المستغفرة من ربها استاذتي الجميلة ها الواجبات. 🌹🌹
وعزيزاتي لي لقات شي واجب ناقص تنبهني الله ارحم بيها الوالدين.

قررت نبدا نجاوب فالبلاص واخا نكتب غي جوج كلمات لاني شحاااال من وحدة درت معاها الغلط كتكتب لي و كنقرا و نقول نجاوب ملي نسالي و نمشيييي ما نعقل اش قالت و لا فين كتبت لي و لا شكون هي اصلا هههه
اذن نبدا منك اليوم حبيبتي تفراوت 11 هههه قبل ما نعاود نزبلها ههههه.الله افرحك و اخليك ديما ضاحكة ناشطة ان شاء الله.توحشت لمتنا فقسم القرااااااااءة ♡♡♡♡يااااه زمااان!!!

اوووه حبيبتي..

قلبي معك..

عرفتي علاش سولتك؟ لأنني أحست أنك تريدين رؤية احلامك تتحقق في أبنائك!

شي حاجة مزيانة و زوينة بزاف بشرط ان أحلام وليداتك يكونو فعلا نفس أحلامك.. ماشي انت ضغطت عليك الحياة للتخلي عن حلمك و ضغطي انت على وليداتك باش يتخلاو على أحلامهم في سبيل تحقيق ما لم تحققه الأم العزيزة.

الله قادر على تحقيق احلامك برؤيتهم في أعلى المراتب.. و أحلامهم بإسعاد الأم التي أعطت من وقتها و طاقتها أكثر مما يجب بكثييييير!

و لكن مع ذلك ساقول لك.. اهدئي قليلا ☺

انا يااااانااااس و جليسة حداك

منين ختاريتيها هي بالضبط من بين كل داك السطور قلت مايكون غير شي قاسم مشترك هذا

وسبحان الله هاد القريعة بحالي تماما ملي ضعافيت غير نقصت الكريشة ومن الفوق ونصي لتحت بقى عندي المول الاصيلي هههههه والله حتى كنضحك ملي شفت ردك وكلهم تعجبو فيا
راه الا جيت نكتب ليك شنو تيقلقني راه الاستاذة غتقولي واش غير انت لكاينة واش عمرك شفتي ولدي خارج مع 4.وخاصو اوصل عندي مع 4.12وصلات 4.20كنت في المؤسسة ووجهي صفر وملي وصلت لقيت للاستاذ ديال الاجتماعيات قابط دفترو وتيوريه للثلاميذ وتيقوليهم هاكا يكون التنظيم وولدي تيقةلي ناما خليكي مطلعيش وانا طالعة تنجري في الدروج ودخلت للقسم على الاستاذ بقوة متنخاااف وتنتخلع عارفة راسي عيقت والله ولكن شنو ندير يمكن خيت مولدتش على سبع سنين حيت تكرفصت عاد ولدت يمكن حيت باهم متيكونش بزاف وتنخاف توقع شي حاجة وترجع ليا اللومة معرفتش علاش
بالنسبة ملي كنت كنقرا انا مستوايا هو الرابعة اعدادي يعني البروفي قديما كانت امنيتي نكون استاذة ديال الفرنسية وتنحماق على اللغة لحد الان باقي تنقرا لرومو وتيعحبني نخدم مع بناتي وولادي exp.ecriteتلقى راحتي ولكن للاسف المرض 🤒ديال الاب ديالي مخلانيش نكمل والموت ديالو اضطريت 🤧🤧🤧🤧نخرج وندير تكوين في الفصالة والخياطة وخدمت مدة 7سنين كنت رئيسة ورشة حتى تزوجت وجلست اختي ولكن الحلم ديالي باقي عندي في راسي وهو لتتحلم بيه ابنتي الاء عكس اسراء باغا تكون طبيبة والحمد لله سمحيلي طولت عليك احبيبتي الله اسهل امرك

لا تحتاجين للتعبير وصلتني لاني ايضا احبها وارتاح لسماعها