إعـــــــلان

تقليص
لا يوجد إعلان حتى الآن.

اعراسنا و العادات القديمة و العادات الدخيلة

تقليص
هذا موضوع مثبت
X
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • اعراسنا و العادات القديمة و العادات الدخيلة

    السلام عليكم ورحمة الله وبركاته

    صبااحكن افراح و مسرااات ..
    لا تستغربو في ظل هذا الظرف و تقولو اشمن افراح الله يفرجها على الجميع
    الله يديم علينا الفرح و التفاؤل و يفرج هاد الكرب ياارب



    و انا اتجول في قسم العروس و اتذكر الايام الخوالي ههههه تذكرت موقف عجيب في احد الاعراس المغربية
    موقف يدل على تأثرنا بالافلام و المسلسلات التركية
    و لي ولى يبان اكثر في اليوتوب
    مكاين غير فطيرة تركية ..خبز تركي عامل ضجة...حولت كوزينتي لكوزينة تركية
    هدشي بزااااف
    صرااحة المواضيع الخاصة بالتزيين معرفتش علاش تم ربطها بالثقافة التركية و احنا كنلقاوها في كل الثقافات ..لأنها اولا و اخيرا تعكس ذوق الناس فقط
    هذا لا ينقص من الثقافة التركية شيئا بل لكل شعب ما يميزه و لكن فقط الدعااية و نشر الثقافة هي ما يجعل تلك العادات معرووفة او العكس


    نرجع للموقف لي هو من العادات الدخيلة ..الى ماكنتش غالطة ههههه و لي خلاني نكتب هاد الموضوع عن العادات القديمة و الدخيلة ..و مغربنا الحبيب بتنوع مناطقه و ثقافاته متنوع كذلك بالعادات ..كل منطقة و عاداتها و تقاليدها و لما لا تخاريفها هههههه

    الموقف


    ملي خرجات العروسة و ركبات في السيارة مع زوجها. خذات اختها سطل ماء و رشات به مدخل البيت و خلف السيارة و هي تتحرك
    ههههه كنضحك لأنني لم افهم للآن المغزى من داك التصرف
    لي كنسمع ان في ثقافتنا المغربية ممزيانش تكبي الما في باب الدار بمجرد خروج اي كان ..ههههه
    وخا حتى هاد ممزيانش فيها نظر


    و من العادات القديمة لي كنسمع بها حتى للآن انه في بعض المناطق لا يجب ان يبقى في البيت احد عندما تأتي للعروس لتدخل للبيت ..الكل خاصو يخرج للباب لاستقبالها


    ايوا اشبان لكم في هاد العادات
    مرحبا بكن شاركونا بآرائكم و بعادات غريبة او قديمة او مستجدة شفتوها او سمعتو بها



    الله يهدينا و يصلح احوالنا ياارب

  • #2
    السلام عليكم حبيبتي السفيرة موضوع يستاهل الوقوف عنده خاصة ملي هضرتي على الانبهار بالثقافة التركية لي ولينا نشوفوه ونسمعوه في المواضيع ..راه الشعب المغربي من شماله لجنوبه بجميع المناطق والاجناس عندهم عادات غريبة عجيبة ههه
    غي الله يهدي هاد الجيل لي خربقاتو الاحلام الوردية مع الابطال التلفزيونية
    بالنسبة للعادة لي ذكرتي الحمد لله معندناش في جهتنا وبعض العادات كانو كاينين ومبقاوش ..عييت نفكر شي عادة زوينة ذاكرتي معاونتنيش ههه كله لي تفكرتو الان ولاد عمي تزوجي في نهار واحد ومللي جابو العروسات بجوج وحدة دخلوها من الباب ووحدة دخلت من الكراج هه قاليك مخاصهمش يدخلو من باب واحد ونهار الحزام لاقاوهم لاول مرة بشوفو بعضباتهم دخلوهم ومغمضين العينين وحطو كصعة في الوسط فيها الماء والبيض والذهب والنعناع خخخ وقالو ليهم يفتحو عينيهم في الكصعة
    عادة غريبة عجيبة كيخافو توقع شي حاجة في وحدة فيهم
    ولكن للاسف هاد العادة منفعتهم في والو بعد مدة تم طلاق احداهن بسبب تصرفات الزوج المشينة
    كاين واحد العادة اخرى تعجبت فاش شفتها كنت عمري مسمعت بها وخا كنت مزوجة حتى شفت الوالدة دارتها لزوجة اخي وهي نهار ثالث يوم او 4 يعني كان داز العرس والعروسة بغات تعاوننا والام ديالي اصرت عليها تبقى كالسة ولكن تحت اصرار العروسة الحادكة جابت امي الدقيق والخميرة وقالت ليها قولي بسم الله وربي الخميرة ..اوا يا لالياتي العروسة ربات الخميرة وحطتها وشمرت على يديها ودارت الغداء خخخ
    يمكن الخميرة فال زوين ولا ؟ شنو رأيكم

    تعليق


    • #3
      السلام عليكم هدوا معتقدات تاع ناس زمان دابة بدات تتنقص انا باقة نعقل من تزوجات خالتي فتسعينات مني بغات تمشي لدارها جدةي هرسات بيضة فعتبة تاع الباب وتخطاتها خالتيى علاش معرفتش علاش ولكن تتبقى معتقدات انا مني مشيت مع راجلي نشري حوايج والخاتم عطاتني الام ديالي شوية نعناع وطوبة سكر درتهم فصاكي باش نكون حلوة عندهم ههههه

      تعليق


      • #4
        الخميرة تيقولو مزيانة باش زعما الخير يخمر ويفيظ ههههه وهي الرزق بيد الله

        تعليق

        يعمل...
        X