Tweet
نص صدر الدجاج
جزرة محكوكة
قرعة خضرا محكوكة
بصلة مشلدة رقيق اختياري
فص توم
بيضة
للتوابل كنحتاجو سكنجبير استعملت الطري + توابل الاربعة جاهزة حسب الدوق + شوية خرقوم + ابزار+ ملح
بصلة اخرى شراءح
2 حبات فطر طري ب 2 دراهم الي مغاير تماما على الفطر المعلب وملي تجربوه غادي تعرفو المداق المختلف
خس + طماطم+ جبن السندويش+ وخبز البرغر
للصوصات
البنية غادي نحتاجو ملعقة كتشوب + ملعقة واستر صوص كتعطي نكهة خاصة + هريسة حسب الدوق +وملعقة ياغورت طبيعي
للصوص البيضاء ياغورت طبيعي + ملعقة موطارد + فص توم محكوك+شوية معدنوس مقطع رقيق + نص ملعقة صغيرة عسل + حامض معصر او خل
اولا كنعملو الخضر محكوكة ف مقلاة مع رشة ملح وابزار وملعقة زيت يتشحرو ويطيحو تم نضيف تومة محكوكة ونخليها تبرد
ف مقلاة اخرى نعملو بصلة شراءح مع دهن المقلاة بشوية الزيت ورشة ملح حتى يدبال ويبدا يتحمر تم نضيف الفطر لدقيقة مع التحريك
ناخدو صدر الدجاج ونطحنوه ف طحانة تم نضيفو التوابل والملح والخضر
و نجمعو الخليط ببيضة
نوجدو المقلاة ونوضعو دواءر البرغر دقيقة او دقيقتين لكل جهة
غادي نوضعو الخبز وندهنو بالصوص البنية على حسب الدوق
ونوضعو قطعة الخس و داءرة ماطيشة رقيقة والدجاج تم الفطر والبصل
تم الجبن وندهنو مرة اخرى بصوص اخرى
رافقتها بقطع البطاطا في الفرن مع التوابل والعشوب
وبالصحة والراحة
الله يبارك فيك اختي شكرا حبيبتي الروعة ردك وتواجدك في الموضوع