ArabicEnglishFrenchSpanish

إعـــــــلان

تقليص
لا يوجد إعلان حتى الآن.

البنات دخلو عاونوني لي عندها شي معلومة على البني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    البنات دخلو عاونوني لي عندها شي معلومة على البني

    السلام عليكم البنات لي عارفة بشحال يطيح ثمن السلعة ديال البلومبي والترسيان تفدني حنا المعلم طلب ربعمة درهم والسلعة تقامت بمليون عندنا الريدشوسي وجوج طبقات والسطح واش ثمن هو هداك وشكرا مسبقا
    • WhatsApp

    #2
    حنا يالله غادي نتافقو مع البلومبي و التريسيان و سولنا على السلعة غادي تقام بمليون السفلي و زوج طبقات
    شحال دار معكم المعلم خدمت يدو حنا لي جبناه كي طلب مليون و نص نتمنو شي حد يسر معانا

    تعليق

      • WhatsApp

      #3
      البلومبي دار معانا 80
      والسلعة تقامت بمليون الدار فيها ثمانين متر

      تعليق

        • WhatsApp

        #4
        أهلا أختي
        الثمن ماشي مهم يمكن يجيك كلامي مضحك ههه ولكن الإتقان هو المهم وتسكني إن شاء الله ومتعوديش تدخلي لا تريسيان لا بلومبيي على الأقل شي ثلات أو خمس سنوات
        ركزي معيا المشاكل كلها من هذ ٢ معلمين خصك توقفي وتأكدي عليهم فالتوزيع مثلا البريزات فالمطبخ المرأة اللي خصها تكون جنب الزوج تقول له شحال من بريز محتاجة وفين البوطاجي خص بريز الخلاط والعجانة ووو بعيد على مكان البوطا والفرن حيث هما عندهم البلان قديم لمثل هاته المعلومات وأغلبهم كتكون فئة تعلمت الصنعة مشي عن علم ودراسة فالتكوين لذا أختي ردي البال مزيان وفكري كذلك لمكان غسالة الصحون ولو ميكونش عندك باش تخذيها حاليا البريزات فالصالون أو الغرف يكونوا مقادين مشي شي طالع شي نازل أما السي البلومبيي فالمشكل فتوزيع الجعاب د الماء شرحي له يعمل حساب أنه يقدر يغسل فالحمام والدش أكثر من شخص في نفس اللحظة ويكفيهم الماء مشي إلى فتح هذا الماء الٱخر ينتظر وعاد مشكل آخر يقدر إلى كان الماء محلول فالمطبخ وٱلة التصبين تشتغل في نفس اللحظة فتأكدي أن برنامجها يخسر ومتقدرش تاخذ الماء ومني تسكت الملابس ممصبنيش حيث موصلهاش الماء المشكل فالتوزيع
        أتمنى نكون توفقت في الشرح أي سؤال مرحبا أختي يسر الله أمرك





        تعليق

          • WhatsApp

          #5
          المشاركة الأصلية بواسطة قوتي في صمتي مشاهدة المشاركة
          أهلا أختي
          الثمن ماشي مهم يمكن يجيك كلامي مضحك ههه ولكن الإتقان هو المهم وتسكني إن شاء الله ومتعوديش تدخلي لا تريسيان لا بلومبيي على الأقل شي ثلات أو خمس سنوات
          ركزي معيا المشاكل كلها من هذ ٢ معلمين خصك توقفي وتأكدي عليهم فالتوزيع مثلا البريزات فالمطبخ المرأة اللي خصها تكون جنب الزوج تقول له شحال من بريز محتاجة وفين البوطاجي خص بريز الخلاط والعجانة ووو بعيد على مكان البوطا والفرن حيث هما عندهم البلان قديم لمثل هاته المعلومات وأغلبهم كتكون فئة تعلمت الصنعة مشي عن علم ودراسة فالتكوين لذا أختي ردي البال مزيان وفكري كذلك لمكان غسالة الصحون ولو ميكونش عندك باش تخذيها حاليا البريزات فالصالون أو الغرف يكونوا مقادين مشي شي طالع شي نازل أما السي البلومبيي فالمشكل فتوزيع الجعاب د الماء شرحي له يعمل حساب أنه يقدر يغسل فالحمام والدش أكثر من شخص في نفس اللحظة ويكفيهم الماء مشي إلى فتح هذا الماء الٱخر ينتظر وعاد مشكل آخر يقدر إلى كان الماء محلول فالمطبخ وٱلة التصبين تشتغل في نفس اللحظة فتأكدي أن برنامجها يخسر ومتقدرش تاخذ الماء ومني تسكت الملابس ممصبنيش حيث موصلهاش الماء المشكل فالتوزيع
          أتمنى نكون توفقت في الشرح أي سؤال مرحبا أختي يسر الله أمرك
          ماشاء الله على الرد ديال اختي انا كنت متبعة الاجزاء ديال لبنات دارها تدخل تفيد وتستافد والحمد لله ستافد منو بزاف الحوايج ومع داك ديما المعلمين ولابد اديرو الفضايح الا عندك اي معلومة ممكن تفدني متبخليش علي راني تالفة ازت تلفت ملي جانا الانتقال اخصنا نفنو السفلي باش نسكنو فيه انشاءالله معرفت السطح واش نديرو له لموزيك هو والدروج الا نديرو له الزليج

          تعليق

            • WhatsApp

            #6
            انا عاد دوزت لانستلسيون ضوء ولما لاطاج واحد و دروج وكوزنة د فسطاح تقام عليا اد المعلم رخيص شوي 30الف لبلومبي و20الف ترسيان لكن سلعة غالية امكن شي 160الف بين سلعة دلبلومبي وترسيان ودزوت لقوادس لدار كامل باقي لي لنستلسيون دلغاز مزال مدوزتهاش مدخلاش فلحساب باقي تنقلب علي جعبة دنحاس لخاصة بلغاز ملقنعاش هنا وصينا عليها مزال موصلاتنا

            تعليق

              • WhatsApp

              #7
              قبل متافقي مع ترسيان او لبلومبي خاص تكوني محدد الاماكن لكل حاجة توزيع لحمام ومكان لقرقرات بلاصة طابلو دلماء بلاصة شوفو ولكلمتزات شوفي واش غادي تدري لسبوت ولا لا وسوارا دلمطور دضوء. دريدوات وحددي فين بغيتي دري تلفاز وتلفون ولكوزنة تتبغي سوارت كتار حاولي وزعي سوارت علي حسب الاجهزة لعندك وعاد دري جوج او ثلاث زايدين فوق البوطجي ا الالات لتنستعملو ليوميا متنسايش لبريز دلبركة دلكوزنير ولاهوت الا غادي تدرها ولنستلسبون دمكينة لماعن حدا لفيب و نزيدك دري بريز دضوء تحت لفيي علي حسب لفيلتر دلما الا بغيتي تدريه من بعد هادشي لنفكرت دبا والله يسر لك الامور لما فيه خير

              تعليق

                • WhatsApp

                #8
                المشاركة الأصلية بواسطة رشا رشروشا 90 مشاهدة المشاركة

                ماشاء الله على الرد ديال اختي انا كنت متبعة الاجزاء ديال لبنات دارها تدخل تفيد وتستافد والحمد لله ستافد منو بزاف الحوايج ومع داك ديما المعلمين ولابد اديرو الفضايح الا عندك اي معلومة ممكن تفدني متبخليش علي راني تالفة ازت تلفت ملي جانا الانتقال اخصنا نفنو السفلي باش نسكنو فيه انشاءالله معرفت السطح واش نديرو له لموزيك هو والدروج الا نديرو له الزليج
                أهلا حبيبتي
                متلفي والوا إن شاء الله الأمور تمر بخير وترتاحي
                خصك تركزي على الأشياء اللي عندها علاقة بك كونك صاحبة البيت الرجل داخل خارج
                مثلا البوطاجي إلى موقفتيش على المعلم وركز معك يحط لك الرخامة أفقية مقادة تبان لك ههي هذيك ولكن مني تفتحي الصنبور وتبغي تنظفي أو تحطي شبكة الأواني إلى معملش لك المعلم شوية الرخامة مايلة فتأكدي أن الماء يبقى لك مجموع تحت الشبكة ومينزلش فالمجرى ويقى ثاني مجموع فوق البوطاجي ركزي مع المعلم على هذه النقطة حيث السيدة اللي كتوحل
                السطح تقدري ثعملي طريفات د الرخام ثمنهم رخيص وصحيح حيث السطح معرض للشمس والدرج لاموزيك أفضل
                أي سؤال لاتترددي أختي
                اللهم يسر





                تعليق

                  • WhatsApp

                  #9
                  المشاركة الأصلية بواسطة oumnassimrayan مشاهدة المشاركة
                  قبل متافقي مع ترسيان او لبلومبي خاص تكوني محدد الاماكن لكل حاجة توزيع لحمام ومكان لقرقرات بلاصة طابلو دلماء بلاصة شوفو ولكلمتزات شوفي واش غادي تدري لسبوت ولا لا وسوارا دلمطور دضوء. دريدوات وحددي فين بغيتي دري تلفاز وتلفون ولكوزنة تتبغي سوارت كتار حاولي وزعي سوارت علي حسب الاجهزة لعندك وعاد دري جوج او ثلاث زايدين فوق البوطجي ا الالات لتنستعملو ليوميا متنسايش لبريز دلبركة دلكوزنير ولاهوت الا غادي تدرها ولنستلسبون دمكينة لماعن حدا لفيب و نزيدك دري بريز دضوء تحت لفيي علي حسب لفيلتر دلما الا بغيتي تدريه من بعد هادشي لنفكرت دبا والله يسر لك الامور لما فيه خير
                  الله اجازيك بخير اختي الفلتر مقلتها له طواش حتى نتي يلاه اصلتي البلومي والترسيان قلت غتكوني كملتي

                  تعليق

                    • WhatsApp

                    #10
                    المشاركة الأصلية بواسطة قوتي في صمتي مشاهدة المشاركة

                    أهلا حبيبتي
                    متلفي والوا إن شاء الله الأمور تمر بخير وترتاحي
                    خصك تركزي على الأشياء اللي عندها علاقة بك كونك صاحبة البيت الرجل داخل خارج
                    مثلا البوطاجي إلى موقفتيش على المعلم وركز معك يحط لك الرخامة أفقية مقادة تبان لك ههي هذيك ولكن مني تفتحي الصنبور وتبغي تنظفي أو تحطي شبكة الأواني إلى معملش لك المعلم شوية الرخامة مايلة فتأكدي أن الماء يبقى لك مجموع تحت الشبكة ومينزلش فالمجرى ويقى ثاني مجموع فوق البوطاجي ركزي مع المعلم على هذه النقطة حيث السيدة اللي كتوحل
                    السطح تقدري ثعملي طريفات د الرخام ثمنهم رخيص وصحيح حيث السطح معرض للشمس والدرج لاموزيك أفضل
                    أي سؤال لاتترددي أختي
                    اللهم يسر
                    الله اجازيك بخير اختي واش هاد الرخام رخيص حيتالا كان غالي مغنقدروش عليه حيت خصنا انفنو التحت وخصنا الفراش ان شاء الله معندي والو من غير ناموسية نقدرو ندبانو بها حتى اسهل الله اما كولشي خصنا نشروه ان شاء الله

                    تعليق

                    يعمل...
                    X