ArabicEnglishFrenchSpanish

إعـــــــلان

تقليص
لا يوجد إعلان حتى الآن.

سؤال للاخت ذاكرة الله اجازيها و اياكن كل خير

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة
    • WhatsApp

    سؤال للاخت ذاكرة الله اجازيها و اياكن كل خير

    السلام عليكن اخواتي.
    بغيت ندير وصفة فيها الكلسرين نباتي سولت فالصيدلية و فشبه الصيدلية و لكن ما عرفوهش. قالو عندنا الكلسرين و لكن ماعرفناش طبيعته و خفت ناخده و نصدق ضارة راسي. ارجو من الاخوات لي عندها فكرة تنصحني و بغيت نسول الاخت ذاكرة و لكن ماعرفتش كفاش نبعت ليها السؤال. الله اجازيكم كل خير.
    • WhatsApp

    #2
    ذاكرة

    تعليق

      • WhatsApp

      #3
      حياك الله حبيبتي مرحبا بك وبسؤالك وانا في الخدمة
      طيب بالنسبة للكليسيرين النباتي خاصك تعرفي المصدر ديالو اشنو هو ؟
      يقدر يكون من الكوك او من الصوجا او من قلب النخل ما فيهش ريحة قوية تقريبا بدون رائحة والقوام ديالو كيكون ثقيل شوية وفيه لزوجة واللون ديالو مائل للباج وهذا هو لي كنقولوا عليه نباتي
      وكاين الكليسيرين العادي ولي كيستخرجوه من البيترول كمادة خام وكيتوظف في عدد كبير من مستحضرات التجميل بحال الريسيل والماكياجات وعدد كبير منها
      وكاين لي مصدره حيواني لي كيخرجوه من دهون الحيوانات بمختلف انواعها واكثريتها الخنزير وهذا كيتستعمل في بزاف المواد بحال انواع من الصابون المعطر ومعجون الاسنان وكريمات
      المهم الى لقيتي في الصيدلية كليسيرين نباتي مرحبا والى قالوا لك ما عرفناش المصدر فبطبيعة الحال غادي تشكي انه ماشي لي كتقلبي عليه لان ماشي لي خدامين في الصيدلية كلهم كيعرفوا المصادر او المواد لي كتباع عندهم هما غير تابعين لائحة المبيعات وصافي انتي طلبي القرعة وشوفي بعينين واش فيها الماصفات لي عندك على الزيت وتوكلي على الله والنية ابلغ من العمل باذن الله ما تخافيش بسم الله هي تخليه يولي كليسيرين وخى يكون شي عجب اخر هههههههه



      وخى دبا طاحت وجبرناها اش حب الخاطر حبيبتي ام ايمان وعلاش بغيتي الكليسيرين بالضبط نقدر نعاونك انا الان بصدد وصفات كندير تجارب على راسي باش نقدمها للانيقات ونقول لكم عليها ان شاء الله
      كاينة سنفرة وقناع مرطب ومجبد ومشرق للبشرة روعة يعني 2×1
      وزيوت طبيعية كتخدم كسيروم بالليل للبشرة لي خاص كل انيقة تهتم بها وتعتني براسها قبل ما تولي ما تقدرش تحل المشاكل

      المهم كما قلت لك انا رهن اشارتك حبيبتي اي مشكل نتقاسموه ونحلوه وهذا هو سر تجمعنا بهاذ المنتدى الرائع بكم وبنا جميعا





      تعليق

        • WhatsApp

        #4
        الله جازيك عنا كل خير اختي ذاكرة.ديما مفكرانا هاد الوصفة كنت خديتها من اليوتوب فيها الكلسرين و الفازلين وواحد المكون ثالث نسيته هه. كيدار للاماكن الغامقة فالجسم.قلت نجرب الوصفة و الى صدقات نشاركها مع الانيقات. اما عن الوجه ابدا واش نقرب ليه. عندي بشرة مختلطة جافة و حساسة جدا خاصة فالبرد ولله الحمد و الشكر.
        تفكرت حاجة اخرة ههه هاد العام خرجو في بقع بنية فاماكن مختلفة من جسمي و دوزت و عاوت و درت شحال من حاجة او والو . ماشكيت عليكم. ارجو من الله اعافيني و جميع المسلمين و المسلمات.

        تعليق

          • WhatsApp

          #5
          المشاركة الأصلية بواسطة زهر البنفسج مشاهدة المشاركة
          الله افرحك اختي شكرا جزيلا

          تعليق

            • WhatsApp

            #6
            المشاركة الأصلية بواسطة oumimane مشاهدة المشاركة


            الله افرحك اختي شكرا جزيلا
            العفو عزيزتي والله ايجازي ذاكرة لقلب الكبير ❤️

            تعليق

              • WhatsApp

              #7
              المشاركة الأصلية بواسطة oumimane مشاهدة المشاركة
              الله جازيك عنا كل خير اختي ذاكرة.ديما مفكرانا هاد الوصفة كنت خديتها من اليوتوب فيها الكلسرين و الفازلين وواحد المكون ثالث نسيته هه. كيدار للاماكن الغامقة فالجسم.قلت نجرب الوصفة و الى صدقات نشاركها مع الانيقات. اما عن الوجه ابدا واش نقرب ليه. عندي بشرة مختلطة جافة و حساسة جدا خاصة فالبرد ولله الحمد و الشكر.
              تفكرت حاجة اخرة ههه هاد العام خرجو في بقع بنية فاماكن مختلفة من جسمي و دوزت و عاوت و درت شحال من حاجة او والو . ماشكيت عليكم. ارجو من الله اعافيني و جميع المسلمين و المسلمات.
              حبيبتي ام ايمان العناية بوصفات طبيعية الى ما زيناتك وعطاتك النتائج لي كتقلبي عليها ما ضركش يعني غير يكون حسن الاختيار صائب وتوصلي للنتائج لي تفرحك وهذا هو المهم و دبا شرح ملح غادي ديري واحد التبريمة للجسم كلو روعة الى بانت لك بقع بنية يمكن يكون خلل في الهرمونات او اي شيء يعني من الداخل المهم لي غادي ديري هو هاذ التبريمة لي كدار في الحمام بعدما تزولي الخلايا الميتة تطلي بها لحمك وتخليها تنشف عليك واجي تشوفي الفنون

              عاد صوبتها اقل ما نقول عليها غزالة وفنة وروعة وما نعوضها بوالو وساهلة ماهلة ريحتها خلاص

              خيارة بقشورها قبطة معدنوس صابونة الطاووس محكوكة معلقة كبيرة نشا معلقة كبيرة زيت الكوك او زيت اللوز ، نص كاس ماء الورد

              الخيارة والمعدنوس يطحنوا بلا ماء تصفيهم وتاخذي الماء ديالهم فقط
              الصابونة غادي تحكيها في الحكاكة الرقيقة وتكبي عليها هذاك الماء ديال الخيار والمعدنوس وخلطي مزياان حتى يدوب الصابون مزيان
              الى شفتي الخليط ثقال ضيفي ماء الورد بشوية بشوية وانتي كتحركي حتى ينساجم ويولي عندك خليط كريمي متجانس من بعد ضيفي زيت الكوك يكون دايب على البخار يعني الى كان جامد دوبيه الى ما كانش عوضيه بمعلقة زيت اللوز من بعد ضيفي النشا وانتي كتطربي بالطراب اليدوي في الخليط حتى يولي بحال الكريم ثم تعمليه في علبة ودخليه للثلاجة يتماسك مع راسو ملي تبغي ديري الحمام ديالك الاسبوعي غسلي وعومي يعني حمامك المعتاد وقبل ما ديري الصابون الاخير طلي لحمك بهاذ الوصفة وخليها لمدة من 5 حتى ل 10 د يعني ملي تبداي في العناية بالرجلين خليها في لحمك كامل من بعد زوليها بليفة ديال الصابون وانتي كتزولي فيها غادي تلاحظي الفرق رطوبية ونعومة وصفاء ودبا مع الصيف كل مرة الدوش فهاذي فنة كتبقاي ديريها في الايام العادية ديال الدوش كل مرة قبل ما دوشي يعني دهني بها وخليها حتى تيبس عليك ومن بعد دوشي عادي غادي تلاحظي الفرق الكبير صفاء ونعومة وريحة منعشة وعن تجربة راني صورتها بغيت نحطها لكم لكن مع الوقت ان شاء الله نقاد لها موضوع ونزل الصور ديالها وبالصحة والراحة

              وهاهي لعيونكم حرقت المفاجأة لكن ماشي خسارة فيكم ان شاء الله نزلها فيما بعد





              التعديل الأخير تم بواسطة ذاكرة; الساعة 10-06-2020, 21:52.





              تعليق

                • WhatsApp

                #8
                المشاركة الأصلية بواسطة زهر البنفسج مشاهدة المشاركة

                العفو عزيزتي والله ايجازي ذاكرة لقلب الكبير ❤️
                ربي يخليك حبيبتي زهرة البنفسج الغالية وقلبك اكبر عمري مواح عليك





                تعليق

                  • WhatsApp

                  #9
                  المشاركة الأصلية بواسطة oumimane مشاهدة المشاركة
                  الله جازيك عنا كل خير اختي ذاكرة.ديما مفكرانا هاد الوصفة كنت خديتها من اليوتوب فيها الكلسرين و الفازلين وواحد المكون ثالث نسيته هه. كيدار للاماكن الغامقة فالجسم.قلت نجرب الوصفة و الى صدقات نشاركها مع الانيقات. اما عن الوجه ابدا واش نقرب ليه. عندي بشرة مختلطة جافة و حساسة جدا خاصة فالبرد ولله الحمد و الشكر.
                  تفكرت حاجة اخرة ههه هاد العام خرجو في بقع بنية فاماكن مختلفة من جسمي و دوزت و عاوت و درت شحال من حاجة او والو . ماشكيت عليكم. ارجو من الله اعافيني و جميع المسلمين و المسلمات.
                  جواب ثاني على اسئلتك فيما يخص البشرة الجافة والحساسة وبغيتي تهلاي فيها باش تبان صافية ورطبة وناعمة

                  وصفة ساهلة ونتائجها من اول استعمال
                  بطاطة مصلوقة وخيارة مع معدنوس مطحونين بلا ما يعني حنا حاجتنا بالماء ديالهم فقط بدون اضافات ( ولعلمك ان هاذ الثاني رفيق البشرة الشابة الطرية المشرقة والناعمة والصافية )
                  بعدما تصلقي البطاطة دعكيها بالشوكة وضيفي لها ماء الخيار والمعدنوس ثم معلقة ص زيت اللوز وانتي كتشوفي في الخليط ما خاصوش يكون قاصح وما يكونش جاري يعني كريمي
                  اول شيء نظفي البشرة ديالك بماء الشوفان يعني تاخذي واحد معلقة شوفان كبي عليها كاس صغير ماء بارد وخليها واحد الساعة حتى يطلق الحليب ديالو صفيه ضيفي لو معلقة صغيرة زيت اللوز الحلو وخذي قطنة ومسحي به وجهك كمنظف خفيف على البشرة الحساسة لي كيعطيها توازن من بعد ديري قناع البطاطة وخليه ربع ساعة قبل ما ييبس على وجهك يعني يبقى شوية مبلل وطري باش تقدري تزوليه بدون ما تعملي خدوش على بشرتك الحساسة غسلي بماء بارد ثم دهني بزيت اللوز لي يعتبر رفيق البشرة الحساسة والجافة وبالصحة والراحة


                  مشاكل البشرة خاصهم نفس طويل وما يكونش العجز او قلة الصبر تبعي البقعة حتى تزول وعاوني بشرب الماء لان بعض المرات ما كنعطيوش قيمة لما يدخل للامعاء ويسحب لينا القناع كافي بوحدو لازم مراعاة الاكل والشرب لي خاصهم اعادة نظر وتصحيح والله يجيب الشفا حبيبتي





                  تعليق

                    • WhatsApp

                    #10
                    شكرا اختي الفاضلة انشاء الله نجرب هد التبريمة

                    تعليق

                    يعمل...
                    X