تويت
السلام عليكم ورحمة الله أخواتي الأنيقات اليومة تشهيت الفلفلة مرقدة وحبيت نوريهالكم باش اللي تشهاتها تصاوبها راها كتيرة فالسوق
أول حاجة تنغسلوا الفلفلة الحارة ونخليوها تستقطر فشي شبكة ،،ومن بعد نديروا الليكات فيدينا ونحيدولها الزريعة ،،ونقطعوها مع الحامض والتومة،،،
ومن بعد نحطوا الكل فالطحانة مع الملح والكامون ،،،
ومن بعد نخويو الكل فقراعي ناشفين مزيااااان باش مايخسروش لينا الحار ديالنا ونخشيو معاهم وريقات سيدنا موسى ونخويو من الفوق شوية دزيت العود ونسدوا مزياااان ونحطوه فشي بلاصة مظلمة ومن بعد أسبوع تيوجد،،،،