وعليكم السلام ورحمة الله
غير بشوية عليك اختي ميكون بأس عند الكتكوت
غير غسل لو بصابونة الكف و نشفي لو غير بشوية و خودي دهني بشوية الزيت
الغد له أن شاء الله سيري لفرمسيان خودي بيبونتين bepanthen راه مزيانة بزااف هي لي كنستعمل لولدي
الله احفظهم يارب

السلام عليكم متخافيش اختي
كيف قالت ليك الاخت سيري الصيدلية هو يعطيك العلاج المناسب على حسب الحالة ديال طفلك
الله يحفظو ليك مايكون باس

وعليكم السلام الله يشافي العزري ماكنش طايب قبل الاسهال ..وش ديتيها للطبيب هو ي خرج ليك البوماضة غالية ربما ما وفقاتوش تكون فيها مادة مجهدة عليه ..وش برى من الاسهال ...ليكوش اختي اشمن نوع وخا غاليين ربما ما وافقوهش ...شوفي الفرماسيان غير قوليهم فيه الاسهال وطاب راه عندهم خبرة كبير في الاسهال اشمن دواء وحتى البوماضة والبودر لي شريتي لاش وش للطياب ماكنظنش ينفعو خصو غير بوماضة بلا بودر
..والا ديه للطبيب..

كنغسل اختي بصابونة وكنشفلو ودهنتلو زيت والو عمرو كان كيطيبلي ولكن لي لاحظت من مور كل شوكة منين كنعملو قالب وكيدير كاكا كيطيبلي هادي دابا مرة تانيا شكرا على تعليق ديالك

ملي كديري ليه الجلبة كيجيه اسهال وكديري ليه قالب وطبعا الاسهال راه كيطيب الجلدة وصابونة حتى هي راه مهمة اشمن نوع بش كتغسلي ليه بها وش صابون طاووس راها مجهدة وايلا كانت صابونة فيها ريحة حتى هي لاء ..شوفي صابونة بحال ديال marseillais المهم صابونة من الخارج

مطمئنة : اختي لا اختي ماديتوش لطبيب غير سمعت وحدة فاليوتوب قالت بلي بنتها طابتلها وعمتلها دك ديموفيكس هو بودر خارجولا بيدياتخ وبغيت نسول عليه قالت دقة بطلة نهار ونص زالو طياب معرفتش شحال ثمن ديالو اختي بومادا لكنعملو مزياانة منهار خلاق وانا كنعملالو ولكن منين تسلخ دابا معملتلو والو ....و اسهال برى منو وليكوش معرفتش كل مرة كنجربلو شكل ولكم دابا شريتلو هيكيز وبومادا جابتلي لوستي من امريكا اسما desitin

اختي ردي البال في هذا الحالات ديال الاسهال والجلبة ومن بعد الجلبة سخانة واسهال وطياب ..ملي تكوني عند طبيب قولي ليه ايلا جاتو سخانة ايلا جاه اسهال ايلا طاب ..هذشي كامل طرحيه وخصو يقول ليك شنو ديري ..وخا اختي بومادا من امريكا هذا لا يعني غدي توافقو وخا على الاقل شوفي طبيب وسوليه على كل شي حتى البوماضا desitin

ملي كانت بنتي صغيرة كانت كاتعاني من الطياب والسبب اما الجلد تيكون حساس بزاف او حاشاك البول تايكون مجهد لانه فيه الملحة وكايطيب الجلدة .الحل لي درتو ليها وتهنيت من الطياب هو انني كانغسل ليها نصها بصابون الكف ايه لاغلى على مسكين وهادي وصية من طبيبة ماشي من راسي.كانغسل ليها بصابون الكف والما دافي ودايرة ليها فوطة رطبة كانشفها مزيان ونخليها فالهوا باش تنشف مزيان وهادي نقطة مهمة خاص ماتكون فيها حتى قطرة الما .عاد كاندهن ليها ببومادا ديال الحراق سميتها بيافين خضرة فالفرماسيان .ديال لي تايتحرقو الله يستر .وتهنيت من الطياب .كانت مسكينة غير دير الما مع تايحرقها فالبلاسا المجروحة وتبكي حتى كاتزراق وانا كانشوفها وقلبي كايتقطع.وهاد الحل هو لي هناني من الطياب اما البشرة راه مسكينة باقي للان بشرتها حساسة ديما فالبرد وجها و يديها كايتفلحو وديما كاندير ليها ليكريم من الفرماسيان.هادشي علاش قلت ليك راه كاين لي البشرة ديالو حساسة كتر من لاخرين

شكرا اختي حتى هو بشرتو حساسة كنغسلو ديما بالما دافي وصابون