السلام عليكم ورحمة الله
كيف حال الزوينات النشيطات، اليوم ان شاء الله غذي تحط لكم بنتي واحد الحلوى شافتو في اليوتيوب وبغات تجربوا وجا فن، الله يجازي بخير مولاة الوصفة وأيضا مننساش بنتي الي جرباتو ههه
على بركة الله المقادير
3 بيضات
كأس عنبة سكر
كأس وثلث زيت
قبصة ملح
ثلاث معالق كبار حليب غبرة محمر
جوج خمارات حمرة
جوج معالق عسل
الفرينة حسب الخليط
للتلصيقة
شكلاط بيض +شوية لعسل (منين يدوب الشكلاط تبقاو اديرو لعسل غير قطرات ومنين تشوفوا شكلاط بدأ يقساح شوية وقفوا والا غذي يولي عجينة )
الطريقة
نجمعوا كاع المقادير، ونسرحوها العجينة بالدلاك ونبقاو نخبشوا في ديك لعجينة بالشوكة ونبقاو نطبعو بالطابع والى الفرن ومنين يبرد نلصقوه بالشكلاط والعسل
وبصحتكم وراحتكم وقبلوا علينا ونخليكم مع الصور