ArabicEnglishFrenchSpanish

إعـــــــلان

تقليص
لا يوجد إعلان حتى الآن.

خطة استعجالية من فضلكن

تقليص
X
تقليص
يشاهد الموضوع حاليا: 3 (1 عضوات 2 زائرات)
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    خطة استعجالية من فضلكن

    السلام عليكم
    اولا اختاريت المنتدى العام لانه موضوع كيهم الامهات والمعلمات وحتى الزوار ههه
    بصراحة معرفتش كيفاش نكتب ولا شنو نكتب
    لاني وطول مشواري فالعمل كاستاذة فالتعليم الابتدائي ومع مختلف المستويات اللي قريت اول مرة كنصادف تلامذ مستواهم طاااايح بزااااف مع وصولهم لمستوى اشهادي يعني عندو امتحان ولكن لا حياة لمن تنادي
    كاين اللي مكيتهجاش الحروف
    كاين اللي 15سنة مزال هنا
    المهم قسم كارثي وحتى الرغبة منعدمة
    تصورو 30 تلميذ كنهدر بوحدي مكيتجاوب معايا الا 2دناس وفي الحاجات البسيطة جدا اما الى طلعت النيفو شويا كيبقاو يشوفو فيها وهادشي راه العربية
    اخواتي والله تم والله الى كنخدم ونشجع وكنكتب ملاحظات بحال خطمنظم تلميذ مهذب ونرسم ليهم ونضحك معاهم يعني معرفت اشنو يمكن ندير اخر
    لاول مرة كنحتار فقسم
    هل من معين
    ​​​​​
    ​​​​​​
    • WhatsApp

    #2
    قالك زوجي المعلم عاوديها لعمي حاحا يعطيك خبزة ودلاحة خخخخخ بلاتي شوية راني قلتلو مسكينة شوفلها الحل ،حيث حتى هو شحال من عام وهو يقري الخامس والسادس
    [ATTACH]n84837[/ATTACH] [ATTACH]n84833[/ATTACH] [ATTACH]n84836[/ATTACH]

    تعليق

      • WhatsApp

      #3
      الله ايسر لك وافتح عليك وان شاء الله ربي غايعاونك وغايفتح عليك والاهم عايجازيك على حرصك لي مابقاش فبزاف دالناس وبغيت غا ندعي معاك وان شاء الله لي الاخوات افيدوك

      تعليق

        • WhatsApp

        #4
        المشاركة الأصلية بواسطة أم مروان1 مشاهدة المشاركة
        قالك زوجي المعلم عاوديها لعمي حاحا يعطيك خبزة ودلاحة خخخخخ بلاتي شوية راني قلتلو مسكينة شوفلها الحل ،حيث حتى هو شحال من عام وهو يقري الخامس والسادس
        ههههه اكون ممتنة لك ولزوجك ولعمي حاحا وللدلاحة
        يالاه هههه

        تعليق

          • WhatsApp

          #5
          المشاركة الأصلية بواسطة ZahrELbanafsaj مشاهدة المشاركة
          الله ايسر لك وافتح عليك وان شاء الله ربي غايعاونك وغايفتح عليك والاهم عايجازيك على حرصك لي مابقاش فبزاف دالناس وبغيت غا ندعي معاك وان شاء الله لي الاخوات افيدوك
          ايتها الطيبة شكرا لك حد الثناء ياريت لو شملتيهم ايضا بالدعاء كنت نلت اجرا مضاعفا

          تعليق

            • WhatsApp

            #6
            المشاركة الأصلية بواسطة المستغفرة من ربها مشاهدة المشاركة

            ايتها الطيبة شكرا لك حد الثناء ياريت لو شملتيهم ايضا بالدعاء كنت نلت اجرا مضاعفا
            والله اسأل الله ان يفتح عليهم ابواب الفهم وينير عقولهم ويرزقهم النجاح والسداد والتوفيق والصلاح فمااحوج الامة الاسلامية لابناء نبهاء كما كانت في عزها.

            تعليق

              • WhatsApp

              #7
              ههه شريفتي ضحكتيني بالعنوان .. المخطط الاستعجالي ما بقاش صالح ههه فكري فرؤية استراتيجية و ربما من هنا ل 2030 يتحل المشكل ^^

              لا بجدية دابا..

              الموضوع مؤلم لواحد الدرجة خيالية.. و هادشي لي كتعاودي عليه رجعنا كنشوفوه و نسمعوه كل عاام
              . و كل عام كيكون الوضع أسوأ من العام لي قبل منو..

              لكننا لن نستسلم..

              اذا كان هدف هادوك صناع القرار (أو مستورديه بالأحرى) انهم يوصلونا لهاد الحالة ديال شباب بحرا كيتهجى سميتو من بعد ما قضى على الأقل 6 سنوات فالمدرسة.. فحنا غادي نقولو ليهم لا !


              غادي تحااااولي حبيبتي.. و شوفي راه تنقوليك تحاولي.. يعني اذا فشلت المحاولة فهذا لا يعني أنك أنت الفاشلة..

              هادوك ضحية نظام تعليمي بأكمله.. يعني انت دابا بحال شي طبيب لي وصل عندو واحد المريض لي بدا بالكحة (لي كان ممكن تتعالج بسهولة كبييييرة) و وصل عندو بالسل و سرطان الرئة و التهاب الشعب و و و ...

              يعني لي قدرتي تعالجيه مزيان و لي ما قدرتيش ما ضغطيش على راسك و تحمليها فوق طاقتها.


              نخليو الشفوي و ندوزو للملموس دابا..

              عطيني جرد بسيط بالمشاكل لي عندهم:

              - عدم القدرة على التمييز بين الحروف الهجائية.
              - عدم القدرة على قراءة المقاطع.
              - عدم القدرة على التعبير بنسق لغوي سليم.
              - غياب معجم لغوي.
              - رداءة الخط.
              - موارد سابقة غير مكتسبة.
              - عدم التمييز بين أقسام الكلمة.
              - عدم القدرة على التمييز بين الفعل و الفاعل و المفعول به و النعت.



              أكيد كاين هادشي و حوابج اخرى.. او لا؟

              غادي تخدمي على مشروع قسم.. يكون الهدف منو الرفع من مردودية التعلمات.. ركزي أساسا على التعبير الكتابي كمنتوج نهائي.. علاش؟لأنه اذا تم اكتساب النسق اللغوي السليم و اذا تم تخطي العثرات الضخمة ثم الصغيرة.. غادي توصلي فالأخير الى تحقيق الهدف ديال كتابة سليمة مقروءة و صحيحة لغويا.

              كيفاش توصلي لهاد الهدف؟

              عبر ما أسميه "يومية التعبير".. أنا فاللغة الفرنسية عندي "Le calendrier d'expression"

              كل نهار كنديرو حاحة بسيييييطة جدا.. و كنبقاو غاديين بتدرج حتى كنوصلو فآخر الأسبوع لشي حاجة عندها قيمة أكبر.

              و لأنك مطالبة بتقديم الدروس ديال المستوى ديالهم و مطالبة تمشاي مع البرنامج باش يدوزو الامتحان.. غادي تخدمي على هاد اليومية فمدة لا تتجاوز 15 دقيقة كل يوم.. يعني غادي ديري مجهودك باش تسالي المواد لي كتخدميها و تشيطي منها واحد 15 دقيقة.

              مثال على أسبوع من اليومية:

              الاثنين : ايت باسم و فعل.
              الثلاثاء: كون جملة من الاسم و الفعل.
              الأربعاء: ايت بنعت للاسم.
              الخميس: ايت بظرف مكان أو ظرف زمان.
              الجمعة: كون جملة فعلية تشتمل على نعت و مفعول فيه.
              السبت: صف شعورك اليوم.



              كل أسبوع كتخدمي على شي نقطة من نقط ضعفهم.

              التلاميذ لي عندهم مشكل الحروف: رسمي الحروف على أوراق A4 .. فكل ورقة حرف و ف 5 الدقائق الأخيرة.. ينوضو كلهم و يكتبو كلمة كتبدا بالحرف المكتوب فالورقة على الورقة (اذا ما عرفوش كلمات ماشي مشكل تساعديهم).. كل واحد يستعمل اللون المفضل عندو..

              يعني مثلا غتكون واحد الورقة مكتوب فيها حرف الميم كبيييير و خاوي من الداخل باش يلونوه.. و يبقاو ينوض بالواحد يكتبو كلمة فهاديك الورقة و ملي يساليو علقيها فلوحة مخصصة للمعجم.. منها يجمعو كلمات.. منها يترسخ الحرف عند الأشخاص لي عندهم مشكل.. و هنا غادي تكون عندك فرصة تعطيهم كلمات جديدة ما كيعرفوهاش.. خاصة فالحروف لي ماشي متداولة بزاف بحال الذال و الثاء و الهاء...

              شري tampon لي كتكون مرسومة فيه شي نجمة مثلا.. و كل نهار كافئي واحد المجموعة على قيامهم بمهامهم على أحسن وجه: تنظيم الدفتر، تحسن الخط، تحسن النسق اللغوي...

              ديري صندوق صغير و فيه يكونو شي مجموعة قصصية و مجلات للأطفال.. لي خدا شي قصة يجي يعاودليكم باللغة العربية شنو عجبو فيها أكثر شي.. ماشي يحكيهالكم.. لا.. يعبر عن رأيو.

              المهم ا شريفتي بزااااف ما يدار باش نحاربو خطط تدمير العلم و الثقافة..

              أرجو أن أكون قد أفدتك و لو بالقلييييل.. و أي تساؤل مرحبا ♡


              عميق محبتي ♡

              تعليق

                • WhatsApp

                #8
                المشاركة الأصلية بواسطة ♡ ايمي ♡ مشاهدة المشاركة
                ههه شريفتي ضحكتيني بالعنوان .. المخطط الاستعجالي ما بقاش صالح ههه فكري فرؤية استراتيجية و ربما من هنا ل 2030 يتحل المشكل ^^

                لا بجدية دابا..

                الموضوع مؤلم لواحد الدرجة خيالية.. و هادشي لي كتعاودي عليه رجعنا كنشوفوه و نسمعوه كل عاام
                . و كل عام كيكون الوضع أسوأ من العام لي قبل منو..

                لكننا لن نستسلم..

                اذا كان هدف هادوك صناع القرار (أو مستورديه بالأحرى) انهم يوصلونا لهاد الحالة ديال شباب بحرا كيتهجى سميتو من بعد ما قضى على الأقل 6 سنوات فالمدرسة.. فحنا غادي نقولو ليهم لا !


                غادي تحااااولي حبيبتي.. و شوفي راه تنقوليك تحاولي.. يعني اذا فشلت المحاولة فهذا لا يعني أنك أنت الفاشلة..

                هادوك ضحية نظام تعليمي بأكمله.. يعني انت دابا بحال شي طبيب لي وصل عندو واحد المريض لي بدا بالكحة (لي كان ممكن تتعالج بسهولة كبييييرة) و وصل عندو بالسل و سرطان الرئة و التهاب الشعب و و و ...

                يعني لي قدرتي تعالجيه مزيان و لي ما قدرتيش ما ضغطيش على راسك و تحمليها فوق طاقتها.


                نخليو الشفوي و ندوزو للملموس دابا..

                عطيني جرد بسيط بالمشاكل لي عندهم:

                - عدم القدرة على التمييز بين الحروف الهجائية.
                - عدم القدرة على قراءة المقاطع.
                - عدم القدرة على التعبير بنسق لغوي سليم.
                - غياب معجم لغوي.
                - رداءة الخط.
                - موارد سابقة غير مكتسبة.
                - عدم التمييز بين أقسام الكلمة.
                - عدم القدرة على التمييز بين الفعل و الفاعل و المفعول به و النعت.



                أكيد كاين هادشي و حوابج اخرى.. او لا؟

                غادي تخدمي على مشروع قسم.. يكون الهدف منو الرفع من مردودية التعلمات.. ركزي أساسا على التعبير الكتابي كمنتوج نهائي.. علاش؟لأنه اذا تم اكتساب النسق اللغوي السليم و اذا تم تخطي العثرات الضخمة ثم الصغيرة.. غادي توصلي فالأخير الى تحقيق الهدف ديال كتابة سليمة مقروءة و صحيحة لغويا.

                كيفاش توصلي لهاد الهدف؟

                عبر ما أسميه "يومية التعبير".. أنا فاللغة الفرنسية عندي "Le calendrier d'expression"

                كل نهار كنديرو حاحة بسيييييطة جدا.. و كنبقاو غاديين بتدرج حتى كنوصلو فآخر الأسبوع لشي حاجة عندها قيمة أكبر.

                و لأنك مطالبة بتقديم الدروس ديال المستوى ديالهم و مطالبة تمشاي مع البرنامج باش يدوزو الامتحان.. غادي تخدمي على هاد اليومية فمدة لا تتجاوز 15 دقيقة كل يوم.. يعني غادي ديري مجهودك باش تسالي المواد لي كتخدميها و تشيطي منها واحد 15 دقيقة.

                مثال على أسبوع من اليومية:

                الاثنين : ايت باسم و فعل.
                الثلاثاء: كون جملة من الاسم و الفعل.
                الأربعاء: ايت بنعت للاسم.
                الخميس: ايت بظرف مكان أو ظرف زمان.
                الجمعة: كون جملة فعلية تشتمل على نعت و مفعول فيه.
                السبت: صف شعورك اليوم.



                كل أسبوع كتخدمي على شي نقطة من نقط ضعفهم.

                التلاميذ لي عندهم مشكل الحروف: رسمي الحروف على أوراق A4 .. فكل ورقة حرف و ف 5 الدقائق الأخيرة.. ينوضو كلهم و يكتبو كلمة كتبدا بالحرف المكتوب فالورقة على الورقة (اذا ما عرفوش كلمات ماشي مشكل تساعديهم).. كل واحد يستعمل اللون المفضل عندو..

                يعني مثلا غتكون واحد الورقة مكتوب فيها حرف الميم كبيييير و خاوي من الداخل باش يلونوه.. و يبقاو ينوض بالواحد يكتبو كلمة فهاديك الورقة و ملي يساليو علقيها فلوحة مخصصة للمعجم.. منها يجمعو كلمات.. منها يترسخ الحرف عند الأشخاص لي عندهم مشكل.. و هنا غادي تكون عندك فرصة تعطيهم كلمات جديدة ما كيعرفوهاش.. خاصة فالحروف لي ماشي متداولة بزاف بحال الذال و الثاء و الهاء...

                شري tampon لي كتكون مرسومة فيه شي نجمة مثلا.. و كل نهار كافئي واحد المجموعة على قيامهم بمهامهم على أحسن وجه: تنظيم الدفتر، تحسن الخط، تحسن النسق اللغوي...

                ديري صندوق صغير و فيه يكونو شي مجموعة قصصية و مجلات للأطفال.. لي خدا شي قصة يجي يعاودليكم باللغة العربية شنو عجبو فيها أكثر شي.. ماشي يحكيهالكم.. لا.. يعبر عن رأيو.

                المهم ا شريفتي بزااااف ما يدار باش نحاربو خطط تدمير العلم و الثقافة..

                أرجو أن أكون قد أفدتك و لو بالقلييييل.. و أي تساؤل مرحبا ♡


                عميق محبتي ♡
                جزاك الله خيرا يا نسمة الطيبة والعطاء
                حسنا كاين أشياءمن هادشي اللي ذكرتي اقوم بها فعلا
                متلا الطوابع اللي فيها نجيمات واشكال محببة
                التركيز على نقط الضعف كل مرة حاجة
                القصص
                التعبير عن احلامهم وخططهم وبطرق بسيطة ولكن التجاوب يكاد يكون منعدم
                وافدتني صراحة يكفي دعمك النفسي لي عودة

                تعليق

                  • WhatsApp

                  #9
                  السلام عليكم ورحمة الله وبركاته
                  احيي فيك اختي المستغفرة رغبتك في تحسين مستوى تلامذتك واهتمامكيف
                  بذلك وحرصك على البحث والاستفادة من تجارب الآخرين ولو اني استشف من معرفتي البسيطة بك من خلال مواضيعك في المنتدى انك لا تعدمين وسائل وخططا ودعامات تستندين عليها للرفع من جودة عملك واداء مهمتك على أكمل وجه.فمزيدا من المحاولات ولا تياسي ..استعيني بالدعاء قبل دخول الفصل لك ولهم وجددي النية كل يوم.
                  لا اجد ما أضيفه على مداخلة استاذتنا ايمي فقد كفت ووفت جزاهاالله الله خيرا .غير أن أطلب منك تجربة العمل في مجموعات وإعطاء تسمية محفزة لكل منها(لا تنسي انهم في بداية المراهقة) واستغلي هذه النقطة ايضا لصالحك .اشعريهم بانك تثقين بهم وبقدراتهم وأخلقي روح المنافسة بين المجموعات سواء من حيث الانتباه أو السرعة في الإنجاز أو الإتقان ولو بالتدريج...مع التحفيز طبعا والمكافاة ولو كانت بسيطة مثل أن يتمكن من القيام بهوايته المفضلة اذا أنهى عمله بإتقان قبل الآخرين. ..يمكن تخصيص ركن صغير لذلك يمكن تسميته فسحتي مثلا...وأهم ما يمكنني قوله هو اجعلي بينك وبينهم علاقة خاصة أو سر صغير -لا أدري هل أوصلت الفكرة- كل منهم على حدة...
                  أرجو أن يوفقك الله اختي ويجازيك الجزاء الأوفى. تقبلي مروري واعتذر عن الإطالة ولكنك نقرت في نفسي على الوتر الحساس

                  تعليق

                    • WhatsApp

                    #10
                    السلام عليكم يا استاذتي، آسفة على تأخير الرد، البارح كنت نستنى زوجي باش يقولي اشنو اديري، سعى معطانيش شجواب الي ايفيدك،قالي إلا عندها 30 سنة نتاع الخدمة في التعليم قوليلها أدير التقاعد النسبي وتهني مخها، والا باقي ديري الي قديتي عليه واخ غير الحروف والكلمات راه عندك اجر،وقالي راهم ناجحين ناجحين واخ ميعرفوش يقراو،لأنه وزارة التعليم هدشي الي بغات وايضا حتى الوالدين ماكيعانوش وليداتهم، قالك إذن انتي ديري الي قديتي عليه والله المستعان
                    كان زوجي يقري في القريةالخامس والسادس سنوات ،ومع التلاميذ كيكونوا قلال ،كان في الخامس يقريهم بحال التحضيري من اول حرف ومنين يكونوا في السادس كيكونوا مجهدين، ولكن منين انتقل للمدينة والتلاميذ بزاف فضل يقري القسم الأول وكيدير المجهود ديالو حتى أنه بقاو يعرفوا التحويل وهما عاد في القسم الأول
                    والله يعاونك ويسهل امورك وتهلاي في صحتك
                    [ATTACH]n84837[/ATTACH] [ATTACH]n84833[/ATTACH] [ATTACH]n84836[/ATTACH]

                    تعليق

                    يعمل...
                    X