ArabicEnglishFrenchSpanish

إعـــــــلان

تقليص
لا يوجد إعلان حتى الآن.

كيفاش تقدري تاثري فوزنك بشخصيتك اولا !

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    كيفاش تقدري تاثري فوزنك بشخصيتك اولا !








    السلام عليكم و رحمة الله و بركاته



    فكرك و شخصيتك تيناسبو شكل جسدك و وزنك !!

    غاليتي، شكل الجسد المتالي بالنسبة لك و الموجود في مخيلتك الآن،
    تيتناسب تماما مع الشخصيه اللي تتطمحي ليها،
    ادا كنتي تتشوفي ان الوزن اللي باغاه راقي فانت راقيه بكل تاكيد،
    لكن اللي تينقصك هو التعبير عن هادشي

    ربما هاد الجسد اللي تتمتلكيه الآن ماتيعبر عنك بالمستوى اللي تتطمحي له انت،
    و انا تنفهمك تماما
    مجرد سعيـك لإزالة الوزن الزائد عن الطبيعي .. أمر تيفسر نوع التفكير اللي تنتهجيه الآن وهو تفكير صحي
    لكن باش توصلي للوزن اللي فمخيلتك
    لازم عليك تلقاي التفكير المناسبه لهاد الوزن

    غنوضح هادشي

    حنا تنتعاملو مع الماكله عل حسب فكرنا و شخصيتنا كيما تنتعاملو مع اي حاجه او شخص فحياتنا
    الشخص السمين متلا عنده : افكار تتقوده لان يكون سمينا

    غنعطك متال بسيط
    أغلب الأشخاص السمينين مثلا عندهم قناعه ان الاكل ونيس و صديق يفرحهم !!
    او ربما الماكله هي الحاجه الوحيده اللي بامكانها انهاء الغضب !
    او ماشي مشكل الاكل نهار واحد مع الاهل...ماشي مشكل..ماشي مشكل..حتى تولي ايام !!

    هادي فكره بسيطه تتوضح شخصيات أصحاب الفكر اللي تينتج السمنه

    مثال آخر عن شخص نحيف:
    تيعتقد اغلب النحيفين ان الشخص الغاضب ما تيليق به انه ياكل...لانه ماغيبانش غضبان بالشكل الكافي
    هدا علاش تتلقايه ملي يغضب ممكن ماياكلش لمده يومين !
    فقط باش يستوعب من حوله انه غضبان حقا

    هادي مجرد فكره وحده
    لكن كل شخص نحيف عنده صندوق من الافكار اللي تتحقق النحافه... وكل شخص سمين عنده صندوق عامر بالافكار اللي تتقوده للسمنه !!
    و هاد السلوكيات و الافكار من الموكد انها تتأثر و ترسم شخصياتهم
    و ادا قلت شخصياتهم فانا تنتكلم اذن حتى عل ميولهم ف الاكل

    فنحن نميل للمأكولات التي تناسب شخصياتنا

    متلا : أغلب النحيفين تيميلو للماكولات اللي ماتتزيدش فالوزن !!
    و اغلب السمينين تيميلو للماكولات اللي تتزيد الوزن !!

    و هدا ماشي عبث او صدفه.. بل الشخصيه و الفكر هما المتحكم الرئيسي في نوع تعاملنا مع الماكله كيما قلت فالسابق وبالتالي حتى تعاملاتنا ونوع طاقتنا وتصرفاتنا

    لهدا تنصحك اولا بالتنقيب عل الصندوق اللي تتحطي فيه آلافكار اللي تتسمنك...فادا ماكتشفتيها..فكل فكرة مجهولة هي فيروس تيشتغل ضد هدفك بالتأكيد
    تم عل الافكار اللي تتنتج الوزن المتالي
    فقط ركّزي وراقبي أفكارك و غيولي من السهل عليك ايقافها

    و حنت الكلام عل الوزن غيطول بزاف الى الحد اللي ممكن يشمل كتاب
    غنرشدك بما هو قليل و عميق و انت عليك تبحثي و تركزي

    الشخصيه اللي تتطمحي ليها خاصك توصلي ليها...لانها هي اللي غتحقق لك الوزن المناسب ليها فوزنك الحالي مناسب تماما لشخصيتك

    الدوافع هي اللي تتاسس النتائج !

    كل جهدك وجهيه للبحث عن دافع قوي

    علاش باغه داك الوزن ؟
    شنو غيحقق ليا ؟
    و علاش ماقادراش نحقق شنو باغه بهاد الوزن ؟..الخ


    فادا كنتي باغاه لانك تتصابي بالاحراج من وزنك الحالي فداكشي اللي باغه هنا هي الثقة بالنفس أولا !!
    قلبي...قلبي حتى تلقاي الفكره اللي مخبيه فالداخل ديالك و اللي ادا بانت غتقودك و تعطيك دفعه ماغتقدري معها تطيحي او تتكاسلي فنص الطريق

    و ركزي عل ان يكون الدافع متعلق بك...انت ماغتطيحي من وزنك بهدف نيل اعجاب شخص ما !!
    منطقي آه..لكن مالازم انه يتمركز عليه...فادا كان دافعك تيتعلق بشخص فداك الشخص هو اللي غيأثر عل دافعل و يتحكم به !!
    و بالتالي يقدر يتغير دافعك او ممكن يزول ادا مشا داك الشخص من حياتك او تغير متلا !

    راقبي نفسك..ماذا تصنعين..منطق أم جنون ؟!! :

    راقبي نفسك شنو الاوقات اللي تتاكلي فيها اكتر من المطلوب

    فهناك الكثيرات ممن تأكل في وجبة الغذاء داكشي اللي ممكن يكفيها لتلات ايام تم تتقول انا ماتنتعشاش !!
    و شنو الفرق عزيزتي...شنو الفرق !!...واش هادي حميه متلا !!

    بعد ما تهتمي بالدوافع و الشخصية ومراقبة الذات قراي عل الاطعمه والحميات فالخطأ هو البدأ بالقراءة عن الأكل قبل الذات، شكون اللي غيتغير ؟



    واش وزنك عنده علاقه بعاطفتك ؟
    كيفاش تتحكمي فجوعك ؟



    حالتك العاطفية وشعورك بالجوع ! :

    تكلمنا عل شخصيتك و دوافعك و مراقبة الذات

    كاين ايضا التحكم في الحالة العاطفية الخاصة بك
    لانه ممكن تتداخل بعض احتياجاتك العاطفية بحاجتك للاكل !!

    متلا : ادا افتقرتي لبعض المصادر اللي تتلبي احتياجاتك العاطفيه..ممكن ياخد الاكل محلّ المصدر الغائب ويسّد بعض حاجاتك العاطفية !!
    و بالتالي ماتيولي الجوع مجرد منبه على انك جائعة للطعام !
    ممكن تصدر الذات شعور بالجوع حتى ملي تكوني جائعة للعاطفة او في حاجة للمواساة مثلا !!
    لازم عليك تراقبي ذاتك و تفصلي بين الجوع الحقيقي و الحاجة العاطفية

    و هاد المراقبه ماغتتضبط الا ملي تراقبي كميه اكلك...واش راها كافيه ؟
    اذن ماكينه حاجه للاكل


    و الاهم انك تشبعي حاجياتك العاطفيه بتنمية علاقتك بذاتك وبإهتمامك بها سواء نفسيا او جسديا او شكليا او عقليا
    هدا مهم بزاف بزاف و عنده تأثير على كيمياء جسدك، فكيمياء الجسد و شكل هرموناتك تتتحكم في مشاعر الجوع عندك

    و ثاني حاجه علاقاتك لازم تكون بمحيط ( زوج، صديقات ...) يقدمو لك التشجيع و المدح و المساعدات
    ركزي عل علاقه تتآمن بالتبادل..حيدي عليك العلاقات اللي تتستنزفك...تتخليك تقدمي و تفرغي طاقتك وبمقابل مسيء لذاتك !!
    فادا كنتي امراه تتعاني عاطفيا ونفسيا فهاد الحاله يتوجب عليك التفكير فنفسك
    فالعليل لا يسعه أن يقدم للآخرين وينسى علته !



    تحكمي في جوعك !! :

    كاين ما يسمى بالتغذية الحدسية
    و تتعتلد عل التحكم في شدة جوعك
    كاين الياف مصنوعه من اللحم تتباع فالصيدليات
    هاد الالياف ممكن تاخذيها كلما حسيتي بجوع تيسبق الموعد المحدد للاكل
    شنو تتدير هاد الالياف ؟
    تتخليك ماتوصلي للجوع الاكبر
    هي تتجيب ليك الشبعه و تتكسر جوعك
    و ملي تيجي وقت الماكله تتلقاي ان جوعك متوسط ..ما تيوصل لديك الدرجه اللي ممكن تلتهمي فيها الكم اللي تندمي عليه
    فاكبر خطا تيقوم به اللي تيتبع حميه هو انه يخلي الجوع يكبر..والجوع الكبير لن تسده إلا وجبة كبيرة !!
    و بزاف د الناس خسروا الوزن بالتغذيه الحسيه

    العادات..كيفاش تضعفيها ؟؟

    كسري العادات القديمه اللي تتخليك تاكلي بزاف و ماتستمري فخفض الوزن او اللي ماتاتخلي دافعك يكون قوي
    لاحظي عاداتك ملي تتفيقي...لاحظي شنو غيبدا يملي عليك عقلك...ثم لاحظي شنو غتديري بلا ماتنتبهي
    بحال نوع استراحتك...اوقات مشاهدتك للتلفاز .. نوعية البرامج اللي تتشوفيها... فهناك برامج تستدعي منك ان تأكلي حينما تشاهدينها مثلا !!
    و باش تكسري عاده سيئه مثلا : ( مشاهدة التلفاز أوقات الأكل )..لازم عليك الانشغال ببناء عادة ايجابية في وقت الكسر ذاته مثال : الأكل ثم الرقص. فادا ركزتي على العادة السلبية فقط تيكون وارد بزاف انك ترجعي ليها


    شنو اللي تيفتح شهيتك..ردي البال !!

    انتبهي لما يفتح شهيتك !!
    كمتال عام : موسيقى الجاز تتفتح الشهية مثلا .. بينما تيوقع العكس مع موسيقى الهيب هوب
    الألوان الحيوية .. أيضا تتفتح الشهية ..
    الزنجبيل ( السكينجبير ).. تيفتح الشهية
    قلبي ايضا


    فصيلة دمك !! :


    فصيله دمك تتنفع معها الحميه اللي تتبعيها...متلا الى كانت فصيله دمك O اللي تيزيد وزنك هو القمح و الذره فالمركز الاول
    و نمطك الدموي (الأنماط الشخصية) تيخلي شهيتك تنفتح ملي تكوني بصحبه الناس


    تعريفك للرياضة تعب ؟ ارتقي بوعيك !!

    الرياضة قبل ماتكون مجهود بدني هي وعي راقي
    اللي ماوصل لهاد النوع من الوعي عمرو يحب الرياضه
    كوني راقية واهتمي بداكشي اللي قلت لك واتبعي حياة وصداقات صحية وبعدها اتبعي الحمية
    فهاد الحاله فقط غتنجح بالزربه


    التحفيز .. كوني منعشه ونشطه بالتحفيز !

    تعمقي فالبحت عل هاد المواضيع
    و كتبي عبارات تحفيزيه تتبدا من : أنا في طريقي نحو تحقيق ..الخ
    و هدا باش ماتشككي فالعبارات داخليا بحال، بحال عابره انا رشيقه !
    غتقولي انا رشيقه، غيغوت صوت فالداخل ديالك انت سمينه
    وطاقة التشكيك سلبية بعدي منها بقدر الامكان
    و لهمي نفسك بها فشاشه الهاتف و بيتك و التجمعات الالكترونيه مع أشخاص عندهم نفس الاهداف
    و انا ناكد لك انك غتنجحي لكن بعدما تكوني اكيده نتي
    فلا هدف تحققينه وانت لا تثقين بنفسك !!


    xxxxxxxxxxxxxxxxxxxx
    التعديل الأخير تم بواسطة اخت لطيفة; الساعة 03-01-2020, 20:02.
    • WhatsApp

    #2
    السلام عليكم قمورة لاباس عليك اش كتعاودي
    تبارك الله عليك موضوع شامل وزوين ستافدت منو و عرفت أشياء كثيرة بارك الله فيك
    واخا أنا ماشي سمينة بل العكس
    عجباتني طريقة كتابة و سلاسة الموضوع




    تعليق

      • WhatsApp

      #3
      موضوع راءع جدا اختتي مريم والطريقة ديال الشرح زوينة بزاف كل الاشياء لي هضرتي عليها كاينة ههه انا حاليا وصلت للوزن لي ديما عاجبني راسي فيه وتجربتي في الحمية علماتني اشياء كثيرة وخا مكانش عندي زيادة كثيرة المهم تعلمت ناكل اشياء صحية ومعقولة. وخا مزال محافظة على شي عادات خايبة مضارنيش هاد الساعة مثلا الفطور و الكوتي ضروري ناخدو حدا التلفاز .الرياضة عندي هواية جميلة اكثر من 12 عام وانا نمارسها بكل حب ونهار لاصال عندي يوم سعيد
      وزني عاجبني وراضية عليه اللهم لك الحمد ولي دفعني للحمية انو عندي خوف من السكري ولكولسترول والامراض المتعلقة بالسمنة
      ​​​​​​





      ربي ارحم أبا لم يحرمني شيئا و لا تذقني حياة دون أمي ! triste



      تعليق

        • WhatsApp

        #4
        كلامك صحيح مريومتي متألقة دائما

        تعليق

          • WhatsApp

          #5
          المشاركة الأصلية بواسطة يقوتة ام لقمان مشاهدة المشاركة
          السلام عليكم قمورة لاباس عليك اش كتعاودي
          تبارك الله عليك موضوع شامل وزوين ستافدت منو و عرفت أشياء كثيرة بارك الله فيك
          واخا أنا ماشي سمينة بل العكس
          عجباتني طريقة كتابة و سلاسة الموضوع

          و عليك السلام و رحمة الله و بركاته
          آهلا حبيبه، الحمد لله زاز لوز كركاع...كيف حالك انت ؟
          الله يبارك فيك شكرا لمرورك

          تعليق

            • WhatsApp

            #6
            المشاركة الأصلية بواسطة اخت لطيفة مشاهدة المشاركة
            موضوع راءع جدا اختتي مريم والطريقة ديال الشرح زوينة بزاف كل الاشياء لي هضرتي عليها كاينة ههه انا حاليا وصلت للوزن لي ديما عاجبني راسي فيه وتجربتي في الحمية علماتني اشياء كثيرة وخا مكانش عندي زيادة كثيرة المهم تعلمت ناكل اشياء صحية ومعقولة. وخا مزال محافظة على شي عادات خايبة مضارنيش هاد الساعة مثلا الفطور و الكوتي ضروري ناخدو حدا التلفاز .الرياضة عندي هواية جميلة اكثر من 12 عام وانا نمارسها بكل حب ونهار لاصال عندي يوم سعيد
            وزني عاجبني وراضية عليه اللهم لك الحمد ولي دفعني للحمية انو عندي خوف من السكري ولكولسترول والامراض المتعلقة بالسمنة

            تبارك الله ما شاء الله اللهم بارك اختي عندك قوه الفكر و الشخصيه و وعي راقي و هدا الاهم و الباقي كله يسهل
            الله يزيدك اكتر و اكتر و يبعد عليك الامراض و تنعمي بصحه جيده دايما و ابدا

            تعليق

              • WhatsApp

              #7
              المشاركة الأصلية بواسطة Warda Wardia مشاهدة المشاركة
              كلامك صحيح مريومتي متألقة دائما

              الله يكرمك حبيبتي

              تعليق

                • WhatsApp

                #8
                كلامك درر بالفعل النفسية كتلعب دور كبير فالسمنة و الضعف كدلك
                انا العكس بغيت نكتاسي شي كيلوات مشاو ليا هربو هههههههه
                و بالفعل لقيت اني الليل كنعيا و كنفضل ناكل حاجة خفيفة بنعس دغيا و هادشي اللي خلاني مكنغلاضش خاصني نركز على العشا
                بوركتي حبيبتي

                تعليق

                  • WhatsApp

                  #9
                  المشاركة الأصلية بواسطة همسات الليل مشاهدة المشاركة
                  كلامك درر بالفعل النفسية كتلعب دور كبير فالسمنة و الضعف كدلك
                  انا العكس بغيت نكتاسي شي كيلوات مشاو ليا هربو هههههههه
                  و بالفعل لقيت اني الليل كنعيا و كنفضل ناكل حاجة خفيفة بنعس دغيا و هادشي اللي خلاني مكنغلاضش خاصني نركز على العشا
                  بوركتي حبيبتي
                  اهلا حبيبه
                  إن شاء الله توصلي للوزن اللي باغه بالفكر السليم و الدافع الحقيقي

                  تعليق

                    • WhatsApp

                    #10
                    تبارك الله عليك موضوع زوين وشامل ميس ميسة واش ممكن حبيبتي تتكلمي لينا كيفاش نتغلبو على السلبيات فحياتنا ونجلبو الطاقة الايجابية لديورنا و محيطنا






                    لا الاه الا الله الجليل الجبار

                    تعليق

                    يعمل...
                    X