ArabicEnglishFrenchSpanish

إعـــــــلان

تقليص
لا يوجد إعلان حتى الآن.

معقم لك ولبيتك واهلك من وباء الكورونا

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    معقم لك ولبيتك واهلك من وباء الكورونا

    السلام عليكم ورحمة الله وبركاته




    تحية طيبة اخواتي ونسال الله العفو والعافية

    اخواتي جبت لكم واحد المعقم طبيعي من الاعشاب لي عندو البرد او كحة ناشفة او خاوية او كتحس بالتنفس ديالها ضيق او حساسية او الدار فيها رطوبة وخاصة في ظل هاذ الموجة لي كنمروا منها مع وباء الكورونا وكما تيقول المثل الوقاية افضل من العلاج لهذا وجب علينا باش نحاربوا ونشمروا ضدو بكل الوسائل وعليه فهاذ المعقم بسيط ولكن النتائج ديالو جد رائعة وملموسة كطهر البيت وتعقمو من الجراثيم ما نطولش عليكم ونخليكم مع طريقة هاذ الاعشاب


    غرضنا بواحد الكوكوط تكون حجم كبير المهم حسب الموجود وصافي المهم كوكوط بالصفارة ديالها

    نعمروها بالماء تقريبا 3/4 ونهزوا من كل عشبة شوية شوية

    الخزامى
    الشيح
    حبيبات القرنفل
    حامضة مقسومة طريفات
    البابونج
    خلجلان
    العرعار
    النعناع
    ازير
    ورق سيدنا موسى
    الزعتر
    اوراق الزيتون
    اوراق الكالبتوس
    الكامون الصوفي
    كلشي يدار في الكوكوط ثم سديها وديري الصفارة ونزليها فوق العافية وخليها ملي تبدا تصفر راك غادي تشمي ريحة الكوزينة كلها اعشاب زكية وكتشرح النفس خليها دور مزيان شوية طفي العافية وهزي الكوكوط وحيدي الصفارة في بيت الجلاس ودوري في الدار كلها والى بردت لك وبغيتي مزال البخار ما عليك غير تعاودي تغليها وكري نفس العملية راه كلشي غادي يحس بريحة الجو سبحان الله من بعد خلي هذاك الماء حتى يبرد وصفيه وضيفي عليه جافيل والماء وجفي به الدار هكذا غادي تكوني سامهتي في تعقيم دارك وفي علاج التنفس والرطوبة الى في البيت واسال الله تعالى ان ينزل رحمته على عباده .

    لا تنسوني من صالح الدعوات ولكن بالمثل وزيادة





    • WhatsApp

    #2
    الله اجزيك كل خير مرمرتي والله احفظك واحفظنا وجميع المسلمين والمسلمات والعالمين أجمعين
    [url=https:\/\/www.anaqamaghribia.com\/pic\/][\/url]","src":"https:\/\/www.anaqamaghribia.com\/vb\/filedata\/fetch?filedataid=86232&sigpic=1"}[/IMG2]

    تعليق

      • WhatsApp

      #3
      الله يجازيك كل الخير

      تعليق

        • WhatsApp

        #4
        جا فوقتوا الله ارحم ليك الوالدين وصلح وليداتك

        تعليق

          • WhatsApp

          #5
          وعليكم السلام اختي مريم ليك وحشة كي بقيتو وكيدرتو مع الخلعة الله يحد الباس وشكرا فهمت الطريقة الله يجازيك بخير
          ​​​​​​





          ربي ارحم أبا لم يحرمني شيئا و لا تذقني حياة دون أمي ! triste



          تعليق

            • WhatsApp

            #6
            و عليكم السلام ورحمة الله وبركاته

            جوزيت الجنان اختي ذاكرة على المعقم الصحي
            ان شاء الله نطبقو بالاعشاب لي عندي

            الله يحفظنا و يحفظكم من كل سوء

            دمتن في امان الله و حفظه ♡

            تعليق

              • WhatsApp

              #7
              فكرة زوينة بارك الله فيك. طمنينا عليك حبيبتي و على احوالكم في الغربة

              تعليق

                • WhatsApp

                #8
                اللهم ااامين يارب ولكم بالمثل ولنا جميعا من خير الدعاء نساله تعالى ان يعفو عنا ويغفر لنا ويتجاوز عنا انه ولي ذلك وهو القادر عليه

                اخواتي الوضع عندنا جد مؤثر ومخيف في نفس الوقت طبعا نحن المسلمين ما كنخافوش من الموت لانه علينا حق وكل نفس ذائقته ولكن لي كيحز في النفس هو ان لي مات بهاذ الوباء ما كيدفنوهش كيحرقوه واش عرفتوا حجم هاذ الامر انا بعدا بكيت وكلنا في حالة لا يعلمها الا الله نساله العفو والعافية وان يلطف بنا ويرحمنا برحمته الواسعة
                سمعنا تسجيلات جاتنا من مدريد انه تم الحجر على عمارة باكملها فيها المغاربة وهزوا واحد الراجل ومراتو وخلاوا وليداتهم 3 في الدار يعني حتى الى ماتوا فقط يخبروك ان فلان مات وانتهى الامر ما عندك حق تشوفو ولا دفنو ولا اي شيء واش يعقل بنادم على انه يشهد قبل ما تخرج الروح والطامة الكبرى هي ما كاينش صلاة الجنازة .... صعب صعب صعب فعلا .....
                اللهم الطف بنا اكثروا اخواتي من الدعاء فليس لنا سوى رب العالمين يشوف من حالنا من حالة الرعب لي حنا فيها كنديروا بالاسباب وكلشي على لي وضعها ودلنا عليها ياربي تسترنا في الدنيا والاخرة ولا تمتنا الا وانت راض عنا ياربي نموتوا موتة مستورة مقبلين ومدفونين بكرامة اللهم لطفك

                ما تنساوش تنقصوا من السكر كيضعف المناعة وغسلوا كل مرة يديكم حيث نظافة اليدين هما الوقاية الاولى باش ما تكثر الجراثيم او الميكروبات لي كيتغدا عليها الكورونا وهاذ الفيروس مودوباس ديالو هو جهاز المناعة الى كان ضعيف فسهل يدخل للرئتين وتما ما يخرج حتى يفتك بها وبالتنفس وينتهي الامر ياربي لا تورينا ما يخلعنا ياكريم
                غسيل اليدين بصابون الكف راه مطهر احسن من اي شيء اخر بلا ما تقلبوا على شي منظفات من الصيدلية داروها بيعة وشرية ما كاينش بحال صابون الكف والدار تجفف بجافيل والجو يتعقم بالوصفة لي عطيتكم بالاعشاب كل نهار ديروا مشروب سخون بحال اليوم الزعتر غدا البابونج والغد ليه الازير وهكذا بالتناوب

                والاهم هو ما يضربكمش البرد احترسوا باش ما يضربكم البرد وبالمرة ديروا كل يوم شربوا واحد الكاس من هاذ الشراب المسخن للذات ولي هو كالتالي
                في بريق او براد نيت ديال اتاي لي موالفة عليه ديري:
                معلقة صغيرة خدنجال مدقوق او مهرس او مطوحن ( حيث صعب في الطحن لهذا غير بالمهراز هرسوه )
                معلقة ص سكين جبير
                راس معلقة قرنفل
                كبي عليهم الماء بحال اتاي وخليه يطلق وشربيه وكلشي يشرب كبار وصغار الصغار حاولي تنقصي ليه من الجهد ديالو بماء طايب وحليه ليهم بالعسل او بالتمر كيقوي المناعة ويسخن الذات وهذا هو عدو الكورونا والله يحفظنا ويحفظكم من شر الفتن .





                تعليق

                  • WhatsApp

                  #9
                  لا حول ولا قوة الا بالله مؤلم ما قرأت التو ...
                  ابعاد لهاذا الوباء لم تخطر لي على بال ذكرتها هنا غاليتي اللهم عافنا و ارزقنا حسن الخااتمة ياارب يا سميع يا مجيب
                  الله يحفظك اختي ذاكرة و يحفظ كل غالي و قريب لي و لك و لكل أنيقة و يحفظنا اجمعين من هذا الوباء و من كل بلاء.
                  اللهم انا نعوذ بك من جهد البلاء و درك الشقاء و سوء القضاء و شماتة الاعداء

                  اخواتي عليكن بهذا الدعاء

                  قال رسول الله صلى الله عليه و سلم :" تعوذوا بالله من جهد البلاء، ودرك الشقاء، وسوء القضاء، وشماتة الأعداء". رواه البخاري.

                  وفي صحيحي البخاري ومسلم عن أبي هريرة: كان رسول الله صلى الله عليه وسلم يتعوذ من جهد البلاء ودرك الشقاء وسوء القضاء وشماتة الأعداء..

                  تعليق

                    • WhatsApp

                    #10
                    جزاك الله بالخير اخت داكرة الله يحفظ ليك وليداتك والله يرفع علينا هاد البلاء شكرا ليك
                    التعديل الأخير تم بواسطة ذاكرة; الساعة 18-03-2020, 12:03.

                    تعليق

                    يعمل...
                    X