ArabicEnglishFrenchSpanish

إعـــــــلان

تقليص
لا يوجد إعلان حتى الآن.

دورة العناية بالجمال لفصل خريف 2019

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    دورة العناية بالجمال لفصل خريف 2019

    Resultado de imagen de ‫دورة الجمال قسم الجمال اناقة مغربية‬‎






    الحمد لله على تواصلنا عبر هذا المنتدى العريق وعلى لمتنا الطيبة في كل مناسبة بغينا نتجمعوا فيها عبر الاثير مرحبا بكم جميعا وان شاء الله تكون دورتنا مليئة بالفوائد ومن هنا نعلن التصالح مع الذات بكل المقاييس نعيد نظر في كل حاجة ضروري مرة مرة نعطيوا لروسنا متنفس نحقوا فيه السعادة و الراحة باش تعطي اكثر في مسيرتك سواء كام او زوجة او شابة في مقتبل العمر كنتي ربة بيت او عاملة لا فرق بينهم الله يصحح فينا الايمان والافعال .

    ندخل في الموضوع لي كل الانيقات المحبات للجمال مترقبينو ولي غادي يكون برنامج بسيط وسهل فقط الصرامة هي الوقت وعدم التهاون والكسل هاذوا هما الاعداء فلا للتفويت ولا للكسل ولا ما فيا ما يدير نونونونوونونونو كحل عيونو ما نبغي شي وحدة تنصرف وتمشي خاوية الوفاض والقضية ما فيها والو غير شوية العزم وقفي قدام المراية وهضري مع راسك راه مسكين محتاج لك ومحتاج لايدياتك يطبطبوا عليه وهاذي ديروها في بالكم ندوزوا للمختصر المفيد ...





    الصيف سالا .... ولكن....



    كنعرفوا ان الصيف كيخلي مشاكل كثيرة على مستوى البشرة سواء في الوجه او اليدين والرجلين اي بلاصة كتعرض للشمس ومع الاهمال سواء عدم شرب الماء الكافي او الاهتمام بالغذاء الصحي ضروري كيكون شي خلل ويحصل اهمال وعدم متابعة الروتين الصحي بضجر من الصهد والاحساس بالعياء وما كيبقاش نظام محكم و الغذاء كيلعب دور كبير في حياتنا وصحتنا بشكل عام ولي كناكلوا كيبان على بشرتنا هذا من جهة .


    و من هاذ المشاكل لي كتكثر بزاف هو جفاف البشرة وتصبغها وظهور التجاعيد ويبان على الوجه العياء والارهاق والاسمرار والشحوب وبدون حياة يعني البشرة بصفة عامة كلات الدق وتكرفسات في الصيف، لكن هذا ما تيعنيش انك تستسلمي وتخليها حالتها وتزيدي عليها بالاهمال فقط شوية العناية فلا اشكال كلشي ليه الحل، و اهم شيء هو انك تبعي برنامج منظم بخطوات مركزة وبالعقل باش كل حاجة ترجع كما كانت واحسن.









    وطبعا اهم فترة نعتني فيها بالبشرة هي فصل الخريف باش نوجدوها لمقاومة فصل البرد والشتا وبحلول فصل الربيع كتظهر نتائج رائعة على البشرة اشراقة ونضارة، و بلا ما نبقى نهضر ونشرح لكم هاذ الامور لي كلنا عارفينها ندخلوا في الموضوع مباشرة ولي هو عبارة عن دورة خفيفة ولكن جد مركزة باش تمحي اثار الصيف السلبية لي خلا لنا في البشرة ديالنا والى قلت لكم دورتنا خفيفة ضريفة ثقوا بيا راه عن خبرة وعن دراسة وعن تجربة ان البشرة يلزمها استراحة بيولوجية من الخلطات الطبيعية القوية ولي كثيرة بقدر ما خاصها ترميم خطوة خطوة وهذا هو ملفي لكم اليوم اننا نشرع في العمل من الان باتباع برنامج محكم ومتول ومنظم بدون تعقيدات ولا قوة التخربيق خاصنا نجبروا الجلدة ديالنا باش ملي يجي وقت القناع يعطيك نتائج فورية ومن اول استعمال ، لان اكبر غلط ان البشرة تستقبل الخلطات وهي مزال متعبة وعليها خلايا ميتة وشاحبة وبدون حياة هاذ الامور خاصها تزول بالتدريج وبرقة وحنان يعني خاص اعادة نظر في طريقة التعامل مع البشرة والحفاظ عليها ومن تم نتعرفوا على لي يوالمنا ولي يعالج لينا البشرة ديالنا




    الان محتاجين نوقفوا اي برنامج متبعينو وغادي نركزوا على جوج حوايج اساسية ولي هي الكوماج يعني نساعدوا الطبقة لي تحرقات بالشمس والخلايا الميتة والشاحبة تزول ونديروا تجديد للبشرة ونعزوا الدورة الدموية، وطبعا الكوماج ماشي هو التقشير ولي هو pelling ، الكوماج هو السنفرة ولي هي عملية ازالة الخلايا الميتة من سطح الطبقة الخارجية للبشرة يعني الفوقانية بحال شكل الحمام الاسبوعي لي موالفين عليه ، اما التقشير فتيكون بطريقة جد قوية بحيث كيتوغل حتى الطبقات الاخرى للجلد وكيكون بطريقة كيميائية او بمواد قوية على البشرة ، والكوماج لي حنا غادي نبداوا به كيعمل على تحفيز الدورة الدموية وتجديدها بتحسين انتاج الكولاجين وتنظيفها بالتدريج ويمحي البقع البنية ويساعد على توحيد اللون وهكذا كوماجنا غادي يخلي يخلي البشرة نقية وصافية، خالية من الرواسب وبالتالي تستافد من الوصفات الطبيعية والجديدة لي غادي نشوفوا مع بعض خلال دورتنا هاذي لهاذ العام 2019 / 2020ان شاء الله



    وكذلك ما نساوش جانب التغذية ولي كيلعب العنصر الهام والاساسي في علاج البشرة من الداخل وهنا نراجعوا الاكل ديالنا نشوفوا الخضر الموسمية لي كتكون في فصل الخريف لي حنا فيه دبا الى غاية 21 شهر سبتمبر ولي فيه خضر وفواكه جد مهمة ولي كتكون غنية بالفيتامينات بحال س وفيتامين E وكذلك بعض المكونات لي ضروري ننتبهوا لها بحال الاحماض الدهنية اوميكا 3 ومن اهم الاساسيات باش ترجع المرونة للبشرة يلزمنا شرب من لتر ونصف الى لترين من الماء على مدار اليوم يعني تعمري قرعة فيها لتر ونصف كافية كل مرة تشربي منها حتى تكمليها وتولفي بذلك شرب الماء لانه تيطهر الذات من السموم ولي كتظهر على البشرة وخاصة في منطقة العينين ودائرة الفم.





    وكما قلت لكم لازم تكون من اهم الامور لي تفكري فيها في كل فصل ان شاء الله نديروا واحد الموضوع على المواد لي كتوجد في فصل الخريف من خضر وفواكه وغيرها وشرب الماء هذا عنصر اساسي باش تبقى البشرة مرنة وطرية ورطبة وكنظن المشرفة القديرة لي يمكن تقوم لنا ببحث وتقرب لينا قفة الخضر والفواكه الخاصة بموسم الخريف ولي هي الاخت الفاضلة الغنية عن التعريف قوتي في صمتي وهاذ الفقرة خليتها بلعاني باش تقوم هي بهاذ العمل كما تعودنا منها انها كتقدم لنا ملفات غنية وتقرب لينا البعيد.



    برنامجنا اليوم متجدد والاهم لي فيه انه كافي بما تحتاجه البشرة في هاذ الفصل بعد الصيف والمشاكل لي ذكرنا فغادي يكون عبارة عن روتين فيه تركيز على كوماج طبيعي وسيروم مرمم ومجدد لخلايا البشرة بالليل حسب كل نوع بشرة وما نساوش الايدين ونصيبهم من العناية وكذلك الرجلين كلهم اثار الشمس دارت فيهم حالة ولكن في هاذ الفترة غادي نرجعوا لهم الصفاء والبريق لي خاصهم ان شاء الله .



    البرنامج كالتالي:

    الصباح طبعا بعد صلاة الفجر الوضوء راه بلسم على البشرة تيعطيها بريق رباني
    ملي تفيقي الصباح غسلي وجهك بماء بارد ودهني بكريمك اليومي المرطب حسب نوع بشرتك و طبعا كلما توضيتي غادي دهني وجهك به

    وبهاذ المناسبة الاخت ام ياسين والياس عندها زبدة الشيا وما عارفاش اشنو دير بها فها هو كريم مرطب من درجة واحد ومغذي بالصحة والراحة ولي عندها تفضل تحضر كريمها وبالمناسبة راها زبدة الشيا ولات كتباع في المغرب طبعا هذا بين قوسين ــ










    الى ما عندكش وبغيتي كريم مرطب طبيعي وكذلك لي ما عندهاش تقدر تحضروا بايديها كريم مرطب لي ضروري منو ومؤكد لان الترطيب هو السلاح ضد التجاعيد وضد الترهلات وضد جفاف البشرة سبق للمشرفة الفاضلة قوتي في صمتي حضرت كريم البرتقال سهل التحضير وفي متناول الجميع الرابط ديالو هنا
    اما لي عندها كريمها المرطب اليومي فتبقى تستعملوا يوميا كما العادة وديري في بالك ان الكريم المرطب كيساعد على تفتيح البشرة ويزول البقع الداكنة وطبعا لي كتخرج للعمل ضروري من الواقي

    هذا هو المهم والمفيد قبل الكريم المرطب وهو لي مبنية عليه دورتنا الكوماج ثم الكوماج :
    الكوماج الاساسي لمحاربة مشاكل البشرة :


    هاذ الكوماج طبيعي كيساعد على تجديد الخلايا وازالة البقع البنية او البقع ديال الشمس ويعمل على توحيد لون البشرة وتنشيط الدورة الدموية



    قناع الروز السحري

    ولي كيخلي بشرتك في الصباح بحالا عاملة بوطوكس روعة ملي غادي ديريه ما غاديش تبقاي تستغني عليه لان نتيجته من اول استعمال كيخلي البشرة بدون تجاعيد وصافية وكيزول الهالات السوداء واقل ما نقول عليه انه فعلا ماسك سحري ديريه بعد الكوماج







    وقناع اخر كبديل لورق الارز له نفس المفعول وزيادة










    سيروم ليلي طبيعي

    هاذ السيروم من اروع ما يكون لجمال البشرة ملي كديريه بالليل تنعسي به في الصباح تغسلي وجهك كيبان لك مشرق وملمس حرير ونضارة صراحة الروعة والجمال في هاذ السيروم لي غالي فعلا بمكوناتو الغنية يعتبر مرمم ومغذي للبشرة و كيجبدها وكلها مقومات الجمال لي كنقلبوا عليها فيه



    ونجيوا لليدين لي حتى هما عنصر مهم فينا وكيعبر على شخصيتنا فاليدين لازم لهم من اهتمام كذلك والرجيلات حتى هما مع الصنادل ديال الصيف ولاوا ملونين لهذا غادي نتهلاوا فيهم قبل ما نلبسوهم التقاشر والصبابط ونغلفوهم على البرد ههههه


    العناية باليدين والرجلين :



    وطبعا كترطيب كريم خاص باليدين عادي او فازلين لي كيعطيهم وقاية وحماية وترطيب من ارفع ما يكون

    وتاج المراة ولي هو السالف حتى هو ما نسيناه باش ياخذ حقو من العناية فمن بعد البشرة ما نساوش انه حتى هو محتاج لعناية فائقة من الداخل قبل الخارج يعني الشعر كيتضرر بمشاكل نفسية وضغوطات مختلفة وكذلك في فصل الخريف كيعرف تحول سبحان الله في هاذ الفصل فين بزاف كيصيبهم التساقط وبالاهمال كيبقى ينسل حتى تبقى شي زغيبات لاصقين غير حشموا يخليوك قرعة ومال حتى هما يطيحوا ويهنيوك من صداع الراس ههههه لا قدر الله الشعر حبيباتي لازم يكون محمي ومحتاج لوقاية في هاذ الفصل اكثر من غيره هذا غادي نشوفوه لاحقا ان شاء الله علاج للتساقط ووصفات طبيعية بحال ديما

    اضافة واحد الفائدة
    بقاي تسلقي شوية العدس باش ديريه في شلاضة صفيه والماء ديالو ما ترميهش رطبي به الغاسول او ضيفيه للشمبوان ديال الاطفال لي كديري لان الشمبوان ديال الكبار راه كارثة
    قناع للعناية بالشعر :

    هاذ القناع يخلي لك شعر صحي وسليم كيقوي الشعر ويرطبو ويوقف لو التساقط كل حمام اسبوعي ديريه وغادي تلاحظي الفرق الكبير ان شاء الله












    ونضيف لكم ان هاذ البرنامج غادي نتبعوه من يوم الثلاثاء 22 اكتوبر 2019 الى غاية 22 ديسمبر 2019 ثم نمشيوا للمرحلة الثانية ولي هي الوصفات الطبيعية لي غادي تمتصها البشرة وتستافد منها وتعطينا نتائج جد ايجابية وملموسة ومن اول اسعمال لان الارضية مستعدة وقمنا بتجهيزها باش نحصلوا على المرغوب وشباب جديد وبشرة جديدة فيها حيوية واشراقة في العام المقبل بحول الله وقوته .



    جدول برنامج العناية واعادة تجديد البشرة:
    لمدة شهرين من 21 اكتوبر الى غاية 21 سبتمبر
    كوماج كل اسبوع
    سيروم كل ليلة
    وكريم مرطب كل يوم
    قناع الارز مرتين في الاسبوع
    قناع الشعر مرة في الاسبوع

    تحذيرات في هاذ الفترة لي حنا فيها ممنوع وضع كريم الاساس او اي كريم مغطي للعيوب هاذي فترة معالجة للبشرة وترميمها خاصها تحرر من كل الامور لي كتساعد في زيادة المشاكل


    هاذوا هما الاساسيات ديالنا في هاذ الدورة وغادي يبقى لنا تواصل كل وحدة مطلوب منها توضع تقريرها اما اسبوعي او يومي سواء بالصور او بالوصف وبالصحة والراحة للجميع والتقارير خاصها تكون وطبعا غادي نكون معاكم كل نهار نزل لكم تقاريري باش تحفزوا الكسولات وانا متاكدة انكم غادي تلاحظوا فرق كبير في البشرة ديالكم خلال 20 يوم بالكثير وساعتها المورال يطلع وهرمون السعادة يوصل للاوج ديالو ما نبغيش عيانة وعكزت وما درت والو الى ما غاديش طبقي بلا ما تجي تحكي لنا بغينا لي ينافسنا ويزرع فنا الحماس والهمة راه الى تهليتي في راسك ما خليتي ما درتي .
    تقرير يومي او اسبوعي لكل مشاركة بالدورة يوضع هنا بهذه الصفحة
    https://www.anaqamaghribia.com/vb/node/17922988

    نتمنى نكون خفيفة على قلوبكم ونكون قدرت نوصل لطلباتكم وطبعا هاذي غير بداية الطريق لان الدورة الحقيقية هي ملي نكملوا هاذ الفترة البيولوجية باش نحضروها للموسم القادم ان شاء الله
    وطبعا ما نساوش هاذ الملف الرائع والشامل باش نكونوا مرتبين في حياتنا بشكل عام والشكر موصول للغالية محبة التغيير لي قامت بعمل رائع وفكرة اروع جعلها الله في ميزان حسناتها تلقاي المحتوى بهذا الرابط :

    https://www.anaqamaghribia.com/vb/no...137?p=17923390



    نتمنى نكون خفيفة على قلوبكم ونكون قدرت نوصل لطلباتكم وطبعا هاذي غير بداية الطريق لان الدورة الحقيقية هي ملي نكملوا هاذ الفترة البيولوجية باش نحضروها للموسم القادم ان شاء الله



    موعدنا مع الجزء الثاني من هاذ الدورة ان شاء الله بعد مضي شهر تقريبا









    عدنا والعود احمد

    الجزء الثاني من الدورة الخفيفة لفصل الخريف بشرة نقية وصافية وعناية ثابتة نقضيوا بها على المشاكل باش نحصلوا على نعومة مخملية و اشراقة ونضارة لي هي سر الجمال



















    التعديل الأخير تم بواسطة ذاكرة; الساعة 22-11-2019, 23:54.






    • WhatsApp

    #2
    كفيت ووفيت أختي داكرة جزاك الله عنا كل خير

    تعليق

      • WhatsApp

      #3
      متميزة كما عهدناك سيدتي الراقية شكرا جزيلا
      [url=https://www.anaqamaghribia.com/pic/][/url]


      تعليق

        • WhatsApp

        #4
        يا سلام يااااسلام على البساطة و و المشية وحدة وحدة كيفما كنت متوقعة تمااما الجمال منزل على اطباق من فضة غير لي مابغات ...


        لله يرحم والديك ذاكرتي
        ​​​​​


        تعليق

          • WhatsApp

          #5
          مشكوورة اختي ذاكرة.
          غي عندي سؤال عفاك حول السيروم؛انا بشرتي ذهنية و ما نقدر نستعمل الزيوت نهااائيا. كاين شي بديل؟

          تعليق

            • WhatsApp

            #6
            ماشاء الله برنامج سهل الله يوفق الجميع .. شكرا اختي ذاكرة سؤال عفاك أوراق الارز باش نعوضها مامتوفراش عندي..

            جزاك الله خيرا




            تعليق

              • WhatsApp

              #7

              سلام يااااسلام على البساطة و و المشية وحدة وحدة كيفما كنت متوقعة تمااما الجمال منزل على اطباق من فضة غير لي مابغات ...


              لله يرحم والديك ذاكرتي
              ​​​​​


              تعليق

                • WhatsApp

                #8
                صباح الخير علييكم البنات منوورات ماشاء الله واش حتى نتوما عندكم المنتدى معكس من البارح ؟ و حتى اخر ردين لي كتبت قبل ما يتعكس لي مباشرة صبحو معاود 2 مرات مالو يمكن عزيزة علييه هدرتي

                هههه غالله يديه علينا و صافي


                تعليق

                  • WhatsApp

                  #9
                  المشاركة الأصلية بواسطة أم ياسر 2 مشاهدة المشاركة
                  كفيت ووفيت أختي داكرة جزاك الله عنا كل خير
                  مرحبا حبيبتي ام ياسر وبالصحة والراحة وانت من اهل الجزاء والتواب






                  تعليق

                    • WhatsApp

                    #10
                    المشاركة الأصلية بواسطة زهرة الكاردينيا مشاهدة المشاركة
                    متميزة كما عهدناك سيدتي الراقية شكرا جزيلا
                    حياك الله حبيبتي زهرة وانتي رمز التميز دائما بطيبتك وشهادتك الرائعة والراقية في حقي حفظك المولى ومرحبا بك في الدورة ما نبغيش الكسل واليوم تحطي تقريرك ان شاء الله بالتوفيق






                    تعليق

                    يعمل...
                    X