ArabicEnglishFrenchSpanish

إعـــــــلان

تقليص
لا يوجد إعلان حتى الآن.

النظام الغذائي الصحي المتوازن لفقدان الوزن و الحفاظ على الرشاقة بدون حرمان /ج 104

تقليص
هذا الموضوع مغلق.
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اخت لطيفة
    رد
    المشاركة الأصلية بواسطة ام موري مشاهدة المشاركة
    السلام عليكم جميعها
    البنات راكم مفهمتونيش مزيان
    القضية الاولى زوجي شهر واسبوعوهو غايب معارفنيش دايرة الرجيم طالب مني شهيوة مقدرتش نعرس ليه خاطرو راه كن كان عارف معليش وهاد القضية ديال الرجيم راها اول مرة تدخل لدارنا فعشرة ثمان سنوات
    العشا الاول غنكون معاه لاني مضطرة وغنحاول يكون بكري
    كل وحدة فيكم تحسب نفسها مضطة امام ضيف معارفش بقصة ريجيمك واش غتحطيلو العشا وترجعي اللور مايمكنش وعيب هذا ماهو فالعرف المغربي وحتى لو تعزلي املك عيب
    أخف الضررين تشاركي ولو بالقليل
    او كيما قالت الاخت لطبفة تاكلي شوية وبنفس الشدق
    كلكم قلتو ما فيها تاقلم لانو ازواجكم تعودو دابا
    اما لا جينا للبداية غنلقاو الصعوبات تختلف من واحدة لأخرى
    انا مزال فالبداية وبالنسبة لزوجي يومي الاول غيكون بعدما بجي ماشي نهار لي يجي نصطحو بطباسلي

    والقضية الثانية قلتو ليا اليوم المفتوح هو غدا مع زوجي
    لا البنات راني ماجبتهاش من راسي راه فالورقة عندي وحبة مفتوحة فالبوم الثالث وحتى اليوم السابع فهاد الاسبوع فيه وجبة مفتوحة
    ​​هادشي راه جاي منعندهم
    لي بغيت نفهمكم هو اني الاكل لي فالنظام مغنخرجش عليه راه الوجبة لي عاطين هي نيت لي غنطيب لزوجي سبحان الله وكاينة من ضمن الخيارات
    سكرا لكن جميعا حيت باغين ليا غير الخير
    ولكن عندي ظرف
    نفوتو وغنمشي مع النظام ان شاء الله
    وفالاسفل غنحط ليكم الصورة ديال الورقة باش تشوفو بلي فيها وجبة مفتوحة
    سلمى حبيبتي فهمتك اختي وشوقتيني نعرف الوجبة لي غديطيبي ههه ديري لي يخرجك ويريحك راه الراحة النفسية حتى هي عندها دور في نظامنا باش تحسيش باحباط من الاول
    تعرفي تخيلت موقفك وعندك الحق تحيري خاصة النظام اول مرة يدخل لدارك هه خودي الوجبة مع الزوج المهم يلقاك مستقبلاه بكلشي واهم شيء يلقاك فرحانة وسعيدة بيه وراه حشومة تتساطحي معاه بطباسلك غدي يجيه الامر غريب وعجيب ويقدر تبقاي فيه ويشوفك حامة راسك ويكون عندو راي مخالف لهدا شوية بشوية عليه حتى يولف الوضع الجديد
    الميزان نفسه غدي يوقف معاك هه ان شاء الله
    خودي راحتك ومتخافيش كلشي غدي يكون تمام ان شاء الله

    اترك تعليق:


  • Miss Wafa
    رد
    فطور: بيضة مسلوقة، شاي بملعقة حليب دسم

    الغدا و العشاء: نفس الوجبة مكررة
    -خضر متنوعة مطهوة بنص م.ص زيت زيتون (كرنب، جزر، طماطم، بروكلي، فطر بني, سبانخ)
    - صدر دجاج مسلوق
    - شوية بصل ني
    ​​- مشروب غازي دايت

    سناك: 2 شاي بملعقة حليب دسم و ملعقة كولاجين، شاي بالنعناع

    مشي 30 دقيقة

    اترك تعليق:


  • Miss Wafa
    رد
    المشاركة الأصلية بواسطة ام موري مشاهدة المشاركة
    البنات بغيت نسولكم واش ولاو عندكم الترهلات بعد فقدان الوزن

    وبالنسبة للميزان ففترة الحيض واش كيكون مزيان
    انا شخصيا لا, لكن مازال عندي بزاف ننزلو و ما قربتش للمثالي
    خاص ضروري البروتين و تمارين المقاومة لتجنب الترهلات ما امكن
    خاصة الى عندك مناطق فالجسم لي كيخزنو الدهون بزاف, هادوك هما المناطق لي عندهم احتمال الترهل بشكل كبير
    انا عندي الجناب ديال الجسم كيخزنو الدهون و الافخاد الداخلية
    كندير تمارين بشكل مستمر و لاحظت فرق زوين
    و مع الاستمرارية و كلما الكيلوات كينزلو, ان شاء الله غدي يكون الشكل ديالهم مقبول مني نوصل الوزن المطلوب

    هو يمكن الميزان يطلع كيلو ولا جوج فالايام الاولى ديال الدورة ولا يومين قبل الدورة ما تبدى, على حسب الجسم ديالك فوقاش كيشد فالما.
    نتيا وزني و الى لاحظي ثبات ولا زياده بسيطة ما تتقلقيش و عرفي انه غير جسمك شاد فالما خاصة الى راكي ملتازمة
    انا الجسم ديالي مكيزيدش اثناء ايام الحيض و انما ففترة التبويض و يومين قبل الدورة ما تبدى الوزن ديالي كيتزاد كيلو ولا جوج, غير كدوز ديك الفترة كيطيحو دقة وحدة

    اترك تعليق:


  • ام موري
    رد
    البنات بغيت نسولكم واش ولاو عندكم الترهلات بعد فقدان الوزن

    وبالنسبة للميزان ففترة الحيض واش كيكون مزيان

    اترك تعليق:


  • ام موري
    رد
    تقرير اليوم

    الافطار: ربع خبزة صغيييرة قمح كامل وشوية العسل وكاس حليب خالي الدسم

    صيام 5 ساعات

    غداء: صدر دجاج سلطة طماطم خس وخيار وزعلوك خضار جزر وكورجيط ولفت وطماطم

    سناكس: كاسي شاي النافع

    عشاء: 3 حبات فواكه تفاحة نصف موزة برتقالة الا ربع

    وماااااء 3 لتر
    وعمال منزلية متعبة

    وكيجاكم هادشي



    واشفتو كيف راني منضبطة هادي 3 ايام الفرتيتة متدوز اللهم بارك

    اترك تعليق:


  • ام موري
    رد
    مرحبا اختي حياة واختي ام مروان نورتو
    شكرا على الاجابة وبلا اعتذار بالعكس فرحت لي جيتي تفيدينا بتجاربك
    وهاد بديت فالنظام مكرهتش متبخليش عليا

    اترك تعليق:


  • ام موري
    رد
    السلام عليكم جميعها
    البنات راكم مفهمتونيش مزيان
    القضية الاولى زوجي شهر واسبوعوهو غايب معارفنيش دايرة الرجيم طالب مني شهيوة مقدرتش نعرس ليه خاطرو راه كن كان عارف معليش وهاد القضية ديال الرجيم راها اول مرة تدخل لدارنا فعشرة ثمان سنوات
    العشا الاول غنكون معاه لاني مضطرة وغنحاول يكون بكري
    كل وحدة فيكم تحسب نفسها مضطة امام ضيف معارفش بقصة ريجيمك واش غتحطيلو العشا وترجعي اللور مايمكنش وعيب هذا ماهو فالعرف المغربي وحتى لو تعزلي املك عيب
    أخف الضررين تشاركي ولو بالقليل
    او كيما قالت الاخت لطبفة تاكلي شوية وبنفس الشدق
    كلكم قلتو ما فيها تاقلم لانو ازواجكم تعودو دابا
    اما لا جينا للبداية غنلقاو الصعوبات تختلف من واحدة لأخرى
    انا مزال فالبداية وبالنسبة لزوجي يومي الاول غيكون بعدما بجي ماشي نهار لي يجي نصطحو بطباسلي

    والقضية الثانية قلتو ليا اليوم المفتوح هو غدا مع زوجي
    لا البنات راني ماجبتهاش من راسي راه فالورقة عندي وحبة مفتوحة فالبوم الثالث وحتى اليوم السابع فهاد الاسبوع فيه وجبة مفتوحة
    ​​هادشي راه جاي منعندهم
    لي بغيت نفهمكم هو اني الاكل لي فالنظام مغنخرجش عليه راه الوجبة لي عاطين هي نيت لي غنطيب لزوجي سبحان الله وكاينة من ضمن الخيارات
    سكرا لكن جميعا حيت باغين ليا غير الخير
    ولكن عندي ظرف
    نفوتو وغنمشي مع النظام ان شاء الله
    وفالاسفل غنحط ليكم الصورة ديال الورقة باش تشوفو بلي فيها وجبة مفتوحة

    الملفات المرفقة

    اترك تعليق:


  • نجوم الليل
    رد
    على الريق الماء
    الفطور
    زوج توست صغار تقريبا 40 غ،، و شوية عسل
    حليب لينيا مغلي مع زعيترة و ضفت ليه قرفة و شوية عسل
    تقريبا ملعقة عسل قسمتها على الحليب و التوست

    الغذاء من بعد اكثر من خمس ساعات
    سلطة كرمب محكوك ضفت ليه جبن رجيم خل تفاح كمون نصف ملعقة زيت زيتون،، و خلطت باش يرطاب و ما يبقاش يابس
    طماطم مع فلفلة خضراء مشوية
    خضر مطبوخة: ذنجال، بسباس، كرعة خضراء، لفت اصفر و ابيض
    صدر دجاج طايب بطريقة صحية بدون زيوت

    سناك
    تفاحة

    مللي حطيت الگوتي خديت معاهم كاس اتاي مسوس

    العشاء
    دانون لينيا مع حامض

    الماء خديت ما يكفي و مزال نزيد شي شوية

    الرياضة مادرتهاش دركني الوقت

    اترك تعليق:


  • نجوم الليل
    رد
    المشاركة الأصلية بواسطة مغرب السلام مشاهدة المشاركة
    تقرير اليوم الاول من التحدي تالت

    على الريق م.ص عسل نحل و كاس ماء دافي

    الافطار

    السناك

    حليب بالقرفة



    سناك


    العشاء



    الرياضة شي حركات فالبيت

    الماء لترين
    سعاد واش رسلتي تصاور؟؟ مابان عندي والو
    عاودي كتبي الى جات على خاطرك باش نعرفك شنو كليتي؟؟

    اترك تعليق:


  • مغرب السلام
    رد
    اضغط على الصورة لعرض أكبر.

الإسم:	
مشاهدات: 0
الحجم:	49.8 كب
الهوية:	17936434
    التعديل الأخير تم بواسطة اخت لطيفة; الساعة 27-01-2020, 23:44.

    اترك تعليق:

يعمل...
X