ArabicEnglishFrenchSpanish

إعـــــــلان

تقليص
لا يوجد إعلان حتى الآن.

سر يخصكم وحدكم

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    سر يخصكم وحدكم



    9537_860761640703290_4782783729925535113_n.jpg


    السلام عليكم



    بزاف تاع الناس تيحسوا بلي وقتهم تيضيع منهم بسبب كسلهم وكثره تفكيرهم
    وبسبب انو اهدافهم ماتتحققش والى تحققت فتتكون بصعوبه
    لانهم الى وضعوا هدف تيبقاو يفكروا فيه دايما مايقدروش ينفصلوا ويطلقوها تسرح كيما نقولو
    فهاد الفتره ماتيبقاوش يحسوا بلذه وفرحه بكلشي زوين تيوقع فحياتهم
    تيتمناو لو يقدروا يتحكموا فعقولهم وتفكيرهم
    تيمناو مايكونش تفكير اصلا وانهم يقدرو يحبسوه

    هاد النوع تاع الناس تيكونو شخصيات مواضبه،
    وباغين فعلا أنهم يتغيروا
    وينجحوا ويحققوا الكثير
    هادو هوما
    لكن للأسف هم ماتيعرفوش الطريقه الصحيحه باش يديرو كاع هدشي
    ولو ان الطريقه قدامهم ساهله وبسيطه

    لكنهم دائما تيعتقدوا ان السبيل الى تحقيق الاحلام والطموحات خاصو يكون شاق وعامر شوك
    وأنهم لازم يبذلوا الجهد الكبير باش يوصوا لدكشي اللي باغين
    هم شخصيات قويه وصارمه وشرسه باغين دكشي اللي باغين
    لكن للأسف ماتيعرفوش كيفاش يوصلوا!!!

    وانا هنا غنقولهم سر مهم بزاف، وهو:

    (( كاين نوعيه للوقت اللي تنعيشوه فهاد الحياه ))

    واش عارفين شنو تتعني كلمه نوعيه؟

    بمعى أنو كاين وقت خصه الله لنا باش نخدمو
    وكاين وقت خصه الله لنا باش نتزوجو ونولدو
    وكاين وقت من اعمارنا مخصصه باش نسترخاو ونتاملو ونتعلمو ونستكشفو
    واوقات أخرى مخصصه باش نفكرو ونخططو
    وأوقات أخرى باش ننفذو

    وفالحقيقة حنا ماتنختاروش نوعيه الوقت بل هي تتفرض علينا
    والدليل أنكم ممكن تحطوا خطه عمل جاده لكن تقدو ماتنفذوهاش بسبب (( المرض مثلا الله يعافيكم))
    واش نتوما اللي اختاريتو المرض؟!!
    ام انه قدر
    اي انو نوعيه الوقت اللي فرضت هاد المرض عليكم
    القدر تاعكم
    الهدف منها انكم تجددوا نظرتكم الى الحياه
    وتغيروا بعض الافكار عندكم
    وربما كدلك تختبروا العلاقات والناس اللي دايرين بيكم

    تتقولوا انكم تتحسوا براسكم مقلقين ومزيرين فهاد الفتره
    هدا تيعني انكم تتحاولوا تبذلوا مجهود معين ماشي فمحله
    أو ماشي فوقته
    ممكن تكون هادي رساله لكم بان ماخصكم تديرو تاشيحاجه من دكشي اللي تتخططوا له فالوقت الحالي
    ماخصش تكملوا الخدمه
    ربما كاين ما هو اهم
    ممكن يكون اللي عليكم هو فقط التعلم
    واكتشاف معلومات جديده فهاد الحياه

    ممكن مايكونش الوقت مناسب للخدمه
    وممكن الاهداف اللي اختاريتوها وحطيتوها باش تخدمو عليها
    ماتكونش هي الاهداف اللي تتناسب حياتكم
    لعلها اهداف لا ترقى لحقيقه ما انتم عليه
    أو ماتتناسبش مع قصه حياتكم المقدره لكم
    ببساطة لازم عليكم تتوقفو على التعامل مع انفسكم كما لو انها العاب خشبيه تحركوها فينما بغيتو
    لان انفسكم ماشي العاب
    هي اكوان هائله تتعيش فاعماقكم وعندها اسرارها وعندها العالم تاعها الكبير الواسع
    وعندها من العلم ما لا تعلمون

    حاولو تتكالماو
    وتترخاو
    وتستمعو للاصوات القادمه من اعماقكم
    فلا يمكنكم أن تصغوا اليها وتفهموها ما لم تتخلصوا من ضجيج النشاط الخارجي لكم
    حبسوا هاد الفتره ماتبقاو تحطوا اهداف
    ما دام ان هاد الطريقه مانفعتش معكم
    ماتبقاو تجبروا انفسكم على أنجاز حتى حاجه
    ما دام الانجازات ماتتستجبش
    ضروري كاين ما هو اهم تيتسناكم
    والاهمية ماتتعنيش دايما تحقيق النجاحات
    بل تتعني فالغالب فهم الذات والتوصل الى حقيقه ما انتم عليه
    من بعد تقدرو تحطو خططكم اللي تتناسب شخصياتكم
    وتتتوافق مع مسيره حياتكم

    كاينه حياه أخرى خاصكم توصلوا ليها
    لكن هاد الحياه ماكيناش حواليكم
    هي تتعيش فقط فاعماقكم
    وباش توصلوا ليها مالازمش تبذلوا مجهود فالواقع
    بل لازم عليكم التوقف عن اجبار انفسكم على تحقيق اهداف سطحيه
    ربما هي ماتتليقش بكم
    أو ماتتناسبش مع مضمون خطه سيركم فالحياه
    كل انسان فهاد الدنيا عندو دور وخطه سير
    خاصو يمشي باش يحققها
    وكل واحد فيكم عندو وحده

    وضع الاهداف بهاد الشكل العشوائي
    هو غير مضيعه للوقت والجهد
    غالبا الناس تيميلو لوضع الأهداف لحياتهم بناأ على ما هو شائع
    اهداف فايت للأخرين اللي دايرين بهم تحقيقها
    تتشبه لاهداف الام أو الاب
    الأخ الكبير أو ألاخت
    الاقارب
    أو داك الشخص المشهور اللي تيبان فالتلفزه

    ماكين لاش تدوخو
    او تنسخو هدف من أهداف الآخرين
    ورقه الامتحان اللي بين يديكم
    فحياتكم
    ماتتشبه لحتى ورقه أخرى
    كل واحد منا عندو امتحان مختلف
    دكشي لاش ماغتقدروش توجدو لامتحان حياتكم
    الى ماراجعتوش انفسكم مزيان
    وتعمقتوا ففهم ذواتكم

    ادا ترخاو وحبسوا العمل على أهدافكم القديمه فهاد الفتره
    تخلصوا منها
    وحسوا بالحريه التامه
    قولوا لانفسكم انكم اليوم بلا اهداف
    بلا حتى أهداف
    وأنكم تتستسلموا تماما لقدركم
    تنسابون مع تيار حياتكم
    تسرحون مع اشارات الكون اللي غتقودكم من بعد بسلاسه مطلقه الى حيت يجب ان تكونوا

    ........................................

    فهمتوا قصدي؟

    وغنحطه لكم هنا فنقط:

    1* الى عندكم مجموعه كبيره تاع الأهداف، لكن كل واحد ولى صعب التحقيق على مرور سنوات طويله، أو انكم تتحسوا انكم تتدورا فنفس البلاصه، فهدا تيعني ان ديك الاهداف ماهياش لكم ابدا، تخلصوا منها، تحرروا من الضغط تاعها تماما، هي تتعيق تدفق الطاقات اللي تتقصدكم، وتتعيق تطوركم النفسي والمعنوي، تخلصوا منها تماما، تماما، وحسوا بالحريه التامه من بعد

    2* بعد ما تقنعوا انفسكم انكم وليتو احرار بلا حتى هدف من اي نوع، وانكم تتستسلموا للاقدار كيفما كان كان نوعها، غتحسوا فالبديه بنوع من الخوف، لكن مع الوقت غتحسوا كيفاش تتبدا الطاقه تتدفق لحياتكم، وكيفاش ان حياتكم غتتخذ مسار جديد مختلف ورائع، ممكن دكشي اللي غيوقع يفاجئكم، بعض المرات ماعلينا الا اننا نستسلموا لأقدارنا، وكلنا ثقة فان ربي ماغيخيبناش، وماغيظلمناش، وماغيكتبش لنا الحزن ولو يبان المستقبل غامض، تمتعوا بالثقه والايمان.

    3* بعد هدشي غتبداو مع الوقت تدركوا، وتشوفو حياه اخرى مختلفه عل ديك التي كنتوا تتخططوا لها، حياه ربما ماجاتش عل بالكم شي نهار، وماتصورتوهاش عل الاطلاق، حياه كانت اشبه بالمستحيل، او اللامعقول، لكنها مع الوقت، وبترتيب من سلسله من الاقدار تتولي حقيقه وواقع تعيشوه كل يوم، من بعد غتحسوا بطاقه كبيره هائله، تتدفعكم للتخطيط، وغتخططوا فعلا، غتحطوا اهداف قويه وخطط عبقريه وغتنجزوا فوقت قصير دكشي اللي ماكنتوش قادرين تنجزوه طوال السنوات الماضيه.

    اتبعو هاد الخطوات وغتنعموا براحه البال والسعاده.

    xxx
    • WhatsApp

    #2
    موضوع طوووووب و رائع أيتها الذوقة
    انا فهذه المرحلة أقدر نقول اني في بدايات التحرر وليت كنطلقها تسرح و ما بقيتش كنحط أهداف و نبقى نخمم فيها طول الوقت
    تعلمت ان الأمور مكتجيش بزز و إنما دير لي عليك و خليها لمولاها حيث اختياره دائما خير مما نختار لأنفسنا
    الموضوع وضح الأمور ليا أكثر غانعاود نقراه باش نستوعب أكثر
    شكرا بزاف

    تعليق

      • WhatsApp

      #3
      الله يريح بالك مريومة كيف كتريحينا دائما بكلامك وتحليلاتك الراىعة ...
      الحمد لله حاليا كنحس براحة نفسية والحمد لله ومستسلمة للقدر كيف قلتي وشعوري ان غدا سيكون بخير ما دمنا في كون يحكمه رب كريم ..ان شاء الله يتيسر لنا جميعا العيش والتخطيط
      ​​​​​​





      ربي ارحم أبا لم يحرمني شيئا و لا تذقني حياة دون أمي ! triste

      تعليق

        • WhatsApp

        #4
        طرح رائع كالعادة ذوقة

        الحمد لله مستسلمة لقضاء الله و مؤمنة انه لن يصيبنا الا ما كتبه لنا

        عندك الصح في كل قلتيه حتى انا خليت اهداف كنت خطط لها en pause نجلس نتصنت لعظامي ههه و لما لا نرجع بنفس جديد و اهداف جديدة

        شكرا لك غاليتي


        ​​​​



        ​​​

        تعليق

          • WhatsApp

          #5
          كلامك بحال البلسم يادوقتي الجميلة فهاد الوقت وكأني كنت محتاجة بحال هاد الكلام سيري الله يفرحك ويبعد عنك كل شر ودمتي لنا ولمنتدانا الغالي

          تعليق

            • WhatsApp

            #6
            تبارك الله عليك حبوبة موضوع جا فوقتو هو بلسم بكل القلوب اصبت الوتر الحساس

            تعليق

            يعمل...
            X