ArabicEnglishFrenchSpanish

إعـــــــلان

تقليص
لا يوجد إعلان حتى الآن.

عندي مشكلة مع القطاني هاونووووووووني الله يستركم

تقليص
X
تقليص
يشاهد الموضوع حاليا: 1 (0 عضوات 1 زائرات)
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    طريقة عندي مشكلة مع القطاني هاونووووووووني الله يستركم

    السلام عليكم اخواتاتي الله يرحم ليكم الوالدين شي وحدة فيكم تعلمني طريقة طياب القطنيات خصوصا اللوبيا والحمص والدوارة والكرعين عندي مشكلة معاهم كنطيبهم كيجيوني باااااسلين والاكترية اللوبيا البيضا معرفتش علاش كتجيني مجخلطة ومعفوسة ولمذاق مافيه مايتشاف وراجلي كيموت علا االوبيا والحمص بلا لحم اوالو عقدوني وااله العظيم عفاكم الا ما تعطيوني شي طريقة لهاد الوصفات نحمر وجهي بيهم الله يستر عليكم واسمحولي
    • WhatsApp

    #2
    اختي كيفاش تديري ليهم ؟

    تعليق

      • WhatsApp

      #3
      كل مرة كندير طريقة اوااالو المداق يا ختي

      تعليق

        • WhatsApp

        #4
        بالنسبة للعدس واللوبيا انا طريقتي كانطيبهم شوية فالماء من بعد كانصاوب الشرمولة لي فيها مطيشة بصلة ثومة والربيع وفلفلة حارة شوية د الشحمة الا كاتاكلوها والعطرية سكينجبير ابزار خرقوم ملح وحامض مصير او لا العادي( تاكانطفي على كلشي ونضيفو طريفات باش مايطلقش المرورة ) اوا وزيت بلدية وكنور الا بغيتي والا تفاديتيه احسن اوا كانشحر هاد لاصوص من بعد كانزيدها على القطاني ونخليها تكمل طياب معاها هادي هي طريقتي والاخوات ازيدو اعاونوك ان شاء الله وحبذا لو كتبتي طريقتك باش الانيقات اوريوك الخلل فين والله المعين.

        تعليق

          • WhatsApp

          #5
          اللة يحفضك اختي زهر البنفسج علا الطريقة العدس كيجيني مزيان ولكن االوبيا وتقول كندير فكوكوط 2 بصلات صغار محكوكين مع مطيشة محكوكة والتوم ونقليهم فالزيت ونزيد البزار اسكنجبير بزايد ااخرقوم تحميرة كمون ملح ومرمي عليهم اللوبيا والما طايب والربيع ونسد الكوكوت ومين كطيب كتولي مرا ومداقها خايب فقصاتني يا ختي

          تعليق

            • WhatsApp

            #6
            ربما المرورة من سكينجبير بالزايد او الكمون وهو عاوتاني راه كايبغيو مطيشة مزيان والربيع والثوم

            تعليق

              • WhatsApp

              #7
              طريقتي في اللوبيا او العدس لي كلاهم عندي تتعجبهم صراحة وحتى راجلي الى كلا العدس في بلاصة اخرى ما تيجيهش بحال ديالي انا ما تنديروش عاقد او ثقيل المهم نعطيك طريقة اللوبيا لي عزيزة على راجلك وجربيها وردي عليا وانا متاكدة من النتيجة الى تبعتي الطريقة كما هي


              اللوبيا البيضا :

              اول شيء غادي ترقدي اللوبيا بالليل طبعا غسليها هو الاول عاد خليها في الماء لي يكون مغطيها
              في الغد غادي تغسلي اللوبيا وتبدلي لها الماء وديريها في طنجرة الضغط وديري لها الماء الكافي لي تطيب فيه يعني الماء على القدر فين واصلة اللوبيا في الطنجرة + 2 دروس الثوم وملح وسدي عليها حسبي لها ربع ساعة وطفي من بعد غادي توجدي التالي :

              قزبر ومعدنوس مقطعين 3 دروس الثوم محكوكين معلقة صغيرة مطيشة الحك 2 مطيشات محكوكين معلقة ص تحميرة معلقة ص كمون نعلقة صغيرة خرقوم بلدي نص معلقة ابزار معلقة ص سكين جبير ونص حامضة خضرا مقطعى على اربعة ربع كاس ص زيت بلدية

              تخلطي الكل وضيفيه للوبيا وتخليها تكمل الطياب ديالها طبعا غادي تسدي عليها ما تتعطلش وكتجي بنينة وشادة راسها ماشي مفسخة او مرونة جربيها وردي عليا الخبار


              العدس ديالي

              العدس طبعا منقي ومغسول ديريه في الطنجرة ضيفي لو الماء لي يقدوا لانك غادي تصلقيه اول شيء باش تنقصي من نسبة الحديد لي تيخلي اللون ديالو جد داكن الماء لي تصلق فيه ما تنرميهش هذا بين قوسين لي بغات تعرف اشنو تندير به تخلي لي تنبيه
              بعدما يتصلق العدس نغيروا لو الماء ثم ضيفي لو 2 مطيشات محكوكين 4 دروس الثوم محكوكين كمية من القزبر والمعدنوس مقطعين معلقة ص مطيشة الحك معلقة ص عااااامرة مزيان كمون سكين جبير خرقوم بلدي وشوية البزار ورقة سيدنا موسى و2 خيزوات مقطعين دواور وطبعا الزيت البلدية ومرقي الماء يكون بالزايد يغطي كلشي ملي يطيب غلقي عليه ودائما ما تجهديش النار على الاكل خاصو يطيب على خاطرو باش ما يترون لك



              الحمص :

              طبعا بعدما ترقديه يرطاب بالليل الغد غادي ديري معاه
              الربيع ق وم ـ ملح تحميرة سكين جبير كمون بزار راس معلقة قرفة 3 روس ثومة محكوكين وبصلة مشلضة ورقة سيدنا موسى زيت بلدية ورومية مخلطين

              غادي ديري كلشي في مرة وديري الماء يكون اكثر من الحمص يعني يكون فايت على تغطية الحمص سدي عليه وحسبي ليه 20 دقيقة او نص ساعة حسب نوع الحمص كاين لي كيطيب بسرعة وكاين لي كيتعطل في الطياب وبالصحة والراحة



              الدوارة سبق لي خذيتها من عند واحد الطباخة الله يذكرها بالخير ملي شفت كلشي جا عندها تيشكر في التقلية وانا نمشي لها كانت في عرس خويا واعطاتني الطريقة ديالها وبقات عندي معتمدة لي كلاها تتعجبو

              اول شيء الدوار خاصها تنقى مزيااان ما يبقاش فيها حتى حاجة تصلق باش تزول منها الزفورية بدلي لها الماء وديريها في الطنجرة

              انا ما تنديرش فيها البصلة كندير فقط الثوم والمصير
              المهم الدوارة مقطعة قزبر ومعدنوس الكمون التحميرة البزار السكين جبير الخرقوم بلدي نص معلقة ص قرفة وهذا هو سر بنتها لي ما تيعفوهش بزاف شوية الزيت بلدية حيث هي كتكون ميدمة
              اول شيء خليها تشرب ذيك ليقامة مزيااان على نار مهيلة ثم ضيفي لها الماء سخون حتى تغطى القياس لي طيب فيه من بعد ما طيب حلي عليها وضيفي الحامض مصير ونقصي عليها النار وخليها تعلك مع راسها وتوقف في ايدامها بغيتي ضيفي الزيتون ضيفيه ما بغيتيش بلاش كتجي راااائعة

              باينة عليك راك في بداية المشوار ما عليك غير بواحد الاجندة وتقيدي فيها جميع الوصفات باش يبقاوا عندك مرجع فينما بغيتيهم تلقايهم بين ايديك و بالصحة والراحة كلشي ساهل الى كانت الرغبة .












              تعليق

                • WhatsApp

                #8
                المشاركة الأصلية بواسطة ZahrELbanafsaj مشاهدة المشاركة
                ربما المرورة من سكينجبير بالزايد او الكمون وهو عاوتاني راه كايبغيو مطيشة مزيان والربيع والثوم
                اه يا ختي كنكتر سكنجبير وااكمون باينة عليها كتجيني مىونة وحاالتها الله يكتر خيرك اختي اوسعتي معايا خاطرك

                تعليق

                  • WhatsApp

                  #9
                  المشاركة الأصلية بواسطة faizafaiza مشاهدة المشاركة

                  اه يا ختي كنكتر سكنجبير وااكمون باينة عليها كتجيني مىونة وحاالتها الله يكتر خيرك اختي اوسعتي معايا خاطرك
                  الله اودي مادا بيا نعاونك حتى انا راه غا كانتعلم وصافي من المدرسة للزواج ههه اوا اختي حضي من التوابل احيانا كاتخسر الحاجة ماشي كاتبننها خصوصا الكمون معروف كايمرر ومن الاحسن ماديريهش كاع فالقطنيا والحريرة وكسكسو..

                  تعليق

                    • WhatsApp

                    #10
                    المشاركة الأصلية بواسطة ذاكرة مشاهدة المشاركة
                    طريقتي في اللوبيا او العدس لي كلاهم عندي تتعجبهم صراحة وحتى راجلي الى كلا العدس في بلاصة اخرى ما تيجيهش بحال ديالي انا ما تنديروش عاقد او ثقيل المهم نعطيك طريقة اللوبيا لي عزيزة على راجلك وجربيها وردي عليا وانا متاكدة من النتيجة الى تبعتي الطريقة كما هي


                    اللوبيا البيضا :

                    اول شيء غادي ترقدي اللوبيا بالليل طبعا غسليها هو الاول عاد خليها في الماء لي يكون مغطيها
                    في الغد غادي تغسلي اللوبيا وتبدلي لها الماء وديريها في طنجرة الضغط وديري لها الماء الكافي لي تطيب فيه يعني الماء على القدر فين واصلة اللوبيا في الطنجرة + 2 دروس الثوم وملح وسدي عليها حسبي لها ربع ساعة وطفي من بعد غادي توجدي التالي :

                    قزبر ومعدنوس مقطعين 3 دروس الثوم محكوكين معلقة صغيرة مطيشة الحك 2 مطيشات محكوكين معلقة ص تحميرة معلقة ص كمون نعلقة صغيرة خرقوم بلدي نص معلقة ابزار معلقة ص سكين جبير ونص حامضة خضرا مقطعى على اربعة ربع كاس ص زيت بلدية

                    تخلطي الكل وضيفيه للوبيا وتخليها تكمل الطياب ديالها طبعا غادي تسدي عليها ما تتعطلش وكتجي بنينة وشادة راسها ماشي مفسخة او مرونة جربيها وردي عليا الخبار


                    العدس ديالي

                    العدس طبعا منقي ومغسول ديريه في الطنجرة ضيفي لو الماء لي يقدوا لانك غادي تصلقيه اول شيء باش تنقصي من نسبة الحديد لي تيخلي اللون ديالو جد داكن الماء لي تصلق فيه ما تنرميهش هذا بين قوسين لي بغات تعرف اشنو تندير به تخلي لي تنبيه
                    بعدما يتصلق العدس نغيروا لو الماء ثم ضيفي لو 2 مطيشات محكوكين 4 دروس الثوم محكوكين كمية من القزبر والمعدنوس مقطعين معلقة ص مطيشة الحك معلقة ص عااااامرة مزيان كمون سكين جبير خرقوم بلدي وشوية البزار ورقة سيدنا موسى و2 خيزوات مقطعين دواور وطبعا الزيت البلدية ومرقي الماء يكون بالزايد يغطي كلشي ملي يطيب غلقي عليه ودائما ما تجهديش النار على الاكل خاصو يطيب على خاطرو باش ما يترون لك



                    الحمص :

                    طبعا بعدما ترقديه يرطاب بالليل الغد غادي ديري معاه
                    الربيع ق وم ـ ملح تحميرة سكين جبير كمون بزار راس معلقة قرفة 3 روس ثومة محكوكين وبصلة مشلضة ورقة سيدنا موسى زيت بلدية ورومية مخلطين

                    غادي ديري كلشي في مرة وديري الماء يكون اكثر من الحمص يعني يكون فايت على تغطية الحمص سدي عليه وحسبي ليه 20 دقيقة او نص ساعة حسب نوع الحمص كاين لي كيطيب بسرعة وكاين لي كيتعطل في الطياب وبالصحة والراحة



                    الدوارة سبق لي خذيتها من عند واحد الطباخة الله يذكرها بالخير ملي شفت كلشي جا عندها تيشكر في التقلية وانا نمشي لها كانت في عرس خويا واعطاتني الطريقة ديالها وبقات عندي معتمدة لي كلاها تتعجبو

                    اول شيء الدوار خاصها تنقى مزيااان ما يبقاش فيها حتى حاجة تصلق باش تزول منها الزفورية بدلي لها الماء وديريها في الطنجرة

                    انا ما تنديرش فيها البصلة كندير فقط الثوم والمصير
                    المهم الدوارة مقطعة قزبر ومعدنوس الكمون التحميرة البزار السكين جبير الخرقوم بلدي نص معلقة ص قرفة وهذا هو سر بنتها لي ما تيعفوهش بزاف شوية الزيت بلدية حيث هي كتكون ميدمة
                    اول شيء خليها تشرب ذيك ليقامة مزيااان على نار مهيلة ثم ضيفي لها الماء سخون حتى تغطى القياس لي طيب فيه من بعد ما طيب حلي عليها وضيفي الحامض مصير ونقصي عليها النار وخليها تعلك مع راسها وتوقف في ايدامها بغيتي ضيفي الزيتون ضيفيه ما بغيتيش بلاش كتجي راااائعة

                    باينة عليك راك في بداية المشوار ما عليك غير بواحد الاجندة وتقيدي فيها جميع الوصفات باش يبقاوا عندك مرجع فينما بغيتيهم تلقايهم بين ايديك و بالصحة والراحة كلشي ساهل الى كانت الرغبة .
                    سيري يا ختي داكرة الله يفرك باش ما نويتي فخاطرك يا ربي والله العظيم الا ياله راني فبداية المشوار وماعندي حد لي يعلمني طياب نيشان شيمرات كنبقا غي نخربق حتا كنمرض والله
                    الاجندة راها حدايا كنقيد ونعاود ههههه بحرا نتعلم
                    اشنو كاديري بما العدس اختي ؟؟؟؟

                    تعليق

                    يعمل...
                    X