إعـــــــلان

تقليص
لا يوجد إعلان حتى الآن.

مرحبا بالناجحات 2

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • تفراوت11
    رد
    المشاركة الأصلية بواسطة ام ياسين والياس مشاهدة المشاركة

    غنحاول اختي والله وانا ندمانة على لتندير ليهم والله ومكرهتش نوض ونبوسهم كلهم ونقوليهم سمحولي وخصوصا ولدي ياسين ودائما عندي واحد الكلمة تنقولها ليه ومتيبغيش تنقوليه انا كون بقى عندي با كون قريت وانت دابة عندك باباك وعندك انا قادة نصرف عليك حتى تكمل والا مقىيتيش انا راه غنموت ونهار نموت دير لبغيتي اولدي وتيبقى اشوف فيا حيت متيفهمش تيقولي ماما علاش مدخلا القراية في الموت تيتلف معايا ومعرفتش اختي والخطا فيا انا عارفة وغنواعدك غنتبدل وغنخفف عليهم شوية
    ​​​

    اترك تعليق:


  • ام ياسين والياس
    رد
    المشاركة الأصلية بواسطة تفراوت11 مشاهدة المشاركة

    ربي يفرحك بوليداتك و تشوفيهم كي بغيتي
    امين اختي لهلا اخطيك وانت الله يسهل عليك ما اصعب وينولك لفي الخاطر ديالك

    اترك تعليق:


  • أخت لطيفة
    رد
    المشاركة الأصلية بواسطة ♡ ايمي ♡ مشاهدة المشاركة

    هههه شكلاطة التجمع ؟؟ هههه أنا أغرق في دلالكن!

    و الله ما كرهت وكان كنتو داااابا عندي فالدار و نصوبليكم كووووولكم كاس شوكولا بحال هدا.. حتى انت ا لطوف.. ما تخافيش ما غنديرش ليك السكر لانني أصلا أحب مذاق الشوكولا الداكنة بدون سكر هههه


    يااااه على الأحلام! هي ايضا مما يسعدني.. نمشي نزيدها ف نبراس 😉

    اترك تعليق:


  • تفراوت11
    رد
    المشاركة الأصلية بواسطة ام ياسين والياس مشاهدة المشاركة

    وسبحان الله هاد القريعة بحالي تماما ملي ضعافيت غير نقصت الكريشة ومن الفوق ونصي لتحت بقى عندي المول الاصيلي هههههه والله حتى كنضحك ملي شفت ردك وكلهم تعجبو فيا
    راه الا جيت نكتب ليك شنو تيقلقني راه الاستاذة غتقولي واش غير انت لكاينة واش عمرك شفتي ولدي خارج مع 4.وخاصو اوصل عندي مع 4.12وصلات 4.20كنت في المؤسسة ووجهي صفر وملي وصلت لقيت للاستاذ ديال الاجتماعيات قابط دفترو وتيوريه للثلاميذ وتيقوليهم هاكا يكون التنظيم وولدي تيقةلي ناما خليكي مطلعيش وانا طالعة تنجري في الدروج ودخلت للقسم على الاستاذ بقوة متنخاااف وتنتخلع عارفة راسي عيقت والله ولكن شنو ندير يمكن خيت مولدتش على سبع سنين حيت تكرفصت عاد ولدت يمكن حيت باهم متيكونش بزاف وتنخاف توقع شي حاجة وترجع ليا اللومة معرفتش علاش
    بالنسبة ملي كنت كنقرا انا مستوايا هو الرابعة اعدادي يعني البروفي قديما كانت امنيتي نكون استاذة ديال الفرنسية وتنحماق على اللغة لحد الان باقي تنقرا لرومو وتيعحبني نخدم مع بناتي وولادي exp.ecriteتلقى راحتي ولكن للاسف المرض 🤒ديال الاب ديالي مخلانيش نكمل والموت ديالو اضطريت 🤧🤧🤧🤧نخرج وندير تكوين في الفصالة والخياطة وخدمت مدة 7سنين كنت رئيسة ورشة حتى تزوجت وجلست اختي ولكن الحلم ديالي باقي عندي في راسي وهو لتتحلم بيه ابنتي الاء عكس اسراء باغا تكون طبيبة والحمد لله سمحيلي طولت عليك احبيبتي الله اسهل امرك
    ربي يفرحك بوليداتك و تشوفيهم كي بغيتي

    اترك تعليق:


  • انيقة فاسية
    رد
    المشاركة الأصلية بواسطة ♡ ايمي ♡ مشاهدة المشاركة

    غير اجي و نصوب لمثيميثة كاس حتى هي 😗
    و لله ما كرهت

    اترك تعليق:


  • تفراوت11
    رد
    المشاركة الأصلية بواسطة ♡ ايمي ♡ مشاهدة المشاركة
    يا سلااااااام

    اترك تعليق:


  • ♡ ايمي ♡
    رد
    المشاركة الأصلية بواسطة زهرة الكاردينيا مشاهدة المشاركة

    شكرا شكلاطة التجمع تصديقين ان قلت اني شممت رائحة القوية وتخيلتني احتسيها وانا قرب نافذتي اراقب زخات المطر المتساقطة
    هههه شكلاطة التجمع ؟؟ هههه أنا أغرق في دلالكن!

    و الله ما كرهت وكان كنتو داااابا عندي فالدار و نصوبليكم كووووولكم كاس شوكولا بحال هدا.. حتى انت ا لطوف.. ما تخافيش ما غنديرش ليك السكر لانني أصلا أحب مذاق الشوكولا الداكنة بدون سكر هههه


    يااااه على الأحلام! هي ايضا مما يسعدني.. نمشي نزيدها ف نبراس 😉

    اترك تعليق:


  • تفراوت11
    رد
    المشاركة الأصلية بواسطة ♡ ايمي ♡ مشاهدة المشاركة

    هههه عجبني تعاطيك مع الواجبات حبيبتي.. الغريب هو ان الأسلوب ديالك لي ما عاجبكش و لي كان مخليك متأخرة علينا هو بالضبط ما يميزك! كيعجبني بزااااف نقرا ليك.. كنحس بواحد العفوية عجيبة ..

    كنت سولتيني واحد المرة على هاد الاهتمام الزائد لي عندك بدراسة وليداتك و كل مرة تنقول غادي ندخل نجاوبك و حتى كنخرج عاد نتفكر.. آسفة عزيزتي.. المهم.. غنقوليك رأيي..


    الوالدين بحالك قلالو بزاف.. كاين لي غي تيدخل ولدو لمدرسة خاصة و كيدفع فلوس صحيحة كيقول صافي راه الاساتذة تما و هوما غادي يديرو الدور ديالهم و الا علاش انا تنخلص فلوسي؟ و كاين لي تيدخل ولادو لمدرسة عمومية و كيقول على مالنا حنا شكون لي كان يخدم معنا؟ ياك قرينا بلا ما يحسو بينا واليدينا!

    و لكن جيل اليوم مختلف تماااااما! سواء كانو تيقراو فالعمومي او الخاص تيبقاو محتااااجين المتابعة و تيبقى الدور ديال الأسرة لا غنى عنه.. لأن هاديك الرغبة و الحماس لي كان عند جيلنا حنا، بحكم ان المدرسة كانت الوسيلة الوحيدة لبلوغ المعرفة، و بحكم أنها كانت كتزرع فينا قيم و أخلاق لي كنا نخرجو برا أسوار المدرسة و كنلقاوهم فلمة الجارات و تفاهم الأهل و الأحباب و فرزانة الشباب.. هداك الزمن الجميل ولّى للأسف الشدييييد.

    دابا الأطفال و الشباب.. بل و حتى الرضع.. اصبحوا يتقنون التعامل مع الوسائط التكنولوجية.. و المحتوى صار الوصول إليه أسهل فأسهل.. و رجعت هاديك الساعتين لي تيدوزوها التلاميذ فقسم مع شي مادة تدوز عليهم و كأنه عمر! لانه و في عصر السرعة.. ساعتين على وسائل التواصل الاجتماعي كيجمعو منها ما جمعت انا من العربي و ماجد طيلة سنة!

    و بالتالي رجع عندنا فالمدارس ٣ انواع من التلاميذ:
    - النوابغ.. لي خاصهم غي دفيعة.. لي أصلا وكان جاو فزماننا كانو غيكونو مهتمين بدراستهم فجميع الأحوال.. و لي لحسن حظهم.. التكنولوجيا و الانترنت زاد من قدراتهم و سهل عليهم المهمة و زاد وسع آفاق البحث و المعرفة أمامهم. و هادو ممكن يقراو بلا ما تتدخل الأسرة اللهم إلا للتشجيع على بذل المزيد.

    - المتلككون ههههه .. هادو أذكياء و لكن معيكيزين.. ممكن يعطيو و لكن ما فيهم ما يخدم.. كيبغيو ماقل و دل.. يبغيو يتعلمو و لكن ملي يقولو ليك صافي باراكا علينا.. ما تحاوليش تزيديهم حيت غي غضيعي طاقتك معاهم.. اذن الحل معاهم هو تستغلي اللحظات لي كيكون عندهم استعداد.. و تشجعي و تمدحي و تدللي.. و توعدي بحسن الخاتمة.. يعني ديري لي عليك باش على الأقل ما ينزلوش للفئة الثالثة ههههه

    - لي ما مسوقينش أبدا! هادو موجوووودين.. يعني طيري نزلي.. شجعي.. علمي بالغنا.. علمي بالرسم.. خرجي برا القسم و فرشي فالأرض.. خدمي التكنولوجيا خدمي بالمحبرة و بالريشة.. تيقولو ليك ما تحاولييييش! عطيني غي مساحة خاصة نسرح فيها بأفكاري هههه و لك أن تتخيلي مدى تلك الأفكار. هادو بالنسبة لي و الله غالبا ما يكونون ضحايا! ضحايا مجتمع، ضحايا أسر، ضحايا أساتذة هدموا أكثر مما كان يجب ان يبنوا! ضحايا تطور أسرع مما استطاعوا استيعابه. و هادو للأسف الشديد غالبا ما ينتهي بهم الأمر داخل ورشات الحرفيين في أفضل الأحوال.

    أما أنت.. و الأمهات امثالك.. زادكن الله من فضله و كرمه.. محاربات.. باغيين وليداتكم يطلعو للقمة.. و من حقكن.. و الله يحقق كل أحلامكن/أحلامهم.. و لكن .. ديري غي لي فجهدك.. ما ديريش اكثر.. هادشي لي غنقوليك.. اه.. راجعي معاهم.. اه يعرضو عليك.. و اه وقفي على كاع واجباتهم الاسبوعية.. و لكن ماشي ملي يجيبو 14 فشي فرض تسواد الدنيا فعينيك! أو ملي يلقاو صعوبة في فهم شي مادة او شي موضوع تنساي ليهم المواضييييييع لي فهموها بكل سهولة و بلا ما تعدبي معاهم.. ديما ديري فبالك "اللهم لا تحملنا ما لا طاقة لنا به" ..

    نعطيك مثال: انا فالقسم عندي الثالث فرنسية.. ملي كنهدر معاهم و ننسى راسي و نطوووول شي جمل وحدة مور الاخرى بالفرنسية حتى كيفيقني السكات لي حل فجأة.. كنقول مع راسي؟! اش كديري يا ايمان!؟ زعما لو انهم يهزوني انا لي كبيرة و يحطوني فقسم ديال اللغة الكورية و تنوض الاستاذة تشد الهدرة معانا شي دقيقة ولا 2 باللغة الكورية.. شحال كاع غنفهم من داكشي لي قالتو؟! و هانا بغيت نفهم كيفاش ندير نسولها بالكورية و انا يلاه تعلمت الحروف و النص ديال الحروف باقي كيتلف لي؟! ملي كنحط راسي فبلاصتهم كنعتذر منهم.. و كنعاود و غي بشوية و غي بالكلمات البسيييطة لي تيعرفو.. و شي مرات كنلجأ للرسم.. للصور.. للفيديوهات.. المهم ننزل لمستواهم باش نطلعهم عندي.. ماشي نطلع الفوق و نقوليهم لحقوني.

    حتى انت حبيبتي.. رخفي شوية على راسك.. ملي تلقاي راسك كتعصبي و كتوتري.. بدلي ساعة بأخرى. و ان شاء الله وليداتك يوصلو لأعلى المراتب.

    و عااافاك سمحيليا انت و كاع الناجحات حيت طولت بزااااااف.

    واقيلا غلبت السفيرة و انا لي غناخد جائزة اكبر ثرثارة ههههه


    دمتن رائعات 💖
    هههه لك الجائزة الكبرى تستاهليها
    بالعكس حبيتي غير خودي راحتك ثرثارتك ممتعة و تتعجبني نقراها 💖

    اترك تعليق:


  • ♡ ايمي ♡
    رد
    المشاركة الأصلية بواسطة المستغفرة من ربها مشاهدة المشاركة
    غالياتي في امان الله وحفظه
    غدا نكمل معكن التركيز والو خدمت العشية وكنحس بأعراض الرواح غير الله يحد الباس
    ما يكون عندك باس شيري شيغي..سيري ارتاحي و شربي شي كويس د الزعتر و تكمشي.. و الله يعينك 💖

    اترك تعليق:


  • تفراوت11
    رد
    المشاركة الأصلية بواسطة فراشة أنيقة مشاهدة المشاركة
    المنتدى تجنن يا ناااااااس وغيجنني معااااااااااااااه

    البنات واش خدام عندكم مركز التحميل ؟؟
    و اييه حتى انا حمقني مركز التحميل و لكن راه بانو عندك الصور ا الفنانة ديالنا

    اترك تعليق:

يعمل...
X