إعـــــــلان

تقليص
لا يوجد إعلان حتى الآن.

مرحبا بالناجحات 2

تقليص
هذا الموضوع مغلق.
X
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ♡ ايمي ♡
    رد
    المشاركة الأصلية بواسطة ام ياسين والياس مشاهدة المشاركة
    بالنسبة للواجب الاخر
    اشياء تتفرحني 😃😄
    ملي تيقولي راجلي انا باقي بعيد مثلا كان مسافر وحتى كيدخل عليا وكنكون في الدار جالسة وداري مجموعة نقية وموجدة الطبيلة لوليداتي تنفرح ملي تيدخل عليا واحد في ولادي وفي يدو نتيجة فرض فوق 16وتيقولي ماما قلعي شحال جبت
    تنفرح ملي تنفيق الصباح نصلي ونشرب قهيوتي وانا بوحدي كلشي باقي ناعس
    تنفرح ملي تتصب الشتاء ويكون الرعد وانا غادة نجيب ولادي وتنخبيهم من الشتاء
    تنفرح ملي تنسمع شي وحدة مكانتش تتولد وتقولي انا حاملة
    تنفرح ملي تنوصل وليداتي وتيعنقوني ويقولو ليا الله يخليك لينا اماما ودعي معانا 🤧
    والاشياء لتتقلقني بزاااااف منها
    اولا ملي تيجي مول الدار ويقولي راه غنسافر وخصوصا لبرا تنتقلق
    ولي كنتعصب على ياسين بالخصوص
    وتنتعصب الا لقيت شي حد تيهضر فيا 😡😡
    والحاجة لباغا نحيد مني هي منبقاش نسلم على لوسي وعلى رجال خوتي وبعض الاشخاص من عائلة زوجي معرفتش شنو ندير باش نوصل ليهم ميسلموش عليا
    والحاجة لكتعصبني بزاااف ملي تنكون فرحانة ندخل للمنتدى ويقولو ليا معطل راه تنتعصب وشكرا وسمحولي طولت عليكم راه كلشي تيقلقني وكلشي تيفرحني
    هههه عجبني تعاطيك مع الواجبات حبيبتي.. الغريب هو ان الأسلوب ديالك لي ما عاجبكش و لي كان مخليك متأخرة علينا هو بالضبط ما يميزك! كيعجبني بزااااف نقرا ليك.. كنحس بواحد العفوية عجيبة ..

    كنت سولتيني واحد المرة على هاد الاهتمام الزائد لي عندك بدراسة وليداتك و كل مرة تنقول غادي ندخل نجاوبك و حتى كنخرج عاد نتفكر.. آسفة عزيزتي.. المهم.. غنقوليك رأيي..


    الوالدين بحالك قلالو بزاف.. كاين لي غي تيدخل ولدو لمدرسة خاصة و كيدفع فلوس صحيحة كيقول صافي راه الاساتذة تما و هوما غادي يديرو الدور ديالهم و الا علاش انا تنخلص فلوسي؟ و كاين لي تيدخل ولادو لمدرسة عمومية و كيقول على مالنا حنا شكون لي كان يخدم معنا؟ ياك قرينا بلا ما يحسو بينا واليدينا!

    و لكن جيل اليوم مختلف تماااااما! سواء كانو تيقراو فالعمومي او الخاص تيبقاو محتااااجين المتابعة و تيبقى الدور ديال الأسرة لا غنى عنه.. لأن هاديك الرغبة و الحماس لي كان عند جيلنا حنا، بحكم ان المدرسة كانت الوسيلة الوحيدة لبلوغ المعرفة، و بحكم أنها كانت كتزرع فينا قيم و أخلاق لي كنا نخرجو برا أسوار المدرسة و كنلقاوهم فلمة الجارات و تفاهم الأهل و الأحباب و فرزانة الشباب.. هداك الزمن الجميل ولّى للأسف الشدييييد.

    دابا الأطفال و الشباب.. بل و حتى الرضع.. اصبحوا يتقنون التعامل مع الوسائط التكنولوجية.. و المحتوى صار الوصول إليه أسهل فأسهل.. و رجعت هاديك الساعتين لي تيدوزوها التلاميذ فقسم مع شي مادة تدوز عليهم و كأنه عمر! لانه و في عصر السرعة.. ساعتين على وسائل التواصل الاجتماعي كيجمعو منها ما جمعت انا من العربي و ماجد طيلة سنة!

    و بالتالي رجع عندنا فالمدارس ٣ انواع من التلاميذ:
    - النوابغ.. لي خاصهم غي دفيعة.. لي أصلا وكان جاو فزماننا كانو غيكونو مهتمين بدراستهم فجميع الأحوال.. و لي لحسن حظهم.. التكنولوجيا و الانترنت زاد من قدراتهم و سهل عليهم المهمة و زاد وسع آفاق البحث و المعرفة أمامهم. و هادو ممكن يقراو بلا ما تتدخل الأسرة اللهم إلا للتشجيع على بذل المزيد.

    - المتلككون ههههه .. هادو أذكياء و لكن معيكيزين.. ممكن يعطيو و لكن ما فيهم ما يخدم.. كيبغيو ماقل و دل.. يبغيو يتعلمو و لكن ملي يقولو ليك صافي باراكا علينا.. ما تحاوليش تزيديهم حيت غي غضيعي طاقتك معاهم.. اذن الحل معاهم هو تستغلي اللحظات لي كيكون عندهم استعداد.. و تشجعي و تمدحي و تدللي.. و توعدي بحسن الخاتمة.. يعني ديري لي عليك باش على الأقل ما ينزلوش للفئة الثالثة ههههه

    - لي ما مسوقينش أبدا! هادو موجوووودين.. يعني طيري نزلي.. شجعي.. علمي بالغنا.. علمي بالرسم.. خرجي برا القسم و فرشي فالأرض.. خدمي التكنولوجيا خدمي بالمحبرة و بالريشة.. تيقولو ليك ما تحاولييييش! عطيني غي مساحة خاصة نسرح فيها بأفكاري هههه و لك أن تتخيلي مدى تلك الأفكار. هادو بالنسبة لي و الله غالبا ما يكونون ضحايا! ضحايا مجتمع، ضحايا أسر، ضحايا أساتذة هدموا أكثر مما كان يجب ان يبنوا! ضحايا تطور أسرع مما استطاعوا استيعابه. و هادو للأسف الشديد غالبا ما ينتهي بهم الأمر داخل ورشات الحرفيين في أفضل الأحوال.

    أما أنت.. و الأمهات امثالك.. زادكن الله من فضله و كرمه.. محاربات.. باغيين وليداتكم يطلعو للقمة.. و من حقكن.. و الله يحقق كل أحلامكن/أحلامهم.. و لكن .. ديري غي لي فجهدك.. ما ديريش اكثر.. هادشي لي غنقوليك.. اه.. راجعي معاهم.. اه يعرضو عليك.. و اه وقفي على كاع واجباتهم الاسبوعية.. و لكن ماشي ملي يجيبو 14 فشي فرض تسواد الدنيا فعينيك! أو ملي يلقاو صعوبة في فهم شي مادة او شي موضوع تنساي ليهم المواضييييييع لي فهموها بكل سهولة و بلا ما تعدبي معاهم.. ديما ديري فبالك "اللهم لا تحملنا ما لا طاقة لنا به" ..

    نعطيك مثال: انا فالقسم عندي الثالث فرنسية.. ملي كنهدر معاهم و ننسى راسي و نطوووول شي جمل وحدة مور الاخرى بالفرنسية حتى كيفيقني السكات لي حل فجأة.. كنقول مع راسي؟! اش كديري يا ايمان!؟ زعما لو انهم يهزوني انا لي كبيرة و يحطوني فقسم ديال اللغة الكورية و تنوض الاستاذة تشد الهدرة معانا شي دقيقة ولا 2 باللغة الكورية.. شحال كاع غنفهم من داكشي لي قالتو؟! و هانا بغيت نفهم كيفاش ندير نسولها بالكورية و انا يلاه تعلمت الحروف و النص ديال الحروف باقي كيتلف لي؟! ملي كنحط راسي فبلاصتهم كنعتذر منهم.. و كنعاود و غي بشوية و غي بالكلمات البسيييطة لي تيعرفو.. و شي مرات كنلجأ للرسم.. للصور.. للفيديوهات.. المهم ننزل لمستواهم باش نطلعهم عندي.. ماشي نطلع الفوق و نقوليهم لحقوني.

    حتى انت حبيبتي.. رخفي شوية على راسك.. ملي تلقاي راسك كتعصبي و كتوتري.. بدلي ساعة بأخرى. و ان شاء الله وليداتك يوصلو لأعلى المراتب.

    و عااافاك سمحيليا انت و كاع الناجحات حيت طولت بزااااااف.

    واقيلا غلبت السفيرة و انا لي غناخد جائزة اكبر ثرثارة ههههه


    دمتن رائعات 💖

    اترك تعليق:


  • فراشة أنيقة
    رد
    المنتدى تجنن يا ناااااااس وغيجنني معااااااااااااااه

    البنات واش خدام عندكم مركز التحميل ؟؟

    اترك تعليق:


  • فراشة أنيقة
    رد
    -١٢-١٦ ١٧.١٨.٣٠.jpg
    _١٩٠٤٢١.jpg

    اترك تعليق:


  • فراشة أنيقة
    رد
    -١٢-١٦ ١٧.١٨.٣٠.jpg
    استاذتي قلت لينا ابدعن وهانا ابدعت خخخخ هاد العشية استمتعت وانا ارسم هذا الكأس وعنونت ورقتي الجديدة ب:"رشفات من السعادة " سأتمم كتابة الواجب الآن بإذن الله ,,سأكتب داخل الكأس كل ما يسعدني والى ما كفانيش كاس نزيد كاس آخر عطا الله الخير ههههه

    اترك تعليق:


  • زهرة الكاردينيا
    رد
    المشاركة الأصلية بواسطة زهر البنفسج مشاهدة المشاركة

    ادام الله سعادتك..
    نتشابه كثيرا فيما يحزننا او مالا نحب فلنشجع بعضنا لنتخلص منها
    واياك زهرتي
    ايدي على ايديك

    اترك تعليق:


  • ام ياسين والياس
    رد
    بالنسبة للواجب الاخر
    اشياء تتفرحني 😃😄
    ملي تيقولي راجلي انا باقي بعيد مثلا كان مسافر وحتى كيدخل عليا وكنكون في الدار جالسة وداري مجموعة نقية وموجدة الطبيلة لوليداتي تنفرح ملي تيدخل عليا واحد في ولادي وفي يدو نتيجة فرض فوق 16وتيقولي ماما قلعي شحال جبت
    تنفرح ملي تنفيق الصباح نصلي ونشرب قهيوتي وانا بوحدي كلشي باقي ناعس
    تنفرح ملي تتصب الشتاء ويكون الرعد وانا غادة نجيب ولادي وتنخبيهم من الشتاء
    تنفرح ملي تنسمع شي وحدة مكانتش تتولد وتقولي انا حاملة
    تنفرح ملي تنوصل وليداتي وتيعنقوني ويقولو ليا الله يخليك لينا اماما ودعي معانا 🤧
    والاشياء لتتقلقني بزاااااف منها
    اولا ملي تيجي مول الدار ويقولي راه غنسافر وخصوصا لبرا تنتقلق
    ولي كنتعصب على ياسين بالخصوص
    وتنتعصب الا لقيت شي حد تيهضر فيا 😡😡
    والحاجة لباغا نحيد مني هي منبقاش نسلم على لوسي وعلى رجال خوتي وبعض الاشخاص من عائلة زوجي معرفتش شنو ندير باش نوصل ليهم ميسلموش عليا
    والحاجة لكتعصبني بزاااف ملي تنكون فرحانة ندخل للمنتدى ويقولو ليا معطل راه تنتعصب وشكرا وسمحولي طولت عليكم راه كلشي تيقلقني وكلشي تيفرحني

    اترك تعليق:


  • المستغفرة من ربها
    رد
    السلام عليكم فرحتي لا توصف بكن اليوم
    كدت اخسر تلميذة نابغة بنفسجة
    لي عودة

    اترك تعليق:


  • ♡ ايمي ♡
    رد
    المشاركة الأصلية بواسطة زهر البنفسج مشاهدة المشاركة

    كلماتك بلسم سبحان الله.. حبيبتي لا حرمني الله منكن ومن مجمعكن احبك في الله واسأل الله لك التوفيق والسداد ♥️


    و لك حبيبتي 💖

    اترك تعليق:


  • ♡ ايمي ♡
    رد
    مساء الطمأنينة أيتها الراقيات 😙

    قبل أن أخلد إلى النوم مساء البارحة خططت بعض ما جال بخاطري بنبراس الباسمة.. و هذا جزء منه:




    كثيييييرة هي تلك اللحظات و الأحداث التي تملا قلبي سعادة.. و سيكون جحودا أن أخص إحداها بالذكر دون الأخرى لذلك تركت صفحتين فارغتين قبالة الصفحة التي بدأت الكتابة فيها و ذلك لكي أعود إليها كلما تذكرت شيئا يسعدني..

    و مما كتبت:

    تغمر السعادة قلبي حين :

    ❣يقول لي أحدهم أنني ساعدته على تحسين شعوره أو مزاجه..

    ❣ يحل فصل الشتاء و أستخرج معاطفي و جواربي الدافئة ..

    ❣يفاجئني تلاميذي بأجوبة تدل على أنني حزت انتباههم للحظات..

    ❣ ألتف بغطاء أغدقت الشمس أشعتها الدافئة عليه..

    ❣ أعد كأس شوكولاطة ساااخنة (على أن تكون نسبة الكاكاو في الشوكولاطة تتعدى 70% ههههه)

    ❣ أتلقى هدية..

    ❣ألتقي بأهلي و أحبابي..

    ❣ يلتف حولي أطفال العائلة و يغرقونني قبلا و عبارات شوق و حب..

    ❣أمسك بيد زوجي و نحن نمشي سوية..

    ❣ أنهي عملا كان يبدو لي مستحيلا إنهاؤه في أجله..

    ❣أتعلم لغة جديدة و أكتشف أنني فعلا صرت قادرة على التواصل بها و لو لبعض الهنيهات ههههه

    ❣ أشرب الماء!!! هههه نعم نعم.. فأنا أعشق الماء!

    ❣❣❣❣❣....❣❣❣❣❣



    و الآن .. إلى الجزء المظلم من ايمي.. الجزء الذي لا أحبه و يحزنني و يوترني..

    حسنا.. لنر :

    😥 لم اتمكن إلى اليوم من تسطير planning يومي للمهام التي يجب عليها إنهاؤها.

    😥 أفتح الكمبيوتر لأشتغل عليه.. فأبدأ بحملة نظافة (مسح الملفات التي لم أعد في حاجة إليها).. فأجدني جدا متأخرة في إنهاء العمل الذي قمت بفتح الكمبيوتر لأجله أساسا.

    😥أنام في وقت جد متأخر.

    😥 قليييلا جدا ما أتمكن من أداء صلاة الفجر في وقتها.

    😥 الاتصال ببعض أفراد عائلتي أصبح نادرا و أستحيي من نفسي حد الامتعاض حين يهاتفني أحد أخوالي!!!!


    أرجو أن أتمكن من القضاء على هذه النقط السوداء.. ربما على يديك شيري شيغي المستغفرة من ربها 💖

    اترك تعليق:


  • ام ياسين والياس
    رد
    مساء النور البنات 🌺
    بسم الله الرحمان الرحيم بالنسبة لواجب الامتنان سمحيلي متاخر
    انا ممتنة على نعم الله
    ممتنة على ديننا الاسلام
    ممتنة على احسن ام وعلى احسن طفولة دوزت معاها
    ممتنة على التربية لتربيت وعلى الحنان لتعلمت من اعز اب الله يرحمو 😭🤧 ويوسع عليه
    ممتنة على زوجي ورفيق دربي ❤❤❤❤❤❤
    ممتنة على انني لبغيتو خديتو 😊😊😘😘👰
    ممتنة على انا امنيتي تحققات
    ممتنة على وليداتي وبناتي لبكيت وطلبنت من الله غير نسمع كلمة ماما 👨‍👩‍👦‍👦👭
    ممتنة على الرزق لجا مع ولادي
    ممتنة على صحتي وعل الرشاقة لوصلت ليها
    ممتنة على دخولي لهاد المنتدى بالصدفة وحتى لقيت راسي فيه
    ممتنة على تعرفي عليكم ومنكدبش ترتاح ملي تندخل وتلقى رساءل منكم
    ممتنة على الويفي لتيخليني نشوفكم
    ممتنة على وليداتي لتيشوفوني متكية تيقولو لي ماما مالك مريضة
    ممتنة على رجليا على عينيا على يديا ممتنة على كل شيء في هاد الحياة والحمد لله على كل حال وممتنة على اختي شريفة لخلاتني في المسابقة 💋

    اترك تعليق:

يعمل...
X