ArabicEnglishFrenchSpanish

إعـــــــلان

تقليص
لا يوجد إعلان حتى الآن.

مشكلتي مع بنتي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    مشكلتي مع بنتي

    1. السلام عليكم ورحمة الله تعالى وبركاته
    كيدايرين؟؟ان شاء الله
    انا ام لثلاثة اولاد جوجل بنيات عمرهم 6سنين وولد عندو 4سنين مطلقة مشكلتي مع ابنتي فيها كثرة المشاكل والشغب وكتضرب خوتها متسلطة لأبعد الحدود لي لقاتو ديالها ولي بغاتها خاصها تحضر وإلا كتبقا تركل فالأرض بحال شي رضيع في المدرسة مكتركزش تخيلو هاد العام عندها الأول ابتدائي الأساتذة كيتشكاو منها بالبسالة المهم مخليت ضربتها مخليت خاصمت عليها كل لحلول جربتها كل أسرار الدار كتنقلهم لباباها وعائلتو وخاصني منغوتش عليها عكس ختها تبارك الله راسية و مؤذبه وكتسمع للهضرة هي كتبغي تكسب صداقات على حساب مشاعر ختها لبارح قالت لبنات تيقراو معاهم راه ختي كتبول فالليل وكتخاف و... ومخصنيش نتفقص الأستاذة كيشكاو خوتها كيتشكاو
    والناس الله يسمح ليهم تايقولو معرفتش نربيها والله واحد النهار جات كلها محروقة من عنذ باباها منين سولتها قالت عمتها كواتها لأنها ضربات ولدها
    وحلت وقهراتني
    • WhatsApp

    #2
    يا اختي ربي معاك ضروري تصبري ومتتعامليش بالعنف وهضري هضري ومتمليش من الهضرة راه مع الوقت غدي تفهم ..بقاي تهضري معاها بوحدها مشيحدا خوتها وحببيها فيهم وقوليها راني كنبغيك وخوتك كيبغيووك وحتى واحد في الدنيا ما يبغيك ويخاف عليك قد عائلتك ومللي دير شي خطأ عاتبيها وقوليها غدي نسمح لك ونعطيك فرصة هاد المراة ومللي تعصبك استعملي اسلوب العقاب ومللي تهضري معاها قوليها متحدرش راسها وتشوف في عينيك ..راه الاطفال يهربو بعينيهم باش متقنعيهمش

    حتى انا ولدي ربيتو صعيب وتعرضت لمواقف كثيرة معاه ولي شافني يقولي سعداتك على الصبر لي دايرة معاه مشافوش المعانات لي عشتها معاه وانا نضور على حلول باش نتعامل معاه ونقنعو ..درت معاه حلول كثيرة والحمد للد دبا بدا يترسى شوية وخا باقي شوية الشغب ..راه يتمشى لهم في الدم ههه
    بقاي مراقباها وديري لها محفزات وقولي ليها مثلا الا كنتي مؤذبة هاد الاسبوع نشري لك كذا وبداي بهدايا بسيطة بحال شي حاجة تكون محتاجاها وضروري تشريها باش ما ضيعيش حتى انتي والا لصقت في شي حاجة قنعيها بانك مسؤولة عليهم ب3 ومتقدريش تفرزي خوتها ومع الوقت ان شاء الله تفهم
    وحشومة على عمتها مسمومة هادي لي تكوي بالنار طفلة في عمرها
    ​​​​​​





    ربي ارحم أبا لم يحرمني شيئا و لا تذقني حياة دون أمي ! triste

    تعليق

      • WhatsApp

      #3
      أختي الله يعاونك التربية صعيبة وكل واحد وطباعه بغيت غير نبهك اختي عنداك تكون بنتك كتحس أنك كتفضلي عليها ختها حيت كلتي هي مؤدبة وراسية راه حتى الغيرة واحساسها بتفضيل اختها يخليها دير الشغب باش تلفت الانتباه

      تعليق

        • WhatsApp

        #4
        المشاركة الأصلية بواسطة أم ياسر 2 مشاهدة المشاركة
        أختي الله يعاونك التربية صعيبة وكل واحد وطباعه بغيت غير نبهك اختي عنداك تكون بنتك كتحس أنك كتفضلي عليها ختها حيت كلتي هي مؤدبة وراسية راه حتى الغيرة واحساسها بتفضيل اختها يخليها دير الشغب باش تلفت الانتباه
        يمكن التوأم ديالها على ما فهمت ..كاين اطفال كيتحركو فيهم هرمونات زيادة
        ​​​​​​





        ربي ارحم أبا لم يحرمني شيئا و لا تذقني حياة دون أمي ! triste

        تعليق

          • WhatsApp

          #5
          السلام عليكم الله اعونك اختي معاها عليك بالدعاء اختي حاولي تقربي من بنتك بالحنان عنقيها بوسيها شجعيها كنا قالت الاخت بالهديا مثلا الى مادرتيش البسلا ولا عاد الفعل نشري ليه نخرجك ماتبقايش تقارنيها مع وحظين اخرين وخا ختها هي عندها قوة الحركة حاولي تخدمعيها ليها فشي حاجة مثلا دخليها للتيكواتدو قولي ليها مانبقاش نضربك ولكت ناي مغاتبقايش ديري بحال هكا العقوية احسن مثلا تمنعي عليها الخروج ولا شي حلوة
          بقات فيا ملي قلتي عمتها كواتها كن كنت بلاصتك مانخلي ما اندير فيها واه كاع الدراري تايدابزو ولكن تكويعها بالنار ماقلتي ضربتها تعيط ليك تشكا
          خدي بنتك عندك محدها بقا صغيرة وتهلاي فيها
          sigpic

          تعليق

            • WhatsApp

            #6
            الا كانت كاتركل خليها حتى تركل وديري راسك كاعما مهتمة ماتغوتيش عليها ولكن خليها حتى تبرد.نتي خاصك تعلمي الهدوء بالتعامل معاها.بنتك كاتستغل طلاقك من باها.لهاذا خاصك البرود فالتعامل معاهاماتعصبيش .ماشي كلمرة ضربيها.الا جات ختها وقالت ليك دارت شي حاجة قوليليها واخا عليها ماتكتارتيش لاعمالها حتى تتعلم الهدوء.ماتبقايش تقارنيها مع ختها قدامها.ديري ليها نشاط باش تفرغ الطاقة لي فيها.عطيها الألوان هي وختها يرسمو الرسم حتى هو مزيان.عاودي ليهم قصص على السلوك الحسن والصدق حكايات تكون مسلية.
            الله يفرجها عليك وعمتها ماعندهاش الحق باش تكويها وصليها لباها و ماتبقاش تمشي لعندها ملي الأمر وصل للكوا

            تعليق

              • WhatsApp

              #7
              المشاركة الأصلية بواسطة أم عطاء مشاهدة المشاركة
              1. السلام عليكم ورحمة الله تعالى وبركاته
              كيدايرين؟؟ان شاء الله
              انا ام لثلاثة اولاد جوجل بنيات عمرهم 6سنين وولد عندو 4سنين مطلقة مشكلتي مع ابنتي فيها كثرة المشاكل والشغب وكتضرب خوتها متسلطة لأبعد الحدود لي لقاتو ديالها ولي بغاتها خاصها تحضر وإلا كتبقا تركل فالأرض بحال شي رضيع في المدرسة مكتركزش تخيلو هاد العام عندها الأول ابتدائي الأساتذة كيتشكاو منها بالبسالة المهم مخليت ضربتها مخليت خاصمت عليها كل لحلول جربتها كل أسرار الدار كتنقلهم لباباها وعائلتو وخاصني منغوتش عليها عكس ختها تبارك الله راسية و مؤذبه وكتسمع للهضرة هي كتبغي تكسب صداقات على حساب مشاعر ختها لبارح قالت لبنات تيقراو معاهم راه ختي كتبول فالليل وكتخاف و... ومخصنيش نتفقص الأستاذة كيشكاو خوتها كيتشكاو
              والناس الله يسمح ليهم تايقولو معرفتش نربيها والله واحد النهار جات كلها محروقة من عنذ باباها منين سولتها قالت عمتها كواتها لأنها ضربات ولدها
              وحلت وقهراتني
              وش سنين بش طلقتو يمكن هذشي لي اثر فيها ..او انتي كتفضلي اختها عليها من الصغر ..حتى هذا سبب .. الضرب ماشي حل ابدااا حتى العقوبة راه اثر فيها بزاااف توصل لدرجة الكره غدي تكرهك انتي وختها ..لا ختي غير بقاي تهضري معها ولاحظي تصرفاتها وقولي لها حشومة ديري الشغب في المدرسة خليك مزيانة بحال التلاميذ بش الاستاذة تفرح بك ..المهم الكلام الحلو والحنان هو اول حل ..

              تعليق

                • WhatsApp

                #8
                حبيبتي انت بغا تعالجي العرض يعني المشكل دون ان تبحثي عن السبب اولا كاع الاعرض لقلت فهي بسبب مشكل بنتك كتعبر عليه بديك الطريقة
                والحل ماشي العنف
                و عمرك متقارني بينها وبين ختها
                جلسي مع بنتك وصالحيها وتقربي منها
                وعبر لها انك كتبغها وعنقها وحسسيها بالامان راه الطفل لا يكذب و منين تيكذب هذا يعني انها كتخاف وكتبغي تلفت الانتباه بسبب معاملتكم بحالي كتبغي تقول ليكم انا هنا خصني الاهتمام و خصني الامان وخصني الحماية لكن باسلوبها يعني بالشغب والبسالة والضرب واتخدتو طريق للتواصل ايضا
                ​​​​​​انت راجعي علاقتك معاها وتحاوري معاها
                قللها انك كتبغيها بزاف وان تصرفاتها ماشي دالبنيتات زوينين وهي زوينة وغزالة ومدحها بزاف
                وقللها علاش كدري هكذا وغتلقايها من تلقاء نفسها تعاودليك
                وسمع لها وردي لبال لهدرتها. وعطها وقت
                وكوني معاها هكذا دائما مخصك غي تصبري معاها ورها مع الوقت غتبدل

                تعليق

                  • WhatsApp

                  #9
                  والى طلبات شي حجا انت مبغاهاش شرح لها علاش او عطها البديل والى بدات كتغوت وتركل قلها منين كنبغيو شي حجا كنطلبها بهدوء ونتحاورو ماشي هكذا وخليها
                  نخليها قلها انا طلبك ولا شنو بغتي راني مفهمتكش شنو كتقصدي راني مكنفهمكش كاع منين كتبداي تغوتي وتركلي
                  وخليها تما منين
                  مع لوقت غتفهم بلي طريقتها خاطئة ومتبقاش ديرها
                  اهم حجا انت دري اعصابك فالثلاجة

                  تعليق

                  يعمل...
                  X