24/02/10
9234
Tweet
السلام عليكم أخواتي جبت لكم غريبة لذيذة و اقتصادية و تتجي رطبة للاخوات لي تيعجبهم مذاق الحامض
و لي ما تيعجبهاش مذاق الحامض تعوضو بالبرتقال تتجي غزالة حتى بالبرتقال
المقادير
100 ماركارين لينة
80 سكر
خمارة 7 غرام
بيضة
قشرة حامضة محكوكة
عصير نصف حامضة
نكهة الحامض اختياري
قيصة الملح
300 دقيق
لتزيين سكر كلاصي
خدمت الزبدة و السكر ثم ضفت لهم البيضة و راس معلقة من نكهة الحامض
ضفت عصير الحامض ثم الدقيق و الخميرة نضيفو الدقيق بالتدريج حتى تجمع و تكون رطبة
دهنت ايديا بالزيت و شكلت كويرات تنعمل الوجه في سكر كلاصي
بعد ما كملت كل العجين ظغطت عليهم بالاصبع في الوسط باش نساعدها تشق مزيان
سخنت الفران مزيان ثم نقصتو الى 180 درجة دخلت الحلوة للفران قريبة لشواية
خليتها 15 دقيقة تشقت و طابت في نفس الوقت من التحت الفران عندي تيشعل الفوق و التحت
الى كان فران الغاز خليوها حتى تشق على عافية مهيلة و لكن يكون الفران سخون من قبل عاد نقصو عليه
لان الحرارة هي لي تتخليها تشق و طلعوها طيب من التحت هاد المقادير عطاتني 25 غريبة
تعليق