ArabicEnglishFrenchSpanish

.

دوا البرد متجدد بإذن الله

X
X
 
  • -
    • WhatsApp

    دوا البرد متجدد بإذن الله















    تحية واحترام لكل الاخوات الانيقات موعدنا في هذا الموضوع مع سلسلة من العلاجات الطبيعية لامراض تمر بيننا جميعا وخاصة في فصل البرد فصل الشتاء الذي نحن على ابوابه معشوق الادباء والشعراء الخالي من الضوضاء هههه هكذا أصفه من معي في هذا الوصف بنادم كيدخل سوق راسوا ههه





    طبعا لا يخفى علينا المشاكل التي تعترض صحتنا في هذا الفصل ولكن الى عرفنا كيفاش نتغلبوا عليها ونعملوا بالمقولة الوقاية افضل من العلاج يكون الامر ابسط واهون وذلك بامور بسيطة مجربة نتخلص من هاذ المشاكل بحال الزكام والحلاقم والبرودة او الروماتيزم يعني امراض فصل البرد ، وبهذا نفتح سلسلتنا ان شاء الله لتبقى كمرجع لنا نستخلص منه وصفات مفيدة و مجربة او التي سمعنا بها او قرأنا لاطباء كفء في الطب البديل


    وإن شاء الله سيكون هنا موضوع شامل لهذه الوصفات التي تحتاجها ربة البيت للتصدي للأمراض المعروفة في فصل البرد بحال زكام كحة ٱلام الأذن وصفات طبيعية عشبية وطبخ شهيوات كتسخن وتمنح الجسم طاقة ومناعة لكي يمر الفصل بأمان بعيدا عن المضادات الحيوية والسيرو اللي مبقى يقضي الله يستر يتساءل البعض هل غيروا التركيبة أو الأجسام تغيرت


    بعد أعوذ بالله الشيطان من الرجيم



    قال تعالى:" الَّذِي خَلَقَنِي فَهُوَ يَهْدِينِ * وَالَّذِي هُوَ يُطْعِمُنِي وَيَسْقِينِ * وَإِذَا مَرِضْتُ فَهُوَ يَشْفِينِ "، سورة الشّعراء/78-80

    أي أنّ الإنسان إذا مرض فهو السّبب في حدوث المرض، وأنّ الله يشفيه بقدرته وكرمه، فقبل الدّاء وجِدَ الدّواء، ولكلّ علةٍ أوجد الله شفاءً، علمه المريض أم لم يعلمه. وهذا من لطف الله، وكرمه.



    ملاحظة:


    المرجو عدم وضع ردود هنا جزاكن الله خيرا حتى تبقى سلسلتنا مستمرة دون ان نبحث عن الوصفات المرغوب فيها وسط الدردشة وطبعا هذا لا يمنع ان نفتح صفحة نضع فيها استفساراتنا واسئلتنا ودردشتنا ان شاء الله بهذا الرابط

    https://www.anaqamaghribia.com/vb/node/17875689




    في انتظار طرح الوصفات الطبيعية المفيدة والمجربة ان شاء الله



    ذاكرة; 02-11-2018, 21:48.




    • WhatsApp

    #2
    شكرا لك عزيزتي الطريقة ب البيض نديرها لولدي الصغير ان شاء الله حيت ضاربو البرد وكيكح













    الردود والاستفسارات هنا بارك الله فيك حبيبتي وشكرا

    https://www.anaqamaghribia.com/vb/node/17875689
    ذاكرة; 02-11-2018, 21:44.

      • WhatsApp

      #3
      السلام عليكم ورحمة الله وبركاته

      الله يجازيك خير حبيبة محتاجينهم نيت، أنا دبا تا نجرب:

      1 ــ الثوم مبخرة زدت معاها الزعتر وبخرتها وزدت معها زيت الزيتون تا ناكلها كل صباح.

      2 ــ ودايرة القرنفل في الماء مع زعفران لأن مؤخراً ولاو تا يجيوني نزلات برد صعبة جداً ولله الحمد،

      نستعين بالله ونتوكل عليه ونعاونو راسنا بالوقاية وربي يحفظنا من هاد الأمراض
      متابعة إن شاء الله
      ذاكرة; 02-11-2018, 21:44.
      تجمع :) أتحداك أن تفكري في النوم بعد صلاة الصبح :)
      https://www.anaqamaghribia.com/vb/node/17876456

        • WhatsApp

        #4
        بارك الله فيك سعود موضوع جد مفيد و محتاجينو بزاف
        عندي لقمان بدات فيه الدقة متبعة له الدواء حاليا و كات قالت ليا الطبيبة نردو باش ادير برى باش ميبقى اضربو البرد البزاف قالت ليا قبل العطلة و نسيت
        ملي كتشد فيه الكحة صعيب باش ابرى حتى نستعمل البخاخ الله اشافي الجميع و صافي
        بالنسيبة للوصفة ديال اليوم هي لعزيزة عليا كانت كديرها لنا ماما ملي كنا صغار





          • WhatsApp

          #5
          أمينة هديل
          السلام عليكم ورحمة الله وبركاته

          الله يجازيك خير حبيبة محتاجينهم نيت، أنا دبا تا نجرب الثوم مبخرة زدت معاها الزعتر وبخرتها وزدت معها زيت الزيتون تا ناكلها كل صباح، ودايرة القرنفل في الماء مع زعفران لأن مؤخراً ولاو تا يجيوني نزلات برد صعبة جداً ولله الحمد، نستعين بالله ونتوكل عليه ونعاونو راسنا بالوقاية وربي يحفظنا من هاد الأمراض
          متابعة إن شاء الله
          وعليكم السلام ورحمة الله وبركاته
          امونة كديرة لاباس عليك
          عافاك شرحي لنا ديال القرنفل و الزعفران و الفواءد ديالها بارك الله فيك





            • WhatsApp

            #6
            جزاك الله الف خير حبيبتي ♡ موضوعك سيكون بكل تأكيد جد مفيد و اتطلع لقراءة البقية ♡


            وصفة مجربة للكحة خااااايبة

            انا ملي كنت صغيرة كانت كتجيني واحد الكحة خااااايبة.. و واحد المرة دارت لي ماما واحد الوصفة.. و الله من تما ما عرفت شنو هي الكحة لحد الآن.. الحمد لله.

            الوصفة :

            - مغرفة (لي كنكبو بيها الحريرة) زيت الزيتون.

            - 3 فصوص ثوم.

            - ملعقة كبيرة كمون.

            سخناتهم ماما شوية فهاديك المغرفة نيت و عطاتني منها 3 معالق صغيرة بحال سيرو.. قبل ما نعس و ما نشربش موراها الماء. لمدة 3 ليال وقتما جيت ندخل لبلاصتي كانت كتسخنهم شوية و تعطيني نشربها.

            و هكذا قلت وداااااعا للكحة ♡
            ذاكرة; 02-11-2018, 21:09.

              • WhatsApp

              #7
              جزاك الله خيرا سعاد، حتى انا كنديرلهم واحد الوصفة كلشي كيرتاح عندو شفتها هنا في المنتدي في عهد سردينا الله يجازيها بخير شحال نفعاتنا من وصفاتها وكنت غير زائرة، ندخلو في الوصفة

              وصفة مجربة للبرد عند الاطفال :

              ناخذ الثوم 2او3 ونقطعهم ونزيد عليهم الحامض وزيت الزيتون وزيت الحبة السوداء مع العسل ونخليه يترقد
              ويبقاو يشربو منو، وبفضل الله كيشافيو من البرد، لحلاقم، حساسية الصدر يعني الضيقة كينقص عليهم لأنه كيوسع الصدر
              ذاكرة; 02-11-2018, 21:11.

                • WhatsApp

                #8
                جزاك الله خيرا حبيبتي سعاد الموضوع جاء في وقته فعلا داخلين على فصل البرد والسكون ولكن خاص معها صحة وعافية عفاني الله واياك وكل الانيقات والمسلمين يارب من كل سوء


                وصفة ضد البرد او الزكام للكبار والصغار مجربة :


                بالنسبة لي حضرت جوج قراعي ديال الثوم والشريحة وزيت الزيتون نفعاتني بزاف

                وفقط للمعلومة من دبا خاص يبدا التجهيز لتقوية المناعة ضد البرد والزكام لان ملي تيصيبك الفيروس ما تينفعش معاه الدواء في نفس الوقت خاص يكن جسمك عندو مناعة ضد البرد

                وكذلك في الليل بداوا ديروا حسوة الشعير ومافيها باس المساخن للكبار بالحق يكونوا نيت عشبة عشبة ومدقوقين على ايديك ومجموعين بطريقة منظمة وبعقلانية تينفعوا بزااااف

                وكذلك درت القرنفل لي قالت لالة امينة جزاها الله خيرا وجاري العمل بها .
                وطبعا خاصنا نستعدوا لهاذ الموسم ونعملوا الاحتياطات ديالنا

                عندي فكرة ولي هي نجمع الوصفات كلها لي غادي تشارك بها الانيقات هنا ونرتبها في صفحة باش تبقى كمرجع لينا وهكذا ما ضيعش وسط الدردشة لي نزلات شي وصفة غادي نقوم بنسخها ونزلها في صفحة مستقلة

                وشكرا لكل الانيقات المفيدات والمستفيدات والله يجيب الشفاء يارب
                ذاكرة; 02-11-2018, 21:12.














                  • WhatsApp

                  #9
                  ياقوتة ام لقمان

                  وعليكم السلام ورحمة الله وبركاته
                  امونة كديرة لاباس عليك
                  عافاك شرحي لنا ديال القرنفل و الزعفران و الفواءد ديالها بارك الله فيك
                  الله يجيب الشفاء لوليدك حبيبتي
                  أنا بخير ولله الحمد ربي يحفظك

                  وصفة الضيقة:

                  كاين وصفة شائعة في النت ديال الضيقة فيها القرنفل تا تخوي عليه الماء طايب في الليل والصباح يشرب على الريق
                  صراحة فايت مجرباها لأن كبور فيه الضيقة وحساسية شهرين وأكثر وما دارت ليه والو
                  لكن درت ليه الزعتر مداوم عليه والحمد لله تخلص من الرشاشة، الأزمة تا تجي مرات أقل من المعتاد إلى تعرض لمجهود كبير أو غبار
                  معاون ب butamil حبوب أأمن من الرشاشة هادي في الحالات القصوى
                  تا ندير ليه الزعتر مكان اتاي وتا يبقى يشربو كل نهار بشكل دائم، ودايرة ليه زعيترة حتى هي فحال اتاي هادي تا يشرب منها كاس كل صباح على الريق في أيام تغير الفصول
                  ممكن تخلطي الزعتر وزعيترة وتعطيهم ليه 3 المرات في اليوم

                  أما الوصفة ديال القرنفل،
                  خودي أعواد القرنفل ديريهم في قنينة وخوي عليهم الماء طايب وديري شوية الزعفران وحتى الزعتر غير يبرد ديريه في الثلاجة، هادي كل صباح تاخدي منها فنجان تدفيه وتشربيه
                  ذاكرة; 02-11-2018, 21:14.
                  تجمع :) أتحداك أن تفكري في النوم بعد صلاة الصبح :)
                  https://www.anaqamaghribia.com/vb/node/17876456

                    • WhatsApp

                    #10






                    التهاب اللوزتين او الحلاقم بمفهومنا



                    ا أي إصابة فالجهاز التنفسي يصاحبها أحيانا ا لالتهاب الحلق


                    واللوزتين وقد يصل الأمر للالتهاب البلعوم ووو و الفم يعتبر منفذ لجميع أجهزة الجسم الداخلية











                    اللي معروف فأي بيت مغربي وصفة الماء الدافئ والعسل وعصير الحامض كغرغرة هي متعبة بعض الشئ كتكوني مريضة خصك تعصري الحامض عند كل غرغرة لقيت وصفة سهلة الله يجزي صاحبتها كل خير وكتعطي كمية كثيرة يعني وصفة عائلية



                    وصفتي المعتدمة الحمد لله من الطبخ تغنيك عن الخروج

                    معلقة كبيرة السانوج

                    معلقة كبيرة قرنفل المسمار في إناء نصب عليهم نصف لتر ماء مغلي يغطى المحلول ويترك جانبا يدفى نقوم بصب نصف كاس عنبة خل تفاح أو خل أبيض يعبأ في زجاجة ويوضع في الحمام

                    بما أن السائل كثير كنخلي زجاجة في المطبخ مرة مرة أقوم بالغرغرة تحسن ملحوظ في ثاني يوم

                    ملاحظة
                    آخر غرغرة ليلا قبل النوم نصف لتر ماء مغلي يغطى المحلول ويترك جانبا يدفى نقوم بصب نصف كاس عنبة خل تفاح أو خل أبيض يعبأ في زجاجة ويوضع في الحمام

                    بما أن السائل كثير كنخلي زجاجة في المطبخ مرة مرة أقوم بالغرغرة تحسن ملحوظ في ثاني يوم





                    السانوج وليس الحبة السوداء








                    ذاكرة; 02-11-2018, 21:18.




                    ...
                    X