ArabicEnglishFrenchSpanish

إعـــــــلان

تقليص
لا يوجد إعلان حتى الآن.

التعليم عن بعد

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    التعليم عن بعد

    السلام عليكم اخواتي، نتمنى تكونو كاملين بخير،
    في ظل هذ الجائحة لبسببها تغلقات المدارس، ولا سبيل لتعليم الأطفال والشباب سو ى هذ الطريقة لهي التعليم عن بعد للكل متافق انها لا تحقق مبدأ تكافؤ الفرص بين التلاميذ،
    من فضلكم كل اخت تدخل تناقش معانا هذ الموضوع وتحكي لينا عن تجربتها مع ولادها والملاحظات لي عندها،
    وكذلك الاستاذات يفيدونا بالتجارب ديالهم مع التلاميذ بالخصوص تلاميذ المستويات الصغرى،
    بالنسبة ليا عندي 3 لوليدات، واحد في الخامس وواحد في السادس تيقراو في الخصوصي عبر الواتساب، هاذو باباهم لمكلف بيهم والصغير في la grande حتى هو تيدرس عبر الواتساب انا لتنكون معاك فوقت الدراسة،

    • WhatsApp

    #2
    لي عودة إن شاء الله

    تعليق

      • WhatsApp

      #3
      المشاركة الأصلية بواسطة ♡ ايمي ♡ مشاهدة المشاركة
      لي عودة إن شاء الله
      توحشناك غاليتي

      تعليق

        • WhatsApp

        #4
        المشاركة الأصلية بواسطة ♡ ايمي ♡ مشاهدة المشاركة
        لي عودة إن شاء الله
        مرحبا بك اختي، في انتظار عودتك انيقتي

        تعليق

          • WhatsApp

          #5
          ولدي في التاسعة وهاد العام عندو الامتحان وكيقرى عن بعد الصراحة الاساتذة دايرين جهدهم معندي منقول وولدي كيضل مسكين بارك وخا الصيام والعياء ولكن وخا هكاك ضروري من المراقبة والمتابعة من جهتنا حيث شحال من حاجة تكون صعيبة خاص البحث باش يفهمها
          معندناش حل اخر ولمصلحة الجميع ولكن العائلات لي ممتوفرش ليهم النت في الدار غدي يكون صعيب يواكبو مسيرة الدراسة عن بعد
          ​​​​​​





          ربي ارحم أبا لم يحرمني شيئا و ارحم أمي التي كانت سندي في الحياة




          تعليق

            • WhatsApp

            #6
            السلام عليكم انا كنت متابعة ولدي فالال كندير معاه الواجب لي كتسيفط المعلمة كل نهار لكن خليت كلشي وتراكم كلشي كنحطو غير قدام التطبيقات تاع الانترنيت والدراسة قدام التلفزة مبقاتش كتعجبو حيت كيديرو ليهم الدرس فقناة كل صباح الفرنسية والرياضيات

            تعليق

              • WhatsApp

              #7
              المشاركة الأصلية بواسطة اخت لطيفة مشاهدة المشاركة
              ولدي في التاسعة وهاد العام عندو الامتحان وكيقرى عن بعد الصراحة الاساتذة دايرين جهدهم معندي منقول وولدي كيضل مسكين بارك وخا الصيام والعياء ولكن وخا هكاك ضروري من المراقبة والمتابعة من جهتنا حيث شحال من حاجة تكون صعيبة خاص البحث باش يفهمها
              معندناش حل اخر ولمصلحة الجميع ولكن العائلات لي ممتوفرش ليهم النت في الدار غدي يكون صعيب يواكبو مسيرة الدراسة عن بعد
              الله ييحفظ ليك ولدك اختي، غير يرخف على راسو رمبقاش غيكون عندو الامتحان غيحسبو ليهم غير نقط الدورة 1ونقط المراقبة ديال الفرض 1في الدورة الثانية، الا كان عند المعدل راه ناجح،،
              هذا مكيعنيش يتكاسل لا يبقى متبع دروسو، المهم مغيباش مضغوط كيف من قبل،

              تعليق

                • WhatsApp

                #8
                المشاركة الأصلية بواسطة هبة الوهاب مشاهدة المشاركة
                السلام عليكم انا كنت متابعة ولدي فالال كندير معاه الواجب لي كتسيفط المعلمة كل نهار لكن خليت كلشي وتراكم كلشي كنحطو غير قدام التطبيقات تاع الانترنيت والدراسة قدام التلفزة مبقاتش كتعجبو حيت كيديرو ليهم الدرس فقناة كل صباح الفرنسية والرياضيات
                عليكم السلا م اختي هبة، حاولي اختي تعاودي معاه داكشي لفات باش ميكونش عند تأخر مقارنة مع صحابو،
                هوهذ التعليم عن بعد مرهق شوية ولكن هو الحل هذ الساعة، على الاقل باش التلميذ يبقى متذكر داكشي لقرا في المدرسة، الله يعاونك معاه اختي

                تعليق

                  • WhatsApp

                  #9
                  مساؤكن معطر بذكر الرحمن و الصلاة على خير الأنام 💕

                  هانا جيييت هههه

                  تجربتي في التعليم عن بعد كأستاذة تعليم ابتدائي عندها عدة جوانب.. غادي نحاول نحيط بمعظمها.

                  اولا أشتغل بوسط قروي.. معظم الأسر فقيرة و محتاجة.. مما يعني أن المهمة أصعب.. و لو انني كنعطي من جهدي و وقتي اكثر بكثير مما كنت أفعل داخل القسم و لكن كيبقى في الحال لأنني خدامة غي مع 50%من التلاميذ أو أكثر قليييلا.. و كثيييرا ما أتذكر تلاميذي الغائبين و أتحسر لحالهم.. كنتخيلهم مساكن ما شافوش الكتاب من 14 مارس.. من تاريخ آخر حصة.. و فالوقت لي كنكون انا خدامة فشي درس هوما غالبا إما كيسقيو الما او كيسرحو الماشية او غي جالسين بدون شغل او مشغلة ولا من ينبه! 😔 و هذا ضرب صاااارخ لمبدأ تكافؤ الفرص.

                  جانب آخر هو صعوبة إيصال المعلومة لبعض المتعلمين.. واخا بإمكانهم يعاودو يشوفو الفيديوهات لي كنصايب او يعاودو يسمعو الاوديوهات و لكن اغلبهم ما كيعرفوش يتعاملو مع هاتف ذكي او مع تطبيق الواتساب..

                  من جهة أخرى بعض الدروس تتطلب تجارب.. تتطلب مناقشات.. تتطلب تطبيقا عمليا.. في الساحة مثلا او في مساحة معينة داخل القسم.. هاد الدروس واخا مهمة ما درتهاش للأسف.

                  الإيجابيات الآن.. التواصل بيني و بين تلاميذي صار عفويا أكثر.. ما بقاش عندي هداك المشكل الهائل لي كان عندي فالقسم و لي هو ان التلميذ يحشم يقولي ما فهمتش.. أصبح ممكنا الاستفادة من بعض المحتويات و الصور الموجودة على الانترنت.. واخا كنت نستعمل فالقسم الحاسوب و datashow بشكل شبه يومي.. و لكن كنت مضغوطة بالوقت و بالحيز الزمني لكل مادة.. دابا لا.. كنعطي الوقت لكل حاجة.. لكل درس.. ما ندوزش حتى كلشي يفهم و يطبق.. لأنني كنت نقول (قبل الاطلاع على قرار اليوم) اننا غادي نرجعو للأقسام و غادي نعاود الدروس فجميع الحالات و بالتالي غادي نخدم بشوية علي.. peu mais bien.. من الايجابيات كذلك.. المرونة لي عندي فالتدبير الزمني للحصص.. حسب ما يلائمني انا و تلاميذي.. و حسب ما أراه ضروريا.

                  و ملي كنحسو براسنا عيينا و ملينا.. خاصة من بعد شي درس جديد و شي مفهوم رياضي صعيب عليهم (كدرس الأعداد الكسرية و توحيد المقامات مثلا).. كنديرو حصة ترفيه.. كنرسل ليهم صور ديال قوة الملاحظة مثلا.. أو ألغاز.. او ألعاب تربوية.. كشبكة الكلمات المصورة.. الخ.

                  و لي فعلا أصابني بالإحباط فاليومين الماضيين هو هاديك المهزلة ديال كراسات الدعم التربوي لي غادي "يستافدو" منها تلاميذ القرى و المناطق النائية!! ملي اطلعت على النسخة الالكترونية أصبت بالصدمة! شكون غادي يشرح ليهم و شكون غادي يواكب و أصلا اشمن محتوى ملي يجيبو كراسة الرياضيات و يعاودو يطبعو الصفحات ديالها باش يخرجو كراسة فيها 128 صفحة.. تخيلو معاي شحال غادي تكلف د لفلوس.. طبعة بالألوان.. لمليون تلميذ.. بلا النقل ديالها و و و.. حشومة عليهم.. باش فالأخير يبينو للعالم راه وليدات المغرب كلهم قراو عن بعد!!!! المحتويات لي فهاد الكراسات ما غيقدروش حتى تلامدي -لي راني خدامة معاهم بشكل يومي هادي شهرين تقريبا- يجاوبو عليهم بوحدهم! فما بالك بالاطفال الاخرين لي عايشين فوسط أمي تغيب فيه أدنى شروط العيش الكريم! لا حول و لا قوة الا بالله!

                  أما المستجد ديال اليوم.. لي تم فيه الإعلان عن توقف الدراسة الحضورية لهذا الموسم الدراسي.. فسيف ذو حدين.. بالنسبة لواحد الفئة.. كانت كجينيريك النهاية. سالا الفيلم. و بالنسبة للآخرين.. بقا فيهم الحال حيت ما غاديش نرجعو نتلاقاو.. خاصة انني سأنتقل السنة القادمة إلى مدرسة أخرى.

                  نتوما جبدتوني.. تحملو الجريدة لي كتبت 😉

                  محبتي الدائمة 💕

                  تعليق

                    • WhatsApp

                    #10
                    المشاركة الأصلية بواسطة fatidusouss مشاهدة المشاركة

                    توحشناك غاليتي
                    انا أكثر و الله حبيبتي 😙😙😙

                    تعليق

                    يعمل...
                    X