيلر الى كان سائل كنفضل نستعملو بعد كريم الاساس(يعني فوقه)
اذا كان مضغوط او كريمي او قلم كنفضل نستعمله تحت كريم الاساس.(هذا راي شخصي)


الحواجب

لملئها او رسمها كاين عدة حلول
الاقلام




بودرة الحواجب



البودرة تستعمل بفرشاة صغيرة اما كتكون معاها او كتشريها(غالبا كتكون وحدة معاها)

نصيحة مهما كان شعرك اسود متستعمليش قلم اسود او بودرة سوداء استعملي بودرة بنية غامقة والدرجة ممكن تكون بني فاتح وافتح فافتح على حسب درجة لون الشعر ولون البشرة.

1- ضعي طبقةً من ظل العيون البني اللامع على جفنكِ العلوي ..



2- ضعي ظل عيون بني بدرجةٍ فاتحة على أطراف جفنكِ العلوي وزاوية عينكِ الخارجية ..



3- أرسمي خطاً من الآيلينر الأسود على جفنك العلوي وإجعليه يمتد إلى زاوية عينكِ الخارجية ..



4- أرسمي خطاً طويلاً من الآيلينر على جفنك السفلي من زاوية عينكِ الداخلية وأتركي الزاوية مفتوحة ..



5- مرري فرشاة ظل العيون البني على جفنك السفلي ..



6- ضعي القليل من ظل العيون الأبيض اللامع على زاوية عينكِ الداخلية والخارجية أيضاً ..



7- ضعي طبقتين من المسكارا على رموش جفنيكِ العلوية والسفلية ..