ArabicEnglishFrenchSpanish

.

ملوي مورق وسهل التحضير مع سر للانيقات الحادكات

X
X
 
  • -
    • WhatsApp

    ملوي مورق وسهل التحضير مع سر للانيقات الحادكات


    انيقاتي لمحبات المسمن والملوي جبت ليكم اسهل طريقة لتحظير الملوي او حتى المسمن كيجي مورق وخفيف ومتشبعيش منو وللتذكير فقط هاد الموضوع كنت شاركت بيه في دورة رمضان 2018




    المقادير :


    2 زلايف فرينة
    زلافة فينو
    ملح
    ربع معلقة خميرة حبوب
    ملعقة كبيرة سنيدة
    ماء لجمع العجين
    للدهن
    زيت وزبدة للتوراق
    خمارة حمراء
    5 معالق فينو
    منخلطهم في زلافة ونخليهم جانبا

    الطريقة






    كنعجن المسمن عادي انا مدلكتوش بزاف وحطيتو في كيس بعد ما دهنتو مزيان بالزيت وحطيت الكيس في كوكوط وسديت عليه مدة ساعة
    ممكن تخليه ليلة كاملة بشرط مديريش خمارة الخبز
    دور الكيس وكوكوط رائع العجينة كترجع مطاطية بحال الا دلكتيها حتى شحفتي هه
    هدا السر الاول
    نقسم العجينة لكويرات متوسطة ونخليها ترتاح ربع ساعة
    نورق 2 كرات مرة واحدة وهنا تاتي طريقة اللف العجيبة
    كناخد جنب الكرة للي مددناها ونجيبها للوسط وناخد جنب اخر ونحطو في نقطة المركز ثم نفس الشيء كناخد جنب العجين ونحطو في مركز حتى تتكون عندنا شكل دائري والصور توضح الامر ..للي مفهمتش الدرس مديرش التشويش في القسم هههه تدخل لقسم الاسئلة نعاود نشرح ليها
    الصور اكيد واضحة ان شاء الله
    من بعد ناخد المورقة للي تحصلنا عليها وتحطها وسط العجينة الممددة سابقة وتعاود نفس العملية وتحطها جانبا ثم تكرر العملية كل 2 كرات تعطينا ملوية واحدة
    اضن مفهوم هههه




    مللي تجي مرحلة طياب الملوي يكون طلق مزيان نحاول نكرصو غير شوية على بلاستيكة كما توضح الصورة ايضا وتهزها وتحطها في مقلة سخونة من قبل ومدهونة بالزيت وتحيد البلاستيك طبعا
    البلاستيك دوره هنا غير الانيقة تتحكم في الملوي او لمسمن فاش تبغي تنزلو في المقلة
    هدا السر التاني





    وشكرا
    شهية طيبة
    ​​​​​​





    ربي ارحم أبا لم يحرمني شيئا و لا تذقني حياة دون أمي ! triste
    • WhatsApp

    #2
    جربتو شحاااال من مرة رااائع وديك الطريقة ديال الميكة الله يرحملك عليها الوالدين

      • WhatsApp

      #3
      ولا معتمد عندي من ايام الدورة
      الله اعطيك الصحة حبوبتي
      ​​​​​​
      [url=https://www.anaqamaghribia.com/pic/][/url]

        • WhatsApp

        #4
        أم ياسر 2
        جربتو شحاااال من مرة رااائع وديك الطريقة ديال الميكة الله يرحملك عليها الوالدين
        بصحتك حبيبتي طريقة الميكة تقدري تستعملي حتى ورق سيلفيريزي الا موجود عندك
        ​​​​​​





        ربي ارحم أبا لم يحرمني شيئا و لا تذقني حياة دون أمي ! triste

          • WhatsApp

          #5
          زهرة الكاردينيا
          ولا معتمد عندي من ايام الدورة
          الله اعطيك الصحة حبوبتي
          ​​​​​​
          اييه واليوم شفت مسيمناتك وخرجو عينيا فيهم
          الله يعطيك الصحة ويسلمك
          ​​​​​​





          ربي ارحم أبا لم يحرمني شيئا و لا تذقني حياة دون أمي ! triste

            • WhatsApp

            #6
            تبارك الله عليك تانا فايتة مجرباه روعة .












            ​​​​​

              • WhatsApp

              #7
              مرجانة 1980
              تبارك الله عليك تانا فايتة مجرباه روعة .
              شكرا حبيبتي لهلا يخطيك
              ​​​​​​





              ربي ارحم أبا لم يحرمني شيئا و لا تذقني حياة دون أمي ! triste

                • WhatsApp

                #8
                تبارك الله عليك سبق جربتو زوييين الله يخليلك صحيحتك ويحفظلك وليداتك ويشافيلك ميمتك باربي آمين

                  • WhatsApp

                  #9
                  اخت لطيفة

                  اييه واليوم شفت مسيمناتك وخرجو عينيا فيهم
                  الله يعطيك الصحة ويسلمك
                  فين شفتيهم دستووور
                  [url=https://www.anaqamaghribia.com/pic/][/url]

                    • WhatsApp

                    #10
                    ممممم الله يعطيك الصحة
                    إذا غبت عنكن ولم تروني ... هذه مشاركاتي فتذكروني وإن طــالت مدة غيـــابي... فدعواتكن لي ولا تنـســوني وإذا بلغكن خــبر وفــاتي ...فأسترجعوا الله وأستغفرن لي ولا تبخلن علي اخواتي بدعواتكن...
                    لعل الله أن يغفر لي ذنــوبي

                    ...
                    X