إعـــــــلان

تقليص
لا يوجد إعلان حتى الآن.

يومياتي مع صغيوري ♥ صفوان ♥ ثورة الفل

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • يومياتي مع صغيوري ♥ صفوان ♥ ثورة الفل

    السلام عليكم ورحمة الله وبركاته



    مساء النور و السرور حبيباتي اش خباركم



    واخيرا غنشاركم بيومياتي البسيطة مع صفواني الحبوب


    سبق و طرحت موضوع باش نتعاونو فيه حنا الأمهات و نلقاو حلول مع وليداتنا ( كنت قلت بلي مكياكلش مزيان + كيقول كلام قليييييل جدا )




    ​​​​​​الموضوع ما نجحش ههههه ولكن انا لم ولن استسلم ههههه كنت كنجلس نلعب معاه يوميا دابا لا كنخصص ساعتين فاليوم باش نتواصل معاه ( لحمد لله ولا كيقول اكثر من 60 كلمة ) و عاد كنخصص وقت باش نلعب معاه و مرة مرة كنخرجوه يتمشى و يلعب الكرة او نديوه للملاهي باش يغير الجو




    بخصوص الأكل ولا مرة مرة كيذوق + كياكل الجزر ( خيزو و الدجاج ) اللحم متيبغيهش من غير كفتة و السمك ، الجبن ، البيض ، الفرماج مزال ميحمل يذوقهم


    بالنسبة للحفاظ ولا تيعلمني شي مرات ( موني إيييييخ كاكا ) ههههه دابا ولا تيعيط عليا ويا هههه حيد موني ولات ويا هههه مع كسر الواو ههههه


    مهم انا صورت لكم بزاااااف و ضاعو ليا بعض الصور ، و للأمانة غادة نزل لكم غير الحاجات لي كلا منهم ( عمرو ما كمل طبسيل ههه من غير المكسرات كبموت عليهم ) بزااااف لمحاولات درت معاه ولكن منجحوش ، جربت معاه الرسم كانت تجربة فاشلة هههه قطع الأوراق + بدا يدير الأقلام ف فمو و جمعت كلشي قلت حتى يكمل عامين ونص او 3 سنوات ونحاول معاه من جديد ، جربت عجين الصلصال ( وجدتو فالدار بالنشا و الملح ) ساعة رميتو ههههه حقاش سي السيد بغا ياكلو ولا يبقا يلسق فيه على شعري ههههه



    بالنسبة للحمام مبقيت كندوش ليه يوميا دابا الجو برد مرة ف 6 او 7 ايام كنديه معايا للحمام البلدي ( إيمي متخلعيش عليه هههه) كنخليه فدار مع باباه حتى نسالي ونصوني ليه يجيبو ليا كتشدو طيابة صاحبتي و تعطيه ليا ، كنغسل ليه فالمتوسط دغية دغية و نديرو فالسطل هههه حتى نجمع و نخرجو بجوج هههه ومرة مرة كندير ليه مساج بزيت الخزامة



    نبداو بلفطور ( هاد فايت كان كيشرب حليب بارد ) ويبقى حتى 3 ساعات عاد ياكل شي حاجة دابا لا كيفطر ب خبز او بطبوط او مسمن مع حليب دافيه قطرة التمر


    كتدوز 2 ساعات كنعطيه فاكهة


    الغذاء ( ولا كيذوق من دكشي بي مطيبة لنا )



    كتدوز 2 ساعات نعطيه مكسرات



    تدوز 3 ساعات نعطيه دانون مع كيك ولا خبز ولا لي كان


    و العشاء ، روز او شعرية او بلبولة او قمح مدشش


    مرة مرة كنعطيه كاس فيه ( نافع ، حبة حلاوة ، كامون صوفي ، كروية حبييييييبات من كل حاجة فلما بلا سكر ) من صغرو ولفت ليه بلا سكر والى زدت العسل ميبغيهش ههه


    كنديه لطواليط قبل النوم يدير بيبي و يغسل سنينات و نغير ليه ليكوش


    فدار كنحاول نلبسو غير لي كابيشو ولا بوديات و كولونات مقطنين حتى يبغي يخرج عاد نغير ليه باش يولف حوايج دار بوحدهم و حوايج زنقة بوحدهم

    نخليكم مع الصور































































































































































  • #2
    وييتيييي طبعاااا انا الاولى نجاااوب على موضوع صفواانينو اااانا خالتو الفاسية ولا يمكن نخلي شي انيقة تسبقني ليه ♡♡♡♡
    ماشاء الله مدلعاه اخر دلع الله يحفضو ليك و تشوفيه كيف ما بغيتي يارب


    تعليق


    • #3
      المشاركة الأصلية بواسطة انيقة فاسية مشاهدة المشاركة
      وييتيييي طبعاااا انا الاولى نجاااوب على موضوع صفواانينو اااانا خالتو الفاسية ولا يمكن نخلي شي انيقة تسبقني ليه ♡♡♡♡
      ماشاء الله مدلعاه اخر دلع الله يحفضو ليك و تشوفيه كيف ما بغيتي يارب
      اللهم امين يارب ( شكرا طاااااتيييي مشيميشة ) هههه ربي يحفظك ليا حبوبتي و يحفظك لك ماماك والله يرزقك الزوج الصالح يارب و نفرحو معاك ان شاء الله بوليداتكم يارب







      تعليق


      • #4
        المشاركة الأصلية بواسطة ♥ منى & بيان ♥ مشاهدة المشاركة

        اللهم امين يارب ( شكرا طاااااتيييي مشيميشة ) هههه ربي يحفظك ليا حبوبتي و يحفظك لك ماماك والله يرزقك الزوج الصالح يارب و نفرحو معاك ان شاء الله بوليداتكم يارب
        اميين يارب منمنتي . طاتي لأحلى صفوان والله
        ضحكتيني ملي قلتي كتحطيه فسطل فالحمام ههههه فريكيس صافي . شفت صورتو لاول مرة ماشاء الله غزيول لله يحفضو . حجبتو بأيات الرحمان من الاعين حبيبتي . لله يحجبو


        تعليق


        • #5
          تبارك الله عليك كلشي متول والله يحفظ ليك صفوانو ويخليك ليه ديما مدلعاه حتى تشوفيه فاعلى المراتب

          تعليق


          • #6
            المشاركة الأصلية بواسطة انيقة فاسية مشاهدة المشاركة
            اميين يارب منمنتي . طاتي لأحلى صفوان والله
            ضحكتيني ملي قلتي كتحطيه فسطل فالحمام ههههه فريكيس صافي . شفت صورتو لاول مرة ماشاء الله غزيول لله يحفضو . حجبتو بأيات الرحمان من الاعين حبيبتي . لله يحجبو
            الله يحفظك ليا حبوبتي ، ههههه وييه وشريت سطل كبييييير على قبلو كنت كندي جوج متوسطين وهو زدتو واحد فاش يتشلبط هههههه كنخليه فيه يلعب شوية بنما جمعت تخربيق الحمام و لبست بنواري و كنهزو منو بلبكااااا نبلسو بينوار و نخرجو كيغوت ههه







            تعليق


            • #7
              المشاركة الأصلية بواسطة هبة الوهاب مشاهدة المشاركة
              تبارك الله عليك كلشي متول والله يحفظ ليك صفوانو ويخليك ليه ديما مدلعاه حتى تشوفيه فاعلى المراتب

              اللهم امين يارب ربي يحفظك اختي و يحفظ لك وليداتك وتفرحي بيهم يارب







              تعليق


              • #8
                المشاركة الأصلية بواسطة ♥ منى & بيان ♥ مشاهدة المشاركة

                الله يحفظك ليا حبوبتي ، ههههه وييه وشريت سطل كبييييير على قبلو كنت كندي جوج متوسطين وهو زدتو واحد فاش يتشلبط هههههه كنخليه فيه يلعب شوية بنما جمعت تخربيق الحمام و لبست بنواري و كنهزو منو بلبكااااا نبلسو بينوار و نخرجو كيغوت ههه
                هههههههههه ولله ايلا ضحكتيني كنتخاايلكم خارجين و الغوات فالحمام ههههه . هذا حال الولييدات مزال يكبرر شوية ما يبقاش يبغي يمشي معاك ههه


                تعليق


                • #9
                  تبارك الله عليك
                  عندما تتعب، تعلّم أن تستريح، لا أن تنسحب

                  ❤️
                  إذا أردت أن تحقق حلما لم تعشه من قبل يجب أن تبذل جهذا لم تبذله من قبل !
                  و تأكد أن كل ما نجح فيه الآخر بامكانك أيضا أن تنجح فيه.

                  تعليق


                  • #10
                    المشاركة الأصلية بواسطة انيقة فاسية مشاهدة المشاركة

                    هههههههههه ولله ايلا ضحكتيني كنتخاايلكم خارجين و الغوات فالحمام ههههه . هذا حال الولييدات مزال يكبرر شوية ما يبقاش يبغي يمشي معاك ههه
                    وييه هههه فصراحة كيبكي غير فاش كنبغي نخرجو اما نحك ليه ولا نغسلو شعر متيبكيش من صغرو آه نسيت ما قلت لك فاش كنحطو فالسطل كندير ليه من شمبوان ديالو ويبقى يخبط بيديه و كتعجبووووو الرغوة هههه







                    تعليق

                    يعمل...
                    X