اييييه النجاح في يومنا هذا اصبح يقاس بمدى شهرة الشخص و كما نعلم فقد اصبح كل تافه نجم يسطع بريقه في الدنيا . الله يلطف بينا و بأبناءنا .

اللهم امين يا ختي علياء.
صراحة هادشي ماشي اضحك بل يدمي القلب غي من باب الترفيه الجدي كتبتو فهاد القسم.
الله الطف بنا و بوليداتنا ما عرفت فين باغيين اوصلونا هاد الناس.

السلام عليكم
الحياة معرفت واش نضحك ولا نبكي خصوصا ملي كنشوف هاذ النماذج من اسر مغربية بسيييطة وتلقاي الام كتدعي وتبكي تقولي غيمشي رائد فضاء للمجرات المجاورة وهو او هي غتغني او ترقص او... وما خفي كان اعظم
واش لهاد الدرجة كاين انفصام فشخصية المجتمع هههه واش حنا اللي مثاليين او نتظاهر ايضا
اودي الكلام كثير والسكات احسن
المهم النجاح الذي انشده واتمنى ان اراه يتجسد في كل شخص وخصوصا في النساء لا يحتمل كلمة او كلمتين......

والله من الصدمة ضحكت ضحكة ديال الفقصة .ما توقعت نهااائيا شوفي العنوان كيف داير...يعني حاجة فعلا تدمي القلب...لهاد الدرجة !!! لا اله الا الله محمد رسول الله.الله الطف بينا يا رب

و علاش حسابلك الملك كايضل يفرق فالاوسمة على المغنيات و المفضوحيات لو ماكان النجاح في بلدنا الحبيب هو الشوهة و الفضييييحة !

ايييه اختي الا خاصك تنجحي فهاد لبلاد السعيدة تعراي و غني و شطحي و سااافري باش يعرفك العالم اييوا بقاي نتي فموضوع شريفة تخططي و ترسمي فالنجاح و هو سااااهل ماهل ههه

​​​​​​حياة موضوعك قااسح و ماكايضحكش على فكرة و لكن شعند المتفرج مايدير قدام تلفازتو خلينا نتفرجو و حناا ساكتييين هكا بغات الوقت
​​​​

وايييه هاذ الششي كيدير الحزاز في القلب الله المستعان على الامة والمغربية عيقت بزاااف بيني وبينكم لي بغا يتزوج يقول لك المغربية ولي بغا يغني يقولك المغربية ولي بغا يلوز يقول لك المغربية ولي بغا الغلض يقول لك المغربية ولي بغا الطواجن عندها كذلك والحاصول علاش ما بغاوا هاذ السيدة يلقوها بحال درهم الحلال هي زريعة مستعدة لكلشي فينما حطوها تعطي لاحول ولا قوة الا بالله

رسلوا لي فيديو فيه سيدة كتشبح في الارض وهي لابسة الحجاب حيث بنتها غنات وصفقوا لها ولا ما عرفت ايوا قلت هاذي بنتها غناية ولي شطاحة اش دير اللهم لا تاخذنا بما يفعله السفهاء منا وحقا قبح الله الفقر وراه فقر الاخلاق والقيم والمبادئ هي لي خلات بنادم يبيع لحمو بحال هاذ النساء لي باعوا شرفهم بدرهيمات الله يسترنا فوق الارض وتحت الارض ويوم العرض

نجاح انهم قدروا يحطموا الكرامة ويدوسوا على القيم ولكن تيقول المثل كل شاة تعلق من كراعها ههههه الله يحفظ من جيل المغربيات القادم ههههه الله اعلم غير لي نوصيوا عليه نخليوا المثل الشائع بيناتنا يبقى ساري المفعول اقلب الكدرة على فمها تطلع البنت لامها على الاقل الانيقات ناجحات وربات بيوت لاجيال صاعدة ان شاء الله همهم في الاطباق والجمال وارا برع وهذا هو النجاح الحياة ماشي عري وجري الله يلعن لي ما يحشم وسمحي لي صاحبة الموضوع لقيت راسي غادي نقلبها دراما هههههه وحنا في صفحة ما عرفت واش تنطنزوا على روسنا ولا تنضحكوا على الحال لي عودة نزيد نتعرف على باقي الاراء وبارك الله في شريفة لي عطات رموز النجاح في التخطيط البناء ماشي العري والتسفاح ههههه المهم لي ما فهمت شي كلمة تسولني عليها نعطيها بدل الجواب 10

تقبلي مروري حبيبتي الحياة

صباح الخير البنات اختي ذاكرة راه السيدة لشفتي مصرية في برنامج في mbc5القتاة المشوهة الي ولات اختي وملي بنتها دارو ليها اكبر الفنانين يعني عجبهم الصوت هي سجدات وملي عاقت براسها تكسلت على كرشها وحشمت بالعرب الله يهديها اختي
بالنسبة للحياة متصدميش اختي راه ولينا حالة ولينا تنخافووو على ولادنا وياما غتقراي وياما غتشوفي راه علامات الساعة الله يرزقنا حسن الخاتمة واش مشفتيش الفيديو ديال السيدة لعطات 3ديال المليون لمغني شاب مز تطوان باش يعاون بنتها تمشي تغني ودارت فيديو تتبكي وتتقول تفلا عليا وعلى ابنتي وقالينا غنديها تولي تغني لا حول ولا قوة الا بالله

وماخفي كان اعظم
اللهم ردنا اليك ردا جميلا

هكدا بغاونا الغرب نكونو هدا هو النجاح ليبغاونا نوصلو ليه الخبث و السفه باش نبرهنو ليهم اننا متحررات.....