إعـــــــلان

تقليص
لا يوجد إعلان حتى الآن.

عندي جوج بنات باقين صغار و شاكة فراسي حاملة

تقليص
X
تقليص
يشاهد الموضوع حاليا: 1 (0 عضوات 1 زائرات)
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    عندي جوج بنات باقين صغار و شاكة فراسي حاملة

    ​​​​​
    السلام عليكم انيقاتي
    هذه اول مشاركة لي معاكم . المهم ضاقت بيا الدنيا و معندي علامن نشكي
    عندي 27 سنة ربة بيت فقدت توأم ذكر 2013 من بعد ولدت جوج بنيات لكبيرة 3 سنوات و نصف و الصغيرة سنة و نصف يالاه خمسة ايام باش فطمتها و حالتي النفسية قبلما نحمل ببنتي الصغيرة ماشي هي هاديك و غادا و كتكفس المهم دابا الحيض خاصها تجيني 9 مارس اليوم 14 و مازال ماجاتني وفيا الدوخة و ضاربني البرد و زيد و زيد .... مع العلم الدورة كتجيني منتظمة
    انا معرفت اينا عنوان نعطي لهدشي بغيت غير نفرغ قلبي و صافي حيت واخة ماما حدايا فنفس لمدينة و راجلي كاعما كيديوها فيا فاش كنحمل و نولد دكشي علاش مابقيت كنشكي على حد زائد بابا اعز واحد عندي يالاه شهر باش توفى الله يرحمو
    المهم كلشي تخلط عليا و الظروف المادية عيانة شوية
    تعقدت من الحمل و وليت كنكره شي حاجة سميتها الولادة و دابا خايفة نكون حاملة تاني
    كنتمنى متجاهلوش هدشي لي كتبت و تخففوعليا واخة غير بكلمة
    • WhatsApp

    #2
    مالكي الحبيبة كتفقصي راسك على والو..لي دارها ربي فيها خير..جربي تست ديال الحمل لي كيتباع ف لفارماسي..

    تعليق

      • WhatsApp

      #3
      شوفي اختي معندكلاش تفقصي، سيري لفارماسيان ديري تحليلة لبول وإنشاء الله يكون خير،

      تعليق

        • WhatsApp

        #4
        سلام اختي الله يفرج عليك ومديري في رأسك والو لي بنغاها الله هي تكون فكرتيني في رأسي كنت يلاه ولدت توأم ذكر ودازت 40 يوم تعطلات عليا لقيت راسي حاملة منقولش لك حالتي ولكن الله يسمح ليا حيدتو حين ت مقدرت كي غدي ندير دابا من كبرو الدراري ندمت وتنحي بذنب الله يسمحلي كلشي كيفوت

        تعليق

          • WhatsApp

          #5
          أختي إلى كنتي حاملة قولي الحمد والشكر لله و الوالد ديالك الله يرحموا لله ما أعطى و لله ما اخد و كل إنسان كيتزاد برزقوا ما تعرفي هاد الحمل يكون فيه خير ليك إن شاء من و ما تنسايش اختي سيدي ربي قال: ""و عسى أن تكرهوا شيئا و هو خير لكم"".
          الله يدير ليك الي فيه الخير ليكي ان شاء الله يا رب

          تعليق

            • WhatsApp

            #6
            أختي حمدي الله وشكريه على نعمة الأولاد واخا عارفة صعيب عليك حاولي تفرحي بوليداتك وتخلقي السعادة لراسك وارمي حملك على الله هو اللي يتولى جميع الأمور
            سبحان الله بقيت نتأمل في كلمة انك كرهتي الولادة
            وحنا كانقلبو لوكان يعطينا ربي غي واحد سبحان الله كلشي في يده وهو يعرف الخير لنا
            الله يصلح لك الذرية ويرزقكم من حيث لاتحتسبون ويعينك على تربيتهم
            ويرزقنا حنا المنتظرات ءامين يارب

            تعليق

              • WhatsApp

              #7
              شكرا ليكم كاملين على الردود ديالكم
              انا ماشي كرهت الولادة غير مع العصبية كتبت هاديك الكلمة ،بالعكس انا منكرهش نولد عشرة ولكن للي مجربة انها تولد و مايديها فيها حد لا خوتها لا امها لا راجلها تمشي لصبيطار و لغد تجيب بنتها و حتى واحد مايديها فيها ولا يفرح معاها هي للي غتعرف باش حسيت مع العلم انا كنقش بالحنا ماكينش ف عائلتي لي منقشت ليه بلا مناسبة و انا تكون عندي بحال هاد المناسبة و مايفكروش حتى يحنيو ليا ولا غير نحس بيهم فرحانين ليا بالنسبة ليا صعيبة بزاف
              يقدر يجيكم عقلي صغير و كنعطي اهمية لاشياء تافهة ولكن دكشي لي كنحس بيه قلتو ليكم و سمحو ليا الى قلت شي حاجة ماشي هي هاديك راه مالقيتش من غيركم
              و بالنسبة للي ما والداش الله يعطيها الذرية الصالحة ان شاء الله و يعطيها ما تمنات

              تعليق

                • WhatsApp

                #8
                المشاركة الأصلية بواسطة بشرى طارق مشاهدة المشاركة
                شكرا ليكم كاملين على الردود ديالكم
                انا ماشي كرهت الولادة غير مع العصبية كتبت هاديك الكلمة ،بالعكس انا منكرهش نولد عشرة ولكن للي مجربة انها تولد و مايديها فيها حد لا خوتها لا امها لا راجلها تمشي لصبيطار و لغد تجيب بنتها و حتى واحد مايديها فيها ولا يفرح معاها هي للي غتعرف باش حسيت مع العلم انا كنقش بالحنا ماكينش ف عائلتي لي منقشت ليه بلا مناسبة و انا تكون عندي بحال هاد المناسبة و مايفكروش حتى يحنيو ليا ولا غير نحس بيهم فرحانين ليا بالنسبة ليا صعيبة بزاف
                يقدر يجيكم عقلي صغير و كنعطي اهمية لاشياء تافهة ولكن دكشي لي كنحس بيه قلتو ليكم و سمحو ليا الى قلت شي حاجة ماشي هي هاديك راه مالقيتش من غيركم
                و بالنسبة للي ما والداش الله يعطيها الذرية الصالحة ان شاء الله و يعطيها ما تمنات
                بالعكس اختي انت مگلتي غير داكشي اللي فخاطرك وبكل عفوية حيت عارفة راسك مع خواتاتك
                الاحساس ديالك اختي حاسة بيه صعيب فعلا لأن المرة في النفاس كتكون تعبانة عضويا ونفسيا وخاصها سند قوي خصوصا من زوجها وأمها ولكن ربي كبير اختي
                انت الحمد لله شوفي الجانب الايجابي فهاد الشي شوفي نعمة البنوتات اللي عطاك الله الله يحفظهم ويبارك فيهم ومعرفتيش يلا كنتي حاملة ان شاء الله يعوضك ربي بشي وليد وتكبريهم وترتاحي ويتهلاو فيك
                هاد الوليد ان شاء الله يسكنك معاه ويتهلى فيك اما الكتكوتات كل وحدة غيلوي عليها راجلها وتمشي لدارها ان شاء الله ههه بغيتك غير تضحكي شوية هههه
                شتي النفسية راها مخربقة وعادي تتخربق حيت الهرمونات الملخبطين مع المسؤولية الكبيرة كيعطيو هادشي وعااادي جدا فترة وتفوت ان شاء الله
                الله يقويك اختي دعي ربي يفاجيها عليك واكثري من الصلاة على رسول الله صلى الله عليه وسلم
                اللهم اجمعنا في الدنيا على طاعتك وفي الآخرة في جناتك جنات النعيم


                تعليق

                  • WhatsApp

                  #9
                  المشاركة الأصلية بواسطة بشرى طارق مشاهدة المشاركة
                  شكرا ليكم كاملين على الردود ديالكم
                  انا ماشي كرهت الولادة غير مع العصبية كتبت هاديك الكلمة ،بالعكس انا منكرهش نولد عشرة ولكن للي مجربة انها تولد و مايديها فيها حد لا خوتها لا امها لا راجلها تمشي لصبيطار و لغد تجيب بنتها و حتى واحد مايديها فيها ولا يفرح معاها هي للي غتعرف باش حسيت مع العلم انا كنقش بالحنا ماكينش ف عائلتي لي منقشت ليه بلا مناسبة و انا تكون عندي بحال هاد المناسبة و مايفكروش حتى يحنيو ليا ولا غير نحس بيهم فرحانين ليا بالنسبة ليا صعيبة بزاف
                  يقدر يجيكم عقلي صغير و كنعطي اهمية لاشياء تافهة ولكن دكشي لي كنحس بيه قلتو ليكم و سمحو ليا الى قلت شي حاجة ماشي هي هاديك راه مالقيتش من غيركم
                  و بالنسبة للي ما والداش الله يعطيها الذرية الصالحة ان شاء الله و يعطيها ما تمنات

                  و الله يا أختي يا حاااسة بيك و فهمتك و لكن فرحي لراسك إلى مهتمش بيك حتى حد تاصلي بشي نقاشة و حني و فرحي بولادك إن شاء الله نهار يكبروا يعوضوك على كل لحظة خايبة دوزتيها على قبلهم راه ربي ما كيضيع حتى واحد ربي كبير أختي و إلى ما بغيتيش أولاد باقي ديري اللولب و ارتاحي

                  تعليق

                    • WhatsApp

                    #10
                    اختي الف مبروك مسبقا خخخ حيث فاش نحمل بالدكور كيجيني رواح في الاسبوع الاول سبحان الله

                    المهم بلا ما تقنطي للي بغاها الله تكون ونتي ديري في راسك انك مشي مصلحة اجتماعية عيشي حملك وعيشي نفاسك وتمتعي بكل لحظة ولا تتالمي ابدا ..انت دبا ربي انعم عليك بزينة الحياة للي كتتمناها شحال من وحدة
                    لا تهتمي باهمال الاخر لك ووسعي خاطرك ..هادي طريقتي معتامداها في حياتي وكنحس بالراحة .. مهما كان اذى الناس لا اكثرت.. هناك كاين الله سبحانه وتعالى يجازي كل واحد على افعاله
                    ان شاء الله يكون خير وتكون الدورة تاخرت عليك فقط حتى تستعدي نفسيا للحمل مررة اخرى











                    ربي ارحم أبا لم يحرمني شيئا و لا تذقني حياة دون أمي ! — triste

                    تعليق

                    يعمل...
                    X