ArabicEnglishFrenchSpanish

إعـــــــلان

تقليص
لا يوجد إعلان حتى الآن.

وصفات العناية بجمالك قبل العيد ...مرحبا بكن

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    وصفات العناية بجمالك قبل العيد ...مرحبا بكن

    Resultado de imagen de ‫دورة الجمال قسم الجمال اناقة مغربية‬‎



    تحية طيبة واشواق حارة لكل المحبات للاناقة والجمال والعناية بوصفات طبيعية اقول لكن اشتقت لكن وبلمتي معكن هنا نتسامر وندردش على ضوء وصفات طبيعية تعيد لجمالنا البهاء والاشراقة ، وبما اننا في ايام مباركة كلها طاعة وتقرب لله عز وجل اغتنم هذه الفرصة الكريمة واقول لكن اخواتي اشددن الهمة وكلها ايام وينقضي رمضان من بين ايدينا فاما نتحسر على اننا لم نقم فيه بالواجب او نفرح ونكون ممن حاولوا ان يجاهدوا النفس ونكون في صف من صاموه وقاموه على احسن وجه وحينها نتذوق طعم منحة العيد التي تعطينا احساسا بالفرحة والفخر على اننا ننتمي لديننا الحنيف ، فمهما عبدنا رب العالمين لا نستطيع ان نفيه حقه علينا فنحمده ونشكره على ان كتب لنا الصيام هذا العام ونساله ان يتقبل منا صالح الاعمال .



    اعود لكن اليوم وطبعا ماشي جيت بايدي خاوين توحشتكم وقلت ما فيها باس كما انني بديت نعتني بجمالي وبصفاء بشرتي مع هاذ الايام المشرقة لي حنا فيها كلها بركات وخير وعزيمة وطبعا السهر كيخلي اثر على البشرة ولي تعودنا عليه اننا ما نستسلموش للعجز والاهمال فلازم مرة مرة تفكري راسك وخاصة قربنا على النصف من رمضان لي غادي يبدا فيه العد العكسي واكيد الجلابة جديدة مخيطة ومطوية بفولارها وبصباطها يا سلام ولكن لي غادي تلبس الجلابة واش بدات في التحضيرات كانثى تهلى في راسها وما تهملش بشرتها بشكل عام يعني اليدين عارفين مساكن كياكلوا الدق مع المواعن لي ما كيساليوش تغسليهم بالليل وتجبديهم بالنهار يعني ايديك مع مساحيق الغسيل وجافيل كلها مدمرات لنعومة بشرتهم والوجه كذلك السهير والنوم القليل كياثر على صفاء البشرة واشراقتها يعني كتلولي متعبة وتبان حالتها ولكن لي كيخليك تكوني مرتاحة هو ان كل شيء بتواب واجر من عند رب العباد اللهم لك الحمد .


    جيتكم بمقشر من اروع ما يكون للمعلومة انا اليوم بديت ان شاء الله ضربت صبعي وانا نبقى نشوف في ايدي لقيتهم محنين مساكن فقلت اليوم بعد الصلاة ان شاء الله نبالي براسي عملت المقشر لوجهي وايدي و بما انني وفية لكن قلت نتقاسم معاكم تجربتي الرائعة ولي فرحتني تفرحكم اليكن المقشر البسيط والنتيجة اروع ما يكون

    وبما ان صاحبات البشرة الحساسة خاصهم شي حاجة لي تهدأ لهم البشرة فما عليهم غير برقائق الخرطال مع معلقة يوغورت طبيعي تقوم بنفس المهمة كمقشر في اول مرحلة لي غادي نبداوا فيها العناية





    ثم يليه القناع لي جد ممتاز يعتبر حل لكل مشاكل البشرة لي عندك تحسي ببشرة مجبدة وصافية ونقية ومشرقة ولون موحد كذلك بمكونات بسيطة وفي المتناول فقط لي ما لقاتش طحين الخرطال دير في بلاصتو دقيق الفورص نفس النتيجة هاذ القناع غادي تبقاي ديريه حتى يجي العيد يعني كل ليلة ديريه لا اشكال وملي تغسلي دهني بكريمك الليلي او بزيت اللوز .



    وقناع اخر كذلك قوي المفعول في ازالة البقع البنية والتصبغات ديال الشمس
    هنا فلي هاذ الوصفة ماء الروز غادي تاخذي واحد 2 معالق الروز صلقيهم في كاس ص الماء وخليه حتى يتعجن غرضنا بحليب الروز حتى يولي معلك ديريه في صفاية وخذي الماء ديالو والروز الى غادي تغسلي شعرك طحنيه في الخلاط مع معلقة رقائق الخرطال وبيضة وقشرة بنانة وطليهم لشعرك بالنهار وفي الليل غسليه كيجبد الزغبة ويرطبها وينعس لانطيرات ههههه





    بالصحة والراحة نتمنى نكون افدتكم واي استفسار مرحبا بكم من جديد وما تنساوش الهمة العالية في هاذ الايام المباركة اسال الله تعالى ان يوفقنا لما يحب ويرضى




































    • WhatsApp

    #2
    واخييييرا الله اعطيك الخير مريومتي ياللع بغيت نوض نوجد شي كوماج و ماسك ساهل للوجه كلت ندخل نقلب علي شي حاجة من عند البنات ههههه و دخلت للدردشة نسلم عليهم و انا لقاك كتعيطي عليا هعهههههههه


    دابا نطلع نشوف شنو جابة لنا بنت الجود و الكرم
    جزاك الله كل خير الزين
    Capton[url=https://www.anaqamaghribia.com/pic/][/url]

    تعليق

      • WhatsApp

      #3
      يا عيني يا عيني لله يعطييك الصحة ذاكرتي ما تعطلتي فالتلبية لله يعطيك الخير الماسكات غزااالة كيف ديال الخرطال عندييي الخرطال و عندي البطاطا هههه كولشي موجود الحمد لله خااص غير الحدااكة ان شاء الله من غدا نبدا المقشر و ماسك الخرطال كايعجبنبييي الخرطال و كانجيبوها انا وياه هههه .

      الله يجازيك كل خير استاذتي و غاليتي تاج رااسي لله يفرحك و يزرقك كل تمنات خاطرك يارب


      تعليق

        • WhatsApp

        #4
        هادشي كنا محتاجينو أختي داكرة سيري الله يفرحك فهاد العواشر ويسر أمورك ويبلغك مرادك

        تعليق

          • WhatsApp

          #5
          شكرا غاليتي مريومة العناية جات في وقتها وكلشي لي ذكرتيه صح ..خاصنا نهار العيد نكونو واجدين ههه ..غدا بحول الله نبدا العناية ان شاء الله
          ​​​​​​





          ربي ارحم أبا لم يحرمني شيئا و لا تذقني حياة دون أمي ! triste

          تعليق

            • WhatsApp

            #6
            المشاركة الأصلية بواسطة زهرة الكاردينيا مشاهدة المشاركة
            واخييييرا الله اعطيك الخير مريومتي ياللع بغيت نوض نوجد شي كوماج و ماسك ساهل للوجه كلت ندخل نقلب علي شي حاجة من عند البنات ههههه و دخلت للدردشة نسلم عليهم و انا لقاك كتعيطي عليا هعهههههههه


            دابا نطلع نشوف شنو جابة لنا بنت الجود و الكرم
            جزاك الله كل خير الزين
            ايوا ما نبغيكش تكوني متاخرة على راسك هو الاول انا دبا باركة وطاليا لوجهي هههههه
            بالف صحة حبيبتي العيد نبغيك تكوني فرحانة ان شاء الله جلابة جديدة ولوك جديد باقي لي شي تويشيات للشعر باش تهلاوا ليا في الزغيبات ههههههه كلشي في المتناول الى الامام سيييييييييييييييييري وباليييييييييي














            تعليق

              • WhatsApp

              #7
              المشاركة الأصلية بواسطة ذاكرة مشاهدة المشاركة

              ايوا ما نبغيكش تكوني متاخرة على راسك هو الاول انا دبا باركة وطاليا لوجهي هههههه
              بالف صحة حبيبتي العيد نبغيك تكوني فرحانة ان شاء الله جلابة جديدة ولوك جديد باقي لي شي تويشيات للشعر باش تهلاوا ليا في الزغيبات ههههههه كلشي في المتناول الى الامام سيييييييييييييييييري وباليييييييييي
              بصحتك العناية ولي زين زين
              الله اعطيك كل ما تمناي
              في انتظار وصفات الشعر و ها انا معاك نوض دابا نكومي و نطلي نهههههه

              حبوبتي الى كان ممكن شي وصفة باش نعطي شي زغيبات بغاو اتسيفو عليا ههههه الله اعطيك الخير
              Capton[url=https://www.anaqamaghribia.com/pic/][/url]

              تعليق

                • WhatsApp

                #8
                المشاركة الأصلية بواسطة انيقة فاسية مشاهدة المشاركة
                يا عيني يا عيني لله يعطييك الصحة ذاكرتي ما تعطلتي فالتلبية لله يعطيك الخير الماسكات غزااالة كيف ديال الخرطال عندييي الخرطال و عندي البطاطا هههه كولشي موجود الحمد لله خااص غير الحدااكة ان شاء الله من غدا نبدا المقشر و ماسك الخرطال كايعجبنبييي الخرطال و كانجيبوها انا وياه هههه .

                الله يجازيك كل خير استاذتي و غاليتي تاج رااسي لله يفرحك و يزرقك كل تمنات خاطرك يارب
                العفو حبيبتي بصحتك وراحتك وعقبى ما نفرح بك وانتي عروس يارب وربي يخليك ليا يا عيوني ملي انا تاج راسك انتي راك النسيم العليل ديال اناقة مغربية لهلا يخطيك حبيبتي شيموئة وشمشم كلك على بعضك حلو














                تعليق

                  • WhatsApp

                  #9
                  المشاركة الأصلية بواسطة أم ياسر 2 مشاهدة المشاركة
                  هادشي كنا محتاجينو أختي داكرة سيري الله يفرحك فهاد العواشر ويسر أمورك ويبلغك مرادك
                  ايوا ها حنا فيها غاليتي ام ياسر بصحتك وربي يخليك حبيبتي على دعوة الخير الله يعطيك بمثلها وزيادة شدي الهمة وما يجي فين يوصل العيد ان شاء الله تكوني 10 على 10 الله يبلغنا العيد ويفرحنا ربي بالصيام والقيام على احسن وجه ويتقبل منا صالح الاعمال














                  تعليق

                    • WhatsApp

                    #10
                    المشاركة الأصلية بواسطة اخت لطيفة مشاهدة المشاركة
                    شكرا غاليتي مريومة العناية جات في وقتها وكلشي لي ذكرتيه صح ..خاصنا نهار العيد نكونو واجدين ههه ..غدا بحول الله نبدا العناية ان شاء الله
                    لطوفتي هذا الوقت والكوزينة راها دايرا معنا كونترا العام كلو هههههه بصحتك حبيبتي تستاهلي كل خير الله يتقبل منا يارب ويبلغنا للعيد فرحانين ومسرورين














                    تعليق

                    يعمل...
                    X