ArabicEnglishFrenchSpanish

إعـــــــلان

تقليص
لا يوجد إعلان حتى الآن.

العراسات كيف ولاو

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    العراسات كيف ولاو


    كنت جالسة مع راسي و انا نتفكر واحد النوبة حضرت لواحد العرس و بقيت كنضحك غي مع راسي

    و قلت نكتب موضوع نتشاركو الحتيت هههههههه زوينة هادي ياك

    انا نعاود ليكوم اشنو تفكرت و بقيت كنضحك
    عرضات علينا صاحبت ماما لعرس بنتها المهم دارتو غي في الدار و مدارتش الحيحا ديال هاد اليوماين.
    مشينا دخلنا و باقي الناس كيدخلو اش نقول لكوم كيجيو الناس ب5 من الدار ولا كاملين كاع

    كيعرضو على وحدة حتى كيجي كلشي و المراءة جارا معاها ولادها كاملين و صغار و الربيج و الغوات و كيدابزو الدراري الصغار بيناتهوم و اقسم بالله واحد الوليد صغير طالقاه مو و كياخد الحلوة من الطبسيل و كيمعسها بيديه و يلوحها فوق الزربية عمر الزربية كلها.
    و مو ممسوقاش ليه و مكتقول ليه لا كلس لاوالو و انت يا لالة شدي ولدك عندك

    فاش كمل من الحلوى مشا حدا المسجلة وهو يجرها جابها لارض وهي تهرس
    و بقا كيبكي قفزات مو بسم الله عليك يا ولدي بسم الله عليك المراءة مولات الدار مسكينة تصدمات و مقالت مو الدري لمولات الدار والو مقالت ليها لا سمحي ليا والا والو.

    و الريكاتة الكبيرة مدويناش عليها الغوات ديال الدراري لوخرين
    و انا منكدبش عليكوم بقيت مصدومة

    و الشوهة الكبيرة هيا فاش تغداو الناس و شي انواع منهوم جبدات الميكة من وسط الساك و كيهزو في اللحم و الحلوى و كيخشيو وسط الميكة بقيت غي كنشوف

    دابا غا قولو ليا واش الافراح ولاو هاكا حتى انتوما صادفتو بحال هاد الامتال ولا لا
    و لي عندها شي ميتقال تعاود لينا
    • WhatsApp

    #2
    ههههههههه هادشي عااادي أختي دوزت من بحال هاد العراسات عداد و لكن حشومة تهرس حوايج الناس و لكن من ناحية اخرى هادوك هما العراسات ديال النشاط دبصاح أما دابا ولاو غير البروتوكولات أنا الصراحة نفضل نمشي لداك العرس و ما نمشيش لعرس ففندق أو قاعة

    تعليق

      • WhatsApp

      #3
      وياه ولكين كود البراهش هوما لتقتلوني العرس كامل تيخسروه

      تعليق

        • WhatsApp

        #4
        مابقاش عندي مع العراسات لي فيهم البروتوكول و الفوحان و المظاهر الخاوية... انا كنبغي البساطة بزاف، و ايلا كان العكس بناقص هههه
        " كلما ازداد الانسان غباوة، ازداد يقينا انه افضل من غيره في كل شيء "

        ***
        "يبدو، و قد يكون النسيان نعمة، عندما يجعلنا ننسى الإساءة، فنصبح متسامحين، و قد يكون النسيان نقمة، عندما يجعلنا ننسى المعروف، فنصبح ناكرين للجميل... "



        تعليق

          • WhatsApp

          #5
          بالنسبه لي انا تنبغي العرس المنظم اما الى كانوا فيه لبراهش بناقص والله ما نكمله فكرتيني في عرس بنت جيرانا خدات ولد جيرانا نيت داروه في القاعه وجى تشوفي الى عرضوا عل وحده كتجي الدار كلها لدرجه الناس ما بقاوش لقيين في يكعدوا والقاعه حدا دار لعروسه مشينا دقينا على جيران نطلبوا لكراسه مالقينا حتى وحده في الدار ههههه الحي كله جاء بولاده حتى الي جاوها الضياف جابتهم لدرجه السربايا مشاو والطباخه ما بقات لقات ما تحط في لماكله وهي تسلت شي تعشى وشي بقى بلاش شحال خسروا مساكن وفي الاخير كلشي ضرب في زيرو هدا تيتسمى طنز على البشار زعما ماسوقناش لمالين لعرس نمشوا لعرس واخا ما عرضينش حشومه انا بعده ما رضاش نمشي بلا عراضه ولا ندي معايا شي حد الواحد يديير الدعوه باسم صاحبها ويوقف شي حد مسنطح قدام الباب الي ما عندوش مايدخلش واحد جيرانا اخرين حتى هم جاوهم ناس بلا عراضه وما قداتش الماكله ولا تيجيبوا الدجاج محمر من المطعم الصراحه كاين شي ناس الله يهديهم باسلين

          تعليق

          يعمل...
          X