ArabicEnglishFrenchSpanish

إعـــــــلان

تقليص
لا يوجد إعلان حتى الآن.

مشكل في التواصل عند الازواج

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #11
    سلام عليكم اخواتي انا ام نجود عضوة جديدة في المنتدى كنتمنى نكون خفيفة على قلوبكم هادي اول مرة كنشارك في منتدى من هد نوع كنتمنى تقبلو عليا اما بخصوص هاد الموضوع فهو جذبني حينت كنعاني من نفس المشكل اوبغيت نشكر جميع الاخوات على اراءهم حينت كانت مفيدة

    تعليق

      • WhatsApp

      #12
      المشاركة الأصلية بواسطة ام نجود مشاهدة المشاركة
      سلام عليكم اخواتي انا ام نجود عضوة جديدة في المنتدى كنتمنى نكون خفيفة على قلوبكم هادي اول مرة كنشارك في منتدى من هد نوع كنتمنى تقبلو عليا اما بخصوص هاد الموضوع فهو جذبني حينت كنعاني من نفس المشكل اوبغيت نشكر جميع الاخوات على اراءهم حينت كانت مفيدة
      مرحبا بك اختي بين خواتاتك و صحاباتك.
      لكل مشكل حل.و مادام بنادم اقلب الا و غادي القاه.

      تعليق

        • WhatsApp

        #13
        تقهرت اخواتي

        تعليق

          • WhatsApp

          #14


          مرحبا بك اختي بين خواتاتك و صحاباتك.
          لكل مشكل حل.و مادام بنادم اقلب الا و غادي القاه.




          شكرا ليك اختي ولهلا يخطيك

          تعليق

            • WhatsApp

            #15
            المشاركة الأصلية بواسطة Zumurroda مشاهدة المشاركة
            تقهرت اخواتي
            اختي قراي جواب الدوقة كامبردج ​​​​رآه
            قرائه​​ و عاوديه و قلبي على مواضيعها هنا في المنتدى
            رآها أستاذة ما شاء الله و تعلمنا منها كنوز
            و انا قريت الرد لي عطاتك رآه فيه الكثير و الكثير
            توكلي على الله و خوذي النقط لي قالت ليك و بداي المشوار باش تكتاشفي نفسك أكثر و ان شاء الله يتحقق تواصل رائع مع زوجك
            الله يوفقك

            تعليق

              • WhatsApp

              #16
              المشاركة الأصلية بواسطة دوقة كامبريدج مشاهدة المشاركة

              قراءه الكتب وحدها ماكافياش...كنعرف ناس عمرهم قراو كتب التنميه الذاتيه و عندهم قوه شخصيه و مهارات اجتماعيه ً ام شبعتهم عافيا ً .. و كاين اللي العكس لان القراءه عمرها كانت المفتاح وحدها
              اللي نقدر نقولك هو مارسي...كاين ناس اللي ماعندهمش مع الكلام فالتلفون..و انا منهم مانقدرش نطول الهدره..هادي ماكتعتبرش مساله سلبيه..و انت مامحتاجاش مع راجلك انك تتعلمي كيفاش تشدي معه الهدره بالعكس...اكيد كاين صاحبه يهدر معه و يدي و يجيب معه...و نتي ماشي هي صاحبه داكشي اللي كيقلب عليه عندك بوحدو
              قراي شويه كيفاش تطوري من انوتتك و كيفاش تتحاوري معه...فهمي شخصيته ربما هو الآن مازال فمرحله العشق يعني ماتقدريش تبني عل تصرفاته الحاليه شنو نمط شخصيته...و فجميع الراجل يبغي يعرف انك عندك عالم خاص مغلفاه بالانوته يبغي تخلقي فيه داك الفضول باش يسولك كي داز نهارك و شنو كديري و شنو لابسه يبغي تشحفيه شويه عل ما تعرفيه...يبغي تكون خلوتكم و كلامكم بعيد عل الشكوى و الفضفضه الخاويه..يبغي تكون حكيمه يقدر يتشاور معك..يبغي تبيني دعمك ليه و انه قادر يعمل...يبغي تبني انك معجبه بيه...انه مازوج وحده كتعرف تعامل نفسها مزيان...وآتقه فيه
              خلي مكالامتكم تكون لقاء شاعري في حب و ضحك و انوثه و جديه...و مالازمكش تغيري من طبيعتك كاين اللي ربي خلقه اجتماعيه كاين اللي انطوائيه كاين اللي انفعاليه...غي تكون الامور كتمشي بطريقه صحيه و تعالجي العيوب ديال الطبع اللي فيك ادا كنتي انطوائيه عالجي خجلك ادا كنتي مشكاكه طلقيها تسرح ادا كنتي متردده تعلمي تكون متحرره اكتر ... و طلقي العنان لانوتتك
              كاضافه بسيطه...الراجل اللي كيتصل بزاف و كيطول الكلام و الرسائل و الخواطر كيكون متعطش للحب و الغزل و كيبغي المراه تكون ناعمه و انتى رقيقه ضعيفه قطه مغمضه يقدر يجبر ضعفها و يعلمها اصول الحياه...ما تترددي فانك تبيني احتياجك و ضعفك بانوته و لو يكون تبوحيط هكدا تملكيه اكتر و تعلقي بيك...بشرط انك تكوني متاكده انه هادي شخصيته ماشي طفره عشق لان العشق خادع و الرجل بعد فتره اوليه عاد كيرجع لحياته الطبيعيه بعدما يشبع فضوله و ديك النواقل العصبيه مايبقا عنده ماتستقبل من جديد لانها عرفت عليك كلشي لون شعرك عينيك بشرتك اهتماماتك انشغالاتك برنامجك ريحتك ...) داكشي لاش الغموض و التعامل بما يوافق نمط الشخصيه و " الصمت " و الاكتفاء بالنظرات و السفر عوامل مهمه بزاف لابقاء شاعل
              الله يالف بيناتكم و يحببكم فبعض
              شحال توحشتك استاذتنا ربي يرزقك السعادة أينما كنتي و ربي يتقبل منك كل معلومة تعلمناها منك
              فعلا بصمة كبيرة رسمتيها في شخصيتنا و رآه ما نسيناكش
              و كل مرة كتعلقي على شي موضوع ضروري نقرا ردك لأنه دائما ما شاء الله غني
              أحبك في الله

              تعليق

                • WhatsApp

                #17
                المشاركة الأصلية بواسطة fatidusouss مشاهدة المشاركة

                شحال توحشتك استاذتنا ربي يرزقك السعادة أينما كنتي و ربي يتقبل منك كل معلومة تعلمناها منك
                فعلا بصمة كبيرة رسمتيها في شخصيتنا و رآه ما نسيناكش
                و كل مرة كتعلقي على شي موضوع ضروري نقرا ردك لأنه دائما ما شاء الله غني
                أحبك في الله
                سلام اش خبارك حبوبتي.دخلي كتبي عاودي هاد الهضرة فهاد الرابط
                https://www.anaqamaghribia.com/vb/node/17907888

                تعليق

                  • WhatsApp

                  #18
                  عفاك كيفاش كتحدفو المواضيع؟

                  تعليق

                    • WhatsApp

                    #19
                    قريت الموضوع ديالك مبغيتش نفوتو بلا منقول والو ياختي انا نفس الحالة كنعيش مع راجلي غير
                    حنا بالعكس يعني انا فيا الهضرة وكنبغي نتناقش معاه وهو عكسي تماما وهدشي سبب في فجوة كبيرة في علاقتنا كنجلس في الدار وعندي بزاف منعاود ليه ملي كيدخل كيسلم وجلس أشاد تيليفونو حتى اجيه نعاس ونعس ومنكدبش عليك هدشي كيخلق المشاكل بيناتنا وملي مكنلقا مع من نتكلم كنهز تيليفوني وكنهضر مع صحبتي بالساعات و حتى انا مكرهتش نلقا حل مع راجلي,اختي الحل بيدك نتي لتقدري تعاوني راسك باش تبدلي والله يوفقك اختي

                    تعليق

                      • WhatsApp

                      #20
                      و اخيرا شي حد حس بيا فعلا هو الموضوع كيدير فجوة حتى كتحس بشريكك غريب عليك و ما عارف عليه والو .انا و راجلي ما كنهضروش نفس الهضرة و ما كيفهمنيش غالبا اش بغيت نقصد خاصني نبفى على الكلمة عاد ننطقها و ياربي غير يفهمني و الا جاب الله و فهمني كنلقاه فهمني غلاط هههه ف حتى هادشي كيقتل الرغبة عندي باش نحاول و مؤخرا شرحت ليه هادشي بالخشيبات و فهم من كلامي انني ما كنعرفش نعبر مزيان و هي را بصح غير قراي هاد السطورة و غاتبان ليك ههه افكار متضاربة مع بعضها

                      تعليق

                      ضيف
                      المحتوى السابق تم حفظه تلقائيا. استعادة أو إلغاء.
                      حفظ-تلقائي
                      x
                      إدراج: مصغرة صغير متوسط كبير الحجم الكامل إزالة  
                      x
                      يعمل...
                      X