ArabicEnglishFrenchSpanish

إعـــــــلان

تقليص
لا يوجد إعلان حتى الآن.

دليلك لفهم شخصيه طفلك

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    دليلك لفهم شخصيه طفلك



    السلام عليكم

    هاد الموضوع إن شاء الله غيجاوب عل مجموعه من الاسئله اللي كتعتريك كام و تخليك حايره..علاش و كيفاش...
    كيفاش تتعاملي مع اولادك و اختلاف طبائعهم..كاين اللي كيسمع و كاين اللي راسو قاسح...
    فالحقيقه مالقيت الا حل واحد يرضي ضميري
    الحب
    مالقيت احسن من الحب دوا نكافئوا به طفل
    مالقيت احسن من الحب دوا نمتصوا به غضب طفل
    مالقيت احسن من الحب دوا لعناد طفل

    من الآن ماتخلي حد يقيم طفلك
    هادي ماشي كيف الاخرين
    كيبكي بزاف ماشي كيف الاخرين
    عدواني ماشي كيف الاخرين
    خدوم ماشي كيف الاخرين

    و باش تعذري نفسك ملي تقساي عل واحد فيهم و تزيريه
    بحال الدموي المغامر

    هاد التقسيمه للاطفال من عامين تال سن الابتدائي تقريبا



    النوع 1
    الصفراوي

    صفاته

    كيبغي يتمشى فسن مبكره...حنت زربان
    كيطلب احتياجاتو مباشره
    كياكل و يشرب و يتحرك بالزربه
    كيعتمد عل نفسو فسن مبكره...بحال انو يلبس صباطو بوحدو
    كيقرر هو معاش ينعس
    يكعاود لاقرانو اللي فسنه باي حاجه كيدير..لهذا خبي عليه اسرار الدار
    ماكيهتمش بكلمه " لا " و كيدير ما بغا
    عنيد كيبغي ياخد ما بغا صحا و يرفض الحاجه اللي مايبغهاش
    عزيز عليه المدرسه حنت فيها انشطه تنافسيه

    كيفاش تتصرفي معاه

    مدحيه غير عل قدر انجازه باش مايوليش مغرور
    ما تامريه ما تنهيه غي عاودي ليه قصه باش ينافس البطل تاعها
    حسسيه بالفخر
    فرضي احترامو ليك ماتبدلي قراراتك معه
    شوفي فعينيه مباشره ملي تكوني كتعطيه توجيهات

    .......................

    النوع 2
    السوداوي

    صفاته

    كيتمشى بشويه و بحذر كبير
    كيتهلا فمظهره و كيدقق فالتناسق تاع اللبس تاعو
    كيحافظ عل نقاوتو و نظافتو
    مطيع للقوانين المنزليه
    كيعاود كلمه علاش و كيفاش
    كيفضل المنافسه العقليه عل البدنيه حنت تقيل و استرخائي
    يمكن يلعب بلعبه وحده لمده طويله بلا ملل و يحافظ عل العابو
    كيفرتك العابو ويعاود يجمعها
    كيبغي تايسالي مهمتو بحال الماكله عاد ينتقل لمهمه اخرى
    هادي ماكيضحكش بزاف و ممكن يبان ممل
    عزيز عليه المدرسه حنت فيها معلومات جديده غيتلقاها

    كيفاش تتعاملي معاه

    مدحي انجازو ولو بطيء
    ماتبينيش اعتراضك عليه قدام الناس
    عطيه اجوبه دقيقه حنت كيبغي الكمال
    عطيه مهام كبيره و ماتخافي غي ديري فيه التقه لانو قيادي

    ........................

    النوع3
    البلغمي

    صفاته

    ماكيستعجلش المشيان...ربما ممكن تحفزيه باش يبدا يمشي لكنو مايبغيش
    هآآآآآآآآدي و قليل الحركه..و الى تحرك كيتحرك بشويه
    متعاون مع صحابو واللي صغر و اللي كبر منو
    مسالم ماكيبغيش العنف كيتجنب المضاربه او مع اللي كيتلاقاه
    ممكن يستسلم ليه دكشي لاش كيحساب لهم انو ضعيف
    فيه البكا بزاف لكن ممكن مايبينش
    اجتماعي بزاف و كيدير الصحاب فيساع و بسهوله
    عزيز عليه اللعب الجماعي .. و كيتبع قوانين اللعب..و ممكن يخلي اطفال آخرين يتراسوه و يقودوه
    عزيز عليه البوسان و التعناق بزاف
    عزيز عليه المدرسه حنت فيها الانشطه الاجتماعيه

    كيفاش تتصرفي معه

    ماتغوتيش عليه لانو حسآآآآآآآآآآآآآآآس
    ماتحسسيشه انك ماراضياش عليه لانك كتقتليه من الداخل
    ماتقارنيه باحد لانو ماكيبغيش التنافس و التنافس كيحبطو
    ماتستهزئيش منو باش مايحسش انو مكروه
    ماتطلبيش منو مهمات كتيره لانو كسول او معجاز
    لكن ديما حسسيه انك محتاجه المساعده تاعو ديما باش يدير لك شنو بغيتي
    باش ينجز حطيه وسط مجموعه لانو متعاون فقط ماشي قيادي

    ..............................

    الحاله 4
    الدموي

    صفاته

    كيبدا يتمشى دغيا و ممكن قبل مايكمل عامو الاول
    سرييييييييييييييع فالحركه و الهدره
    عندو طآآآآقه كبيره للعب بلا ملل او تعب
    مغامر بدرجه كبيره و كيعيي
    عزيز عليه يبقا برا
    ماكيهتم بالمظهر تاعو ممكن تلقايه ممسخ و ريحتو مازويناش...و ممكن يكفح على راسو العصير يوميا او عل الطابله...و ماكيبغيش يمشط شعرو
    عزيز عليه الاختراع ممكن يلاقي لعبه بلعبه و يدمجهم
    كيتخيل و ممكن يبقا يدوي بزاف ملي يكون كيلعب
    عزيز عليه الضحك و السخريه و كيدير امور كتضحك الآخرين
    كيتنقل من لعبه للعبه فجاه..خليه بما ان الوضع ماشي خطير بحال الى كنتو فالبارك
    عزيززززززززززززززز عليه الاكتشاف ممكن يدخل للبارك او الحديقه قبل مايقطع تيكيته....
    عدواني شويه...عنقيه بزاف لكن ماتطوليش..باش تمتصي غضبه بسبب نشاط هرموناتو
    عزيز عليه المدرسه حنت فيها اللعب و التسليه

    كيفاش تتصرفي معاه


    مدحيه لفعله مباشره...ماتتسنايش تا الغد ليه
    ماتستهزئيش منو علانيه باش مايتورش و ربما ممكن يعاير اللي كتقارنيه به او يعايرك نتي
    عطيه بزاف تاع الالعاب اللي كتتفرتك و الى كبر شويه عطيه كتب الالغاز
    طلوع الدم منو كيطفيه...يطلع لك الدم من فعلو ماشي منو هو...متلا ما تقولي انت موسخ قولي الوسخ خايب
    عطيه مساحه من الحريه لكن بمراقبه منك حنت هو متهور و ماتحسسيهش انك كتراقبيه لانو كيدير المستحيل باش يفلت منك
    بالمقابل ماتعطيهش الحريه المطلقه ابدا حنت المغامره عندو ماليها حدود...احميه
    ماتعتمديش عليه لانو خيالي و كينسى الانظمه و القوانين .. لكن لازم تكرري لو القوانين باش يتعود عليها
    شجعيه عل التركيز
    ملآآآآآل بزاف..خليه يراجع ماده وحده تم يلعب تم ماده اخرى تم يلعب و هكدا
    غتكسبيه الى تعملتي فنون الردود الكوميديه المضحكه لانو عزيز عليه التقشاب

    ............
    فالغالب الطفل السوداوي مطيع .. و البلغمي كدلك
    ممكن تلقاي مشكل مع الدموي و بدرجه اقل الصفراوي


    ................


    الموضوع الموضوع مختصر بشكل كبير
    من اجتهاد خاص و مطبق عل شخصيات اطفال اقاربي و معارفي
    اللي متفقه معايا ممكن تزيد تغني الموضوع
    بداي كام لاحظي و دققي و دوني


    الموضوع من اجتهاد خاص و مطبق عل شخصيات اطفال اقاربي و معارفي
    اللي متفقه معايا ممكن تزيد تغني الموضوع
    بداي كام لاحظي و دققي و دوني

    وكيف سبق و ذكرت هنا هاد المرحله العمري مهمه بزاف فتكوين شخصيه طفلك
    فهاد المرحله فين كتكون جينات السلوك مازال مامستقراش وقابله بآش تتعدل...وهي مسووليه اولياء الامور الطفل مازال ماكيعرف والو عل الحياه باش يدير تعديل لجيناته
    لكن قبل عرفي وفهمي شخصيه طفلك و تصرفي التصرف السليم وفقها
    و الله يعينك فجهادك و مهمتك الساميه
    • WhatsApp

    #2
    عودة ميمونة دوقتي جزاك الله خيرا على الموضوع
    Capton[url=https://www.anaqamaghribia.com/pic/][/url]

    تعليق

      • WhatsApp

      #3
      بارك الله فيك ان شاء الله موضوع افيد الانيقات الامهات هنا وفقهن الله للتربية الصالحة

      تعليق

        • WhatsApp

        #4
        واااو غير شفت سميتك فرحت فمابالك مين قريت الموضوع

        تعليق

          • WhatsApp

          #5
          جزاك الله خيرا على اجتهادك
          موضوع جد مهيم لامهات
          وخا ناخد ادنك ونقل الموضوع بغيت نرسلو لامهات تانعرفهم ايفيدهم بزاف خصوصا وأطفالهن صغار
          واحتسيبه علم ينتفع بيه
          sigpic

          تعليق

            • WhatsApp

            #6
            جزاك الله خيرا، غير واحد الحاجة انا منعرفش الصفراوي، والدموي و.. ؛كنعرف شمالي جنوبي غربي شرقي، ممكن تقوليلي شكون هو الصفراوي واش الغربي
            والدموي يمكن هو الشمالي، ممكن توضحيلي إلا حب الخاطر

            تعليق

              • WhatsApp

              #7
              المشاركة الأصلية بواسطة أم مروان1 مشاهدة المشاركة
              جزاك الله خيرا، غير واحد الحاجة انا منعرفش الصفراوي، والدموي و.. ؛كنعرف شمالي جنوبي غربي شرقي، ممكن تقوليلي شكون هو الصفراوي واش الغربي
              والدموي يمكن هو الشمالي، ممكن توضحيلي إلا حب الخاطر
              حياك الله أم مروان على مأضن والله اعلم ان الجانوبي والشرقي في الرجال
              والصفروي والدموي في الاطفال
              ههه هدا اجتهاد عقلي ههه
              نتمى من الدوقة الجميلة تصحح ليا الى غلطت ♡
              sigpic

              تعليق

                • WhatsApp

                #8
                المشاركة الأصلية بواسطة أم مروان1 مشاهدة المشاركة
                جزاك الله خيرا، غير واحد الحاجة انا منعرفش الصفراوي، والدموي و.. ؛كنعرف شمالي جنوبي غربي شرقي، ممكن تقوليلي شكون هو الصفراوي واش الغربي
                والدموي يمكن هو الشمالي، ممكن توضحيلي إلا حب الخاطر
                حياك الله أم مروان على مأضن والله اعلم ان الجانوبي والشرقي في الرجال
                ه والدموي في الاطفال
                ههه هدا اجتهاد عقلي ههه
                نتمى من الدوقة الجميلة تصحح ليا الى غلطت ♡
                sigpic

                تعليق

                  • WhatsApp

                  #9
                  المشاركة الأصلية بواسطة ام صفواان مشاهدة المشاركة
                  جزاك الله خيرا على اجتهادك
                  موضوع جد مهيم لامهات
                  وخا ناخد ادنك ونقل الموضوع بغيت نرسلو لامهات تانعرفهم ايفيدهم بزاف خصوصا وأطفالهن صغار
                  واحتسيبه علم ينتفع بيه
                  مرحبا
                  من دواعي سروري يوصل لاكبر عدد ممكن من الامهات

                  تعليق

                    • WhatsApp

                    #10
                    المشاركة الأصلية بواسطة أم مروان1 مشاهدة المشاركة
                    جزاك الله خيرا، غير واحد الحاجة انا منعرفش الصفراوي، والدموي و.. ؛كنعرف شمالي جنوبي غربي شرقي، ممكن تقوليلي شكون هو الصفراوي واش الغربي
                    والدموي يمكن هو الشمالي، ممكن توضحيلي إلا حب الخاطر

                    الصفراوي شمالي و الدموي غربي و السودواي شرقي و البلغمي جنوبي... تقريبا

                    تعليق

                    يعمل...
                    X