ArabicEnglishFrenchSpanish

إعـــــــلان

تقليص
لا يوجد إعلان حتى الآن.

خاص بوصفات أسبوع الباذنجان بدون ردود

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    خاص بوصفات أسبوع الباذنجان بدون ردود

    السلام عليكم ورحمة الله وبركاته
    فتحت هاد الموضوع باش نجمع فيه الوصفات المقترحة في موضوع أسبوع الباذنجان باش مايتلفوش بين الردود ويكون مرجع سهل للعضوات .

    • WhatsApp

    #2
    من بين الوصفات لي كندير بالدنجال : هو المقلي الله يعفو عليا منو هههه عارفاه ماشي صحي لكن كنيعجبنيييييييييييي واخا مكنبغيش نكثر فيه



    كنقليه عادي في الزيت مع ملحة وممكن بلاش، بعض المرات كنرافقو بصوص طوماط ( الطريقة القدييمة التقليدية ) وبعد المرات كنديرو هكاك مع الخبز يا سلاااام هههه لكن للاسف ماشي صحي ههه




    الطريقة الثانية هي الطبق المغربي الشهييير "زعلوك " طريقتي هي : كندير الشواية فوق البوطة و نشوي عليها الدنجال و مطيشة و الثوم حيت كيتشواو كنخليهوم يبردو و نحيد القشور و نغسلهوم خوفا من انه تبقا شي قشرة ،( اذا كنت بوحدي مكنغسلوش بعد ما يتشوى كنكتفي بتحياد القشور لانه كتعجبني نسمة ورائحة الشوي فيه ) كنقطعهوم عادي و نديرهوم في مقلة على النار مع زيت العود و العطرية و شوية دالربيع حتا تنسجم العناصر و تزيد طيب شوية و هاهو جاااهز و بالف صحة وعااافية





    الطبق الثالث و لي تفكرت هو سفة الروز طبقات حتا هي فيها النجال كنت جربتها من المنتدى صدقاات رائعة ، غير هي مرات كنقلي الدنجال و مرات كنديرو في مقلاة حتا يتحمر بدون زيت ومرات في الفرن و في كل الحالات كتجي بنينة والاذواق تختلف


    هذا رابط الوصفة

    https://www.anaqamaghribia.com/vb/fo...مم?t=256760


    وبالصحة والرااحة

    إذا غبت عنكن ولم تروني ... هذه مشاركاتي فتذكروني وإن طــالت مدة غيـــابي... فدعواتكن لي ولا تنـســوني وإذا بلغكن خــبر وفــاتي ...فأسترجعوا الله وأستغفرن لي ولا تبخلن علي اخواتي بدعواتكن...
    لعل الله أن يغفر لي ذنــوبي

    تعليق

      • WhatsApp

      #3
      تبارك الله عليك اختي على الموضوع بالنسبة لي انا مكنقليش الدنجال حيت كيضرني الا قليتو كندير بيه زعلوك مرة مرة نفس الوصفة ديالك محبة التغيير غير كنضيف ليها الفلفلة مشوية
      اما الوصفة المعتمدة عندي للدنجال هي " الدنجال مشرمل في الفرن " و الطريقة هي انك تاخدي الدنجال تقطعيه على ربعة غير من الفوق بلا متوصلي للراس ديال الدنجالة خصها تبقى مجموعة و من بعد ديريه يتفور حتى يبان كيدخل فيه الطياب و تحيديه و تصاوبي شرمولة ديال الحوت اللي موالفة كتديري و تكتري شوية للثوم تعمري الدنجال و ديريه فالمول ديال الفران يكمل الطياب كيجي كيحمق

      حتى متافقة معاكم على الكورجيط حيت مكنعرف مندير بيها من غير الصبة

      تعليق

        • WhatsApp

        #4
        السلام عليكم شكرا على الموضوع فالصراحة الفكرة زوينة و جديدة ديال اختيار خضر الأسبوع الله يعطيكم الصحة.
        بالنسبة ليا اضافة للوصفات اللي قلتو عوض ما نقلي الدنجال اللي تيعجبني حتي انا تنقطعو دوائر و ندهنو بالزيت البلدية و الملح أو نعمليه شرمولة الحوت و نستفو في الاطة و الى الفرن تيجي رائع بحال المقلي و مفيهش كترة الزيت
        تقدري تعمليه حشوة للبريوات مع كفتة تشحري البصلة +ملح و زيت +كفتة الى عندك الكمية غير قليلة الدنجال تيعتقك هههه+ دنجال مقشر و محكوك تشحري الكل مزبا زيدي بزار و كمون تحميرة حسب الدوق و هانتي عندك حشوة للبريوات اللي داقها مستحيل يعرف فيها الدنجال.
        تندهنو بالزيت و ندخلو الفران يتشوا غير شوية و نصيب صوص بولونيز بالمطيشة و الكفتة و تديري في المول ديال الكغطان طبقة دنجال طبقة صوص حتى تكملي حكي فروماج و دخليه الفرن
        ممكن تشويه و تقطعيه مع مطيشة و تومة محكوكة أو بودرة زيت بلدية ربيع ملح و ابزار و تقدم سلطة باردة الى طيبتيه يولي زعلووووووك ههههههههه

        تعليق

          • WhatsApp

          #5
          شكرا لكن على مشاركة اطباقكن الهااائلة معنا

          جعلها الله في ميزان حسناتكن

          من بين الاطباق لي كندير بالدنجال و غير هاد النهار درتو

          كراتان الدنجال والبطاطا للغالية فتي بيل كيجي لذيييذ


          https://www.anaqamaghribia.com/vb/fo...-و-الصور

          غير انا تفاديت القلي وو عوضتو بالطياب في الفران

          إذا غبت عنكن ولم تروني ... هذه مشاركاتي فتذكروني وإن طــالت مدة غيـــابي... فدعواتكن لي ولا تنـســوني وإذا بلغكن خــبر وفــاتي ...فأسترجعوا الله وأستغفرن لي ولا تبخلن علي اخواتي بدعواتكن...
          لعل الله أن يغفر لي ذنــوبي

          تعليق

            • WhatsApp

            #6
            السلام عليكم حبوباتي شكرا على الموضوع والله فكرة جميلة

            انا الدنجال كيعجبني بجميع الطرق
            الطريقة الأولى هي لي ذكرتو ولي هي مضرة بزااااف ولكن مرة مرة كنزيغو هي القلي
            الطريقة الثانية الزعلوك انا كنت كنصلقو عاد نديرو في المقلة مع مطيشة محكوكة و الربيع و العطرية الحوت ونخليه اطيب مزيان ولكن هد الأواخر وليت كنشويه مع الفلفلة كما ذكرتو قبل
            الطريقة الثالثة على شكل بيتزا كنقطع الدنجال دوائر وخلط شوية الزيت بلدية مع ثوم محكوك و شوية الزعتر و الملح والابزار وندهن به الدوائر ديالي وتدخل الفرن دجا سخون حتى اطيب 3 أرباع الطيب ديالو في هد الوقت نهد مطيشة مقطعة مربعات صغيرة و مزولة لها الماء و الزريعة ونضيف الربيع وملحوكمون وابزار وتحميرة نشحرهم شوية ونجبد الدنجال ونديرو علي كل دائرة شوية الصلصة نردو أكمل طيب وفي الأخير نزيدوه الفرماج محكوك
            [url=https://www.anaqamaghribia.com/pic/][/url]


            تعليق

              • WhatsApp

              #7

              نسيت حتى انا مع الأخوات اصوت هههه للكورجيط


              و كاينة طريقة أخرى رائعة للدنجال كنقطعوه مربعات يا أما كنقشروه إلى بغيتو انا كنديرو بقشورو المهم كنخدو إناء نديرو بيضة و شوية الحليب و الدقيق وملحوكمون وابزار تخلطو مزيان ونديرو فيه قطع الدنجال شي 30 min و قليوب في زيت سخونة و بهد الطريقة مكيشبعوش الزيت و المذاق مغاير وجديد ولذيذ
              [url=https://www.anaqamaghribia.com/pic/][/url]


              تعليق

                • WhatsApp

                #8
                السلام عليكم ورحمة الله وبركاته

                موضوع وفكرة خطيرة تبارك الله عليك وعلى البنات
                الدنجال حتى أنا تا يعجبني بزاف خصوصاً المقلي مياممم لكن... ما علينا عارفين الأضرار لكن مستحيل مقاومته فاش يكون مجبد فوق الطبلة
                المهم اقترح وصفة لمحبات السلطات الصحية والباردة المرافقة للمشاوي وممكن أكله كيف هو أنا ما تا نصبر حتى يتحط فوق الطبلة
                تاخدي دنجالة تغسلها وتبخريها كيف هي ما تحيد منها والو وتخليها تبرد وتاخدي الداخل كلو وتضيف لها ثومة محكوكة ومعدنوس ملحة وبزار ودانون مسوس وتمعكها فحال الزعلوك تا يجي لذيذ بزاف
                ممكن تشويها إلى بغيتي لمذاق ألذ
                تجمع :) أتحداك أن تفكري في النوم بعد صلاة الصبح :)
                https://www.anaqamaghribia.com/vb/node/17876456

                تعليق

                  • WhatsApp

                  #9
                  موضوع مفيد جدا كعادة جميع المواضيع اللي كيطرحو الانيقات ف المنتدى..
                  الطبق اللي كندير بالذنجال و كيعجبني بزاف هو انني كناخذ الدنجال و كنقطعو دوائر و لكن على طولة الذنجالة.. كندوزهم في المقلة يتحمرو شوية مع شوية الزيت.. كنوجد شرمولة الحوت و كنعمر كل دائرة و نطويها رولي و نستفهم ف ﻻطة وحدة حدا وحدة و نكب عليهم شوية صوص مطيشة و نرش الفرماج الاحمر و ندخلهوم للفرن.. وبالصحة و الراحة كيجي هائل..
                  وقبلوا عليا راني عاد مبتدئة ف المنتدى و ف الطبخ حتا هو..

                  تعليق

                    • WhatsApp

                    #10
                    ممم انا من عاشقات الدنجال كنحمااق علليييه

                    الطريقة الولى متبل البدنجان : كيبجي فن فن فن متشبعييش منو
                    2 دنجالات مشويين و مشقرين
                    2 فصوص ثوم
                    عصير نصف حامضة
                    ملح
                    2 معاق طحينة ( سمسم مع زيت مطحونيين ضرووورب هاد المكون )
                    يوضع الكل فالطحانة و يزين بزيت الزيتون و الرمان مممم منقولكمش على لذة
                    اللهم البس والديا ثوب الصحة و العافية..واختم لهما بالمغفرة..يا حي يا قيوم برحمتك يا ارحم الراحمين.
                    [



                    تعليق

                    يعمل...
                    X