ArabicEnglishFrenchSpanish

إعـــــــلان

تقليص
لا يوجد إعلان حتى الآن.

شاركينا انيقتي قصتك الجميلة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • غيثة
    رد
    قصص كلها عبرة فعلا الإيمان بالله شي حاجة زوينة بزااااف الله يسر لينا كلنا يا رب

    اترك تعليق:


  • Toulibe
    رد
    السلام عليكم...شكرا لصاحبة الموضوع
    تجارب حياة جميلة بارك الله فيكن...
    اريد ان احكي قصة والدتي الحبيبة ..الله يطول فعمرها ويحفظ كاع الميمات
    الوالدة تزوجات صغييرة وانتقلت مع الوالد لمدينة فالجنوب من بعد ماولداتني كان فعمري 5 سنين ...المهم من بعدي ماولداتش ..قبل مني ولدت بنيتة وماتت عند الولادة الله يرحمها وان شاء الله تدخل الميمة للجنة...المهم الوالد قالك بغى الاولاد الميمة مابقاش جاب ليها الله
    فالصيف ديال المستوى الاول ارسلنا للبلاد نواحي مراكش...وهي تم كدوز العطلة جات واحد المرأة قالت لها راه راجلك دفع الاوراق باش يطلقك...وباغي يتزوج...هزات مسكينة حوايجها ورجعات للدار ...وطلقات..واهلمها الله سبحانه انها تبقى فديك المدينة ( كون رجعات العروبية كيفاش كانت غاتعيش هي وبنتها ) وتضرب تمارة على ود بنتها..،صبرات...وخدمات بذراعها...تقدموا لها بزااف الدرجال اللي مطلق،اللي ميتة ليه المراة اللي باقي غي عزري..وهي رفضات باش تربي البنت ومتخلي حتى واحد يقلقها..كبرات البنت وقرات وتقدموا لها الخطاب وهي رفضات قالت خصني نخذم باش نرد للام ديالي شوية من داكشي اللي دارت علي ومنخليها خاص حتى حاجة...خدمات الحمد لله ومن بعد تزوجات وهزات الوالدة ديالها فوق راسها ...عاونتها حتى بنات دويرة فين عايشة وكتصيفط لها شهرية ديالها..
    الوالد تزوج ولد 3 اولاد و2 بنات اخرين...ولكن مكانوش فحال البنت الاولى لاقراية لا اداب...وحتى المراة اللي جاب متسوى نص او ظفر مراتو الاولى... مكاتيييب الله
    هذه قصتي انا والميمة ديالي...الله يحفظها لي،كاين بزاف الاحدات ولكن مبغيتش نتقل عليكم.وانا مازال جدبدة فالمنتدى مازال معارفة القوانين...ربي كبير الحمد لله حمدا كثيرا طيبا مباركا فيه...

    اترك تعليق:


  • خديجة1962
    رد
    باسم الله الرحمن الرحيم تبارك الله قريت جميع قصص الاخوات وعجبوني بزاف في الحقيقة اللي تشبت بالله عمرو ما يضيع ويقول الله سبحانه في كتابه العزير بعد باسم الله الرحمن الرحيم " وذكروني اذكركم واشكرو لي ولا تكفرون " صدق الله العظيم

    اترك تعليق:


  • happy-flower
    رد
    ماشاء الله اختي حجيبة قصتك رائعة و كلها عبر و تحدي.دكريني بصديقة كانت معايا في الكلية.انقطعت بسبب الزواج و بعد مرور سنين و عدم النجاح في زواجها قررت اتمام دراستها و بعد الحصول على الاجازة اصبحت موضفة وحصلت على الماستر في ما بعد مما ساعدها على الترقي .....
    ان شاء الله متكوني انت.الله اكمل عليك بالخير و من فضلك اهم شيء هو الموازنة بين البيت و الدراسة فانت الان زوجة و ام وطالبة.

    اترك تعليق:


  • سهام عبير
    رد
    اخت حجيبة بصحتك
    وماتقوليش مافيهاش الهام كثير بالعكس
    فيها تحدي وصعوبات ونجاحات
    وفيها من العبر الشيء الكثير
    ان شاء الله لعقوبة للشهادة الكبيرة

    اترك تعليق:


  • hajiba jiji
    رد
    المشاركة الأصلية بواسطة fatidusouss مشاهدة المشاركة
    تبارك الله عليك اختي حجيبة الله يوفقك في مسيرتك الدراسية فعلا انت مثال يقتدى به و في قصتك رسائل كثيرة

    الله يبارك فيك حبيبا ومشكورة على كلامك الطيب
    انا قصتي فيها شيء من التحدي ولكن ماشي شيحاجة فيها الهام كثير ولكن كبداية ودافع وحافز للي ما عندهاش حتى فكره عن التغيير

    اترك تعليق:


  • hajiba jiji
    رد
    المشاركة الأصلية بواسطة سهام عبير مشاهدة المشاركة
    هههه علاه كتبتي قصتك على مقاطع نحسبك ماجبتيش الباك ولا ديريلنا في سيسبانس
    بالصحة عليك والحمد لله اكيييد يشوفلنا احسن حاجة لينا

    حبيبتي والله القصد ماشي نحطها على مراحل را معرفتش مال الموقع ما بغاش ينشرها فقرة وحدة واقيلا طلع له الدم مني حيت طولت بزاف

    اترك تعليق:


  • fatidusouss
    رد
    تبارك الله عليك اختي حجيبة الله يوفقك في مسيرتك الدراسية فعلا انت مثال يقتدى به و في قصتك رسائل كثيرة

    اترك تعليق:


  • سهام عبير
    رد
    هههه علاه كتبتي قصتك على مقاطع نحسبك ماجبتيش الباك ولا ديريلنا في سيسبانس
    بالصحة عليك والحمد لله اكيييد يشوفلنا احسن حاجة لينا

    اترك تعليق:


  • hajiba jiji
    رد
    طبعا مابقاش فيا الحال وراضية عن نفسي لاني الجهد الي درتو استفدت منه معلومات وثقفت نفسي يعني هذاك كان هو النجاح عندي
    ولكن الصباح عيطات لي اختي كتبكي وتغوت وماعارفاش تهدر بالفرحة وكتقولي نجحتي وانا كنقولها لا را لبارح دخلت ومالقيتش راسي ناجحة وهي كتقولي هاهي سميتك قدامي والتفاصيل ديال كل مادة شحال جايبة فيها
    صدقت ناجحة montion b جبت 12:90 الحمد لله
    ركعت لله شكرا وحمدته وشكرته اللهم لك الحمد حمدا طيبا كثيرا مباركا فيه ، وليت كنبكي ونضحك بحال شي مسطية ههههههه وفرحت راجلي وعائلتي كلهم واهم حاجة قلتها للناس الي ماكانوش كيآمنو بنجاحي وكانو يحبطوني ومالقيتش منهم كلام من بعد ما نجحت قد اللي لقيتو قبل ما ندوز كيقولو (صافي اش بقا لك من قرايا وانتي تزوجتي اش بغيتيها والي كيقول ماتديريش بالك مع النجاح را غير 2% لي كينجحو في باك ليبر .....) الخ..

    اثبت اني قادرة وان مهما كبرت عقلي عمرو مايشيخ وان التفاؤل والدعاء والايمان هو فتح لي الطريق ووصلني للي ماكنت نحلم نحققه بعد انقطاع سنوات
    ارجوكم حتى وحدة ما تفقد الامل او تقول فات الحال او تقول كبرت اولا مابقاش عندي دماغ القرايا هذاكشي غير كلام خاوي وسلبي كيعمر راس بنادم بلا فايدة غير الدمار
    اما الصح اننا نضن بالله خير وغنلقاوه واننا رهينة افكارنا ومعتقداتنا
    ولما تتغير افكارنا للاحسن غادي حتما تتغير حياتنا للافضل باذن الله
    قال تعالى " انا عند حسن ظن عبدي بي فإن ظن خيرا فلهُ وإن ظنّ شرّاً فلهُ " صدق الله العظيم.
    ابشركم حبيباتي انني تقيدت في الجامعة وكملت اول سنة وانا في طريقي ومسيررتي لتحقيق حلمي الي طالما حلمته وانا صغييرة
    الحمد لله الحمد لله الحمد لله .

    اهم نقطة يابنات انكم حتى لو ما تقدروش تكملو قرايتكم عالاقل طورو من نفسكم وقراو كتب تنمية ذاتية وكونو قويات وتغلبو على الزمن وما تقبلوش تكونو بدور الضحية الي ما بيدها دير والو وان الظروف غلبتها ، لان ماغاديش تلفتي انتباه الناس لان عدد الضحايا كثير بزاف غادي تكوني وحدة منهم لاغير . ولكن اذا اخترتي الاتجاه المعاكس تما فين غادي تباني وتبان انجازات وفخرك بنفسك وقوتك وعزمك وتخلي الناس تحترمك غصب عن انفها .
    طولت عليكم سمحولي ولكن هدشي مختصر حبيت يوصلكم كيف ماهو مرسوم في مخيلتي . نتمنى تعجبكن قصتي وتلهم البعض منكن ودعواتكم لي والله يوفقني ويوفق الجميع باذن الله

    اترك تعليق:

يعمل...
X