ArabicEnglishFrenchSpanish

إعـــــــلان

تقليص
لا يوجد إعلان حتى الآن.

مع او ضد:التعرف على جارة جديدة عند انتقالك او التعرف على صديقة جديدة

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    #11
    لي بغى يعرف طريقتي وتعاملي مع الجار يقرا رد الغالية محبة التغيير نفس الاسلوب ماشيا عليه
    هنا في الغربة ساكنين حنا 3 الناس الاجانب كل واحد في الشقة ديالو وحنا في الطابق الثالث يعني فوق منهم تصوروا جارتي لي تحت مني اسبانية ما كنشوفها ولا تشوفني مرة ولا مرتين في العام مع اننا كندخلوا من باب واحد وعندنا المصعد وعمري ما تلاقتيها الا نادرا وحتى وليداتها عندها 2 والسيدة لي كانت في الطابق الاول كانت ارملة وتوفات حتى هي اسبانية وملي كنت كنشوفها نسلم وابتسامة خجولة ونزيد فحالي
    اما في المغرب يا سلام على الجورة بز منك يجبدوك لكن لي مطبع بالتقار ينجى من المشاكل و كاينين الاهل والاحباب معامن يدير الواحد العلاقات والصداقات ، اما المعارف فقدما قلل الواحد منهم يكون احسن ليه في دينو وحياتو
    بنادم يشغل راسو بامور جدية ويقوي علاقتو بناسو واهلو ويصلح بين الاهل ويخلي عليه الجيران اليوم ما بقاتش الثقة بحال زمان انا عمري ما عقلت على الوالدة دارت الصاحبة مع انها ما عندهاش الخواتات دائما كانت مشغولة بنا وكان الاب ديما مسافر وما كانتش تخرج حتى يجي الوالد ويهزها بالسيارة ويديها للحمام ويخرجها فين بغات وكانت محطة الاحترام والتقدير وعملة قليلة كما قالوا الرجال للوالد ان ذيك السيدة خيالها ما كيبانش الله يعمرها دار ورحلنا من الحي ومشينا لحي اخر ولازالت بنفس الطبع وخلاتها لينا وصية ما نديروش الثقة وباش ترتاح قلل معرفتك بالناس
    اليوم تبدلات الامور بزااااف














    تعليق

      • WhatsApp

      #12
      عرفتو اش غاندير غانهز ورقة و ستيلو وندير لكم احصاء حتى نشوف شكون غلب اللي مع او اللي ضد و نتبعو ههههههه.هذا نقاش محير نييييت هههه

      تعليق

        • WhatsApp

        #13
        صافي مشات ديري جدول فيه نعم ولا ضد ويكون تصويت او استفتاء باش نعرفوا قضية التعامل اليوم كيف ولات وساعتها كل وحدة تكلم على التجارب اشنو لي خلاها تكون ضد الاحتكاك مع الجيران او دير صحابات
        او العكس ويكون نقاش زوين ومستمر واكيد غادي يكونوا التجارب مختلفة وفيها من الفوائد الكثير
        فعلا موضوع راااائع وموضوع الساعة جزاك الله خيرا حبيبتي الحياة














        تعليق

          • WhatsApp

          #14
          بصح ديري احصاء وكل وحدة تبرر علاش قالت اه وعلاش قالت لا

          تعليق

            • WhatsApp

            #15
            المشاركة الأصلية بواسطة محبة التغيير مشاهدة المشاركة
            ونزيدك واحد الحاجة حشمت نقولها هههه ونسيت مقلتهاش

            انا انسانة جدية و صاارمة في الحوايج لي نقدر نتضرر منهم .. وبالتالي اذا لقيت شي وحدة بغات تجاوز حدودها او دارت شي حاجة لي منبغيهاش كنوضع حد بطريقة لبقة لي كتخليها تفهم رااسها بلا منضرها و ههذا لي خلا الجيران اكثر يوقرووني .. في هاذ الاموور مكنبقاش نحشم هههه حيت لي حشم فلي يضرو الشيطان غرو و الدواام هذا ماشي عشرة نهار ولا زوج
            عندك الصح اختي محبة التغيير انا كنت كنتعامل بتلقاءية مع الجيران ولكن لقيت هد الطريقة مامسلكنيش. الجيران كيختالفو حسب المناطق مثلا المنطقة لي تربيت فيها الجيران بحال العائلة ولكن فالمدينة لي تزوجت فيها العكس تماما اللهم التيقار احسن.

            تعليق

              • WhatsApp

              #16
              المشاركة الأصلية بواسطة ام ايمان ياسين مشاهدة المشاركة

              عندك الصح اختي محبة التغيير انا كنت كنتعامل بتلقاءية مع الجيران ولكن لقيت هد الطريقة مامسلكنيش. الجيران كيختالفو حسب المناطق مثلا المنطقة لي تربيت فيها الجيران بحال العائلة ولكن فالمدينة لي تزوجت فيها العكس تماما اللهم التيقار احسن.
              فعلا كايختالفو حسب المدن لدرجة الصدمة ههههههههه
              جيراني الجداد كلها ساد بابو حتى فالمعايدات والزيار ات الشرعية مرض او ولادة مثلا كايعزلو شي اسولو فيه شي لا وحتى السلام مستحيل تسمعيه الا من بعض المسنين بحال لا حنا فاوروبا ماشي المغرب
              وما أحد من ألسن الناس سلما ولو أنه ذاك النبي المطهر
              فلو كنت سكيتا يقولون أبكم ولو كنت منطيقا يقولون مهدر
              فلا تكثرث بغير الله في المدح و الثنا ولا تخش إلا الله والله اكبر









              تعليق

                • WhatsApp

                #17
                انا ساكنة جديدة عندي عام ماعندي حتى صاحبة ولا جارة ومهنية من الصداع تالراس
                ماكانتلاقاش معاهم حتى السلام ماكايناش حتى فالخدمة ماكاينش العيالات غير الرجال
                ماعزيزش علية كترات الصحابات و اخا كايونسو بعض المرات .

                تعليق

                  • WhatsApp

                  #18
                  اختي الحياة بلا احصاء اكيد تبدلات تركيبة المجتمع المغربي المسلم حتى حد مابغي جورة وبالاخص السلام تحية الاسلام مابقا لا صبر لا خير متبادل للاسف والى لاحظتي اغلب الجرائم بين الاقارب بالدم والجيران ضاعت الهوية الاسلامية وضاعت معها الروابط الاجتماعية اكيد ملي كانو الجيران كاتربطهم روابط اخص بالذكر تبادل الهدايا والزيارات فالمناسبات والمواسات فالاحزان راه كان هادشي مقرون بالصبر والتعايش.
                  كنا فحي اللي لاحك كلشي كايتعاون ماديا واوقفو معاه ايا كان المبلغ والى وحيدة ومرضت او ولدات الجيران كايتولاوها وانا شخصيا الله اجازي بخير جيراني اللي صرفو فيا الخير الله اصاوب وصافي
                  وما أحد من ألسن الناس سلما ولو أنه ذاك النبي المطهر
                  فلو كنت سكيتا يقولون أبكم ولو كنت منطيقا يقولون مهدر
                  فلا تكثرث بغير الله في المدح و الثنا ولا تخش إلا الله والله اكبر









                  تعليق

                    • WhatsApp

                    #19
                    السلام عليكم ورحمة الله وبركاته

                    المميزة la vie موضووع زوييين و لكن النقاش فيه محير وخا كل الردود لي قبل كانت كلها في نفس الجانب
                    حتی انا مغديش نخرج من الخط هههه قبل مانتزوج كنت عوالة نسد بابي علي وديك جي عندي نجي عندك منديرهاش ...كنت باغةنتبع نهج أمي الله يحفظها لي
                    ملي جيت لقيت جارات منتظريني ههههه متستغربوش بصح لقيتهم كيتسناوني بحكم انهن زوجات اصدقاء زوجي كل وحدة بغات تجرني لحزبها ..هدي كلمة قوية و لكنها للاسف كاينة ... العيالات دايرات مجموعات بحال دكشي ديال العالم الافتراضي و لكن هن عملينو في الواقع
                    و الحمد لله ربي لطيف بعباده لطف بي و مخلانيش نتبع ولا وحدة فيهم بحكم ديما عندي مايدار معمرة وقتي مزيان بفضل من الله و سبحان الله ربي جنبني دوك التجمعات بطرق غريبة انا فهمت منها ان ربي كريم و لطيف بي و هن قالو هاد التجاهل متعمد مني و صافي كل واحد نعس علی الجنب لي يريحو
                    المشكل ماشي واش ندير جارة او لا المشكل اشنو هي مفهوم الجورة عندهن و حاليا؟
                    مفهومها عند هاد الجارات لي ذكرت هي التواصل اليومي عبر الهاتف و ياويلك الی مدورتيش و شديتي اجموع بالساعات.. و الزيارات بمناسبات و الی مكانتش مناسبة نديروها .. و الخرجات انا خارجة يله معايا..و زيد و زيد
                    وحدة في مجمع تباهات انها هكاك ﻷنها اجتماعية عزيز عليها تخرج تهدر مع الناس دير علاقات ماشي بحال البعض هههه الهدرة كانت عليك أ لحادرة عنينيك
                    انا بتاسمت و سكت
                    حتی انا عزيز علي نخرج و ديما خارجة الحمد لله و لكن مع عائلتي ...و كنهدر مع الناس كنلقي السلام و نبتاسم في وجه لي صادفني.. و الحمد لله كندير علاقات و كنكسب ناس و لكن لا اتدخل في خصوصيات احد و شادة تقاري ..لي محتاج لي منبخلش عليه و مستحيل نسد بابي علی شي حد محتاجني

                    الحمد لله انا اؤمن ان لا خير في كثرة العلاقات و تشعبها و التي لا يكون اساسها الا الغيبة والنميمة و التباهي و غيره من الطباع المذمومة
                    و اؤمن ان الجورة الطبيعية هي تبادل السلام عند اللقاء و السؤال عن الاحوال في حدود و الزيارة في المناسبات الخاصة كولادة او مرض او ... و السؤال من حين لآخر للاطمئنان .. و تقديم العون عند الحاجة
                    هكا تربينا و عشنا طفولتنا و شبابنا و هكا بغيت نعيش الباقي من عمري ان شاء الله و اي مفهوم عصري و حديث للجورة فلا استطيع القبول به ﻷنني ببساطة معندي ليه لا الرغبة و لا الجهد

                    تعليق

                      • WhatsApp

                      #20
                      المشاركة الأصلية بواسطة علية 5 مشاهدة المشاركة

                      فعلا كايختالفو حسب المدن لدرجة الصدمة ههههههههه
                      جيراني الجداد كلها ساد بابو حتى فالمعايدات والزيار ات الشرعية مرض او ولادة مثلا كايعزلو شي اسولو فيه شي لا وحتى السلام مستحيل تسمعيه الا من بعض المسنين بحال لا حنا فاوروبا ماشي المغرب
                      كاين هد النوع فعلا وكأين لي كيسلم اعليك غير على ود مصلاحتو فاش كيسالي منك كيقلب اعليك. المهم الحديث يطول فهد الموضوع اختكم عانات من أنواع الجيران
                      .لا أنكر فيهم لي الله يعمرها دار وفيهم لي بناقص من جورتهوم والله يهدي ماخلق وصأفي. انا بعدا حالفة إلى رحلت لشي دار أخرى منعاودش نفس الخطأ.

                      تعليق

                      يعمل...
                      X