ArabicEnglishFrenchSpanish

إعـــــــلان

تقليص
لا يوجد إعلان حتى الآن.

تحرقت بالفران

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    تحرقت بالفران

    سلام البنات عاد قبيلة شوية كنت تنطيب الحرشة د الفران يالاه جيت نشعلو وهو يطرطق عليا فشعري وفوجهي وفحجباني ورموشي و يدي بجوج بحالا درتلهم لاسيغ
    شعري من القدام كووولو طار ولات بحال التونية او اكثر
    دىت فالاول البيض وانا غير الخلعة قرررربت نموت بيها و شوية دخلت خويت عليا ما بارد و درت بيافين لوجهي ويدي
    والحمد لله مكانش ضرر كبير فجلدي غير احمرار طفيف جدا تا بردت عاد بان
    بغيت شي طريقة نرد بيها شعري و رموشي و الحاجبين
    شعري من لتحت قطعتو محيث تحرق و دابا ولالي اقل من قليل
    اه وشفايفي لحد الان ملتهبين قتلوني قولولي اش ندير ليهم
    وبالنسبة للشعر الزائد بين الحاجبين وفي اليد وفالوجه منين تحرق متحرقش كولو وكأني حيدت بالماكينة بقالي شوية واش غيكثر ولا يرجع غير كيما كان
    سمحوووولي كل مرة مصدعاكم عافاكم بغيت اجابات سريعة وشكرا
    • WhatsApp

    #2
    اختي دخولت غير نقولك الحمد لله على سلامتك وربي حفظك من شي حاجة كبيرة بزاف انشاء الله يجاوبك الأخوات


    تعليق

      • WhatsApp

      #3
      اختي الحمد لله على سلامتك ضرني خاطري عليك بزززاف ملي شرحتي لينا شنو طرا لك حيت حتى انا مريت بنفس تجربة بالحق ماشي فران انا باطور ديال ضوا كانت كنخلط بها البيض و السنيدة جاية نهدر معا اختي و هو يشد ليا في شعري بقى كدور و انا كنغوت ربي لي خلقني بغيت نوصل لبريز ديالو كان غادي يطحن ليا الوجه و العنق كون راني الحمد لله اختي لي عتقاتني ملي حبس نتفي و طير ليا نص شعري تخيلي دم خرج ليا من جدورة مشيت سبيطر و داويت رجع ليا شعري بالحق ماشي بحال اول ولى عندي فرغات كتيرة المهم سمحي ليا بقيت كنهدر على راسي شوفي اختي نصحك سيري عند طبيبة جلد و لا سبيطر لحومة كولي لهم بغيت طبيبة جلد و لاتار حروق دير عسل لحر كيكولو مزيان ما تخفيش انا متاكدة غادي يرجع لك شعرك و حجبانك بقدرة الله السميع العليم

      تعليق

        • WhatsApp

        #4
        السلام عليكم
        على سلامتك ا ختي و ما يكون باس كولشي يتخلف ان شاء الله منين جات غير على هادشي الحمد للهانا فرأيي ضروري تمشي تشوفي طبيبة جلدية كايبقى الدواء الصيدلي مضمون اكثر و نتاجه اسرع و حتى داك الشعر للي محروق نصو فحجبانك غاتقوليك واش تحيديه باش ينبت شعر جديد او غير داويه
        مرة اخرى على سلامتك

        تعليق

          • WhatsApp

          #5
          على سلامتك اختي ملي جات سليمة الحمد لله كلشي يتعوض و يتخلف ليك ان شاء الله
          لي نقدر نقول ليك اختي ما تديري ولو غدا غير تفيقي اول حاجة سيري عند الطبيبة تعطيك لي يوالم حالتك لي يحي مع وحدة يقدر ما يجيش معاك و اصلا دبا بشرتك حساسة غتأثر كتر باي حاجة استعملتيها الطبيب هو لي يقدر ينفعك اختي
          على سلامتك اختي مرة اخرى و طمنينا عليك ملي تشوفي الطبيب





          تعليق

            • WhatsApp

            #6
            على سلامتك ا ختي وراه اغلبية الناس كيتعرضو لحوادث من داك النوع المهم بالنسبة للشعر اللي مشا من القدام وتاع رموش او حجبان مديري ليهم والو حتى تشوفي بعدا واش نبتو وديري ليهم زيت الخرواع باش يعاون وف حالة الى مزال ماناضش الشعر كنصحك تمشي عند شي طبيب جلدي يوصف ليك شي حاجة تدهني بيها البلايص اللي مشا منها الشعر باش ينبت كريم ولا جيل وكاينة كذلك تقنية زراعة الشعر هدي من اختصاص اطباء التجميل وانا عندي رقم طبيب تجميل ولكن ماشي مغربي الى بغيتي تواصلي معاه ف الواتساب تاخذي معلومات على الموضوع وتصيفتي ليه تصاور باش يشخص ليك الحالة والى بغيتي نعطيك اسم باج تاع فيسبوك ديال واحد الطبيبة تاع الجلد مغربية تقدري تراسليها ف الخاص وتشوفي شنو غتقوليك ولآثار الحروق الجديدة كنصحك بواحد المرهم رائع ولكن خاصكي تستعمليه يوميا سميتو ماديكاصول رخيص ماواصلش 30درهم غتلقايه ف الفرماسيان

            تعليق

              • WhatsApp

              #7
              المشاركة الأصلية بواسطة نسمة صباح مشاهدة المشاركة
              اختي الحمد لله على سلامتك ضرني خاطري عليك بزززاف ملي شرحتي لينا شنو طرا لك حيت حتى انا مريت بنفس تجربة بالحق ماشي فران انا باطور ديال ضوا كانت كنخلط بها البيض و السنيدة جاية نهدر معا اختي و هو يشد ليا في شعري بقى كدور و انا كنغوت ربي لي خلقني بغيت نوصل لبريز ديالو كان غادي يطحن ليا الوجه و العنق كون راني الحمد لله اختي لي عتقاتني ملي حبس نتفي و طير ليا نص شعري تخيلي دم خرج ليا من جدورة مشيت سبيطر و داويت رجع ليا شعري بالحق ماشي بحال اول ولى عندي فرغات كتيرة المهم سمحي ليا بقيت كنهدر على راسي شوفي اختي نصحك سيري عند طبيبة جلد و لا سبيطر لحومة كولي لهم بغيت طبيبة جلد و لاتار حروق دير عسل لحر كيكولو مزيان ما تخفيش انا متاكدة غادي يرجع لك شعرك و حجبانك بقدرة الله السميع العليم
              الحمد لله على سلامتك .. الله يجعلها مغفرة الذنوب
              درت بيافين وافقاتني ولكن تيتحيد لي جلد رقيق من الانف معرفتش واش عادي انا بوحدي مكاينش مالين الدار مسافرين مايصلاحش نمشي للطبيب يالاه خديت بيافين وبغيت شي حاجة د الشعر مصاااب يرجعو دعواتك
              والحمد لله

              تعليق

                • WhatsApp

                #8
                المشاركة الأصلية بواسطة jamila_najma مشاهدة المشاركة
                على سلامتك ا ختي وراه اغلبية الناس كيتعرضو لحوادث من داك النوع المهم بالنسبة للشعر اللي مشا من القدام وتاع رموش او حجبان مديري ليهم والو حتى تشوفي بعدا واش نبتو وديري ليهم زيت الخرواع باش يعاون ولآثار الحروق الجديدة كنصحك بواحد المرهم رائع سميتو ماديكاصول رخيص ماواصلش 30درهم
                شكرا بزااااف
                الله يسلمك

                تعليق

                  • WhatsApp

                  #9
                  المشاركة الأصلية بواسطة "خديجة" مشاهدة المشاركة
                  على سلامتك اختي ملي جات سليمة الحمد لله كلشي يتعوض و يتخلف ليك ان شاء الله
                  لي نقدر نقول ليك اختي ما تديري ولو غدا غير تفيقي اول حاجة سيري عند الطبيبة تعطيك لي يوالم حالتك لي يحي مع وحدة يقدر ما يجيش معاك و اصلا دبا بشرتك حساسة غتأثر كتر باي حاجة استعملتيها الطبيب هو لي يقدر ينفعك اختي
                  على سلامتك اختي مرة اخرى و طمنينا عليك ملي تشوفي الطبيب
                  الله يسلمك
                  ان شاء الله شكراا

                  تعليق

                    • WhatsApp

                    #10
                    المشاركة الأصلية بواسطة chayma مشاهدة المشاركة
                    اختي دخولت غير نقولك الحمد لله على سلامتك وربي حفظك من شي حاجة كبيرة بزاف انشاء الله يجاوبك الأخوات
                    الله يسلمك وينجيك حبيبتي ربي يحفظك

                    تعليق

                    يعمل...
                    X