ArabicEnglishFrenchSpanish

إعـــــــلان

تقليص
لا يوجد إعلان حتى الآن.

حلمتين ديالي فيهم فطريات وديما مفلحين 3شهور درضاعة وباقة تنعاني مخليت تبومادة عتقوني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    حلمتين ديالي فيهم فطريات وديما مفلحين 3شهور درضاعة وباقة تنعاني مخليت تبومادة عتقوني

    انا 3شهور مكملات باش ولدت وتنرضع بنتي وللاسف بزلزلي ديما مفلحين ومبغاوش يبراو درت بزاف البومادات وخسرت فلوس بزاف ومع ذلك مبراوش للاسف ودوزت وقالي طبيب فيك الفطريات فريوس بزازلك وملتاهبين ششي لي خلا دك التفلاح متيبراش وخرج لي لالكول كليسيرين باش نعقمهم وبومادة ميبو .. لكني ملقيتش ميبو حيت مقطوعة ...وخديت بوماضات اخرين عطاهم لي مول فرمسيان بزاف لكن دون حل ودابا سببت لي رضاعة كتئاب فيما نبغي نرضع خصني نخمم ونخمم للالم لي تنعرض ليه اثناء عملية الرضاعة ...ونتمنى من كل ام ديجا كانو فيها فطريات الحلمات وكانت بحالي ولقات صعوبة فالتئام الجروح ولقات الدوا الصح تنفعني بيه الله يجازيكم بيخير ...
    وراني درن الوصفات الطبيعية من زيت زيتون وعسل حر وزيت اركان وزبدة بلدية وحليبي تهوا وعلد البوماضات ووالو
    • WhatsApp

    #2
    السلام عليكم اختي الله يتبث الاجر والثواب
    كنت مريت بنفس التجربة فبنتي الاولى لدرجة كل ما نعطيها ترضع كنشبع بكاء بالألم
    مخليت ماجربت وبوماد ومضاد حيوي وشلا تخربيق آخر ولكن الحل الوحيد اللي لقيت بيه شريت مصاصة ديال الحليب كنقص الحليب شويا باش تعرف البنت تشد راس البزولة لان هذا هو أساس المشكل البيبي مكيعرفش يرضع وبالتالي الراس ديما قاسح ومقسح بالرضاعة
    بالإضافة إلى الزيت البلدية وقطعة بلاستيك كندهن راس البزولة بالزيت ونغيطيه بالبلاستيك باش يبقى رطب وهكذا حتى تعلمات بنتي ترضع وارتاحيت
    ومرة مرة كنكمدهم بفوطة سخونة باش مايتحجرش الحليب لأنه كان كيديرلي السخانة
    واي سؤال مرحبا

    تعليق

      • WhatsApp

      #3
      ماجورة حبيبتي فكرتيتي حتى انا وقعلي هكاك ديما دايزين بدم ملي اجبد ولدي بحال لا كيجبد ليا عروق راسي وحتى انا جاتني الكابة مشيت لطبيب قالي دينهم بزيت اللوز والمرأة خاصها قبل متولد تبقا دهنهوم بزيت اللوز باش ميتشقوش ليها وديري المصاصة داك الحليب عطيه لبنتك فرضاعة وداوي وراه كما قالت ليك المستغفرة كمديهم بفوطة مفزكة بماء سخون كنت كنرتاح بيها والله اشافيك كولشي افوت

      تعليق

        • WhatsApp

        #4
        في ولادتي الاولى وقع لي هاكاك كنت نبكي وانا نرضع . مشيت عند طبيب الحوما و خرجلي غير الفازلين الطبي هاداك لي على شكل بوماض ووافقني نمسح الحلمة بماء دافئ و نشفها و ندهنهم و فين ما بغيت نرضع نظفهم بماء دافئ عاد نعطي لبنتي ترضع و بمجرد ما تكمل الرضاعة نظفهم و ندهنهم و هاكدا طيلة اليوم حتى براو .

        تعليق

          • WhatsApp

          #5
          المشاركة الأصلية بواسطة ميارر مشاهدة المشاركة
          انا 3شهور مكملات باش ولدت وتنرضع بنتي وللاسف بزلزلي ديما مفلحين ومبغاوش يبراو درت بزاف البومادات وخسرت فلوس بزاف ومع ذلك مبراوش للاسف ودوزت وقالي طبيب فيك الفطريات فريوس بزازلك وملتاهبين ششي لي خلا دك التفلاح متيبراش وخرج لي لالكول كليسيرين باش نعقمهم وبومادة ميبو .. لكني ملقيتش ميبو حيت مقطوعة ...وخديت بوماضات اخرين عطاهم لي مول فرمسيان بزاف لكن دون حل ودابا سببت لي رضاعة كتئاب فيما نبغي نرضع خصني نخمم ونخمم للالم لي تنعرض ليه اثناء عملية الرضاعة ...ونتمنى من كل ام ديجا كانو فيها فطريات الحلمات وكانت بحالي ولقات صعوبة فالتئام الجروح ولقات الدوا الصح تنفعني بيه الله يجازيكم بيخير ...
          وراني درن الوصفات الطبيعية من زيت زيتون وعسل حر وزيت اركان وزبدة بلدية وحليبي تهوا وعلد البوماضات ووالو
          الله يشاافيك ياارب و يجعلها مغفرة للذنووب
          مادام الطبيب قال ليك انه كاينة فطرياات البوومادا مغديير واالو اختي تبعي الطبيب لي عطااك الطبيب و غالبا غيعطيك انتيبيوتيك تبعييه اختي لان علاج الفطرياات كيطول بزاااف

          و حااجة اخرى عاوني بها هي نقصي من السكريااات خااصة اذا كنتي من عشاق الحلاوة نقصي منها بزاااف لان فطرياات الجسم كتغذى عليها و كتزييد تكتر و صعيب تعالج
          اذن من بين الحلول نقصي السكر اذا كنتي كتاكليه من ماكلتك

          ثاني حااجة الملابس الداخلية ديالك بدليهم في كل وقت وغسليهم بالمااء السخوون و شمشيهوم مزياان

          سؤاال .. واش بنتك مبانووش ليها حبيبات بويض في فمها ؟؟؟ حيت هاذ العلامة ايضا كتكوون من اعراض فطريات الثدي

          و مرة اخرى الله يشاافيك و الله يتقبل منك و يجعلها مغفرة للذنووب يارب
          إذا غبت عنكن ولم تروني ... هذه مشاركاتي فتذكروني وإن طــالت مدة غيـــابي... فدعواتكن لي ولا تنـســوني وإذا بلغكن خــبر وفــاتي ...فأسترجعوا الله وأستغفرن لي ولا تبخلن علي اخواتي بدعواتكن...
          لعل الله أن يغفر لي ذنــوبي

          تعليق

            • WhatsApp

            #6
            وحاجة اخرى اختي ردي البال لوضعية الرضاعة لي كديري حييت حتى هي كتلعب دور كبيييييييير في التخفيف من الالم
            شوفي فيديوهات ديال اخصائيين الرضاعة في اليوتيووب و قادي الوضعية حتى هي كتساعد باش ميبقاش الالم

            و كنت قريت شي ناس كانو يديرو اوراء الكرنب ( المكور ) على الثدي و كتليق ليهم و بزااف دالنااس شكروهم لكن مجربتهاش


            مرة اخرى الله يخفف عليك اختي
            إذا غبت عنكن ولم تروني ... هذه مشاركاتي فتذكروني وإن طــالت مدة غيـــابي... فدعواتكن لي ولا تنـســوني وإذا بلغكن خــبر وفــاتي ...فأسترجعوا الله وأستغفرن لي ولا تبخلن علي اخواتي بدعواتكن...
            لعل الله أن يغفر لي ذنــوبي

            تعليق

              • WhatsApp

              #7
              جربي البومادا الصفرا ديال العينين معقمة و مرطبة فنفس الوقت وبقاي تمسدي فيهم بشوي بشوي باش يرطاب.
              الله يشافيك

              تعليق

                • WhatsApp

                #8
                سلام اختي حتى انا مريت بنفس المعانات كنرضع ودموعي هابطين مخليت مدرت اوالو لمهم جربي بوماد العينين فازلين وغنقولك اش دارت بنت خالتي جربي على الله حينت كل وحدة وعلاش كيجيها الشفاء خودي الحنة دقوقة ماشي ديال الباكية وديري فيها شوية الزيت البلدية وخلطيها بشوية الماء ودهني الحلمات والجوانب حاولي تعطي لولك يرضع ينعس داوي بنت خالتي سيمانة فاتها الحال او جري بالمصاصة عطيه يرضع وانتي داوي انا بنتي 8 شهوور ومرة مرة كيقتلوني للاسف بنتي مكتشدش الر ضاعة كنداوي دغية خصني نغسل لمهم جربي والله يسمح لينا من الوالدين

                تعليق

                  • WhatsApp

                  #9
                  حبيبتي شري ديك المصاصة د الحليب وخرجي الحليب وتبقي تعطهلها ا دري زيت الزيتون تسخن وشدي قطن وتبقي دري فق دوك الفلحات وتكمدي وخا تجيك سخونة غي صبري ودري كمادات منها فق الثدي وخليهم
                  انا هدشي لدرت ثلاثة ايام مبقاوش مفلحين والالم قل وحتى ديك القشرة لكتجمع فالجرح كترتاب وكتزول وحتى الحليب عصري شوية الثدي ودوزي عليه به راه حتى هو بحال معقم ضد الالتهاب.. وحاجة اخرى ردي البال ربما تكوني كتعطي رضيعك الثدي بطريقة خاطئة هي لسببت ليك داكشي لازم تكون الحلمة وديك الدائرة كلها في فم الرضيع...

                  تعليق

                  يعمل...
                  X