السلام عليكم ورحمة الله
مدة ما دخلت للمنتدى ، وهي في الحقيقة لما كندخل وما كنعرف فين نمشي حتى الصديقات ما بقيت شفت نشاط أي وحدة فيهم ،
وبما اني تفرغت للمرض بعيد عليكن وباهتمامي بكل ما يفيدني ويفيد كل السيدات ، تنقلت من شتى رياضات ، دخلت نادي ، تهلكت بلا فايدة لان برغم الثمن ما كاين مسؤول على الاعضاء كل واحد شاد آلة و اذا حن علينا الله كتدخل اخت تعلمنا الحركات ، هنا بيت القصيد الحركات كنديروها كاملين الشارفة على الصغيرة على الحاملة على لي فيها النقرس وحتى لي مبولكية ، المهم خرجت ودخلت لليوتوب ، نهار نتبع ونهار نصبح ناعسة بالآلام ديال حركات البارح ، فكرت وبنصيحة من دكتور دخلت المسبح ، هنا حسيت براسي مزيانة لان السباحة نفعتني في الجزء السفلي اما العلوي فالآلام زادت في كتافي ، اول ما عرف الطبيب المختص حتى قالي وقفي ،
ما لقيت حل غير المشي ثم المشي ، وها انا كنتمشى يوميا الميزان ما بقاش يخلعني و مسيطرة على السكري باقل جرعة من الدواء ، ولله الحمد ،
المشي بلا فلوس بلا تعب اللهم الايام الاولى لازم تبداي تدريجي باش تولفي مفاصلك الحركة ، ولي ما عندها كفاش تخرج كاين حلول نحكيهم لكم من بعد .