ArabicEnglishFrenchSpanish

إعـــــــلان

تقليص
لا يوجد إعلان حتى الآن.

كيفاش كتجمعي الرحيل؟

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    كيفاش كتجمعي الرحيل؟

    السلام عليكم.
    كنجمع وقلت نعاود لكم على طريقتي و الوسائل اللي خصوني باش نجمع.
    في انتظار دخولكم حتى انتوما ما ربنا نستافذ مزال منكم شي معلومة.

    اليكن الوسائل:
    جورنال-سكوتش الكبير الغليظ-خيط -كراطن جداد-صيكان د الشمال-ميكات كبااار-

    اول حاجة بديت بيها هي التصبين(طبعا الماكينة ماشي انا هههه):الطلامت و الخدادي و المانط و الزرابي و ...
    من بعد بديت نجمع فصيكان الشمال الكبار .كل صاك تقريبا جمعت فيه حاجات معينة :فوطات،ايزور،طلامت،خاميات....

    المخاد لانهم بحجم كبير عمرتهم فميكات كبار و سديت بالسكوتش و لويت الخيط.لاني خفتهم اتغبرو حيت كنت مولفة نلويهم غي فايزار ولكن لمسافة قصيرة . هاد المرة ظروف مختالفة.

    الماعين فكراطن اكونو جداد حيت اكونو صحاح.الطباسل ادور عليهم الجورنال و اتزيرو بالسكوتش و اتحطو فسوبيرات و بيناتهم عمرت بسربيتات او جورنال باش ما القاو فين اتحركو.و الكيسان فباكيات اتزيرو بالسكوتش.و بلا ما ضحكو عليا كاين كيسان انا اللي صنعت لهم كراطن حيت ما كاين حجمهم.جلست نصنع فالمكعبات و متوازيات المستطيلات بالكرطون و ندير نفس الطريقة كيف اتباعو.و انا كنستف الماعين كنحاول ما ابقا نهائيا فراغات كولشي اتزير و اعمر بسرابت وجورنال او بلاستيكات.
    و كل كرطون كتبت عليه بخط كبير اشنو فيه بالماركور باش اللي غادي اهز اعرف الحاجة اللي تقدر تهرس بسهولة احاول عليها.و حتى انا ملي نبغي نبدا نخوي نعرف كل حاجة فين كاينة.و راعيت فكل كرطون توازن بين حاجات ثقال و الخفاف باش ما اكون الكرطون ثقيل بزاف على اللي غادي اهز.اعني درت مثلا طباسل او كيسان او طواجن مع سوبيرات بلاستيك و شبيكات....المهم نص ثقيل نص خفيف.و كيقد اي واحد اهز بسهولة الكرطون.

    كل كرطون اتسد بالسكوتش و اتلوى بالخيط مزيان.
    الصبابط و السبرديلات اتعمرو بالجورنال او بلاستيكات او اللي عندك.المهم باش ما اتعوجو.وحطيتهم فكرطون على طول واقفين باش شي ما اتحط على شي.و طبعا الكرطون قاسح واخا اتحط عليه اخر ما غادي اعواجو الصبابط.
    الحوايج فباليزات و اللي شاط صيكان حتى هما.و كولشي اتلوى عليه الخيط تفاديا لان اتقطع حيت دوك الصيكان الى عمرتهم بزاف اتقطعو لهم اليدين سبق طرات لي.الى ساليت غانعاود لهم كاع الخياطة لليدين ان شاء الله.

    ماكينة الصابون و الثلاجة ادور عليهم الكرطون و اتزير بالسكوتش(كنت رميت كرطونهم الاصلي للاسف).
    الى نسيت شي حاجة نعاود نرجع نكتبها ان شاء الله.حيت باقية كنجمع.
    والى عندكم شي افادة اتوني بيها الله ارحم الوالدين.



    • WhatsApp

    #2
    تبارك الله عليك حدوكة كيف ديما الله ايعاوك وايسر لك
    Capton[url=https://www.anaqamaghribia.com/pic/][/url]

    تعليق

      • WhatsApp

      #3
      تبارك الله عليك نفس طريقتي وزدتيني شي فوائد حتى انا اختصاصية فالرحيل ومزال تابعني هاد الصيف الله ارزقنا جنة المستقر
      وما أحد من ألسن الناس سلما ولو أنه ذاك النبي المطهر
      فلو كنت سكيتا يقولون أبكم ولو كنت منطيقا يقولون مهدر
      فلا تكثرث بغير الله في المدح و الثنا ولا تخش إلا الله والله اكبر









      تعليق

        • WhatsApp

        #4
        كتبي فكل كرطون او صاك بلاصتو مثلا كوزينة واللي فبيت النعاس كتبيها عليه اللي غايحطو وصيهم كل كرطون امشي للغرفة اللي مكتوبة عليه هادشي اللي تفكرت
        وما أحد من ألسن الناس سلما ولو أنه ذاك النبي المطهر
        فلو كنت سكيتا يقولون أبكم ولو كنت منطيقا يقولون مهدر
        فلا تكثرث بغير الله في المدح و الثنا ولا تخش إلا الله والله اكبر









        تعليق

          • WhatsApp

          #5
          المشاركة الأصلية بواسطة زهرة الكاردينيا مشاهدة المشاركة
          تبارك الله عليك حدوكة كيف ديما الله ايعاوك وايسر لك
          يااااه زهرتي هنا....ما اسعدني هذا الصباح بشوفة اسمك و بالدعيوة الزويونة اللهم امين.شكرا حبوبتي.

          ما تجيش تعاونيني شويش هههههه خرجي خرجي طلي عليا...ما بقاش بزاف هههه

          تعليق

            • WhatsApp

            #6
            المشاركة الأصلية بواسطة علية 5 مشاهدة المشاركة
            تبارك الله عليك نفس طريقتي وزدتيني شي فوائد حتى انا اختصاصية فالرحيل ومزال تابعني هاد الصيف الله ارزقنا جنة المستقر
            بارك الله فيك .شكرا بزاف.حتى هادي غادي نزيدها ان شاء الله درتيها لي فالبال.حيت الى ما كنت حاضرة فالدار فعلا واحد المرة تحولت و ما نعاااودش لك.لقيتهم كولشي مقلوب اللي حاجات المطبخ فالصالة و غرفة فغرفة اخرى و شي على شي...ما ستفتو حتى غفر ربي الذنوب...
            الله ارحم الوالدين شكرا بزاف.والله اعاونك حتى انت و الله ارزقنا مستقر الجنة

            تعليق

              • WhatsApp

              #7
              السلام عليكم .نصيحتي ليك متجهديش راسك بزاف ونتي حاملة ،راه نفس الشي وقع لي تحولت لدار جديدة وانا عندي 6 أشهر وكنت كنهتم باقل التفاصيل في الرحيل وفي تفريش البيت ،حتى لي دخل عندي كيتبهر ..... والنتيجة من بعد الولادة النفسية تهزات بدون سبب حقيقي ......
              كنت باغا الاخوات يدعموني وبكلامهم وتجاربهم ....ولكن الحمد لله ....ربي رحيم بعباده .....

              تعليق

                • WhatsApp

                #8
                تبارك الله عليك و شكرا للافادة

                تعليق

                  • WhatsApp

                  #9
                  الله يعاونك حياااة و يسر الاموور

                  افكاار راائعة

                  السفيرة تقدر تساعدك بتجربتها كانت قالت لينا ناوية ترحل

                  نصييحة هي الكوافوز و les table de nuit ديري عليهم السكوتش و سدي المجورة ديالهم بالسكوتش او بشي طريقة لي ميتحلوش ... خاصة اذا كانت المسافة بعيدة قرييبتي مسكينة مدارتهاش وصلو ليها مفرقيين الله يحفظ
                  السدادر دالخشب اذا كانو من النوع لي منقوشين لوي عليهم بونجات رقاق او شي حاجة بااش ميتحكووش و يخسرو في الطرييق

                  الله يعييينك يااارب

                  إذا غبت عنكن ولم تروني ... هذه مشاركاتي فتذكروني وإن طــالت مدة غيـــابي... فدعواتكن لي ولا تنـســوني وإذا بلغكن خــبر وفــاتي ...فأسترجعوا الله وأستغفرن لي ولا تبخلن علي اخواتي بدعواتكن...
                  لعل الله أن يغفر لي ذنــوبي

                  تعليق

                    • WhatsApp

                    #10
                    المشاركة الأصلية بواسطة "la vie" مشاهدة المشاركة

                    بارك الله فيك .شكرا بزاف.حتى هادي غادي نزيدها ان شاء الله درتيها لي فالبال.حيت الى ما كنت حاضرة فالدار فعلا واحد المرة تحولت و ما نعاااودش لك.لقيتهم كولشي مقلوب اللي حاجات المطبخ فالصالة و غرفة فغرفة اخرى و شي على شي...ما ستفتو حتى غفر ربي الذنوب...
                    الله ارحم الوالدين شكرا بزاف.والله اعاونك حتى انت و الله ارزقنا مستقر الجنة
                    امين واليدينا وواليديك هي حتى انتي تابعك الرحيل الله اعينك ونتمناو لبنات ازيدو افيدونا
                    وما أحد من ألسن الناس سلما ولو أنه ذاك النبي المطهر
                    فلو كنت سكيتا يقولون أبكم ولو كنت منطيقا يقولون مهدر
                    فلا تكثرث بغير الله في المدح و الثنا ولا تخش إلا الله والله اكبر









                    تعليق

                    يعمل...
                    X