ArabicEnglishFrenchSpanish

إعـــــــلان

تقليص
لا يوجد إعلان حتى الآن.

النظام الغذائي **رشاقتي سر اناقتي** الجزء99 (اللهم بارك افينك يا ريما )

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    النظام الغذائي **رشاقتي سر اناقتي** الجزء99 (اللهم بارك افينك يا ريما )

    السلام عليكم ورحمة الله تعالى وبركاته

    كيفكن حبوباتي مرحبا بكن ومنورات هد الجزء وان شاء الله نبقاو دائما في القمة ,شكر كبير لكل انيقة ساهمت من قريب او من بعد في استمرارية هد التجمع لتعرفنا فيه على احسن وارقى واعقل ناس هههه ربي يديم المحبة لوجهه الكريم ان شاء الله الهدف من التجمع هو تغيير سلوكاتنا في الاكل لأفضل من اجل صحتنا وصحة لعزاز على قلوبنا ان شاء الله
    -الف مبروك لحبيباتنا لوصلوهن للشكل المثالي كنقول الشكل وليس الوزن لان الاهم كيف كترتاح كل انيقة منا فاللهم يسر ولا تعسر
    -قولو باسم الله حبوباتي نساو لفات ونشوفو للقدام مرحبا بالكل بشروط ايه "لاوله شروط اخروه نور "
    *تنزيل وزنك وطولك والهدف وماتبقى انت حرة
    *تنزيل التقرير اليومي من اجل الالتزام اكتر وخلق روح الحماس والمنافسة الشريفة
    *والاهم الاهم تبعدو من بنات جيران اييييه هههه


    رابط الجزء 98


    https://www.anaqamaghribia.com/vb/no...790?p=17902829


    ملحق تجمع " رشاقتي سر اناقتي " خاص بالوصفات فقط

    https://www.anaqamaghribia.com/vb/fo...81%D9%82%D8%B7

    ملحق تجمع " رشاقتي سر اناقتي " خاص بالمعلومات المفيدة

    https://www.anaqamaghribia.com/vb/fo...8A%D8%AF%D8%A9
    ​​​​​​

    ​​​​​​





    ربي ارحم أبا لم يحرمني شيئا و لا تذقني حياة دون أمي ! triste
    • WhatsApp

    #2

    هذا هو الرجيم اللي متبعين

    على الريق: كاس ديال الماء كبير
    الافطار:
    60 غ ديال الخبز الكامل من الافضل لي فيه النخالة و60 غ تعادل ربع كبير ديال الخبز+ فرماج+كاس حليب0%من غير دسم مع القهوة او الشاي
    بين الافطار والغداء :
    2 كيسان ماء كبار +شاي او قهوة (على حسب باش فطرتي يعني الى فطرتي بالقهوة وحليب خودي الشاي)
    الغداء:خضر+بروتين+نشويات
    1-صحن من الخضراوات النيئة (الجزر-مطيشة-بصل-فلفلة حلوة.........)+معلقة الى 2 من زيت الزيتون او اركان الى توفر+عصير الحامض+موتارد+بزار او اعشاب منسمة (معدنوس.ثومة...زعيترة)
    2-خضر طازجة الا البطاطس والجزروالجلبانة ممكن ناخدو: لفت-لوبيا خضراء- شمبينيون-شفلور....ممكن تأخد الخضر كشوربة او مفورة ونسموها بالمنسنات السابقة الدكر.
    3-100غ من لحم البقر(2 مرات في الاسبوع وفي الغداء فقط)وممكن نطيبو اللحم لي بغينا باضافة معلقة ديال زيت البلدية وممكن نشويه او نبخرو او في الطاجين مع بعض الخضر المسموح بها وكل المنسمات ممكنة الا الملح والمايونيز وحتى ماجي مسموح بها مع الشوربة
    أو
    150غ دجاج او الديك الرومي لاداند حتى هو 2 مرات في الاسبوع في وجبة الغداء
    أو
    -150غ سمك ممكن ناخدوه فوجبة الغداء 3 مرات في الاسبوع
    4- مسموح نهار ايه ونهار لا ناخدو في الغداء: من 6 الى 8 معالق ديال: روز كامل riz complet او عدس او لوبيا بيضاء تسلق هده النشويات وممكن ان نضيف اليها طماطم وثوم ومنسمات فقط بلا دهن بلا ملح ونستعملو عصير الحامض وملي ومنعبروش بالمعلقة حتى نسلقوه
    بين الغداء والعشاء
    2- كيسان كبار ماء+ مشروب ساخن :شاي او قهوة او شاي اعشاب+1دانون لينيا الاحمر او اي دانون 0% دهون و0%سكريات +1 الى 2 فاكهة من نفس الصنف الا الموز والافوكا
    أو
    3 تمرات كبار+معلقة كبيرة لوز او كركاع
    أو
    2 مربعات متوسطين من الشكلاط الدي يصل الى 70% من الكاكاو
    أو
    1 BARRE PROTEINée

    العشاء
    1-خضر مسلوقة او مفورة او شوربة الخضار المسموح بها+100 الى 150غ من الدجاج او لاداند او السمك اوبياض 3 بيضات اما اللحم الاحمر فممنوع في الليل تماما وكدلك النشويات والخبز واخيرا ممكن ناخدو 20 الى 50 غ فرماج 0%


    نمودج لافطار رمضاني :

    قبل الصلاة

    3تمرات+2 مشماشات يابسين او 2 شريحات مع كاس كبير ماء غير مثلج
    انا شخصيا كنستعمل مع الماء معلقة زريعة الكتان مهرمشة وكنشربو على معدة فارغة
    (مخصناش ننساو الاشياء لي كنا كنستعملو للمساعدة على التنحيف بحال شاي الاعشاب والحامض وزريعة الكتان ..وعصير البصلة ههههههههههههه وخا واعرة)

    الافطار

    شوربة خضار مشكلة أو زلافة حريرة بالشوفان (نغلي 2 كيسان ماء ونحك فيهم بصلة صغيرة +معلقة وزيت العود يغلى الماء نضيف ليه كاس صغير شوفان او دشيشة غليظة او قمح او شعير مهرس+ حليب لايث وشوية الزعتر مدقوق وقليل من الملح
    +قطعة وحدة من أي شيء حضرتيه من شهيوات رمضان باش منبقاوش نتشهاو
    مثلا واحد بريوة او بيتزا صغيييييييييورة او حريشة ونراعيو في تحضير هاد الاشياء نقللو الدهون والملح لصحتنا وصحة عائلتنا

    العشاء

    اي نوع من السلاطات + اي نوع من البروتين الحيواني ولك الاختيار من الدجاج ولاداند والاسماك
    ممكن طاجين بالخضر والدجاج مع الالتزام بالخضر المسموح بها
    او طاجين السمك بالخضر وطبعا ناكلو بلا خبز حتى نشبعو
    اللحوم البيضاء مسموح بها بكمية 150 غ في الحصة
    اللحم الاحمر او الكفتة مسموح بها 2 مرات في الاسبوع وبكمية 100 غ
    ممكن نهار اييه ونهار لا ناخدو حصة النشويات وما تعداش 4 معالق ارز او مكرونة

    وبعد العشا بساعة

    ..فاكهة + ياوورت لايث

    أو تلات قطع شكلاط اسود ازيد من 70 في المائة كاكاو+حفنة صغيرة من المكسرات باستتناء لاكاجو
    أو كاس عصير بدون سكر طبعا ممنوع فيه الموز والمانك والعنب...مثلا عصير برتقال او تفاح بالبرتقال او الحامض

    قبل النوم

    شاي بالاعشاب او خليط الكمون وشرائح الحامض بعدما نصبو عليهم مائ غليان

    السحور

    1 بيضات مصلوقين + قطعة خبز وقليل من الجبن +شاي او قهوة وحليب
    أو - شاي او قهوة بالحليب مع 60 غ خبز وفرماج لايث +3 تمرات
    او - زلافة من حريرة الشوفان او الدشيشة لغليظة بالزعتر+كاس شاي
    أو زلافة صغيرة من الدشيشة باللبن +كاس شاي



    لائحة الاطعمة المسموح بها :
    اللحوم
    اللحوم القليلة الدهون خاصة البكري -لحمام-الدجاج بدون جلد- لاداند
    الشاركوتري charcutries كلها ممنوعة
    الاسماك
    جميع انواع السمك الطري خاصة الحوت الحر او الابيض -الكوكياج- بوزروكles moules -الطون او السردين المصبر في الماء والسمك كما هو وارد في ريجيم ريما الصحي يجب ان يؤكل حتى 3 مرات في الاسبوع
    المواد الحليبية laitages
    الحليب لايث 0% بتي سويس لايث -ياوورت 0%
    الخضر
    الدنجال -اسبيرج-الكرافس-الشفلور-الملفوف- الكورجيت الكرعة الصغيرة- بروكولي- لانديف- السبانخ- البصلة- مطيشة- الفلفلة- البسباس- اللوبيا خضرا - الخص- اللفت- الفجل-
    الفواكه
    في الوقت المخصص للفواكه اي بين الغدا ولعشا يسمح ب 1تفاحة او 1 بوعويدة او 1 برتقال او 2 مندرين او 1 بملوموس اونص بطيخة او 250 غ دلاح او 2 خوخات او 2برقوقات او150غ فريز او 150غ فرومبواز او 2كيوي او1/4اناناس او100غ حب لملوك او100 SALADE DE FRUIT مرقدة في الحامض وبدون سكر
    النشويات
    الوز الكامل بنخالتو- معجنات ديال القمح -كسكس ديال القمح-عدس-حمص-لوبيا بيضا ولكن كنعبرو بين 4 الى 8 معالق متوسطين من حاجة من هادشي بعد ان ينضج
    الحبوب /céréales
    الخبز الكامل- خبز تافارنوت-الخبز المحمص
    السكر سبرتام او ساكارين لمن لا يقوى على الاستغناء عليه
    الدهون بالنسبة للسلطة يسمح فقط بزيت العود او اركان
    بالنسبة للطياب زيت العود


    لائحة الاطعمة الممنوعة :
    اللحوم
    الغنمي- البط - لعجل الصغير- لحم البكري لي فيه الدهون -السقط - الكبدة
    الشاركوتري charcutries بكل انواعها
    الاسماك
    الاسماك المرقدة في الزيت - السمك المدخن fumé - السمك المملح - كبد الحوت - بيض الحوت - السمك المصبر conserve
    المواد الحليبية laitages
    الحليب الكامل والقليل الدسم - اي نوع من الجبن فوق 20% من الدسم
    الخضر
    جزر/ خيزو طايب باي شكل - الخضر المصبرة في اي نوع من لاصوص - جلبانة -الباربا - الزيتون بنوعيه الخضر والاسود
    الفواكه
    لافوكا - الموز - لاكاجو والبستاش
    النشويات
    البطاطا -البطاطا المقلية بمحتلف الاشكال - الروز الابيض - الخبز المصنوع من الدقيق الابيض /الفورص - الدرة -الفول
    الحبوب /céréales
    جميع انواع الفينواز -البسكويت- البريوش - الكرواصة - البيتزا والكيش
    السكر
    السكر بجميع انواعه الا سكر : سبرتام او ساكارين لمن لا يقوى على الاستغناء عليه - سيرو -الكونفتور - العسل -جميع انواع الشكلاط الا الشكلاط فوق72% -كلاص
    الدهون الزبدة بمختلف انواعها حتى المخففة allégé -المقليات -زيت نوار الشمس -زيت الدرة- زيت المائدة.


    قالت لي طبيبة باش نوع ماشي دائما متلا فواكه في صباح وعشية واكدت لي غادي نقص عليه وميتاترش لي لحليب



    ريجيم لمرضعات
    كاس أتاي أو قهوة مسوسين +100G خبز كامل +بيضة+فرماجة لايت+م زيت زيتون


    لغداء
    200G لحم أو سمك أو دجاج+سلطة + لخضرة كلي شحال معجبك متفوتش معلقة ريت بلدية فطياب @بطاطآ ممنوعة@


    apres 2 h
    2 أنواع من لفاكهة +دانون طبيعي

    apres 2h
    5 معالق نخالة لخرطال مع كاس لحليب لايت طيبيهم بحال لحسوة
    لعشاء
    زلفة la soupe + لحوم بيضاء50g *
    3 L ديل لماء فنهار
    30 دقيقة مشي فليوم
    مع إضافة زريعة لكتان+زجلان+حبة حلاوة+نافع لخبز أو مع ديك زلافة soin d avoin
    هد زرارع تيزيدو لحليب أو تينقص فلوزن
    مع هد ريجيم يولي فيك لحليب أو تنقصي مابين 6ou 8 كع
    عن تجربة فأقل من 3 أشهر نقصت kg13


    رجيم أوزان 100 كيلو و ما فوق.

    كيفما حطتو الأخت نوراتو جزاها الله خيرا و جعله في ميزان حسناتها.

    المهم بدات ليها بالتخفيف

    الفطور كاس حليب خالي الدسم او شاي قليل السكر + ربع خبز كامل + فرماجة لايت او ملعقة زيت زيتون
    السناك دانون طبيعي
    الغداء سلطة خضراء + خضر مطهية + قطعة لحم بدون شحمة او دجاج بدون جلدة او سمك غير مقلي + نصف خبز كامل + فاكهة
    السناك خيارة او كاس لبن اوياغورت طبيعي
    العشاء خضر طرية متنوعة سلطة او صوبا + ربع خبز كامل او يمكن تعويض الخبز ب 8 ملاعق كبيرة ارز بالحليب او 10 ملاعق عجائن بالحليب او المرق ( شعرية مقارونية ......) + فاكهة
    هاد الرجيم عطاتو ليا مدة اسبوع والصراحة جاني زوين مفيه جوع .
    الاسبوع التاني بقى الرجيم كيف ماهو غير حيدات ليا السناك ديال الصباح وديال العشية ونقصات ليا الخبز فالغداء ربع عوض نص .ونقصت 3 كيلو فاللاسابيع بجوج المرة التانية فاش مشيت عندها عطاتني رجيم اخر


    الفطور كاس حليب خالي الدسم وبدون سكر +ياغوت طبيعي
    الغداء كيف ماهو حدات لي منو الخبز
    العشاء حساء خضر+ بيضة +فاكهة
    ونصقت 4 كيلو ف 15 اليوم .

    من بعد عطاتني هاد النظام:

    الفطور كاس حليب + دانون + تفاحة
    الغداء شلاضة + خضر مطهية + 120ع لحم + فاكهة
    العشاء صوبا + بيضة + فاكهة .
    او بيضة + 2 دانون + فاكهة .
    او 120غ لحم + فاكهة
    • تثبيث الوزن
    • اخواتي هذا هو نظام التثبيت وراه 4 مراحل
      المرحله الاولى ومدتها 2 اسابيع بلا فيري يعني اسبوعين متواصلين
      الافطار :80غ خبز كامل +بيضه مسلوقه او 80غ خبز كامل +2معالق ريكوتا او 3 فواكه مختلفه او 2دانون مسوس و خيار او طبق شوربه عدس بدون زيت في الايام البارده فقط
      الغدا :80غ خبز كامل او6 معالق ارز او مكرونه بلصوص او 18معالق رز ومكرونه مسلوقه غير بالما او8 معالق شوفان
      +نص داجه صغيره او2 ستيكات لحم او3 سماكت صغيوري اما مشويين او مسلوقين او2 بيضات او125غريكوتا او350غ كفته بلا شحمه او علبه تونه بلا زبت
      +خضار مسلوقين او مفورين معدا البطاطا وجلبان ممنوعين وخيزو ومطيشه و البصل متفوتوش 2حبات والخضر المستحبه الكرعه والملخيه و السبانخ واللوبيه خضره
      +حبه فاكهه
      +سلطه
      125غ ريكوتا و 40غ خبز و سلطه
      او دانون مسوس وخيار.
      او 2 حبات فاكهه
      يسمح ب معالق صغيره سكر طيله اليوم8 او 2 معالق عسل مع الما على الريق
      يمكن اخد كاس حليب خالي الدسم خلال اليوم
      يمكن تناول الخيار و الخص وعصير الليمون ببن الوجبات
      واحسن حاجه نخليو 5ساعات صوم ماعدا الما بين الوجبات
      وباش نعرفو ان هاد المرحله دازت مزيانه خص الوزن انتاعنا يكون ثابت او زياده متفوتش 2 كيلو في هاد 15 يوم عاد نقدرو ندوزو للمرحله 2 من التثبيت
    ​​​​​​





    ربي ارحم أبا لم يحرمني شيئا و لا تذقني حياة دون أمي ! triste

    تعليق

      • WhatsApp

      #3
      السلام عليكم اخواتي اش خباركم سمحولي كنت بغيت نفتح الموضوع سعا المنتدى راها بيا وتعطل
      أم مروان1
      أناناسة
      مغرب السلام
      OUM SOLAIMANE
      أناقة كازوية
      ​​​​​​





      ربي ارحم أبا لم يحرمني شيئا و لا تذقني حياة دون أمي ! triste

      تعليق

        • WhatsApp

        #4
        السلام عليكم
        هاني جيت وجبت معاي للدار الجديدة دبس التمر داير بحال قالب سكر في الشكل فقط ،حيث ممنوع هنا قالب السكر بالفعل خخخخ
        اضغط على الصورة لعرض أكبر. 

الإسم:	natural-moseless-madina-dates-600x500-500x485.jpg 
مشاهدات:	400 
الحجم:	17.4 كيلوبايت 
الهوية:	17902983 من

        تعليق

          • WhatsApp

          #5
          المشاركة الأصلية بواسطة أم مروان1 مشاهدة المشاركة
          السلام عليكم
          هاني جيت وجبت معاي للدار الجديدة دبس التمر داير بحال قالب سكر في الشكل فقط ،حيث ممنوع هنا قالب السكر بالفعل خخخخ
          اضغط على الصورة لعرض أكبر. 

الإسم:	natural-moseless-madina-dates-600x500-500x485.jpg 
مشاهدات:	400 
الحجم:	17.4 كيلوبايت 
الهوية:	17902983 من
          هههه فكرة زوينة والله اختي هو لي كنحلي بيه ديما
          مرحبا بلي جا وجاب ههه
          واحد أناناسة مزال مشمت ريحتنا هه
          سوسو وصفاء افينكم وفين وصلتو مع النظام
          ​​​​​​





          ربي ارحم أبا لم يحرمني شيئا و لا تذقني حياة دون أمي ! triste

          تعليق

            • WhatsApp

            #6
            المشاركة الأصلية بواسطة اخت لطيفة مشاهدة المشاركة
            هههه فكرة زوينة والله اختي هو لي كنحلي بيه ديما
            مرحبا بلي جا وجاب ههه
            واحد أناناسة مزال مشمت ريحتنا هه
            سوسو وصفاء افينكم وفين وصلتو مع النظام
            ههه الله يحفظك،البنات مزال ما على بالهم بلا المنتدى راه بخير

            تعليق

              • WhatsApp

              #7
              سلام عليكم توحشتكم بزااااف كديرين لباس عليكم كاين شي الشباكية و السفوف
              مبروك علينا الدويرة الجديدة
              انا الحمد الله







              تعليق

                • WhatsApp

                #8
                المشاركة الأصلية بواسطة OUM SOLAIMANE مشاهدة المشاركة
                سلام عليكم توحشتكم بزااااف كديرين لباس عليكم كاين شي الشباكية و السفوف
                مبروك علينا الدويرة الجديدة
                انا الحمد الله

                هههه كلشي كيستنى الدورة
                يتوحشك الخير حتى حنا كذلك بقينا مقطوعين بلا بيكم
                ​​​​​​





                ربي ارحم أبا لم يحرمني شيئا و لا تذقني حياة دون أمي ! triste

                تعليق

                  • WhatsApp

                  #9
                  بامار توحشناك اختي فين غبورك علينا
                  ​​​​​​





                  ربي ارحم أبا لم يحرمني شيئا و لا تذقني حياة دون أمي ! triste

                  تعليق

                    • WhatsApp

                    #10
                    المشاركة الأصلية بواسطة اخت لطيفة مشاهدة المشاركة
                    بامار توحشناك اختي فين غبورك علينا
                    السلاااااام اختي لطيفة كيدايرة لباس عليك والله يا ختي الى توحشتك وربي شاهد عليا اختي غير مع الظروف والمشاكل والحمد لله على كل حال الله يفرجها من عندو يا ربي ونتي كيدايرة اختي مزيانة فين وصلتي مع توجاد للرمضان والله لقيتيني كنقلب نشوف كندير نصيفطلك اشارة ومعرفتش يا ختي فين نوطا هههه
                    الله يستر عليك الطيفة ختي بغيتك تعطيني طريقة الشباكية وسلو ومقروط التمر ولكن يكونو دياولك يعني طريقتك نتي اختي الله يحفظك العام الفايت درت الشباكية والمقروط خرجولي مافيهم مايتشاف ومع راكي عارفة الغربةاختي ماعندي منين نشريهم وماعندي للي يصيفطهملي مالمغرب بغيت نجربهم هاد المرة بطريقتك وانا متاكدة غيصدقولي ان شاء الله بغيت ندير غير شوية شوية مالحاجة الى كتاب وسمحلي الطيفة ختي صدعتك معايا

                    تعليق

                    يعمل...
                    X