إعـــــــلان

تقليص
لا يوجد إعلان حتى الآن.

شكون بحالي

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • شكون بحالي

    السلام البنات عندي مشكيل هو في الظاهر ماشي شي مشكيل كبير ولكن انا بعدة كيعصبني انا راجلي مبلي بالماتشات والتيليفون إلا مشد الماتش في التلفاز اتباع اخبارو في الهاتف أولا انعس ونحن معدنا مكان في البروكرام ديالو هو طيب ومفيه حتى بليا إلا هاذي نبقى ندابز مع الوقت والشغل الدار باش نتفرغ ليه ملي أجي من الخدمة نعاس الأولاد غير كنجي حداه كيقولي عيان مسخسخ بغيت نرتاح كينوض امشي انعاس وكون نعاس ميعصبنيش كيضال شاد تيليفونو ساعة أولا كثر ومن بعد انعاس غير افيق اشدو تاني بالعشية منكدبش عليكم كنبغي نشاد داك التيليفون نشخشخو ههههه المهم اليوم وجدت العشاء عشيت الأولاد باش نعسهوم زعمة نلقا وقت نجللسو انا وياه فديك الوقت لكنت كنوجد الأولاد كان شاد تيليفونو وانا مقاتلا معاهم غير ندخل عندو كيحاط تيلي ونعس???? حرت معاه والله معرفت شنو ندير معاه واقلا عطيتو هتمام كثر من القياس عتقوتي راه كنتفقس ملي كيدير معايا هاكا واش عادي وانا لكنزيد فيه واش رجالتكم مكيجلسوش معاكم وتبقاو تحدثو أما العلاقة الحميمية قليل فاش كيبدا هو حتى كنتقاد ونلبس راكم عارفين أنا مهتمة باراكن عتقوتي انا حاسة بحال معندو حتى عاطفة حيهتي واخا كيقولي كيبغيني ولكن تصروفاتو لا واش نتجاهلو انا مرة جربت تشغل رأسي عليه والله إلا حسيتو بحالا عاجبو الحال معندوش فارق بتاتا حفاو ليا مخليت من اللبس مخليت من نبعاد عليه شغلت راسي وخليتو بحال مكين والو عطيوني حال نجربو راه حتى الحوار جلست معاه قلت لو اعطيني شوية من وقتو قالي واخا وتفقنا حتى واحد ميهز تيليفونو واحد الوقت من اليوم باش نجللسو مع بعضنا والله اما تسوق راه مخليت مدرت

  • #2
    اختي بلا متعصبي كلشي هكاك

    تعليق


    • #3
      والتلفون خرج على الرجال والأولاد والبنات وحتى بعض العيالات متعصبيش اختي راه عادي كاين هداك النوع من الرجال خاصك تهلا فيه وفي ولادو وتعاملي عادي وافي القصة وتلهاي انت في امورك الدينية صلي وقراي القرآن في والتسبيح في الوقت لهو يكون شاد المشقوف ديالو يعني التلفون وملي يقولك شي حاجة ردي عليه بانك ماعندك ميدار وانت ممساليش لا ربما يتحرك حتى هو وديري فيه نفس ويعمر وقتو بالله اختي راه الرجال انواع والا تبعتيهم احمقوك الله يهديهم يارب وانت وسعي شوية خاطرك
      sigpic

      Voici votre reglette:



      Code à copier dans votre signature, sur un forum:


      Code à copier dans un blog,une page personnel ou tout autre support acceptant le Html:

      Visiter notre site et forum : http://www.zero-complexe.com

      تعليق


      • #4
        اختي ما تشغليش راسك بيه . التليفون مشكلة الجميع . حتى انا وليت كنشد التليفون بحالو . فالاول راجلي كان كيشارجي الانترنيت ليه و يبقا شاد التليفون و انا مسكينة نبقا غير نتسنا فيه و كان كيبقا في الحال و لكن ما كنبينش ليه . ايوا ناض دار الويفي كلنا ولى عندنا الانترنيت ايوا ختك درت ليه خو فعلو . زوج مرات و ما صبرش و تقلق ايوا وانا نعطيك درس قلت ليه دابا نتا غير زوج مرات و ضرك الحال ايوا و انا مسكينة لي صابرة شحال هادي زعما ما كنحسش ايوا ذوق من الكاس لي ذؤقتيني منو هههه دابا ولى داير بحسابي ويلا شدو حتى انا كنشدو كيفهم راسو كيحطو و حتى انا كنحطو و هكذا الحياة تستمر ههههه

        تعليق


        • #5
          هي غير نكمدها في قلبي مكاين حال قلبناها مخاصمة كبيرة انا وياه وراد ليا اللومة بلي انا لكنبغي نلصق فيه ومايخرج مايهز تيليفون ويبقا مقابلني وأنا والله اما كيعطينا وقت حتى الخروج كيخرج بزاز أولادو كيخرجو مع عاءلتي ولاو اتسناو خالهم اخرجهوم ويخليو باهم ناعس في الدار ولاو اقولو لي عيطي لخالو اخرجنا!? كاين شي إهمال كثر من هذا فالأول كانو اعيطولي حتى انا نسافر معاهم ونخرج معاهم حشمت مبقيتش نمشي معاهم وهو كيدير سبة بالطموبيل معندوش دابا انا خليتو على خاطرو مكنهضرش معاه نعاملو بالمثل لعل وعسى احس شوية بالغالط ديالو واش في نظركم طريقة صائبة. ?

          تعليق


          • #6
            المشاركة الأصلية بواسطة علياء المجد مشاهدة المشاركة
            اختي ما تشغليش راسك بيه . التليفون مشكلة الجميع . حتى انا وليت كنشد التليفون بحالو . فالاول راجلي كان كيشارجي الانترنيت ليه و يبقا شاد التليفون و انا مسكينة نبقا غير نتسنا فيه و كان كيبقا في الحال و لكن ما كنبينش ليه . ايوا ناض دار الويفي كلنا ولى عندنا الانترنيت ايوا ختك درت ليه خو فعلو . زوج مرات و ما صبرش و تقلق ايوا وانا نعطيك درس قلت ليه دابا نتا غير زوج مرات و ضرك الحال ايوا و انا مسكينة لي صابرة شحال هادي زعما ما كنحسش ايوا ذوق من الكاس لي ذؤقتيني منو هههه دابا ولى داير بحسابي ويلا شدو حتى انا كنشدو كيفهم راسو كيحطو و حتى انا كنحطو و هكذا الحياة تستمر ههههه
            كما تدين تدان ههههههه.
            بصح اختي صاحبة الموضوع راه آفة العصر هاد المشقوفف حتى حد ما خطاتو.غي اللي افهم راسو هو هداك و اللي يادلي ما عندو سوق و اللي جات تديه راه تلقايه النعار و ما طال و هو شاد.و كاين اللي ما اعرف اميز.مثلا كاين اللي امشي عند ناس ضيف او جاو عندو ضياف و تلقايه شااادو مبلق فيه العنين.
            الله اهدينا جميع.

            تعليق


            • #7
              المشاركة الأصلية بواسطة ضيف مشاهدة المشاركة
              هي غير نكمدها في قلبي مكاين حال قلبناها مخاصمة كبيرة انا وياه وراد ليا اللومة بلي انا لكنبغي نلصق فيه ومايخرج مايهز تيليفون ويبقا مقابلني وأنا والله اما كيعطينا وقت حتى الخروج كيخرج بزاز أولادو كيخرجو مع عاءلتي ولاو اتسناو خالهم اخرجهوم ويخليو باهم ناعس في الدار ولاو اقولو لي عيطي لخالو اخرجنا!? كاين شي إهمال كثر من هذا فالأول كانو اعيطولي حتى انا نسافر معاهم ونخرج معاهم حشمت مبقيتش نمشي معاهم وهو كيدير سبة بالطموبيل معندوش دابا انا خليتو على خاطرو مكنهضرش معاه نعاملو بالمثل لعل وعسى احس شوية بالغالط ديالو واش في نظركم طريقة صائبة. ?
              المخاصمة و قطيع الهضرة لا

              تعليق

              المحتوى السابق تم حفظه تلقائيا. استعادة أو إلغاء.
              حفظ-تلقائي
              x
              إدراج: مصغرة صغير متوسط كبير الحجم الكامل إزالة  
              x
              يعمل...
              X

              معالجة المعلومات