ArabicEnglishFrenchSpanish

.

البساطة سر الجمال

X
X
 
  • -
    • WhatsApp

    البساطة سر الجمال

    فهاذ الموضوع بغيت نهضر على واحد المبدأ رائج بزاف عند الناس فالغرب، غ تكونو سمعتو به ، وولكن أكيييد اكيد أنكم عارفينو، بالفطرة وبالطبيعة،
    هاذ المبدأ هو le minimalisme، ولي نقدرو نقولو أنه يوحي الى فن البساطة، نعم البساطة فن أنيقاتي، وماشي ساهل أبدا اتقان هذا الفن، خص بزاف ديال التضحيات وبزاف ديال الارادة باش نقدرو نكونو minimalistes ونعيشو بهاذ المبدأ فحياتنا..لكن الأكيد هو أن النتائج غتكون رائعة بزاف..
    ضروري قبل منحاولو نكونو بسيطات، نفهمو بالضبط اشنو كيعني هاذ المينيمازيم أو فن البساطة؟
    المينيمازيم كيتلخص بالنسبة لي فهاذ الجملة: دكشي لي غتحتاجي كله، قليييل.
    بمعنى أنك الى جيتي تفكري بموضوعية وتعددي احتياجاتك(المادية كنقصد) غتلقاي بلي هي محصورة،
    ولكن رغم ذلك كتلقاي راسك غارقة فبزاااااااااااااااااااااااف ديال الأشياء لي ممحتاجاهش ولي مكتستعمليهاش أصلا..شوفو المفارقة!
    نعطيك مثال:
    سيري دبا حلي البلاكار ديالك وحسبي القطع ديال الملابس، لي كيوالموك، كيجيو قدك ولي كتلبسيهم فعلا، خليني من : هاذ القفطان عزيز علي حيث كنت حضرت بيه فعرس بنت خالت صاحبتي وتما شافني راجلي اول مرة، ولا هاذ الكسوة شريتها حيث داروعلها الصولد ، غانلبسها ملي نضعاف ان شاااااااااااااااء الله، ولا ولا...حسبي الحوايج لي كترتاحي فيهم، كيجو معك وكتبغيهم من قلبك والأهم اللي كتلبسيهم ديال بصح...كونو على يقين أن أغلبكم غادي يتصدمو من النتيجة، غتكتاشفي ان أكثر من نصف الحوايج لي عندك مكتلبسيهمش ولكككككككن رغم ذلك مخلياهم معمرين ليك البلاصة ومساخياش بيهم ...تيقو بيا هكا وقعلي فاش بديت كنطبق هادشي لي غنقوليكم عليه فهاذ الموضوع...انا تصدمت من قوة الحوايج ليعندي ولي مكنستعملهمش وفاش كنجي نخرج كانت ديما هاذ الجملة كتعاود: معندي منلبس ...رغم ان البلاكار عامر مدكس ولكن ديما مكنلقا مانلبس<<<<
    اوة هاذ المبدأ ديال المينيماليزم عزيزتي فكرة ديالو هي انك تحتافظي غير بدكشي لي كتستعمليه، أو اللي عندو قيمة معنوية كبيرة بالنسبة ليك، فقط...أي شيء اخر زايد حيديه وربحي المساحة ، وربحي الحرية حيث غتخلصي من الارتباط بالاشياء المادية وغتكتاشفي بأنك وليتي حرة مشي مستعبدة من طرف الماديات...غتحسي باحساس زوين بزاف تيقي بيا،الى قدرتي طبقي هاذشي وتخلي هاذ المبدأ شعارك فهاذ الحياة...
    الحوايج راه غير مثال فقط، بينما هاذ الفن كيتطبق فالحياة عامة، الحوايج، الماعن، الديكورات دالدار، وكلشي كلشي ...حتى الناس
    غتسولي راسك هاذ السؤال: شحال دالبشر كنعرف؟ اكيد عدد كبير بزاف(مكنهضرش على العائلة) ولكن الى سولتي راسك: شكون منهم لي كنستافد معه؟ أو كنتعلم منو؟ أو كنتعاون معه باش نولي احسن؟ وشكوووووووون منهم كنلجأ ليه فاش كنكون مضيومة وكنلقا راحتي نحكي ليه؟ وشكون لي فيهم كنبغيه ديال بصح ومكنتعاملش معه غير بزز أو كنافقو او كينافقني؟؟؟؟؟؟؟؟؟؟ سولو راسكم وكونو صرحاء وموضوعيين وللمرة الثانية غنتفاجئو من عدد المعارف لي يا اما كنضيعو معهم وقتنا فوااااالو، ولا كنافقوهم وينافقونيا، ولا لا ولا...
    عموما أخواتي: هاذ المبدأ زوين بزاف، قريت عليه بزاف، وشفت تجارب ديال الناس لي عايشين بيه، وقريت كتب عليه وشفت وثائقيات عاد باش قررت أخيرا نطبق، وهاني مزال كنحاول نطبقو حيث دقت حلاوة النتائج، ومزال باغية
    عنحبس هنا، حيث عييت ولكن الى بغيتو مزال عندي مايتقال، الى عجبكم الموضوع، ومستعدين طبقو، او تحاولو على الأقل،مستعدة نتعاونو ونفيدكم بدكشي لي كنعرف فهاذ الموضوع ولي بدوري تعلمته من ناس اخرين بطريقة مباشرة او غير مباشرة..
    وعلى فكرة هادشي ليكتبت لكم مشي منقول، يعني هو خلاصة دكشي ليقريت لكن باسلوبي وتطبيقاتي كنتمنى يعجبكم الموضوع والى فرصة قادمة ان شاء الله،
    هي لم تكن تملك، في مقابلة عالم التفاهة الّذي يحيط بها، إلا سلاحاً واحداً : الكُتب !”
    - ميلان كونديرا

    *******

    “Remember to look up at the stars and not down at your feet. Try to make sense of what you see and wonder about what makes the universe exist. Be curious. And however difficult life may seem, there is always something you can do and succeed at.
    It matters that you don't just give up.”


    - Stephen Hawking


    • WhatsApp

    #2
    تبارك الله عليك اختي كوثر انا نيت شفت وثائقي عليه و كنت منبهرة بالناس خصوصا أتراك أغنياء و أصحاب مناصب و ختارو التخلي عن الترف في كل الشكليات و اختارو بارادتهم البساطة
    الأكل رجعو لأكل صحي و بيو و نسفو الكيماويات من أكلهم و وسائل التجميل مثلا كيغسلو سنانهم بالمسواك مطحون استغربت و انبهرت
    الملابس خلاو لي كيرتاحو فيه و حيدو كل ما هوا زايد
    دوك دورات التسوق او الشوبينك لي كان معمرحياتهم و مثقل على ميزانيتهم بدون معنى حبسوه
    الأثاث حيدو كل ما هو زائد و تخلصو من البلاستيك و كل ما هو غير صحي
    .... انا مقريتش فيه كتب لكن الوثائقي فعلا عجبني بزاف
    البعض منهم مشا كاع خرج من المدينة و سكن فالريف و الطبيعة .....
    انا عجباتني فكرة الموضوع حبيبتي و انا بطبعي احب البساطة و عندي ميل ليها من صغري الحمد لله
    و هادشي نافعني بزاف و بغيت نستافد أكثر معك فهاد الموضوع بإذن الله
    شكرا على تقاسم تجربتك معنا
    بالتوفيق

      • WhatsApp

      #3
      اختي الله يجازيك كل خير
      عرفتي كنقرا مقالك وكنتخيل المواعن والحوايج والأصحاب يصح ماشي لقلتيه
      انا عجبني موضوعك ومتشوقه نعرف اكتر اختي انا معاك

        • WhatsApp

        #4
        شكرا اختي فالصمييييييم ماكاين ما احسن من البساطة
        كانقرا ونتخيل هههه خصوصا الصاحبات والناس لي تانعرفهم .خاصنا نديوزو تشطيبة ...
        تبارك الله عليك
        لا حول ولا قوة إلا بالله

        ان غبت لا تنسوني ،لو مت ادعولي.

        اللّهم إرحمني إذا غسّلوني ,,,
        *وإرحمني إذا كفّنوني ,,,
        *وإرحمني إذا على الأعناق حملوني ,,,
        *و إرحمني إذا في القبر وضعوني ,,,
        ّ*يا قارئ خطي لا تبكــــي علــــــــى مَوتي...
        *فاليومُ أنا معـــــكَ وغـــــداً في الــــــتراب...
        *فإن عشتُ فإني معك وإن مت فاللذكــــرى..
        *ويا ماراً على قبري لا تعجب من أمــــري...
        *بالأمسِ كنتُ معك وغداً أنتَ معـــــــــــــي...
        *أموت و يبقى كل ما كتبته ذكـــــــــــــــرى...
        *فيا ليتَ كلُ من قرأ خطي دَعالـــــــــــــــي...
        *اللّهم إرحم جميع المؤمنين والمؤمنات والمسلمين والمسلمات الأحياء منهم والأموات..اميييييين يارب العالمين.

          • WhatsApp

          #5
          أنيقة حرة
          شكرا اختي فالصمييييييم ماكاين ما احسن من البساطة
          كانقرا ونتخيل هههه خصوصا الصاحبات والناس لي تانعرفهم .خاصنا نديوزو تشطيبة ...
          تبارك الله عليك
          عجبتني هاد تشطيبه ديالك واعره

            • WhatsApp

            #6
            تبارك الله عليك حبيبتي البساطة شي جميل جدا
            و يجعل الحياة أجمل
            [url=https://www.anaqamaghribia.com/pic/][/url]

              • WhatsApp

              #7
              كلامك كلو صحيح أختي. ما أجمل البساطة.ياريت أختي تقوللنا أسماء كتب بخصوص هاد لموضوع حيت مهتمة به.أنا فيتلي قريت كتاب Dominique LOREAU de ''l'art de la simplicité'''

                • WhatsApp

                #8
                fatidusouss
                تبارك الله عليك اختي كوثر انا نيت شفت وثائقي عليه و كنت منبهرة بالناس خصوصا أتراك أغنياء و أصحاب مناصب و ختارو التخلي عن الترف في كل الشكليات و اختارو بارادتهم البساطة
                الأكل رجعو لأكل صحي و بيو و نسفو الكيماويات من أكلهم و وسائل التجميل مثلا كيغسلو سنانهم بالمسواك مطحون استغربت و انبهرت
                الملابس خلاو لي كيرتاحو فيه و حيدو كل ما هوا زايد
                دوك دورات التسوق او الشوبينك لي كان معمرحياتهم و مثقل على ميزانيتهم بدون معنى حبسوه
                الأثاث حيدو كل ما هو زائد و تخلصو من البلاستيك و كل ما هو غير صحي
                .... انا مقريتش فيه كتب لكن الوثائقي فعلا عجبني بزاف
                البعض منهم مشا كاع خرج من المدينة و سكن فالريف و الطبيعة .....
                انا عجباتني فكرة الموضوع حبيبتي و انا بطبعي احب البساطة و عندي ميل ليها من صغري الحمد لله
                و هادشي نافعني بزاف و بغيت نستافد أكثر معك فهاد الموضوع بإذن الله
                شكرا على تقاسم تجربتك معنا
                بالتوفيق
                صحيح اختي فاتي كاين حاليا توجه للبساطة بزاف خصوصا عند الغرب وبشكل خاااص جدا اليابانيين لي معروفين بزاف بهاذ المبدأ بحيث كتلقا الشقة مثلا صغيرة بزاف بزاف وكيقدرو يعيشو فيها بلافوضى وكلشي مرتب وكل حاجة فبلاصتها لدرجة كتعطي ايحاء انها كبيرة والعكس عندنا ههه كتلقا الناس عايشين فبيت 3 طوابق وخصك تدفع برجليك بعض الامور باش تقدر تدوز وفيما لحتي عينيك تلقا كراتن وديكورات لاعلاقة بيناتها وامور ابدا واش كيستعملوها ولكن شادة لبلاصة والسلام...
                وبصح ولاو الناس كيخرجو من المدينة ويسكنو فالريف وكياكلو غير البيو وكينقصو من الشراء بشكل كبير وزيد وزيد حتى انا شفت وثائقيات على هادشي وتبهرت صراحة كتجيك واحد الرغبة تعيشي بحالهم وتحسي بحالهم بالهدوء والسكينة بلا ضجيج ههه ولكن هيهات
                الشكر ليك ايضا عزيزتي على مرورك الجميل وكنتمنى حتى انتي تشاركينا باظافات او اي افكار ممكن تفيدنا بهاد اموضوع
                هي لم تكن تملك، في مقابلة عالم التفاهة الّذي يحيط بها، إلا سلاحاً واحداً : الكُتب !”
                - ميلان كونديرا

                *******

                “Remember to look up at the stars and not down at your feet. Try to make sense of what you see and wonder about what makes the universe exist. Be curious. And however difficult life may seem, there is always something you can do and succeed at.
                It matters that you don't just give up.”


                - Stephen Hawking


                  • WhatsApp

                  #9
                  ام هيثم 9
                  اختي الله يجازيك كل خير
                  عرفتي كنقرا مقالك وكنتخيل المواعن والحوايج والأصحاب يصح ماشي لقلتيه
                  انا عجبني موضوعك ومتشوقه نعرف اكتر اختي انا معاك
                  امين اختي شكرا بزاف على التشجيع وعلى المرور الجميل
                  بقاي معنا ان شاء الله نستافدو جميع ومتبخليش علينا ايضا بافكارك
                  هي لم تكن تملك، في مقابلة عالم التفاهة الّذي يحيط بها، إلا سلاحاً واحداً : الكُتب !”
                  - ميلان كونديرا

                  *******

                  “Remember to look up at the stars and not down at your feet. Try to make sense of what you see and wonder about what makes the universe exist. Be curious. And however difficult life may seem, there is always something you can do and succeed at.
                  It matters that you don't just give up.”


                  - Stephen Hawking


                    • WhatsApp

                    #10
                    موضوع جميل جدا شكرا لك. انا ايضا من محبي البساطة و ما كنشري غير لي محتاجاه اما الناس انا مشطبة عندي الدنيا هههه حدو فقدو . ومعظم الاوقات كناخذ الامور ببساطة ميشي دائما ولكن معظم الاوقات

                    ...
                    X