المقادير
250 ماركارين
2 كيسان صغار سكر كلاصي ما يعادل 150 غرام
كاس صغير زيت
2 بيضات
معلقة صغيرة خميرة الحلوة
فاني
الدقيق تقريبا 800 غرام
لتزيين
شكلاط أسود و أبيض
لوز مهرمش
مربى
براليني
200 غرام عجينة التمر
اللوز ايفيلي
خدمت الزبدة و سكر كلاصي باليد مزيان ثم ضفت لهم الزيت و الفاني حتى تخلط ضفت البيض مع التخلاط و جمعت العجين بالدقيق مع اضافة الخميرة
قسمت العجين الى 5 الاجزاء ضفت لهم النكهات قشرة الحامض و نكهة البرتقال و نكهة الكراميل و الكاكاو و جزء خليتو بالفاني
طلقت العجين بنكهة الكراميل قطعت ثلث العجين فيه ثقب بعد ما طاب لصقتو بمربى الفريز دهنت جهة بالمربى و لصقت عليها اللوز مهرمش
من نفس الشكل لصقت عليه شكل عين بالشكلاط و دهنت الجوانب بالمريى و لصقت عليهم اللوز مهرمش
و الشكل الثاني بنكهة الحامض وضعت عليه وريدات بعجين ملون بالاخضر و بعد ما طاب
لصقتهم بمربى مضاف له نكهة البستاج و دهنت الجوانب بالمربى و لصقت عليهم اللوز مهرمش
و الشكل الثالث قطعتو بقطاعة مربعة عجين بالكاكاو و العجين بالفاني لصقتو بالبراليني و لصقت عليهم الشكلاط من الفوق
الشكل الرابع بنكهة البرتقال خذيت عجين التمر ضفت له معلقة صغيرة زبدة و قشرة البرتقال طلقتو على بلاستيك
ثم قسمت العجين على 2 طلقتهم وضعت العجين الاول ثم عجين التمر و غطيت بالعجين الثاني دوزت عليهم بالمدلك
قطعت بالقطاعة وضعتهم في الطاوة دهنتهم بأبيض البيض وضعت عليهم شرائح اللوز و وردة بعجين الكاكاو
أو نقعطعو العجبن وحدو و عجين التمر وحدو بالقطاعة و نوضعو وحدة فوق وحدة غير تتأخذ الوقت
