ArabicEnglishFrenchSpanish

إعـــــــلان

تقليص
لا يوجد إعلان حتى الآن.

البنات همي كبير واحلة ماعرفت اشنو ندير

تقليص
X
تقليص
يشاهد الموضوع حاليا: 2 (0 عضوات 2 زائرات)
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    البنات همي كبير واحلة ماعرفت اشنو ندير

    البنات انا غنشكي ليكم همي ليك دوبني ولو ما التقرب من الله عز وجل لكنت تصطيت، المهم انا تزوجت خمس سنوات برجل من دولة عربية وخا حتى الأم والأخ تاعي كانو رافضين رفض كلي هاد الزواج لانو كبير عليا بزاااف " ستة وتلاتين عام" . انا عارفة غتسمعو هاد فارق السن غتكولو هادي طماعة وهاد الراجل لباس عليه ولكن قسما بالله العلي العظيم وضعو المادي جد جد جد عادي ، ولكن انا كنت جلست من القراية لا خدمة لا والو غير الفراغ وانا يلاه عندي 24 عام واحنا ناس علىً قد الحال قلت صافي نتزوج بيه ، لان الأب تاعي الله يرحمو كان كبير على ماما وكانت علاقتهم زوينة بزاف الحمد لله وكنت كنسحاب انو علاقتي به غتكون بحالهم ، المهم تزوجنا ومادرتش العرس رغم أني انا الصغيرة فخواتاتي وانا الوحيدة فيهم لي ما درتش العرس كانت حفلة جد جد بسيطة وما رحتش بقيت بنت وهادا كان شرط الام والأخ تاعي ، بزز باش وافقو على الزواج تحت هاد الشرط ، فعلا ما رحتش حتى خرجت الفيزا وسافرت عند الزوج تاعي ، في اليوم الاول ليا عندو كعروسة ما تم بيناتنا والو ، هو حاول ولكن بقيت بنت ، اليوم التاني التالت .. حتى لعشرين يوم عاد قام بالواجب تاعو ، انا من بعد عاد اكتشفت انو را عندو مشكل جنسي ووو، تمنيت حتى انا يكون عندي وليد ولا بنية وهاد الشي مرضني لدرجة كننتفادى نشوف ملابس الأطفال الصغار ولا شي مرأة حاملة ، صبرت على هاد الشي وقلت ليه نديرو تخصيب صناعي ومشينا عند الطبيبة من بعد الفحوصات وعملناه تلاته المرات دون جدوى، صافي تأزمت بزاف خصوصا مع الفراغ والغربة وو، وحاجة اخرى من نهار تزوجت بيه عمر تلفونو ما عرفت ليه الكود تاعو ايلا بغا يدخل الباسوورد كيخبيه عليا وقسما بالله البنات ايلا عمر تلفونو ماعرفت اشنو فيه إطلاقا مؤخرا اكتشفت انو واخد قروض كتيرة باسمي ولما قلت ليه عالاقل تشاور معايا ناض صداع والمشاكل وبدا يعاير فالدين والرب وضربني . انا الحمد لله محتجبة وكنصلي الحمد لله وهو ما كيصلي ما كيصوم وخا حتى ماعندوش شي مرض لي يمنع عليه الصيام ، طلبتو وهضرت معاه على عقوبة تارك الصلاة ووو او وااالو . انا عييت وكنفكر فالطلاق ولكن ماعنديش فين نكلس. لا لغة لا دبلوم .. ايلا بقيت معاه كنضيع فعمري وحياتي ويلا تفرقت معاه ماعندي حد فهاد البلاد من غير الله عز وجل. البنات سمحوا ليا طولت عليكم وكنتسنا نصائحكم????
    • WhatsApp

    #2
    السلام عليكم ٠٠٠٠٠غضتيني بزاف بصح لازم تعرفي إد راكي في دولى أوروبية إد طلبتي طلاق ٠٠٠٠من بعد لقانون يتبعك برد الدينلي راه ياخده بأسمك حدااااري
    اللهم يارازق النعاب في عشه ارزقني

    تعليق

      • WhatsApp

      #3
      الله يكون معك نت دولة عربية ولا أوربية ؟ الله يكون معك ا تانا تنمر بنفس ظروفك وربما ك اكثر ااحمد لله بعدة ماعندكش معه الولاد .خلي لي الخاص ولا الفايس إيلا كان ممكن





















      تعليق

        • WhatsApp

        #4
        السلام عليكم ورحمة الله وبركاته

        أختي كيفاش واخد قروض باسمك ما فهمتش!!! سب وضرب ما يصوم ما يصلي وفوق هادشي عندو مشاكل.. اش من إيجابية في هاد الزواج من غير أنك سلكتي لبرا (الشيء الذي لا اعتبره شخصياً إيجابية)
        ديري محامي وشرح ليه كلشي وتفكي من هاد المرض ورجعي لداركم وبلادك حسن لك، أما إلى بغيتي تبقاي برا، خاصك تبقاي صابرة معاه على الذل ويغرقك ديون، لا قراية لا ديبلوم، فاش غا تخدمي وزيد وزيد ..
        وسمح لي بنتي هذا ما هو زواج غير تخربيقة وأمك وخوك عندهم الحق لو كان سمعتي لهم، ما نصحكش تولدي معاه دبا نتي واحلة وحلتين، وكل ما زادو النفوس تزيدي الوحايل

        تعليق

          • WhatsApp

          #5
          الله يدير ليك تاويل دالخير

          تعليق

            • WhatsApp

            #6
            اول حاجة خاصك تحيديها من بالك و اللي مخلياك ترددي هي :ماباغية ترجعي لبلادك مطلقة خفت من اقاويل المقربين و غيرهم.ما حدك كتفكري فيهم فغادي تبقاي عايشة فهمك بوحدك حتى تمرضي غي راسك هادي اول حاجة.
            نساي عليك الناس و جلسي مع راسك و فكري فهاد الزواج بالعقل:واش استاهل فرصة اخرى(انا من هادشي اللي عاودتي ما اصلي ما اصوم و اضربك و اوحلك فقروض عن غير رضاك و ما والدة معاه .... ما بانلي حتى حاجة مزيانة فهاد الزواج)و لكن لا يمنع تجلسي تهضري معاه بالعقل و تعطيه فرصة اعبر اشنو مخبي هو فراسو واش كيبان لو بلي فيه الديفو و باغي اتبدل غي اولا كاع ما مسوق لك داير فيها السي سيد و الى كان هكاك راه ا بنت الناس بلا ما توهمي راسك ما عندك ما تصبري تم و لا تذلي راسيك.الفراق ارحم بكثييير و ماشي انت اول ولا اخر وحدة.عندي اخت تزوجت باجنبي من بعد عشرة سنين و عندها معاه اولاد ما بقا عجباها حال ما تافقو طلقت منو و بسرعة عاود تزوجت ههه و عايشة حرة تاع راسها بخييير.

            اولا ال انت شايفة ان وضعك الى رجعت لبلادك صعيب.قبل ما تفارقي مع راجلك حاولي تخدمي تم(واش اروبا او الخليج) و ديري وريقاتك و قادي اامورك غيي بالفن و الهداوة بلا ما احس بوالو...و ديري راسك عااجبك الحال معاه طبعا الى خلاك تخدمي ...حتى تقادي امورك و كلبي طلاقك معززة مكرمة و راك باقية صغيرة الف من يتمناك و تولدي مزال وليداتك ان شاء الله.
            هادشي طبعا الى هو معنفك و رافض نو ابدل فالتعامل.و الله ادير لك تاويل د الخير.انت خدمي فالاتجاهين معا.دعي الله اصلح احوالك و احوال زوجك و ديها فراسك شوي ما تبقاي معتامدة عليها كليا.

            تعليق

              • WhatsApp

              #7
              الله يصلح احوالك. ياريت تجاوبي اشمن من دولة. لان كل دولة وقوانينها. وكيفاش واخد قروض باسمك.لانو لايمكن ليك المغادرة. تقدري تكلمي. لان لكل مشكل حل. وهل هو مسن لانه السن اللي دكرتي مزال صغير.





















              تعليق

                • WhatsApp

                #8
                شكرًا ليكم البنات على آراءكم ورسائلكم. البنات اللي كيسولو انا فأي بلاد انا فامريكا. وهنا فامريكا يقدر اَي شخص بالرقم الوطني تاعك ياخد بيه قروض او ما يسمى بكريديت كارد. انا حكيت معاه انو يخلصهم قبل ما نطلقو وقاليا اوكي. وخا حتى ما بقيتش كنتيق فيه. وهاد القروض اللي واخدهم باسمي ودون علمي ايلا اتصلت بالشرطة وقلت ليهم عليه غادي يكون فمشكل كبيييير لانو انتحل شخصيتي وخدا رقمي الوطني وخدا بيهم كريديت كارد من ابناك كتيرة. ولكن انا ما بغيتش نحطو فمشكل حيت كل واحد كيدير بأصلو وانا مانبغيتش نكبر المشكل ولو انه الحق معايا وهو كبير فالسن وهو ايلا ما احترمش الميتاق الغليظ اللي بيني وبينو والتضحياااااااات اللي ضحيت معاه دون مقابل وسمعت الكلام الجارح من القريب والبعيد عليه وووولكن خليت الله ياخد حقي فيه ، كنصلي وكنطلب الله ياخد حقي فيه وياخد حقو فيا عاجلا لا اجل.

                تعليق

                  • WhatsApp

                  #9
                  اختي الله يفاجيها عليك ويسر امورك نصيحتي ليك خوذي حذرك منو راه يغرقك
                  اول شيء شوفي محامي وهو غدي ينصحك باللازم مكان علاش تصبري او تعطيه فرص اخرى
                  كان عليك نهار عرفتي معندو دين تخرجي من عندو
                  ​​​​​​










                  ربي ارحم أبا لم يحرمني شيئا و لا تذقني حياة دونن أمي ! — triste

                  تعليق

                    • WhatsApp

                    #10
                    المشاركة الأصلية بواسطة ضيف مشاهدة المشاركة
                    شكرًا ليكم البنات على آراءكم ورسائلكم. البنات اللي كيسولو انا فأي بلاد انا فامريكا. وهنا فامريكا يقدر اَي شخص بالرقم الوطني تاعك ياخد بيه قروض او ما يسمى بكريديت كارد. انا حكيت معاه انو يخلصهم قبل ما نطلقو وقاليا اوكي. وخا حتى ما بقيتش كنتيق فيه. وهاد القروض اللي واخدهم باسمي ودون علمي ايلا اتصلت بالشرطة وقلت ليهم عليه غادي يكون فمشكل كبيييير لانو انتحل شخصيتي وخدا رقمي الوطني وخدا بيهم كريديت كارد من ابناك كتيرة. ولكن انا ما بغيتش نحطو فمشكل حيت كل واحد كيدير بأصلو وانا مانبغيتش نكبر المشكل ولو انه الحق معايا وهو كبير فالسن وهو ايلا ما احترمش الميتاق الغليظ اللي بيني وبينو والتضحياااااااات اللي ضحيت معاه دون مقابل وسمعت الكلام الجارح من القريب والبعيد عليه وووولكن خليت الله ياخد حقي فيه ، كنصلي وكنطلب الله ياخد حقي فيه وياخد حقو فيا عاجلا لا اجل.
                    أختي ردي بالك لا يكون مجرد كلام ويستغل طيبتك وتنازلك ويبقى ياخد الكريديات ورا ظهرك
                    اه تافقتي معاه مزيان لكن ديري احتياطاتك، بلوكي الرقم ديالك باش حتى حد ما ياخد بيه كريدي وديك الساعة تكوني ضمنتي أنه ما يزيد يغرقك
                    الله يسهل عليك ويفكك من هاد المشاكل

                    تعليق

                    ضيف
                    المحتوى السابق تم حفظه تلقائيا. استعادة أو إلغاء.
                    حفظ-تلقائي
                    x
                    إدراج: مصغرة صغير متوسط كبير الحجم الكامل إزالة  
                    x
                    يعمل...
                    X