ArabicEnglishFrenchSpanish

إعـــــــلان

تقليص
لا يوجد إعلان حتى الآن.

فطيرة معمرة رااائعة جبدتها لكم من الارشيف هذا وقتها

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    فطيرة معمرة رااائعة جبدتها لكم من الارشيف هذا وقتها



    11 / 10 2017
    وانا اتجول في مطبخ اناقة تفكرت واحد الملف في تجمعات سابقة كنا تنجمعوا فيه اي شهيوة درنا وتنتقاسموها مع بعضنا البعض ايام كانت رائعة مع حبيبات في الله اشتقت لهن بنوتة وخديجة والواضحة وسلمى و ايوشة وووووووووووو .....وبطاقة الاخوات لي عاملين كشعار بتواقيعنا
    هي كالتالي واسال الله تعالى ان يكن بخير وبصحة وعافية يارب تحياتي لهن من هنا




    والقائمة طويلة فقط تذكرت الايام والليالي لي كنا نجتمع فيها وصادفت هذا الملف ونسخت لكن هذه الفطيرة لي شحااال هاذي ما درتها وان شاء الله تجربوها وتعجبكم لانها فعلا ساهلة ولذيذة بلا ما نطول عليكم نخليكم مع فطيرتي الرائعة

    فطيرتي الرائعة والساهلة والبنينة والهشيشة وكلشي فيها غير الي ما بغاتش تقيد كوتيها نذكر بالمقادير وانت تقدري تضاعفيهم باش تحصلي على فطيرة كبيرة حسب عدد الافراد راه ما تشبعيش منها بلاما نطول عليكم :


    المقادير

    كاس العنبة زيت بلدية
    كاس العنبة حليب
    قبيصة الملح
    راس معلقة صغيرة خميرة الحلوة
    الطحين حسب القياس الجهد الي تجيك عجينة رطبة
    ما تدلك ما والو غير تجمعيها تكوريها وتغطيها














    من بعد الحشوة كالتالي :

    بصلة متوسطة مشلضة
    فلفلة حمرا
    2 فلفلات خضرين
    شوية زيت العود
    مليحة قبيصة البزار الابيض
    تشحريهم مزيان وتخليهم يبردوا شوية










    من بعد تقسمي الكورة على جوج وطلقي الاولى بالمدلك تكون رقيقة
    وتهزيها وتحطيها في اللاطة مفرش لها ورق السيرفيليزي ودري لها
    الحشوة كلها










    ثم طلقي النصف الاخر ديال العجين وغطي به الحشوة وجمعيها من الجوانب وزينيها حسب الرغبة كما هو موضح بالصورة وبالصحة والراحة





    ثم ندخلها للفرن حتى تحمر ونقدمها ساخنة تتجي لذيذة









    عاقلة درتها واحد العشية مع الحسوة الشعير بالحليب اللهم ادمها نعمة واحفظها لنا من الزوال ونسالك العفو والعافية







    • WhatsApp

    #2
    مممممم الله شهيتيني فيها حبيبة مجربة العجينة فعلا رائعة كتجي بحال بات فويتتي ولذيذة
    هي وقفتي على الاطلال كيف كنعمل حتى انا فاش يشدني الحنين للتجمع ديالي بصح بيني وبينك فكرة زوينة ديال نطلعو الوصفات من التجمع ههههه خاصني نبحث ونضور حتى انا ههه
    تعيشي وتفتكري خيتو الله يرجع الغائبات ويدكرهن بخير اينما كن
    ​​​​​​





    ربي ارحم أبا لم يحرمني شيئا و لا تذقني حياة دون أمي ! triste



    تعليق

      • WhatsApp

      #3
      تبارك الله عليك حبوبة والله يعطيك الصحة فطيرة سهلة جدا وأكيد لذيذة جدا ، إن شاء الله نجربها قريبا ، غير قولي لي حبوبة واش نقدر نبدل الحليب اللي في العجينة بالماء ؟
      شكرا حبيبتي

      تعليق

        • WhatsApp

        #4
        الله يعطييك الصحة اختي ذاكرة

        إذا غبت عنكن ولم تروني ... هذه مشاركاتي فتذكروني وإن طــالت مدة غيـــابي... فدعواتكن لي ولا تنـســوني وإذا بلغكن خــبر وفــاتي ...فأسترجعوا الله وأستغفرن لي ولا تبخلن علي اخواتي بدعواتكن...
        لعل الله أن يغفر لي ذنــوبي

        تعليق

          • WhatsApp

          #5
          فطيرة ساهلة و كتبان بنينة الله يعطيك الصحة




          sigpic

          تعليق

            • WhatsApp

            #6
            سعيدة بهذا المرور الكريم من اخواتي الغاليات حبيبتي ريفية ما نقدرش نقول لك واش تقدري تبدلي الحليب بالماء لانني ماشي خبيرة مطبخ ولكن بيني وبينك نجربها بالماء ونقول لك وهو على فكرة سائل يعني يقدر يجي في بلاصتو الماء وتجي مزيانة
            والتجربة خير برهان





            تعليق

              • WhatsApp

              #7
              ممممم لذيييذ.. الله يعطيك الصحة♡

              تعليق

                • WhatsApp

                #8
                تبارك الله عليك اختي داكرة الا سمحتيلي نجاوب العزيزة على قلبي ريفية فعلا تقدر تعوض الحليب بالماء مدام عندها مشكل صحي مع الحليب الله يحفظها وسبق جربت العجينة بالماء في الشوصون كتجي فنة وكنعتبرها احسن عجينة شوصون
                ​​​​​​





                ربي ارحم أبا لم يحرمني شيئا و لا تذقني حياة دون أمي ! triste



                تعليق

                  • WhatsApp

                  #9
                  مممممممممم شهييتيني مريوومة تبارك الله عليك حبيبتي غزالة ما شاء الله هاد الفطيرة
                  تم التبيث مع احلى اعجاب




                  فهرس مواضيعي البسيطة متجدد بإذن الله

                  شرح رفع وتعديل الصور على اناقة مغربية والكتابة عليها بالتفصيل الممل و بالصور


                  تعليق

                    • WhatsApp

                    #10

                    كتشهي ذاكرتي عطاك الله الصحة .
                    فرحانة حيت شفتك حتى فقسم الطبخ . و لفتك فقسم الجمال ياجميلة انتي .
                    الفطيرة غزالة و ساهلة تبارك الله عليك .


                    تعليق

                    يعمل...
                    X