ArabicEnglishFrenchSpanish

إعـــــــلان

تقليص
لا يوجد إعلان حتى الآن.

اقتراحات ل: menu رمضان متنوعة

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • أمينة هديل
    رد
    المشاركة الأصلية بواسطة ذاكرة مشاهدة المشاركة

    فهاااامت الموضوع من الاول لكن فكرتي انا جاتني وانا كنكتب لك الرد تفكرت الموظفات لي كيبقاوا اشنو ندير اليوم واشنو غدا فهمتي باش يكون مينو لرمضان خاص لا غير الا الى طورنا الموضوع وبدلنا الفكرة باش يكون مينو يومي على مدار الاسبوع هذا كلام اخر وجاري التفكير فيه باش نطرحوه ولي حضرت شي طبق صحي تذكر لينا فيه المزايا ديالو مرحبا هذا هو لي ناوية ان شاء الله
    وحتى انا عندي نفس الفكرة على اطباق رمضان خاصها تكون صحية بدون نقاش ماشي نغمضوا عينينا انا ما تنديرش الشباكية لانها غير صحية يعني امور كثيرة تم تصحيحها في مطبخي ماشيا على نظام هاذ الساعة مزيان ومخرجني الشهيوات كاينين ولكن بتحفظ المهم باش ما نخرج على الموضوع

    قضية الاكل الصحي فلي خاص يكون في بالنا اننا ما خاصناش ناكلوا حتى نشبعوا حتى تنفخي المعدة ملي كتشبع راها كتعلمك ماشي تبقاي دكي فيها حيث عجبك الطبق ههههه لازم يكون اعتدال والى تبعنا التسلسل في الاكل بمعنى اشنو نسبقوا واشنو ناخروا نكونوا في اتجاه سليم وصحيح ونحافظوا على صحة البدن ، وسبحان الله تنلقاوا في القران الكريم ربي ذكر لينا كل انواع الاكل والشرب لي في صالحنا نظام من السماء للعباد، فمثلا سبق لينا رب العالمين الفاكهة على اللحم كما قال في كتابه العزيز ــ وفاكهة مما يتخيرون ، ولحم طير مما يشتهون لان الفواكه فيها كمية من السكر ولكن خفيفة على المعدة وسريعة الامتصاص وكذلك سهلة الهضم بحيث الامعاء كتمتص هاذ الحلاوة بسرعة البرق وبالتالي كيستافد منها الجسم كلو ويعطيه طاقة وما يبقاش الاحساس بالجوع و من بعد كيستعد الجسم باش يقوم بعملية الامتصاص لكل باقي المواد الموالية لطبق الفاكهة وبنصف ساعة قبل الاكل ولي تكون طبعا صحية خضر لحم دجاج ... الخ
    (عاد بين قوسين هاذ اللحم وهاذ الدجاج وهاذ الخضر خاصها تكون بيو بمعنى غير مصنعة هذاك اللحم منين مكون واش من مواد طبيعية كالرعي او مواد كيماوية كتكبر هذاك الحيوان بسرعة فائقة والدجاج واش سارح ولا شاعل عليه الضو وفي عمرو اسبوع وكيوزن 2 كيلو كبر بمواد خطيرة الكلام متشعب وخاصو وقفات )

    بخلاف الى دخل نيشان في الاكل لحم وخضر يعني طبق رئيسي فخاصو اكثر من 3 السوايع باش يهضم وعاد كل جسم عندو تكوين خاص به حسب فصيلة الدم لي عندو وكاين اختلاف كبير بين تريكبة اصحاب فصيلة دم 0 و A لان هاذوا هما لي عندنا في المغرب


    نرجع لكلامك زمان كان كلشي طبيعي الخضرة تشمي فيها ريحة الارض اليوم كلشي طمسوه ما بقات حتى حاجة طبيعية حتى من ذاك النعناع اغتصبوه الله المستعان وخلاص ولكن هذا ما كيمنعش اننا نحاولوا جاهدين باش نصحوا نمط العيش ديالنا ونمشيوا على الطبيعة زمان كان اللحم كيتكال مرة في الاسبوع يعني نهار السوق يشميوا بكري باش يحضروا للذبيحة جديدة واللحم يديروا منو غير شوية ريحتو عاطيا زمان كان الكسكس نهار الجمعة باللحم وباقي الاسبوع طاجين الخضر 2 مرات في الاسبوع وبالليل الروز بالحليب ومدخلين القطاني حتى هي العدس واللوبيا ونهار السبت الحوت والاحد البقية لي شاط تجبد وتحيد من الطريق راحة لمولات الدار صحتها وجيبها .
    الله يعفو علينا ويرد بنا ويصحح عيوبنا ونرجعوا لنظامنا الصحي وخليونا من القلي والايدام والاكل الغير صحي
    ظننت أن هادي هي الدورة علي طلبت
    إوا هانتي تبارك الله عندك ما تقولي في الموضوع ما شاء الله ربي يزيدك علم ومعرفة
    إن شاء الله نسالي الخدمة ونقلب في الموضوع علي تكلمتي عليه ونطرحو ونحاول نقلب على لوائح مناسبة لطبخنا وعاداتنا

    اترك تعليق:


  • ذاكرة
    رد
    المشاركة الأصلية بواسطة أمينة هديل مشاهدة المشاركة
    السلام عليكم ورحمة الله وبركاته

    ربي يجازيك خير مريومة لكن أظن مشيتي بعيد ماشي هذا هو قصدي أبداً حبيبتي
    أنا قصدي أنه في الأيام العادية تلقاي فطور قهوة حليب الخبز الزبدة أو اتاي مسمن والغدا طاجين واش طايب صحي ولا لا، ولا عدس ولا ولا .. ولا وسلطة وديسير والعشا سباغيتي، لكن الصحة غادية وتتراجع، لأن الأكل اليومي ماشي متوازن، تلقاي التخلاط في كلشي، كاين واحد الحاجة اسمها تجانس الأكل، نعرفو شنو اللي ما خصناش نخلطو وشنو اللي ناكلو في الفطور والغدا والعشا بالضبط يعني قوائم كاملة تكون صحية 100% كيف قال واحد الطبيب صينية بطاطس في الفرن لكن بلا دجاج، أو دجاج بوحدو، ممنوع التخلاط، حنا خارج علينا التخلاط، ناكلو السلطة مع اللحم، السلطة لازم تتكال نصف ساعة قبل الأكل، لأن الخضر تهضم بسرعة، اللحم خاصو ساعات بش يتهضم، فتا تبقى الخضر حتى تتعفن في المعدة وتعطي غازات ثم إحساس بالإنتفاخ، وتلقاي ورا الأكل نتبعوه الديسير ( الديسير الأصلي هو شي حاجة حلوة لأن الحلاوة لازم تتكال على معدة مملوؤة باش ما يمشيش السكر نيشان للدم) أما حنا الديسير عندنا فواكه نفس مشكل السلطة، بينما الفواكه وحدها سناك، يعني يتكال بين الوجبات بعد أو قبل الأكل بساعتين، ممكن الواحد يستغنى على الغدا مثلاً، يدير غير فطور وعشا كيف كان زماااان، ما كانش شي حاجة اسمها الغدا، تا يفطروا ويخرجو يخدموا، يرجعو في العشية يتعشاو باللي قسم الله، كانوا صحاح، الجوع وقت الغدا تا يجينا غير حيت هرمون الكريلين المسؤول عن الجوع تا يعطي إشارة للدماغ بالمطالبة بالأكل، لكن إلى نقزناه مع الوقت نولفو ما ناكلوش فيه، فحال في رمضان تا نلاحظو في الأول تا نحس بالجوع وقت الغدا أما الأسبوع الثاني صافي تا يولي عادي، ما يجيك الجوع حتى لوقت الإفطار، لأن هاد الهرمون تا يبدل العادة ديال الجسم ويولي يعطي إشارة للدماغ بموعد الأكل فتا يعطي إحساس بالجوع
    يعني ممكن الإنسان يروض نفسو، ويتعود على نظام معين
    نرجع للأطباق اللي لازم تكون متوازنة، تمد الجسم بما يحتاج فقط من مواد، دون تخمة ودون نقص أيضاً
    المهم دورة رمضان كنا دوينا شحال هادي في الإدارة على دورة صحية تكون في رمضان، وخرجت من بعد ما بقاتش متابعة للموضوع كنت نتمنى لو تحققت
    فهاااامت الموضوع من الاول لكن فكرتي انا جاتني وانا كنكتب لك الرد تفكرت الموظفات لي كيبقاوا اشنو ندير اليوم واشنو غدا فهمتي باش يكون مينو لرمضان خاص لا غير الا الى طورنا الموضوع وبدلنا الفكرة باش يكون مينو يومي على مدار الاسبوع هذا كلام اخر وجاري التفكير فيه باش نطرحوه ولي حضرت شي طبق صحي تذكر لينا فيه المزايا ديالو مرحبا هذا هو لي ناوية ان شاء الله
    وحتى انا عندي نفس الفكرة على اطباق رمضان خاصها تكون صحية بدون نقاش ماشي نغمضوا عينينا انا ما تنديرش الشباكية لانها غير صحية يعني امور كثيرة تم تصحيحها في مطبخي ماشيا على نظام هاذ الساعة مزيان ومخرجني الشهيوات كاينين ولكن بتحفظ المهم باش ما نخرج على الموضوع

    قضية الاكل الصحي فلي خاص يكون في بالنا اننا ما خاصناش ناكلوا حتى نشبعوا حتى تنفخي المعدة ملي كتشبع راها كتعلمك ماشي تبقاي دكي فيها حيث عجبك الطبق ههههه لازم يكون اعتدال والى تبعنا التسلسل في الاكل بمعنى اشنو نسبقوا واشنو ناخروا نكونوا في اتجاه سليم وصحيح ونحافظوا على صحة البدن ، وسبحان الله تنلقاوا في القران الكريم ربي ذكر لينا كل انواع الاكل والشرب لي في صالحنا نظام من السماء للعباد، فمثلا سبق لينا رب العالمين الفاكهة على اللحم كما قال في كتابه العزيز ــ وفاكهة مما يتخيرون ، ولحم طير مما يشتهون لان الفواكه فيها كمية من السكر ولكن خفيفة على المعدة وسريعة الامتصاص وكذلك سهلة الهضم بحيث الامعاء كتمتص هاذ الحلاوة بسرعة البرق وبالتالي كيستافد منها الجسم كلو ويعطيه طاقة وما يبقاش الاحساس بالجوع و من بعد كيستعد الجسم باش يقوم بعملية الامتصاص لكل باقي المواد الموالية لطبق الفاكهة وبنصف ساعة قبل الاكل ولي تكون طبعا صحية خضر لحم دجاج ... الخ
    (عاد بين قوسين هاذ اللحم وهاذ الدجاج وهاذ الخضر خاصها تكون بيو بمعنى غير مصنعة هذاك اللحم منين مكون واش من مواد طبيعية كالرعي او مواد كيماوية كتكبر هذاك الحيوان بسرعة فائقة والدجاج واش سارح ولا شاعل عليه الضو وفي عمرو اسبوع وكيوزن 2 كيلو كبر بمواد خطيرة الكلام متشعب وخاصو وقفات )

    بخلاف الى دخل نيشان في الاكل لحم وخضر يعني طبق رئيسي فخاصو اكثر من 3 السوايع باش يهضم وعاد كل جسم عندو تكوين خاص به حسب فصيلة الدم لي عندو وكاين اختلاف كبير بين تريكبة اصحاب فصيلة دم 0 و A لان هاذوا هما لي عندنا في المغرب


    نرجع لكلامك زمان كان كلشي طبيعي الخضرة تشمي فيها ريحة الارض اليوم كلشي طمسوه ما بقات حتى حاجة طبيعية حتى من ذاك النعناع اغتصبوه الله المستعان وخلاص ولكن هذا ما كيمنعش اننا نحاولوا جاهدين باش نصحوا نمط العيش ديالنا ونمشيوا على الطبيعة زمان كان اللحم كيتكال مرة في الاسبوع يعني نهار السوق يشميوا بكري باش يحضروا للذبيحة جديدة واللحم يديروا منو غير شوية ريحتو عاطيا زمان كان الكسكس نهار الجمعة باللحم وباقي الاسبوع طاجين الخضر 2 مرات في الاسبوع وبالليل الروز بالحليب ومدخلين القطاني حتى هي العدس واللوبيا ونهار السبت الحوت والاحد البقية لي شاط تجبد وتحيد من الطريق راحة لمولات الدار صحتها وجيبها .
    الله يعفو علينا ويرد بنا ويصحح عيوبنا ونرجعوا لنظامنا الصحي وخليونا من القلي والايدام والاكل الغير صحي

    اترك تعليق:


  • أم مروان1
    رد
    المشاركة الأصلية بواسطة أمينة هديل مشاهدة المشاركة

    علاش حبيبة في رمضان ما تا ناكلوش من الفجر حتى للمغرب ومع ذلك تا تلقاينا ناشطين اللي يشقى واللي يخدم واللي يخرج ... هادشي علاش جبدت كمثال الأكل في رمضان، رغم أن بعض الأخوات تا يجيوهم الضياف بزاف في رمضان يعني شقا مضاعف تعب مضاعف ومجهود كبير بزاف، لكن تلقايها خدامة وواقفة عادي
    وشوفي سبحان الله راه الجوع دواء لا غبار عليه، حتى أنه أصبح في الثقافة الغربية واحد الحاجة اسمها cure de jeune أو the fasting cure، والدكتور الفايد تكلم بزاف على الجوع وشحال عندو من فوائد
    الجسم ديالنا تا يروض نفسو بنفسو ويتعود أنه ما كاين أكل أو ماء من الفجر حتى المغرب
    والله يا لحبيبة انا كيغلبني رمضان ،مشي الجوع ولكن العياء ، يعني من غير رمضان انا خصني كل مرة ننقب ،وفي رمضان مع المغرب نفطر ومانكثرش ،حيث الا كثرت يوجعني راسي ومانقدش انوض من بلاصتي،ومن المغرب حتى الفجر عاد نتسحرو بغير بالشاي أو القهوة مع الي كتب الله ،منتسحروش بالمرقة ؛حيث كندير الطبق الأساسي في المغرب مع شي شهيوات،وما عندهومش مع لحريرة غير انا الي نشربها،يعني كل واحد كيف ناسبو النظام الغذائي،هذا ما كان يا الزوينة

    اترك تعليق:


  • أمينة هديل
    رد
    المشاركة الأصلية بواسطة أم مروان1 مشاهدة المشاركة
    بالنسبة للمسئلة نتاع من لفطور حتى العشا راه مكمكنش بتاتا لأننا اولا كنوضو على( نبوري) يعني وقت مبكر وكل العائلة شي يمشي يقرأ شي يخدم شي في المنزل يعني كل واحد فينا راه يدير مجهود وبالتالي العياء والجوع فكنغداو باش طاقتنا وفي العشية مكناكلوش بزاف واخ كلشي رجع يخدم ويقرا في لعشية ،وهذا بالنسبة للصحة راها مزيانة حيث الإنسان كينعس خفيف ،هذا بطبيعة الحال للناس اللي متعشاوش في الوقت المتأخر ويمشيو مباشرة ينعسو ،وكانوا بكري غير يمشيو يصليو العشاء ويرجعو من المسجد وإلى النوم مباشرة
    علاش حبيبة في رمضان ما تا ناكلوش من الفجر حتى للمغرب ومع ذلك تا تلقاينا ناشطين اللي يشقى واللي يخدم واللي يخرج ... هادشي علاش جبدت كمثال الأكل في رمضان، رغم أن بعض الأخوات تا يجيوهم الضياف بزاف في رمضان يعني شقا مضاعف تعب مضاعف ومجهود كبير بزاف، لكن تلقايها خدامة وواقفة عادي
    وشوفي سبحان الله راه الجوع دواء لا غبار عليه، حتى أنه أصبح في الثقافة الغربية واحد الحاجة اسمها cure de jeune أو the fasting cure، والدكتور الفايد تكلم بزاف على الجوع وشحال عندو من فوائد
    الجسم ديالنا تا يروض نفسو بنفسو ويتعود أنه ما كاين أكل أو ماء من الفجر حتى المغرب

    اترك تعليق:


  • أم مروان1
    رد
    بالنسبة للمسئلة نتاع من لفطور حتى العشا راه مكمكنش بتاتا لأننا اولا كنوضو على( نبوري) يعني وقت مبكر وكل العائلة شي يمشي يقرأ شي يخدم شي في المنزل يعني كل واحد فينا راه يدير مجهود وبالتالي العياء والجوع فكنغداو باش طاقتنا وفي العشية مكناكلوش بزاف واخ كلشي رجع يخدم ويقرا في لعشية ،وهذا بالنسبة للصحة راها مزيانة حيث الإنسان كينعس خفيف ،هذا بطبيعة الحال للناس اللي متعشاوش في الوقت المتأخر ويمشيو مباشرة ينعسو ،وكانوا بكري غير يمشيو يصليو العشاء ويرجعو من المسجد وإلى النوم مباشرة

    اترك تعليق:


  • أمينة هديل
    رد
    السلام عليكم ورحمة الله وبركاته

    ربي يجازيك خير مريومة لكن أظن مشيتي بعيد ماشي هذا هو قصدي أبداً حبيبتي
    أنا قصدي أنه في الأيام العادية تلقاي فطور قهوة حليب الخبز الزبدة أو اتاي مسمن والغدا طاجين واش طايب صحي ولا لا، ولا عدس ولا ولا .. ولا وسلطة وديسير والعشا سباغيتي، لكن الصحة غادية وتتراجع، لأن الأكل اليومي ماشي متوازن، تلقاي التخلاط في كلشي، كاين واحد الحاجة اسمها تجانس الأكل، نعرفو شنو اللي ما خصناش نخلطو وشنو اللي ناكلو في الفطور والغدا والعشا بالضبط يعني قوائم كاملة تكون صحية 100% كيف قال واحد الطبيب صينية بطاطس في الفرن لكن بلا دجاج، أو دجاج بوحدو، ممنوع التخلاط، حنا خارج علينا التخلاط، ناكلو السلطة مع اللحم، السلطة لازم تتكال نصف ساعة قبل الأكل، لأن الخضر تهضم بسرعة، اللحم خاصو ساعات بش يتهضم، فتا تبقى الخضر حتى تتعفن في المعدة وتعطي غازات ثم إحساس بالإنتفاخ، وتلقاي ورا الأكل نتبعوه الديسير ( الديسير الأصلي هو شي حاجة حلوة لأن الحلاوة لازم تتكال على معدة مملوؤة باش ما يمشيش السكر نيشان للدم) أما حنا الديسير عندنا فواكه نفس مشكل السلطة، بينما الفواكه وحدها سناك، يعني يتكال بين الوجبات بعد أو قبل الأكل بساعتين، ممكن الواحد يستغنى على الغدا مثلاً، يدير غير فطور وعشا كيف كان زماااان، ما كانش شي حاجة اسمها الغدا، تا يفطروا ويخرجو يخدموا، يرجعو في العشية يتعشاو باللي قسم الله، كانوا صحاح، الجوع وقت الغدا تا يجينا غير حيت هرمون الكريلين المسؤول عن الجوع تا يعطي إشارة للدماغ بالمطالبة بالأكل، لكن إلى نقزناه مع الوقت نولفو ما ناكلوش فيه، فحال في رمضان تا نلاحظو في الأول تا نحس بالجوع وقت الغدا أما الأسبوع الثاني صافي تا يولي عادي، ما يجيك الجوع حتى لوقت الإفطار، لأن هاد الهرمون تا يبدل العادة ديال الجسم ويولي يعطي إشارة للدماغ بموعد الأكل فتا يعطي إحساس بالجوع
    يعني ممكن الإنسان يروض نفسو، ويتعود على نظام معين
    نرجع للأطباق اللي لازم تكون متوازنة، تمد الجسم بما يحتاج فقط من مواد، دون تخمة ودون نقص أيضاً
    المهم دورة رمضان كنا دوينا شحال هادي في الإدارة على دورة صحية تكون في رمضان، وخرجت من بعد ما بقاتش متابعة للموضوع كنت نتمنى لو تحققت

    اترك تعليق:


  • أم مروان1
    رد
    المشاركة الأصلية بواسطة ذاكرة مشاهدة المشاركة

    لا ما غاديش نخلطوا الامور الدورة بوحدها بتلها وتاويلها هنا قلت مقترحات ماشي اطباق وتطبيقات ولطيفة على الراس والعين ما عند موضوعها حتى دخل هنا هذا مستقل بين الانيقات طبعا ماشي كلشي الانيقات مشاركات في دورة لطيفة وحاشا باش ندير انقلاب على دورة عندي ايد فيها وساهرة عليها شخصيا رفقة الطاقم ديالها و لطيفة انا عارفاها ومعايا في نفس القارب نبحر سويا هههههههه هي كتعرف تعوم عليا الله يديم المعروف ولهلا يجيب لي يعكر الاجواء المرحة لي بينا ان شاء الله
    عاودي قراي الموضوع اختي ام مروان باش تردي عليه صح اما موضوع لطيفة حنا خدامين عليه وبين ايدينا وقريب ان شاء الله ينزل حال ما نكملوا التحضيرات لي تليق بالانيقات الكريمات .
    السلام عليكم
    حبيبتي مريم ما تقلقيش مني انا غير بغيت نفهم ومجرد رأي،وراكي عارفة لطيفية مسكينة كدير المجهود باش ينال رضى العضوات ،ومكنتش عارفة حتى انت راكي ساهرة معاهم في نجاح الدورة ،يعني ماعارفاش ماوراء الستار ،دبا راكي فهمتيني الله يرضي عليك ، وكيف ما قالت سفيرة الفكرة عجباتني الله يرضي عليها،يعني الي بغى يدير الرجيم وعندو مشاكل في أعضاء الجسم ديالو، والله يشافيه ويعافيه يدير الي ناسبك مع هاذ الرجيم وموالين الدار أدير لهم الي ناسبهم وفي نفس الوقت يتحطو كلهم في واحد الرابط نتاع التطبيقات وجزاكم الله خير الجزاء على مجهوداتكم إلي كتقوموا بها ،الله يفرحكم في الدنيا والآخرة قولي آميييييين

    اترك تعليق:


  • السفيرة
    رد
    السلام عليكم ورحمة الله وبركاته

    غاليتي ذاكرة تبارك الله عليك و الله يجازيك بالخير علی افكارك القيمة و كل افادة كتقدميها للأنيقات
    فكرة زويينة و متفقة معاك ان شهر رمضان خاص نستغلوه في العبادة ماشي نضيعوه في الكوزينة و التفكير لي كياخذ لنا وقت طوييل
    شخصيا كنت كنضيع الساعات باش ندير مونيو ديال النهار و لكن هدي عامين و ليت كنديرو من اول الشهر و كنتهنی كنكون عارفة اشغندير في كل يوم و كنربح وقت الدوران في النت و البحث عن الوصفاات
    و لكن هاد العام ان شاء الله غدي يكون مختلف معاكم مدام الدورة غتكون مبكرة
    لذلك عندي اقتراح ان شاء الله يعجبكم و غدي يرضي حتی ام مروان الطيبة
    زيادة علی اقتراحات الانيقات علاش منستغلوش وصفات الدورة و نديرو بها قائمة لفطور متكامل اي اننا نختارو وصفة من الشوربات و وصفة من العصائر و وحدة من المعجنات و نزيدوهم اختيار من السلطات و منساوش طبق رئيسي و ...الخ
    هنا في موضوعك غدي نكتبو فقط قائمة الوصفات من اختيارنا و التطبيق يكون في موضوع الدورة الخاص بالتطبيقات
    هكذا كنظن غدي نطبقو اكبر عدد من الوصفات منها نغنيو مائدتنا باطباق جديدة و شهية و من جهة اخری غدي نعطيو لأكبر عدد من الوصفات حقها من التطبيق
    كيبقاو في المشرفات كيصورو و يزينو و في الاخير نصف الوصفات لا تطبق
    و هكذا يمكن حتی العضوات ملي يشوفو بعض الاقتراحات يعجبوهوم و يمشيو يطبقو


    سابقی متابعة و غير تنزلو مواضيع الدورة غنرجع بحول الله نحط اقتراحاتي المتواضعة

    ودي ♥

    اترك تعليق:


  • زهر البنفسج
    رد
    المشاركة الأصلية بواسطة ذاكرة مشاهدة المشاركة

    وكاين كلشي جاري التحضير لدورة الاطباق الصحية وديال مالين الريجيم يعني كلشي موجود غير يكون الحضور ناشط ان شاء الله في القريب جدا ينزل لكم موضوع بالاكل الصحي نعطيك مثال
    مولات الكولستيرول اشنو خاصها تاكل
    مولات المعدة والامعاء والمصران والمرارة الخ ..... وعاد شاي الاعشاب لكل حاجة يعني افادة مهمة ان شاء الله وماشي عشوائي لا بعد دراسة وبحث معمق من الدكتور الفايد والحليمي والعياشي بما انهم مغاربة وعارفين النظام ديال الاكل ديالنا ابشري خير ان شاء الله
    الله اجعلها في ميزان حسناتك جزاك الله خيرا

    اترك تعليق:


  • أناناسة
    رد
    المشاركة الأصلية بواسطة ذاكرة مشاهدة المشاركة

    مرحبا اختي منور شرفيني بالاسم القديم يا ام فجر وعمر الله يخليهم لك
    آش من اسم قديم ما فهمتش حبيبتي السؤال

    اترك تعليق:

يعمل...
X